Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Sa kthehesha në drekë nga shkolla,pasi haja atë pjatën e ngrohtë që gjyshja ma vendoste mbi tavolinë,bëja një pushim te parvazi i dritares. Mbështetja brrylat atje dhe duart i vendosja te faqet. E afroja fytyrën te xhami e vështroja te pallati përballë. Pa synim,për të kullotur sytë. Por nga që ishin afér njerëzit përtej arrija t’u shihja edhe sytë,madje madje po të përqëndrohesha mund t’u kuptoja dhe fjalët që nxirrnin veç nga lëvizjet e buzëve.
Kështu e shtyja ca minuta. Deri sa në krah afrohej gjyshja e cila gjithnjë thoshte:
-Doli kjo bukurania.
E kishte termin e saj të preferuar për femrat që ishin yll nga pamja. Nuk dinte fjalët e moshë sonë,pjeshkë,të bi të fikët prej pamjes sate,magjia ime,etj,etj.. Ajo i vinte pikë muhabetit. Thoshte bukurane e unë kuptoja një miss të botës,jo të pallatit.
Sa fliste kështu hidhja sytë te ballkoni i katit të tretë. Thuajse në orën tre mbasditë atje shfaqej Berta,ashtu e quanin. Qe martuar me Golen,xhenerikun çalaman para ca muajsh. Që ditën e dasmës Berta zuri vend te ballkoni si mbreteresha e Anglisë te froni i saj. Mblidhej atje te cepi dhe i nguliste sytë lart. Sikur shihte dikë te pullazi i çatisë. E pa lëvizur e zinte mbrëmja e thellë. Te dritarja ngjitur nxirrte surratin Golja. Ai qe natyrë zeshkane,por më i zi ngjiste nga që punonte me vajra e me naftë të motorave që rregullonte. Dhe ai shihte ,por jo lart. Hidhte vështrimet majtas e djathtas. Si ato makinat që drejtohen me telekomandë. Kështu kalonin orët. Berta në ballkon e Golja ngjitur,te dritarja e kuzhinës. Ata nuk e shihnin njëri tjertrin. Unë dhe gjyshja i shihnim të dy.
-Sa të shpifur e ka burrin,-i thosha gjyshes.
Dhe çuditesha si ajo alamet femre të martohej thuajse me babain e vet si moshë. Mua më pëlqente shumë ajo krijesë e shpesh e sillja në ëndërrat e mija prej gjimnazisti. Ama nuk zbértheja qysh Golja ia kishte mbushur mendjen. Se të qe aq i zgjuar ai do ishte psh inxhinier,ose doktor,ose… Nuk e zbuloja dot enigmën deri sa një ditë mamaja më sqaroi shkurt.
-Epo ai e mori kaq të bukur se ai është NE. Ajo është ATA.
Hiç nuk kuptova gjë kur ma tha herën e parë. Por dhe nuk pyeta pér më tej. Ndérkohë çdo mbasdite hidhja sytë te ballkoni i missit. Kështu e quaja. Berta rrinte atje si statujë. Me sytë lart dhe e ngurosur për orë të tëra. Në ditë të ngrohta i vinte një zog pranë. Nuk trembej prej saj.
-Të bukurën e duan dhe zogjtë,-thoshte gjyshja.
Në dimër po ashtu veçse jo pa lëvizur. Dridhej nga acari e mbi kokë vinte një qilimkë nga ato që vendosim te këmbët e krevatit. Kishte ftohtë dhe mbrohej me atë rreckë që i tundej sipas dridhjeve të trupit.Por asnjëherë nuk luajti nga ai cep ballkoni. Aty stoik,si rojet e kufirit.
Kershëria më mbyti ndaj pyeta nënën pér NE dhe ATA.
-NE jemi ne,-ia nisi ajo.
E pa që po qeshja se dihej që NE ishim ne.
-Ka kuptim tjetër. NE e kam fjalën jemi shumica që jetojmë mirë,që kemi të drejtë të ikim psh nga Korça në Tiranë. Që shkojmë dhe blemë në dyqan. Që fëmijët i çojmë në universitet,që punojmë mjekë,mësuesë,doktorë. Që marrim leje të zakonshme çdo vit,që shkojmë në plazh,që…
Pasi pushoi pak vazhdoi:
-ATA janë ata. Që ecin në rrugë e nuk u flet kush. Që nuk shkojnë në shkollë,që duhet të marrin leje të vijnë nga fshati në qytet,që familjet i kanë në burg,që bëjnë jetë të vështirë,që…
Sa do thoja,nuk kuptoj gjë,ajo e përmblodhi:
-Berta është ATA. Ajo nuk martohej dot se askush nuk merr nga NE grua nga ATA. Ndaj mori Golen,se Golja u tregua kokëkrisur,guximtar dhe pranoi rrezikun.
Atë çast m’u kujtua shoqja ime Marjana. E kisha në klasë deri vjet. Më pas e shihja nga dritarja e shkollës kur ajo me nënën iknin drejt fushave pér të prashitur perimet që shiteshin në treg. E dëbuan nga shkolla se dikush kallëzoi se ajo e kishte pasur gjyshin ballist. Pra Marjana u bë ATA. Ama unë martohem me atë,nuk e le të jetë ATA,i premtova vetes..
Nga ai çast shihja dy botë në një shtëpi. NE ishte Golja te dritarja,ATA qe Berta te ballkoni. Në fakt Bertën e doja,më térhiqte. Por më dhimbseshin të dy. Edhe Golja. Edhe Berta. I shihja të dy që asnjëherë nuk rrinin të dy. Berta vetë deri sa burri i kthehej nga puna. Më pas prapë vetëm në ballkon. Hera herës në shoqëri me zogjtë. Golja në shoqëri me veten. Ajo mbijetonte nga ai burrë,por deri sa nuk rrinte një minutë me të fliste açik se zemra nuk ia pranonte. Halli e kishte hedhur në atë pellg.
Pasi shkova në universitet,kur kthehesha në Korçë nuk kisha kohë të rrija në dritare. Ndaj ca vite harrova të shihja nga ballkoni pérballë. Deri sa një vit,që verë,pashë matanë në ballkon…Golen. Rrinte fiks te vendi i Bertës. Pa lëvizur,ashtu si ajo.
-Po Berta?-pyeta nënën.
-Berta vdiq. Mori plevit nga ditët me ngrica.
Ndjeva dhimbje,por nuk pyeta,si vdiq,a e shtruan në spital,a erdhën njerëz në varrim,a i vendosën lule,a i kënduan zogjtë aty te varri,a pati pranë vëlla,motër,nënë a babë? Qe kot të pyesja. Se ato mote kishte veç një pérgjigje. Shkurt,jo.
U ndjeva në faj që isha NE. Lotova për të gjithë ATA.
1 vit nga zgjedhjet e 25 prillit si e shikoni gjendjen e vendit:
Në 6 mars, kur Edi Rama vizitoi Pulian, me rastin e 30 – vjetorit të eksodit të shqiptarëve, mori dhe një çmim. “Radice di Puglia”, (shqip ‘rrënjët e Pul...
Megjithëse na mungon distanca historike e duhur për ta studiuar pontifikatin e Papa Francesco-s, nëse do ta përmblidhja në pak fjalë, do të përdorja togfjalëshi...
Të dashur Miq,Ju falenderoj të gjithëve, të njohur e të panjohur që më keni shkruar, i jam thellësisht mirënjohëse kujdesit tuaj!Kanë kaluar vetëm pak ditë dhe ...
GJERMANI– Në kohë krize njerëzit mbajnë shpresën tek politika. Muajt e kaluar ishin muaj të lodhshëm pandemie, dhe njerëzit i besuan politikës. Për një ko...
TIRANË– Prej ditësh në rrjetet sociale po qarkullon një video që tenton të ndërgjegjësojë të rinjtë mbi format e krimeve seksuale dhe ndëshkueshmërinë e ty...
Shalom! Shalom! Shalom! Tri herë përsëriti në gjuhën aramaike fjalën “paqe” Papa Françesku në Karakosh, përballë shëmbëllimeve të shkatërrimi...
U çua herët në mëngjes. Duhej të kapte furgonin e qytetit verior se qysh në orën 9 do nisnin festimet e 50-vjetorit të krijimit të spitalit rajonal. Hëng...
1 vit nga zgjedhjet e 25 prillit si e shikoni gjendjen e vendit:View Results...
Propaganda, besoj se sot ka arritur kulmin në Kukës duke kaluar çdo lloj imagjinate, me një avion që kalon mbi pistë, por nuk ulet dhe thuajse që të gjit...
