Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANE – Tekniku bardheblu, doli ditën e sotme në konferencën për shtyp para gazetarëve, ku analizoi derbin e kryeqytetit Tirana-Partizani, këtë përballje speciale për futbollin shqiptar, e cila do të startojë nesër, në orën 18:00, në “Air Albania Stadium”.
Pavarësisht rezultateve jo fort pozitive në startin e kampionatit, trajneri Dede është i kënaqur me lojën e të tijëve, teksa shprehet se Tirana është e “dënuar” për të fituar gjithmonë. Ja çfarë ka thënë ai…
Derbi nuk e shikon Tiranën në formën më të mirë, duke u nisur nga rezultatet. Të është dashur të punosh shumë në aspektin psikologjik me ekipin?
“Unë mendoj që në aspektin psikologjik, kjo ndeshje nuk ka nevojë për shumë koment. Rezultatet bëjnë që të mendohet se Tirana nuk po kalon një moment të mirë. Është vetëm problem i rezultateve, për sa i përket lojës, do të thoja që unë jam i kënaqur, me djemtë, me atë çfarë kanë dhënë në fushë. Më ka ardhur keq për ta dhe për klubin. Unë jam pjesë e tij. Duhet të kishim më shumë pikë. Kampionati është i gjatë, çdo ndeshje shërben për të rikuperuar gabimet dhe në fund fare të bëjmë ato rezultatet që të gjithë i prisnim”.
Sezonin e kaluar derbi ishte pika e kthesës për Tiranën. Mund të shërbejë ky derbi si një pikë kthese pas një starti jo të mirë?
“Gjithmonë i mëshohet pjesës që starti nuk është i mirë. Kjo është e vërtetë. Në qoftë se starti do të ishte i mirë unë nuk do të isha këtu, por do të vazhdonte Emanuel Egbo, trajner i Tiranës dhe nuk do të ishim në këtë histori. Kur nuk ka start të mirë bëhen edhe ndryshimet. Vetë fjala ndryshim nënkupton shumë gjëra brenda. Këtë duhet ta mendojnë mirë të gjithë. Besoj se do të rikthehemi shumë shpejt. Për mua e rëndësishme është që kontingjenti të plotësohet sa më shpejt dhe ashtu siç po na kthehen lojtarët një nga një, ashtu të kthehet dhe ekipi te rezultatet pozitive.”
I frikësohesh konsolidimit të Partizanit në ndeshjet e fundit? Ekipi po luan mirë, por për të fituar duhet goli…
“Nuk besoj se kemi shënuar pak. Ky është këndvështrim dhe perceptim i çdokujt. Unë do të thoja që nesër na pret një ndeshje shumë e vështirë, që bën histori për tifozët dhe qytetin tonë si dhe për kundërshtarin. Do ta përjetojmë shpirtërisht dhe mendërisht dhe në fund fare do ta interpretojmë në mënyrën më të mirë të mundshme.”
Mos jeni të “dënuar” të mos humbisni nesër?
“Tirana është “dënuar” gjithmonë që të fitojë. Është “dënuar” që të pretendojë për titullin kampion. Në historinë e këtij klubi kështu është perceptuar dhe të gjithë brezat janë rritur me këtë filozofi dhe mendim. Do të mundohemi të bëjmë ndeshjen tonë. Të kemi respekt për veten. Doja të bëja një thirrje për lojtarët. Në këto kushte që po kalon gjithë bota dhe futbolli ynë shqiptar, duhet të bëjmë më të mirën. Të dyja skuadrat duhet të kënaqin njerëzit që na ndjekin nëpër ekranet për të harruar hallet që po kalon jo vetëm populli jonë, por e gjithë bota.”
A keni pasur kohë mjaftueshëm për të implementuar idetë tuaja te Tirana?
“Në situatën që jemi, në kushtet që po zhvillohet kampionati, ndeshjet janë çdo 3 ditë, maksimumi kemi pasur në dispozicion jo më shumë se 2-3 seanca stërvitore. Në këto kushte duhet të bëjmë më të mirën, të jemi të përqendruar dhe të përmirësojmë ato problematika ku kemi shfaqur disa oshilacione në pjesë të caktuara të një ndeshje”.
Duke qenë se banon vetëm pak metra larg Dajës, jeni ngacmuar në prag të derbit?
“Të jem i sinqertë, nuk jemi shkëmbyer te lagjja. Ai mbetet një mik i mirë, kemi punuar bashkë. Kemi pasur suksese, unë si lojtar, ai si trajner. Respekti është reciprok maksimal, jo vetëm si persona, por edhe i familjeve tona që njihen prej vitesh. Të gjitha këto më bëjnë të mendoj ato që thashë edhe më para, të përcjellim “fair” në fushë, në fund fare të jemi krenarë që po i përcjellim popullit shqiptarë dhe tifozërive tona përkatëse më të mirën e mundshme. Unë doja të thoja që gjithmonë ne duhet të përcjellim mesazhe pozitive dhe në fund fare të fitojë më i zoti që në këtë situatë do të jemi ne.”
Ju thatë që Tirana është e “dënuar” të fitojë, por duke u nisur nga situata, a do të kënaqeshit me një barazim?
“Në futboll, çdo trajner ka strategjitë e tij. Mundohen të marrin më të mirën në situatat që përgatisin. E rëndësishme është që kjo ndeshje do të ketë ekuilibër. Ekipet do të mundohen të gabojnë sa më pak dhe të marrin sa më shumë nga kjo ndeshje. Kjo është përgjigja më e saktë që mund t’iu jape”.
Pse ky derbi duhet të luhej në “Air Albania”, duke ditur që gjendja e fushës nuk është e mirë, ndërkohë që fusha në “Selman Stërmasi” sapo është rregulluar?
“Organizatorët e ndeshjes janë drejtuesit tanë. Por ka dhe faktorë të tjerë që vendosin ku do të zhvillohet ndeshja. Unë nuk jam agronom, që të vendos kush është fusha më e mirë apo fusha më e keqe. Stadiumi “Air Albania” është një reklamë, një investim i FSHF-së, i komunitetit të futbollit shqiptar, i shtetit shqiptar. Ne mburremi me atë stadium. Nuk e kuptoj kujt nuk do i pëlqente ajo fusha atje. Klubi jonë ka bërë ka bërë rinvestim në “Selman Stërmasi”, jemi të lumtur, por gjithsesi “Air Albania” ofron kushte më të mira edhe për imazhin e futbollit shqiptar në përgjithësi”.
E shikoni si disfavor që disa prej lojtarëve tuaj nuk kanë luajtur asnjëherë në derbi?
“Gjithmonë ka një herë të parë. Edhe unë dikur, kur fillova të luaja, kur kam shkelur “Qemal Stafën”, kam menduar që kjo është hera e parë. E rëndësishme është të jenë me motivimin e duhur dhe të përjetojnë të njëjtat ndjesi. Është e rëndësishme ndërthurja e elementëve që kemi. Duhet të jenë krenar dhe të nderuar që marrin pjesë në një nga ndeshjet që ka bërë historinë e futbollit shqiptar”.
B.T (Dosja.al)
1 vit nga zgjedhjet e 25 prillit si e shikoni gjendjen e vendit:
ITALI-Pasi pushoi në fundjavë kundër Beneventos, Cristiano Ronaldo u rikthye në Ligën e Kampionëve më i uritur se kurrë. Në ndeshjen kundër Dynamo Kiev zhvillua...
ANGLI – Në ishull janë hapur dyert për tifozët në stadiume, në gjashtë ndeshje të Championship, League One dhe League Two. Por në një sondazh të BBC, vetëm 26% ...
ANGLI – Këto fjalë që u deklaruan në mikrofonat e “Espn” të Argjentinës, natyrshëm që kanë ndezur tregun edhe pse jemi ende në dhjetor. Nejmar, i kënaqur dopied...
SERBI– Pasi humbi mundësinë për tu kualifikuar në EURO 2021, përfaqësuesja e Serbisë kërkon të rimëkëmbet sa më shpejt dhe të fillojnë përgatitjet për një Kombë...
EUROPË– Grupi H në Champions League është bërë vërtetë interesante.Për të marrë vesh se kush do të jenë dy skuadrat që do të kalojnë në raundin e 16-...
TIRANE – Stadiumi ynë kombëtar ishte kandidat për zhvillimin e Superkupës së Europës, së bashku me Belfastin dhe Helsinkin, por në fund u arrit një konsensus.Si...
FRANCE – Vendimi drastik i pritshëm ka tronditur tifozët e futbollit në vendin transalpin, që rrezikoi jo pak edhe kur pezulloi në mars kampionatin. Më parë pre...
GJERMANI-Erling Braut Haaland nuk do të jetë në formacion në ndeshjen ndaj Lazios. Futbollisti norvegjez ka ndjerë shqetësim në kofshën e tij të djathtë. Kjo ës...
NAPOLI-“Nuk mund ta pranoj. Kishte ende shumë vite për tu zbavitur me familjen. Është diçka që nuk e di nëse do ta pranoj ndonjëherë. Humbja e...
TIRANE – Pas lajmit për shtrimin e kapitenit të Kombëtares, Etrit Berisha në spital, presidenti i FSHF-së Armand Duka, i ka uruar shërim të shpejtë portierit ku...
