Aktualitet

Tirana, Shijaku e Durrësi të mbytura nga inertet, Ministria e Mbrojtjes “qep” gojën për të dhënë informacion, ku do depozitohen, si do t’i pastrojë ushtria? (PYETJET)

VIDEO
Pas denoncimit në Dosja.al, dhe rrjete sociale sesi kishte nisur tregtia në të zezë e këtyre materialeve, kryeministri Edi Rama tha se me inertet do të merrej Ushtria. Pa sqaruar nëse forcat e ushtrisë kanë përfunduar me sukses ose jo, operacionin e ndihmave, Rama u shfaq direkt e në Shijak, ku krah tij qendronte ministrja Olta Xhaçka, ministri Arben Ahmetaj, kryebashkiaku i Shijakut, Elton Arbana dhe disa drejtuesë lokalë.
Featured image of article: Tirana, Shijaku e Durrësi të mbytura nga inertet, Ministria e Mbrojtjes “qep” gojën për të dhënë informacion, ku do depozitohen, si do t’i pastrojë ushtria? (PYETJET) Pamje nga makinat me inerte
Përditësuar:

TIRANË– Kanë kaluar mbi 6 muaj që prej tërmetit tragjik të 26-nëntorit, dhe banorët e zonës së Shijakut, Durrësit e Tiranës jo vetëm që nuk kanë hyrë në banesat e premtuara, por shteti ende nuk ka zgjidhur çështjen e inerteve nga banesat dhe pallatet e shembura në këto zona.

Pas denoncimit në Dosja.al, dhe rrjete sociale sesi kishte nisur tregtia në të zezë e këtyre materialeve, kryeministri Edi Rama tha se me inertet do të merrej Ushtria. Pa sqaruar nëse forcat e ushtrisë kanë përfunduar me sukses ose jo, operacionin e ndihmave, Rama u shfaq direkt e në Shijak, ku krah tij qendronte ministrja Olta Xhaçka, ministri Arben Ahmetaj, kryebashkiaku i Shijakut, Elton Arbana dhe disa drejtuesë lokalë.

Video mesazhi ishte i qartë. Ushtria ka nisur punë me pastrimin e shesheve të ndërtimit. Por në të gjithë këtë vizitë, Rama dhe ministrat nuk sqaruan se cili është plani i qeverisë për këto materiale. Në 13 minuta takim, u panë vetëm 3 mjete ushtarake dhe një zyrtar ushtrie, që ndiqte pas shefin e qeverisë.

Në vijim, Dosja.al kontaktoi në rrugë zyrtare, zyrën e shtypit në ministrinë e Mbrojtjes për të marrë informacion në lidhje me strategjinë e ndjekur nga qeveria përmes futjes në lojë të ushtrisë. Për fat të keq, edhe pse kanë kaluar 3 ditë, akoma nuk kemi marrë një përgjigjie. Në mungesë të një emaili sqarues, pyetjet po i bëjmë publikisht, në shërbim të interesit publik, që edhe shqiptarët të jenë me në brendësi të asaj që ndodh me qeverinë e tyre.

Për më shumë bëhu pjesë e grupit më viral në Facebook, Dosja.al
  1. Së pari, kur do të fillojë pastrimi i shesheve të ndërtimit? (Qeveria njoftoi pastrimin, por akoma s’ka përfunduar me shembjet. Sa herë do të pastrojë ushtria?
  2. Si do jetë metoda e heqjes së inerteve nga ushtria? Me çfarë mjetesh? A e ka eksperiencën ushtria shqiptare për të bërë një aksion të tillë? 
  3. Si do të transportohen këto inerte, dhe ku do të depozitohen ato? 
  4. Cilat janë masat e marra për impaktin në mjedis?

Siç mund të shihni edhe në këto pamje, nuk ka një strategji se ku do të depozitohen këto inerte. Rastin konkret e kemi publikuar në Dosja.al, mesditën e sotme, ku bashkia Durrës, i hedh këto mbetje nëpër cepa rrugësh, e jo në një vendgrumbulli të caktuar, siç do të duhet të ndodhte në çdo vend të botës.

(dosja.al)

Shto Koment