Aktualitet

Tirana në krizë për ujë, banorët të shqetësuar: Vjen vetëm 30 minuta në ditë

Ata kanë ngitur shpesh herë shqetësimin e tyre, por autoritetet, në këtë rast Bashkia Tiranë dhe UKT nuk kanë reaguar. Por Astiri prej ditësh nuk është lagjia e vetme që ka mungesë të furnizimit me ujë. Banorë të shumtë kanë shkruar në redaksinë e Dosja.al se dhe Yzbershti, Lapraka dhe Fresku kanë të njëjtin problem.
Featured image of article: Tirana në krizë për ujë, banorët të shqetësuar: Vjen vetëm 30 minuta në ditë Tirana pa ujë

TIRANË- Lagje të tëra të Tiranës muajin gusht e kanë kaluar pa ujë. Muajin më të nxhetë të vitit, mijëra banorë në kryeqytetat e kanë kaluar pa burimin kryesor të jetës. Që në fillim të gushtit dhe deri sot, zona e Astirit ka pasur mungesë të theksuar të ujit, pasi furnizoheshin vetëm një orë në ditë.

Ata kanë ngitur shpesh herë shqetësimin e tyre, por autoritetet, në këtë rast Bashkia Tiranë dhe UKT nuk kanë reaguar. Por Astiri prej ditësh nuk është lagjia e vetme që ka mungesë të furnizimit me ujë. Banorë të shumtë kanë shkruar në redaksinë e Dosja.al se dhe Yzbershti, Lapraka dhe Fresku kanë të njëjtin problem.

Këto ditë të nxehta ata po i kalojnë duke kursyer uji, pasi në çezmat e tyre ka vetëm një 30 minuta në ditë. “Na vjen vetëm 30 minuta në ditë dhe pa presion”, kështu shprehet një banorë e Freskut për Dosja.al. Sipas banorëve të këtyre lagjeve, uji është një problem shumë i madh për ta, pasi nuk mund të jetojnë në këtë mënyrë.

Por dhe pse mijëra banorë të këtyre lagjeve, që janë shumë të mëdha, nuk kanë ujë, ende nuk kemi asnjë reagim nga Bashkia Tiranë. Denoncime të shumta janë bërë dhe në rrjetet sociale, por sërish nuk është marrë asnjë masë.

Ndërkohë ditën e djeshme pati një reaghim nga Partia Demokratike, ku denoncoi mungesën e ujit. Albana Vokshi, ish-deputete e PD, deklaroi se dhe uji që vjen në çezmat e banorëve është i ndotur. “Qytetarët ankohen se uji vjen i ndotur në rubineta në rrezik shpërthimi epidemish. Sipas stafit të UKT, nuk ka prioritete, nuk ka hot-spote, nuk ka plane veç çfarë të dalin më parë mundësitë për të zhvatur!”, shtoi ajo në deklaratë.

Po ashtu duhet të sjellim në vëmendje dhe një fakt tjetër, rritjen e çimit të ujit. Dy vite më parë kreu i Bashkisë në Tiranë, Erion Veliaj, propozoi rritjen e çmimit të ujit, me premtimin se do rritej sasia e furnizimit, ku me kalimin e viteve e gjithë Tirana do kishte 24 orë ujë në ditë. Kanë kaluar dy vite nga premtimi i Veliajt, por duket se orët e furnizimit me ujë në Tiranë nuk janë rritur, por përkundrazi janë ulur.

(A.B. Dosja.al)

Shto Koment