Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Presidenti Ilir Meta dhe kryeministri Edi Rama kanë replikuar me njëri-tjetrin në distancë në lidhje me Parkun e Vjosës. Meta, që prej ditës së djeshme ka bërë thirrje që Vjosa të shpallet Park Kombëtar, dhe të mos lejohet ndërtimi i FEC-ecve në atë zonë.
Sot, në Tepelenë, në vijim të Tryezës së Rrumbullakët me temë: ‘‘E ardhmja e Lumit Vjosa – Ndërtim digash apo Park Kombëtar“, Meta përuroi sot Qendrën Ndërkombëtare Shkencore dhe Kërkimore për lumin Vjosa. Meta theksoi se mbështet krijimin e një Parku Kombëtar dhe jo ndërtimin e digave mbi lumin Vjosa.
Fjala e Presidentit Meta: Është kënaqësi të takohemi së bashku këtu në Tepelenë për një ngjarje mjaft pozitive, përurimin e Qendrës Kërkimore Ndërkombëtare për Vjosën. Hapja e kësaj Qendre Kërkimore ndërkombëtare është bërë e mundur në sajë të bashkëpunimit mes Fakultetit të Shkencave të Natyrës, Universiteti i Tiranës, Universitetit të Vienës dhe Universitetit të Burimeve Natyrore dhe Shkencave të Jetës në Vjenë, Austri (BOKU). Dëshiroj t’i falënderoj këto universitete për dedikimin e tyre për çështjen e lumit Vjosa dhe njëkohësisht dhe Kryetarin e Bashkisë Tepelenë, z.Tërmet Peçi, për mbështetjen e vazhdueshme që japin kësaj kauze! Qëllimi i krijimit të kësaj Qendre është ofrimi i infrastrukturës për zhvillimin e studimeve shkencore në luginën e lumit Vjosa dhe formalizimi i bashkëpunimit mes 3 universiteteve themeluese. Ne zhvilluam dje në Tiranë, Tryezën e Rrumbullaktë për të ardhmen e lumit Vjosa me pjesëmarrjen e shumë personaliteteve të shquara dhe shkencëtarëve nga vende të ndryshme të Europës.Dua të vë në dukje kontributin e tyre të jashtëzakonshëm dhe përpjekjet e vazhdueshme në mbrojtje të lumit Vjosa, si lumi i fundit i egër në Europë, që rrjedh i pandërprerë në të gjithë gjatësinë e tij. Lumi Vjosa është një pasuri natyrore kombëtare por edhe ndërkombëtare, që ne kemi fatin ta kemi këtu, por që në të njëjtën kohë është i rrezikuar nga planet për ndërtimin e hidroçentraleve të Poçemit dhe Kalivaçit. Edhe pse në kohë të vështira, siç jemi tani në situatën e COVID-19, jemi mbledhur për të diskutuar mbi këtë çështje të rëndësishme në një moment kyç për të ardhmen e luginës së Vjosës – para lëshimit të Deklaratës mjedisore nga Ministria e Mjedisit për hidrocentralin e Kalivaçit. Unë shpresoj që qeveria të marrë në konsideratë serioze si peticionin e nënshkruar nga 776 shkencëtarë nga e gjithë botë, në mbrojtje të lumit Vjosa, ashtu edhe konkluzionet e nxjerra nga tryeza e djeshme, që iu dorëzuan Presidentit të Republikës dhe që do të dërgohet pranë të gjitha institucioneve kombëtare dhe ndërkombëtare që merren me këtë çështje. Unë do të vazhdoj të mbetem në mbështetje të nismës në mbrojtje të lumit Vjosa, dhe ky aktivitet, i organizuar në këto dy ditë, është vetëm i pari i shumë të tjerave, që do të organizohen në mbështetje të kësaj kauze, por dhe kauzave të tjera që lidhen me mbrojtjen e mjedisit. Uroj dhe shpresoj që tryeza e djeshme dhe hapja sot e Qendrës Kërkimore Ndërkombëtare për Vjosën, të mundësojnë e lehtësojnë dialogun e munguar mes shkencëtarëve, shoqërisë civile dhe institucioneve, duke bërë të mundur që të dëgjohet zëri i shkencëtarëve që studiojnë lumin Vjosa prej vitesh! Zhvillimi i qëndrueshëm i vendit arrihet vetëm duke rritur vlerat e pasurive të tilla të jashtëzakonshme siç është Lumi Vjosa dhe lugina e tij, duke mbështetur ekonominë e gjelbër, duke zhvilluar agro-turizmin dhe ekoturizmin në zona me vlera të rralla natyrore siç janë ato të Kalivaçit e Poçemit.
E ardhmja e Vjosës nuk mund të jetë kurrësesi shkatërrimi i saj përmes ngritjes së hidrocentaleve, por shpallja si Park Kombëtar, duke sjellë kështu impakt pozitiv dhe zhvillim të qëndrueshëm për zonën dhe komunitetin për sot dhe për gjeneratat e ardhshme.
Pak pas këtyre deklaratave, ka ardhur edhe reagimi i kryeministrit Edi Rama. Rama shton se Vjosa e lartme është shpallur Park Kombëtar dhe se ajo e poshtmja do të bashkohet në këtë projekt, ndërkohë ministria e Mjedisit ka refuzuar zyrtarisht të japë leje për projekte HEC-esh. Rama shton se Meta, në vend që të japë mbrojë Vjosën nga rreziku imagjinar i hidrocentraleve që nuk do të ndërtohen, duhet të kishte mborjtur Valbonën kur ishte zv.kryeministër.
Qeveria jonë e ka shpallur Park Kombëtar Vjosën e lartme. Ministria jonë e Mjedisit ka refuzuar zyrtarisht të japë leje për projekte HEC-esh në Vjosën e poshtme që do të integrohet me Parkun! Vala shkatërruese e qeverisë së vjetër mbi lumenjtë në tërësi është zmbrapsur ka kohë!
— Edi Rama (@ediramaal) September 25, 2020
“Qeveria jonë e ka shpallur Park Kombëtar Vjosën e lartme. Ministria jonë e Mjedisit ka refuzuar zyrtarisht të japë leje për projekte HEC-esh në Vjosën e poshtme që do të integrohet me Parkun! Vala shkatërruese e qeverisë së vjetër mbi lumenjtë në tërësi është zmbrapsur ka kohë! Jam dakord me Ilir Metën që e ardhmja nuk është shkatërrimi, po sa mirë do kishte qenë sikur ta kishte mbrojtur Valbonën nga shkatërrimi kur ishte zv.shef i qeverisë së Saliut, siç mbron sot Vjosën nga rreziku imagjinar i hidrocentraleve që nuk do të ndërtohen!”- shkruan Rama.
(j.v;f.m/dosja.al)
1 vit nga zgjedhjet e 25 prillit si e shikoni gjendjen e vendit:
DIBËR- Zbardhet lista me emrat e kandidatëve që do të votohen dhe më pas do të garojnë për deputetë në qarkun Dibrës, duke përfaqësuar Partinë Demokratike...
TIRANË– Partia Demokratike solli këtë të enjte rastin e familjes së Valbona Ramës, e cila denoncoi prishjen e banesës së saj Valbona Ramës nga dy tërmetet ...
TIRANË– Një tjetër debat u zhvillua në Open në Top Channel teksa u diskutua për listat e hapura. Kësaj radhe debati u zhvillua mes Elisa Spiropalit d...
TIRANË– Presidenti i Kosovës, Hashim Thaçi ka dhënë detaje lidhur nga marrja në pyetje prej 4 ditësh në Gjykatën Speciale të Hagës. I ftuar në...
TIRANË– Ministri i Rindërtimit, Arben Ahmetaj i ftuar në emisionin ”Real Story” të Sokol Ballës në News24 ka folur për shifrat dhe gjendjen e punësim...
TIARANË- Ilir Beqja, drejtues politik i Partisë Socialiste në qarkun e Shkodrës i ftuar në studion e Abc Neëws deklaratën e presidentit Ilir Meta që bëri d...
TIRANË– Kryebashkiaku i Tiranës, Erion Veliaj është përballur me analistin Besard Kadia, i cili e ka pyetur se çfarë do të ofrojë për kombin shqipta...
TIRANË- Kryebashkiaku i Tiranës Erion Veliaj gjatë një interviste në emisionin, i pyetur nga ekonomisti Besart Kadia ka folur lidhur me çshtjen e &c...
TIRANË- Kreu i Bashkisë Erion Veliaj shprehet i bindur se PS do të fitojë edhe një mandat të tretë në krye të punëve të Shqipërisë. Në intervistën për Opi...
