Përshkallëzohet situata në Lindjen e Mesme/ Rrëzohet marrëveshja Iran-SHBA, ndërsa sulmet sa vijnë dhe shtohen
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
TIRANË-Kreu i Partisë Demokratike Lulzim Basha ishte i ftuar në emisionin “Përballje” në TVSh me Lutfi Dervishin. Lideri i opozitës, Basha tha se i vetmi model që duhet ndërtuar është shkatërrimi i modelit oligarkik që ka kapur Ramën.
Ndër të tjera, Basha u shpreh se Partia Demokratike dhe opozita e bashkuar po bëjnë një betejë pa të cilën nuk mund të ketë zgjedhje të lira.
Kryedemokrati sqaroi se kishte lëvizur me qira për një përiudhë të përkohshme, duke shtuar se nuk ka asnjë lidhje me asnjë oligark.
“Kam lëvizur me qira për një periudhë të përkohshme dhe nuk kam asnjë lidhje me asnjë oligark dhe nuk do të kem lidhje me asnjë oligark”.
Basha: Duhet të shkatërrojmë modelin që ka kapur demokracinë kundër interesit publik.
Pyetje: Opozita ofron shpresë, ofron premtime, bën paralajmërime, denoncime, akuza. Çështja është tek zgjidhjet, cila është nyja gordiane që do të prisni?
Basha: Modeli. Sot Shqipëria nuk ka një model europian të qeverisjes. Sot Shqipëria ka një model kriminal të qeverisjes. Këtu nuk ecën përpara as virtyti, as vlera, as talenti, as aftësia. Këtu ecin përpara kriminelët, hajdutët, arrogantët, servilët. Dhe kjo jo vetëm në politikë, për fat të keq politika e mbulon, e përcjell shembullin në çdo fushë të jetës. E njëjta gjë po na ndodh me ekonominë, e njëjta gjë po na ndodh me arsimin. Dhe kjo është arsyeja përse më të mirët që po na ikin. Ky është paradoksi, ata për të cilët kemi më shumë nevojë janë të parët që po ikin edhe kur ndodhen le të themi në krye të benefiteve ekonomike. Pra, nuk janë më të varfrit që po ikin, janë inxhinierët, janë mjekët, janë ekonomistët, janë sipërmarrësit, është rinia. Pse?! Sepse ky është një model i cili po e çon vendin drejt shkatërrimit. Nuk duhet të shkatërrohet Shqipëria, duhet të shkatërrojmë këtë model. Dhe mënyra e vetme për të shkatërruar këtë model është t’i rikthejmë sovranitetin qytetarëve. Ky model është ndërtuar mbi kapjen e demokracisë, mbi kapjen e institucioneve dhe kthimin e tyre në institucione, në vegla ekskluzive ndaj një grushti njerëzish. Ky grusht njerëzish nuk përfaqëson asnjë interes publik. Madje është luks i tepërt po të thoja që janë socialistë. Këta janë shushunja të cilët janë nga mëngjesi deri në darkë, 365 ditë në vit me llogari: Sa do të nxjerrin nga Porti i Durrësit? Sa do të nxjerrin nga Porti i Vlorës? Sa do të nxjerrin nga Porti i Shëngjinit? Sa do të nxjerrin nga Doganat? Sa do të nxjerrin nga Tatimet? Sa do të nxjerrim nga trafiku i drogës? Sa do të nxjerrin nga PPP-të? Sa nga inceneratorët? Sa nga koncesionet e tjera? Për ta Shqipëria është një lopë që milet. Ata nuk kanë asnjë interes në zhvillimin e vendit. Janë ata dhe kryeministri që përbëjnë pengesën më të madhe kryesore dhe reale për përparimin e Shqipërisë.
Basha: Reforma zgjedhore nuk duhet të jetë një tjetër korrigjim ligjesh. Duhet vullnet politik për të prerë lidhjet e politikës me krimin.
Pyetje: Kushti i parë i Bundestag-ut është realizimi i Reformës Zgjedhore, edhe Matheë Palmer ditët e fundit thoshte se “kam një mesazh të fundit për opozitën jashtë parlamentit, ka një rrugë për ju, merreni, bojkoti nuk ju ka sjellë fuqi më të madhe politike dhe nuk ka mundur që të imponojë zgjedhje të parakohshme. Merrni këtë mundësi, negocioni në mirëbesim për reformën elektorale që kërkoni.”
Lulzim Basha: Ajo që ne kemi bërë është pikërisht kjo. I takonte partisë në pushtet dhe kryeministrit të bënin ofertën e tyre, siç ia ka përsëritur në mënyrë domethënëse në Tiranë dhe në Romë kryeministri Conte, por në fakt ka qenë opozita që ka propozuar instrumentin. Po mbushet muaji që ne kemi propozuar 5 pikat tona, për Reformën Zgjedhore që nisin pikërisht nga ulja pa kushte në një tryezë ku janë të përfaqësuar PS, opozita e bashkuar, faktori ndërkombëtar, por jo vetëm kaq, faktori shoqëror që nuk mund të përjashtohen nga diskutimi për reformën zgjedhore, pasi nuk i takon vetëm partive politike.
Pyetje: Kushtet e Bundestagut dhe mesazhi i zotit Palmer mund të interpretohen se, nëse do të ketë një zgjidhje ajo do të jetë për zgjedhjet e parakohshme, por së pari duhet bërë reforma zgjedhore. A është PD duke përshpejtuar këtë proces apo duke e vonuar?
Përgjigje: 100% duke e përshpejtuar. Në PD janë 3 grupe të fokusuara në propozimet tona për reformën zgkedhore, në analizën e asaj çfarë ka propozuar PS dhe në aspektin e tretë, që është më i rëndësishmi, sipas asaj që ka propozuar OSBE ODIHR, që është çështja e vullnetit politik. Raporti i OSBE/ODIHR e thotë fare qartë se ligjet aktuale, përfshirë kodin zgjedhor, mundësojnë zgjedhjet demokratike, nëse ka vullnet politik, por është mungesa e vullnetit politik ajo që ka sjellë shitblerjen e votës, kërcënimin e votuesve, presionin ndaj administratës publike, përdorimin e aseteve shtetërore, politizimin dhe keqpërdorimin e policisë së shtetit, cënimin e fshehtësisë së votësdhe votimet në grup dhe situatën e pabalancuar të mbulimit mediatik të fushatës si 7 problemet kryesore. Le ta themi fare hapur. Të gjitha këto çështje janë të mbuluara me ligjet aktuale, shkeljet e tyre janë të gjitha vepra penale. Problemi është se askush nuk shkon para drejtësisë. Ky është sot një nga 9 kushtet e Bundestagut. Ata duan të shohin ndjekje penale të sukseshsme të personave përgjegjës për manipulimin e zgjedhjeve. Në funksion të kësaj, nuk duhet ta shohim reformën zgjedhore thjesht dhe vetëm si një tjetër rishkrim apo korrigjim ligjesh. Padyshim që ka hapësirë dhe ne jemi, veçanërisht të interesuar të bëjmë ndryshime në ligjin për partitë politike, për financimin e partive politike, për t’i bërë ato më transparente. Propozimi im është që të jetë 100% publik dhe të kriminalizojmë donacionet private, për t’i bërë partitë plotësisht të varura nga interesi publik, jo nga paratë e oligarkëve, aq më pak nga paratë e krimit të organizuar. Siç ju thashë, çfarëdo ndryshimesh ligjore të bëjmë, nëse nuk presim lidhjet e krimit me politikën , që na kanë sjëllë në këtë pikë, ku, në mënyrë të përsëritur po na mbyllet dera e Europës dhe ky është dështim personal i kësaj qeverie dhe këtij kryeministri, atëhërë asgjë nuk do të ndryshojë. Prandaj, për ne themelore në këtë reformë zgjedhore është vullneti poltik. Po bëjmë gjithçka që ky kusht i BE, i OSBE/ODIHR dhe i Bundestagut, të plotësohet sa më parë për t’i hapur rrugë zgjidhjes së vetme që mund të këtë një krizë politike, që janë zgjedhjet e parakohshme parlamentare në një ditë e zgjedhjet vendore kushtetuese.
Pyetje: Nëse kryeministri do të kishte shpallur zgjedhjet përmes rrugës parlamentare 45 ditë. A është PD-ja gati për zgjedhjet parlamentare?
Basha: PD-ja dhe opozita janë gati për zgjedhje të parakohshme parlamentare që nesër. Gati me program, me ofertë, me vizion, me ofertë dhe gati për t’i fituar. Por Partia Demokratike dhe opozita e bashkuar po bëjnë një betejë pa të cilën nuk mund të ketë zgjedhje të lira. Beteja për t’i garantuar qytetarëve që të mos përsëritet më ajo që dëgjoi e gjithë bota në 2017-ën në Durrës, në Elbasan, në Shkodër dhe në gjithë Shqipërinë apo ajo që ndodhi në Dibër dhe i parapriu kësaj.
Pyetje: Ajo çfarë kërkohet nga lideri i opozitës janë standardet minimale të transparencës. Ju keni thënë që keni kaluar me qera përkohësisht, por ndoshta njerëzit do të kërkonin një kontratë qiraje…
Lulzim Basha: Këto janë gënjeshtra të cilat janë shpërndarë nga qeveria, me synimin cinik për të hequr vëmendjen nga lista e gjatë e dështimeve të kësaj qeverie. Sqarimet e mia kanë qënë të plota dhe shterruese. Por, unë nuk kam ndërmend ti hyj dhe të bëhem pjesë e kësaj loje me të cilën ka për qëllim, pikërisht, për të hequr vëmendjen nga e vërteta e hidhur me të cilat përballen sot shqiptarët. Prandaj detyra ime është të jem me shqiptarët, ky është edhe qëllimi i turit në të cilin jam përfshirë dhe do të vazhdoj, për të dëgjuar të vërtetat dhe jo gënjeshtrat që kanë për qëllim pikërisht të heqë vëmendjen nga këto të vërteta. Janë gënjeshtra të pastra pa asnjë bazë. Gjithçka që është hedhur nga ato media të kontrolluara nga qeveria, janë të gjitha gënjeshtra. Është sqaruar gjithçka. Kam lëvizur me qira për një përiudhë të përkohshme dhe nuk kam asnjë lidhje me asnjë oligark dhe nuk do të kem lidhje me asnjë oligark. Sulmet ndaj meje kanë për qëllim të heqin vëmendjen nga këto të vërteta. Dhe nuk kam për t’u tërhequr nga beteja ime kundër asnjë oligarku dhe asnjë të inkriminuari. Pra, kanë për qëllim vetëm të heqin vemendjen nga të vërtetat e hidhura, nga lista e gjatë e dështimeve të kësaj qeverie. Nga negociatat, me Kajmakun, atentatet mafioze kundër prokurorëve. Sa herë që Edi Rama dhe qeveria ndodhën në këto vështirësi, fabrikojnë gënjeshtra kundër meje përsonalisht dhe kundër familjes time.
Ndërkohë, gjatë takimit që pati më herët me të rinjtë në Korçë, në një deklaratë për mediat, kryedemokrati Basha teksa u pyet për vilën e dhuruar, tha se kjo është një gënjeshtër e Ramës, që sipas Bashës, kryeministri kërkon të heqë vëmendjen nga skandalet e tij.
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
KORÇË– Kryedemokrati Lulzim Basha ka reguar ndaj lajmeve që prej ditësh qarkullojnë në media se i është dhuruar një vilë lukoze.Gjatë takimit që pat...
KORÇË– Kryetari i Partisë Demokratike Lulzim Basha u gjend përballë një lavdi shumë ë madh teksa kreu i Sindikatës së arsimit në Korçë e quaj...
ANGLI– Dhoma Britanike e Tregtisë ka celebruar përfundimin e sezonit turistik në Shqipëri. Biznesmenët më në zë të Britanisë folën me entuziazëm për turizmin sh...
KORÇË– Kryetari i Partisë Demokratike Lulzim Basha është ndalur në qytetin e Korçës, në ditën e dytë të turit të takimeve “Rrugëtimi për Shqi...
TIRANË- Pas deklaratës së kryeministrit Edi Rama, lidhur me atentatin ndaj prokurorit Arjan Ndoja, ku tha se do ti nxjerrin ujë të zi krimit, ka reaguar Pa...
TIRANË- Komisioni i Ligjeve ka miratuar sot listën me kandidatët për gjyqtar në Gjykatën Kushtetuese, e cila tashmë do të kalohet për votim në seancën e ra...
TIRANË- Është mbledhur sot Komisioni i Posacëm i Reformës Zgjedhore për të diskutuar për disa nga çështjet që janë dakordësuar në draftin e Par...
TIRANË- Në komisionin e Reformës Zgjedhore ka ndodhur një përplasje mes Damian Gjiknurit dhe kujtim Gjuzit.Pasi ka mbaruar fjalën hyrës bashkëkryetarja e k...
Lulzim Basha është kthyer në qendër të vemendjes mediatike pas zhvendosjes në kompleksin e vilave “Long Hill” në periferi të Tiranës. Kryetari i PD nuk jeton më...
TIRANË- Presidenti Ilir Meta ka vlerësuar sot me titullin “Mjeshtër i Madh”, katër ish-futbollistët shqiptarë, për kontributin e tyre ne vite për futbollin...
