Aktualitet

“Defender Europe 21”! Shqipëria pret trupat e ushtrisë amerikane/ Në ceremoni marrin pjesë, Rama, Meta e Kim, kryeministri shmang urimet me kreun e shtetit

VIDEO
  • Defender Europe 21/ Haradinaj: Krenar për pjesmarrjen e FSK për herë të parë në stërvitjen e NATO-s
  • Rama i flet gjeneralit amerikan për Zahon: Ka një vend special për këto…
  • “Defender Europe 21” është një stërvitje e organizuar nga Ushtria Amerikane në Evropë dhe Afrikë dhe parashikohet të marrin pjesë rreth 28 mijë trupa nga 26 vende aleate dhe partnere.
    Featured image of article: “Defender Europe 21”! Shqipëria pret trupat e ushtrisë amerikane/ Në ceremoni marrin pjesë, Rama, Meta e Kim, kryeministri shmang urimet me kreun e shtetit Pamje nga cermonia

    DURRËS– Stërvitja më e madhe ushtarake e 30 viteve të fundit në vendin tonë, Defender 21 nis zyrtarisht sot në qytetin e Durrësit. Forcat tona të Armatosura, përveç pjesëmarrjes me rreth 1000 trupa, kanë përgatitur edhe infrastrukturën ndihmëse për pritjen e kolegëve të tyre nga vendet aleate, përfshirë edhe Amerikën.


    Në ceremoninë pritëse në Portin e Durrësit kanë marrë pjesë personalitete të larta ushtarake nga e gjithë bota dhe NATO. Ndërsa edhe mikpritja nga liderët shqiptarë nuk ka munguar. Kryeministri Edi Rama, presidenti Ilir Meta dhe ambasadorja Yuri Kim u ulën në rreshtat e parë për t’ju uruar mikpritjen ushtarëve të huaj.

    Fjalën e morën me radhë ambasadorja Yuri Kim, kryeministri Edi Rama dhe presidenti Ilir Meta. Kim falenderoi shtetin shqiptar për mikpritjen dhe mbështetjen, ndërsa përplasja Rama-Meta u tregua dhe në këtë ceremoni. Kreu i shtetit u përball me indiferencën e ambasadores, ndërsa kryeministri Edi Rama i preu fjalën në kanalin e tij zyrtar ERTV.

    Për më shumë bëhu pjesë e grupit më viral në Facebook, Dosja.al

    Çfarë është stërvitja “Defender21″?

    Stërvitja “Defender Europe 2021” do të zhvillohet në periudhën 26 prill-20 qershor 2021 në territorin e Shqipërisë dhe në këtë stërvitje do të angazhohen 3.100 trupa nga vendet anëtare të NATO-s dhe vende të tjera aleate, 10 anije, 18 avionë, 19 helikopterë, 6 sisteme raketash “Patriot” dhe 1.000 automjete joluftarake. Stërvitja e NATO-s në Shqipëri, “Defender Europe 2021” është konsideruar jo vetëm një tregues i nivelit të ngushtë të bashkëpunimit dhe i marrëdhënieve të ngushta që Shqipëria ka me SHBA, por ajo do të thotë shumë dhe në aspektin financiar, sepse pritet të rriten të ardhurat në strukturat ushtarake. Në stërvitje do të marrin pjesë forca nga Shqipëria, Turqia, SHBA-ja, Kosova, Mali i Zi, Maqedonia e Veriut, Bosnjë-Hercegovina, Kroacia, Greqia, Kanadaja, Britania e Madhe, Çekia, Hungaria, Rumania, Bullgaria, Gjeorgjia dhe vende të tjera

    (a.b;f.g/dosja.al)

    • 10:25

      ‘Shtëpia e shqiptarit është e Zotit dhe e mikut’, Meta fton ushtarët amerikanë: Të gjithë ata që na vizitojnë mbeten të impresionuar…


      Presidenti i Republikës, Ilir Meta i ftoi ushtarët amerikanë që kanë mbërritur në Shqipëri në kuadër të stërvitjes “Defender Europe 2021” që të njihen me bujarinë shqiptare. Në fjalën e tij në këtë ceremoni, Meta tha se miqësia shqiptaro-amerikane është e vjetër ndërsa tha se bashkëpunimi do të vazhdojë të jetë i fortë.

      Shqipëria si vend i NATO-s ndjehet e vlerësuar se po organizon stërvitjen. NATO është aleanca më e madhe e lirisë në botë. Mbështetja ndaj saj është unanime. Të nderuar pjesëmarrje, Defender 21, FA do të presin dhe mbështesin trupat që do të kalojnë në Shqipëri. Duke rritur nivelin e përgatitjes për të përmbushur misionin kushtetues. Të gjithë ata që do të na vizitojnë do të mbetën të impresionuar sepse shtëpia e shqiptarit është e Zotit dhe e mikut. Të dashur miq të shumtë nga SHBA, miqësia e fortë është shumë e hershme sesa periudha e shtetit shqiptar. Daton edhe përpara sesa poeti i madh amerikan t’i thurte një prej poemat më të bukura Skënderbeut. Ne do të vazhdojmë në rrugën e lirisë dhe qytetërimit europian.”-tha Meta. 

    • 10:07

      Rama flet për diktaturën para ushtarëve amerikanë: Ju ishit e keqja më e madhe! Jemi brymosur nga propaganda e regjimit


      Kryeministri Edi Rama ka folur për komunizimin para ushtarëve amerikanë, të cilët ndodhen në Shqipëri në kuadër të “Defender 21”. Në fjalën e tij përshëndetëse, Rama kujtoi propagandën e regjimit të diktatorit Enver Hoxha, kur Amerika përshkruhej si një e keqe e madhe.

      Është lumturi ie veçantë t’ju kemi mes nesh. Iu falenderoj në krye të herës për fjalët që drejtuat sot dhe për vlerësimin që i bëtë përpjekjes kundër pandemisë. Shumë të nderuar gjeneralë, është kënaqësi e madhe dhe nder të kemi kaq shumë yje në një vend të vogël. Kam bindjen se kjo stërvitje është shumë më tepër. Ne vazhdimisht i vlerësojmë marrëdhëniet si të shkëlqyera, por mund të jenë gjithmonë e më shumë falë një besimi të madh. Gjeneraat jonë lindi dhe u rrit ne gjysmën e jetës me idenë që iu nuk duhet kishit lënë kurrë të shkelnit në këtë vend. Ne të gjithë u brymosur nga propaganda e regjimit me bindjen se jeni e keqja më e madhe që mund t’i ndodhë Shqipërisë dhe mbarë botës. Është mrekulli e madhe që e kemi ndarë jetën mes dy botëve. Edhe ju do të ndodhë ajo që u ndodh të gjithëve kur vijnë në Shqipëri; duan të kthehen. Shqipëria nuk këshillohet për të ardhur për shkak të stereotipet, por kush vjen dëshiron të kthehet përsëri. Kam besim që kjo do ndodhë edhe me ju,”-tha Rama.

    • 10:06

      MOMENTI I SIKLETSHËM/ Rama i pret sinjalin Metës kur merr fjalën në sy të amerikanëve në Durrës, presidenti nuk i mban 'inat', e përshëndet: I nderuar kryeministër!


      Një moment i sikletshëm që reflekton më së miri përplasjen mes kryeministrit Edi Rama dhe presidentit Ilir Meta u përsërit sot në stërvitjen “Defender Europe 2021”. Në momentin kur kreu i shtetit do të merrte fjalën, kryeministri e fiku sinjalin në kanalin e tij zyrtar ERTV, duke treguar sërish se marrëdhëniet mes tyre janë në momentin më të keq.

      Por sërish, Ilir Meta e ka përshëndetur kryeministrin. Në shenjë respekti, në krye të fjalës së tij, Meta përshëndeti të pranishmit mes tyre edhe Ramën. “I nderuar zoti kryeministër…”,-tha Meta, ndërsa Rama i evitoi këto përshëndetje duke falenderuar dy nga gjeneralët amerikanë për pjesëmarrjen.

    • 10:01

      Defender 21/ Gjenerali Tod Wolters: Shqipëria është më të sigurtë dhe perëndimore!


      Gjenerali Tod Wolters, Komandant i Komandës Europiane të Shteteve të Bashkuara të Amerikës dhe Komandant Suprem i Aleatëve Europian të NATO-s në fjalën përshëndetëse në ceremoninë e nisjes së stërvitjes Defender Europe 21 tha se nga pranimi në NATO Shqipëria ka qenë më e sigurtë dhe më perëndimore.

      “Dua të falenderoj gjithë këtë komb kaq të bekuar. Më lejoni tju shpreh ngushëllimet të gjithë ata që kanë humbur personat e dashur nga covid dhe tu falënderoj për vigjilencën e këtij kombi që kjo pandemi të mos mayterializohet në një krizë. Kemi një rrugë të gjatë përpara. Dua të falënderoj edhe autoritetet ushtarake për këtë stërvitje ushtarake dhe ju e dini se sot kemi provën e asaj që duhet të bëjmë, të përirësojmë të gjithë transparencën strategjike. Ne ndodhemi këtu sot dhe shohim bregdetin dhe duhet të kujtojmë se çfarë ndodhi gjatë luftës së dytë botërore. I gjithë pushtim i Normandidsë ligjistika në tokë dhe det, do ulemi të shohim se çfarë prove e vështirë është kjo. Të dëshmojmë se kjo stërvitje dhe sicili prej nesh të jetë përgjegjës të reagojmë më mirë dhe ta përmbushim këtë test më së miri. Nga pranimi në Nato na ka dhënë një Shqipëri më të sigurt një pjesë perëndimore më të sigurtë. Ne përmirësohemi ditë pas dite dhe jemi më të fortë të gjithë së bashku”, tha ai.

    • 9:55

      Yuri Kim flet SHQIP: Shqipëria ka mbështetur gjithnjë SHBA, do të punojmë krah për krah! Kjo stërvitje është historike për ne!


      Ambasadorja amerikane Yuri Kim falenderoi autoritetet shqiptare për mikpritjen që kanë treguar ndaj ushtrisë amerikane. Kim tha se Shqipëria e ka treguar gjithnjë mikpritjen, gatishmërinë dhe mirënjohjen. Në mbyllje, ambasadorja foli shqip dhe tha se “Do të punojmë krah për krah”.

      “Roli i Shqipërisë në aleancë vetëm rritet. Stërvitja aftëson që Shqipëria të presë forcat ushtarake. Përgëzojmë Shqipërinë për mbështetjen. Nuk keni hezituar kurrë të ofroni trupat dhe aleatët tuajë. Na e keni treguar gjithnjë potencialin tuaj. Jemi mirënjohës për mikpritjen tuaj. Kjo stërvitje në Shqipëri është historike, por ky operacion zhvillohet sot në Portin e Durrësit. Kjo tregon aftësinë e SHBA për të dërguar trupa ushtarake në vendin ku duhet dhe në kohën e duhur. Disa muaj më parë isha për vizitë në këtë port dhe s’kishte shenja që do të niste një stërvitje e këtyre përmasave. Kjo është një stërvitje historike, fillimi i gjërave më të mëdha që do të vijnë. Do të punojmë më gjatë, krah për krah (flet shqip). “-tha Kim. 

    • 9:49

      Gjeneral Bajram Begaj: Shqipëria ka treguar se godet më fort se pesha e saj


      Shefi i Shtabit të Përgjithshëm të Ushtrisë shqiptare, Bajram Begaj, në fjalën e tij tha se kjo stërvitje dhe përzgjedhja e Shqipërisë vë në dukje rëndësinë e pozicionit tonë strategjik në një rajon të brishtë por edhe vlerësimin e rolit të vendit tonë. Ai u shpreh se Defender është një stërvitje sfiduese e se ka nderin të mirëpresë mbi 1 mijë trupa.

      “I uroj mirëseardhjen gjithë personelit amerikan këtu dhe i siguroj që mikpritja shqiptare nuk do t’i zhgënjejë. Shtëpia e shqiptarëve është e Zotit dhe e mikut. Së bashku jemi të gatshëm të përballemi me çdo vështirësi. Defender është një stërvitje sfiduese. Kam nderin të pres 1 mijë trupa. Të dashur miq, ky angazhim është shprehje e besimit të SHBA-së dhe NATO-s. Shqipëria ka treguar se kjo ka rëndësi, godet më fort se pesha e saj. Këto fjalë të thëna nga James Matin tingëllojnë dhe sot sa të vërteta dhe aq reale. Për ne si Shqiptarë Shqipëria është e Zotit dhe e mikut.

    • 9:40

      ME FOTO: Yuri Kim në anën e Ramës… Metën e lë mënjanë, ambasadorja, presidenti dhe kryeministri rishfaqen në publik pas tensionit të zgjedhjeve

      Për herë të parë pas shumë kohës, kryeministri Edi Rama dhe presidenti Ilir Meta janë bërë bashkë në një vend.  Të dy janë bërë bashkë në eventin për prezantimin e nisjes së stërvitjes “Defender 21”.

      Mirëpo të dy ishin larg njëri-tjetrin, ndërsa i ndante një “korridor i vogël” i krijuar mes tyre, gjithashtu në krah të kryeministrit është ulur edhe ambasadorja amerikane Yuri Kim. Kjo është shfaqja e parë publike ku Kim, Rama dhe Meta dalin në publik pas tensionit të fushatës së 25 prillit, ku presidenti dhe ambasadorja patën një përplasje të ashpër mes tyre.

    Shto Koment