Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Ajo çfarë përbën lajmin e ditës sot është dalja e parë në ekran, për këtë sezon politik, e ish kryeministrit Sali Berisha. Do të jetë në mbrëmje, në orën 21.00, në Euronews Albania, në emisionin “Now me Erla Mëhillin”. Siç dhe është lançuar tashmë në ekranin dhe në rrjetet sociale të Euronews, Berisha do të flasë sot me Erla Mëhillin për rikthimin e opozitës në Parlament, dy vjet pas djegies së mandateve, për hyrjen e tij në Kuvend, si sfidë ndaj SHBA-së apo për të ardhmen e tij e sigurisht, edhe për raportet e tij me PD zyrtare.
Sezoni i ri televiziv po nis fuqishëm në Euronews Albania, që pa diskutim do të vijojë të ruajë besueshmërinë, paanshmërinë, mendimin e analizën e thelluar, dinamikën, dixhitalizimin e respektimin e të gjitha këndvështrimeve.
Nis me 6 edicione informative live, që në orët e para të mëngjesit, për të zgjatur përgjatë gjithë 24 orëve në vazhdim. Korrespondentët janë pozicionuar përsëri kudo në Shqipëri, Kosovë, Maqedoninë e Veriut dhe në Bruksel. Ndërsa studiot janë bërë gati për të transmetuar gjithçka i duhet audiencës, së të gjitha target grupeve e interesave.
“Mirëmëngjes”-i i parë i këtij sezoni nisi pikërisht sot, për të vijuar çdo ditë nga ora 7.00 – 9.00, me energjinë e duhur për një fillim dite të mbarë. “Mirëmëngjesi”-n e parë në Euronews na e thonë Loneta Progni dhe Renaldo Salianji, pra ata udhëtarët e lezetshëm të verës, që tashmë kanë ndaluar në destinacionin e përhershëm, në studion e mëngjesit, për të përcjellë informacione mbi ngjarjet kryesore të së përditshmes sonë, përmes të ftuarve dhe lidhjeve direkte. “Mirëmëngjes”-i do të jetë infromues, tematik, por edhe argëtues.
“Now me Erla Mëhillin” do të jetë nga e hëna në të mërkurë, në orën 21.00, me qëllimin për të hedhur dritë në korridoret e errëta të politikës, me të ftuar, intervista e debate mbi çështje politike e sociale në vend e rajon.
Dueli i mendimeve dhe analizave, gjithmonë të kundërta, mes Andi Bushatit e Baton Haxhiut në “Shock”, fillon gjithashtu sot, për të vijuar çdo javë nga e hëna në të enjte, ora 20.00. Në mes të këtyre diskutimeve, do të jetë përsëri gazetarja dhe moderatorja Bruna Çifligu.
Formati më inovativ në Shqipëri, “Barometri”, që gllabëroi vëmendjen e gjithë shqiptarëve në kohën e zgjedhjeve elektorale, do të jetë sërish çdo të enjte, në orën 21.00, nën moderimin e Neritan Sejaminit, për të sjellë në ekran zërin e kujtdo prej nesh, për çështje e tema që na interesojnë në të përditshmen tonë. Ky zë do të përkthehet në të dhëna e rezultate konkrete, në sondazhe që do të zbërthehen e analizohen nga ekspertët në studio.
“Eurotalks” me Franko Egron, çdo të dielë ora 20.00, “Balkan talks” çdo të hënë e të mërkurë ora 22.00, “Përse” nga Mentor Kikia të premteve ora 21.00, “Unpublished” çdo të martë në 18.00, “Destinacion” nga gazetarja Rezarta Delisula çdo të enjte ora 18.00 do të jenë emisionet e tjera që plotësojnë gjithë programacionin e këtij sezoni të ri shumë të pasur televiziv në Eruonews, duke zgjeruar kështu edhe më shumë, dimensionet e një televizioni që synon të sjellë në kohë reale të vërtetën që na intereson të gjithëve, jo vetëm në politikën e vendit, por edhe atë rajonale, europiane e botërore, për çështjet e drejtësisë, dosjet e krimit e hetimet e lëna jashtë vëmendjes, për eksplorimin e vendeve të panjohura shqiptare, duke i trajtuar ato në aspektin historik, gjeografik, kulturor e kulinar.
Gjithçka ka filluar sot, që në orët e para të mëngjesit, me një mision: për t’i mbajtur gjatë, çdo ditë, për çdo edicion lajmesh e në çdo emision, shqiptarët, kudo ku jetojnë, të ulur para ekranit, ku logo që pulson është vetëm Euronews Albania.
Iftar dhe politikë, a u prek Muaji i Ramazanit nga politikanët?
Dikur ishin mike dhe rivale, ndërsa sot ndjekësit i konsiderojnë armike brenda natës. Fjala është për dy moderatoret e “Top Channel”, Arbana Osmanin dhe Luana V...
Top Channel për disa vite rresht është në krye të listimeve të faqeve që analizojnë shikueshmërinë e kanaleve të Youtube. Kanali Top Channel Albania ka arritur ...
TIRANË– ‘Boeing Boeing’, komedia e famshme me rekordin spektakolar prej 170 shfaqjesh kudo nëpër Shqipëri, rikthehet sërish. Prodhimi i Teatrit Shëtitës &C...
TIRANË– Ylli Limani është aksidentuar dhe ka përfunduar në spital. Gjatë një loje me gurë, ai ka çarë pjesën mbi vetull dhe është dashur që të qepet...
KOSOVË– Tuna është kthyer nga Siria, ku udhëtoi si pjesë e organizimit të ‘Forchildrensmile’ për t’i ndihmuar fëmijët që kanë përjetuar luftëra. Këng...
Publikohen disa dokumente arkivore të nxjerra nga Arkivi Qendror i Shtetit në Tiranë, (fondi i ish-Komitetit Qendror të PPSH-së), të cilat i përkasin muajt mars...
DashiPërgjithësisht parashikohet një ditë pozitive dhe e mbushur me aktivitet kjo e hënë 6 shtator. Në aspektin profesional nuk do t’ju mundojnë mundësitë e fav...
CETINJE– Brenda Kishës Ortodokse Serbe në Cetinje të Malit të Zi u këndua këngë për Kosovën. Ish-mitropoliti Amfilohije Radoviç, për të cilin prift...
SHBA- Ylli i Popit, Sarah Harding ka humbur jetën ditën e sotme në moshën 39 vjeçare vetëm 12 muaj pasi u diagnostikua me kancer të gjirit. The Sun shkru...
