Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Disa përmbushën pritshmëritë, disa të zhgënjyer dhe një grup futbollistësh ishin një zbulim i vërtetë. Shumica e tifozëve mesatarë të futbollit nuk kanë dëgjuar kurrë për disa prej tyre, ose janë lënë në hije nga yje të tjerë nga klubet respektive.
KATAR - Si çdo kompeticion i madh, edhe Kupa e Botës e këtij viti ka nxjerrë shumë heronj dhe lojtarë që kanë dështuar.
Disa përmbushën pritshmëritë, disa të zhgënjyer dhe një grup futbollistësh ishin një zbulim i vërtetë. Shumica e tifozëve mesatarë të futbollit nuk kanë dëgjuar kurrë për disa prej tyre, ose janë lënë në hije nga yje të tjerë nga klubet respektive.
Megjithatë, Kupa e Botës në vetvete përfaqëson një vitrinë të madhe botërore dhe një shans për shumë njerëz, dhe ata që e përdorin atë në mënyrën më të mirë, në fund të saj, zakonisht marrin përfitime të majme. Disa prej tyre u dalluan në Katar dhe ne kemi veçuar top 5 lojtarët, çmimet e të cilëve do të rriten në mënyrë drastike pas Kupës së Botës ose tashmë janë rritur.
ENZO FERNANDEZ, ARGJENTINË
Futbollisti i Benfica-s është kandidat për një nga ngjitjet më të shpejta në karrierë në epokën moderne të futbollit. Për shumë njerëz që nuk ndjekin ligën portugeze ose paraqitjet e Benfica -s në Ligën e Kampionëve, ai përfaqësoi vetëm një nga shumë talentet argjentinase që përpiqen të krijojnë një karrierë solide në Evropë.
Megjithatë, në më pak se gjysmë viti që nga ardhja në Evropë, 21-vjeçari ka treguar se ai është potencialisht një nga mesfushorët më të mirë mbrojtës të dhjetë viteve të ardhshme.
Enzo Fernandez ka treguar lojërat e tij fantastike në fanellën e Benfica-s, e cila këtë sezon po dominon si në Portugali ashtu edhe në Evropë, në Katar. Dhe në fillim nuk dukej se do të ishte kështu.
Në ndeshjen e parë që Argjentina humbi nga Arabia Saudite, Fernandez hyri në lojë në minutën e 59-të. Me hyrjen e tij, mbrojtja e “gauchos” u stabilizua, por nuk mjaftoi për të marrë një rezultat më të mirë.
Edhe ndaj Meksikës, ai e nisi ndeshjen nga pankina, por këtë herë rezultati ishte dukshëm i ndryshëm. Nuk ka dyshim se ishte një nga pikat e kthesës në Botërorin e këtij viti. Lojtari i ri i Benfica-s hyri në lojë në minutën e 57-të, shtatë minuta më vonë Messi shënoi golin e epërsisë për Argjentinën dhe Enzo konfirmoi fitoren e ekipit të tij me një gol në minutën e 87-të. Gjithçka që ndodhi më pas është histori dhe Argjentina arriti në finale.
Vlera e Enzo Fernandez para Botërorit ishte 35 milionë euro dhe tashmë përmendet se ai nënshkroi një kontratë paraprake me Liverpoolin gjatë kampionatit. Klauzola e blerjes në kontratën me Benfikën është 106 milionë euro dhe nuk ka dyshim se klubet më të mëdha nuk do ta kenë problem ta paguajnë këtë shifër. Liverpool ishte padyshim i pari në radhë.
JULIAN ALVAREZ, ARGJENTINË
Një tjetër argjentinas i ri që shënoi Botërorin është futbollisti i Manchester Cityt , Julián Alvarez . Ky sulmues gjithashtu nuk ishte në ballë të Lionel Scalonit në fillim, por ndërsa kampionati përparonte, ai u bë një lidhje gjithnjë e më e rëndësishme, dhe golat dhe ndikimi i tij në lojë janë një nga arsyet kryesore që Argjentina ishte një hap pas titullit botëror. Katër gola të shënuar dhe lufta për këpucën e artë të Botërorit flasin shumë.
Ai mbërriti në Evropë këtë verë, por nuk arriti të dallohej shumë duke pasur parasysh se ka konkurrencë të fortë nga Manchester City me formën e Erling Haaland. Pavarësisht kësaj, ai arriti të shënojë tre gola në Premier League dhe dy në Champions, duke treguar kështu se nuk është sjellë vetëm për të qenë rezervë.
Vlera e këtij 22-vjeçari para Botërorit vlerësohej në 32 milionë euro dhe nuk ka dyshim se vlerësimi i ri në fund të vitit kalendarik do të jetë dukshëm më i lartë.
AZEDIN UNAHI, MAROK
Maroku përfaqëson ndoshta historinë më të bukur të Kupës së Botës në Katar, dhe një nga heronjtë kryesorë të kësaj historie është Azedin Unahi .
Pak njerëz kishin dëgjuar për këtë futbollist para Botërorit, në të cilin ai erdhi si futbollist i Angers, skuadër franceze, por mesfushori mbrojtës i Marokut thjesht detyroi shumë ta “njohin” me paraqitjet e tij të shkëlqyera në fanellën e kombëtares.
B.T (Dosja.al)
KATAR - Trajneri i Argjentinës, Lionel Scaloni, garantoi këtë të shtunë, në një konferencë për shtyp të mbajtu...
GJERMANI - Ish-fituesi i Kupës së Botës, Juergen Klinsmann, ka thënë se gara në Katar ka treguar se lojtarët që janë...
ANGLI - “Humbjet” më të mëdha që pati gjatë ndeshjeve të fazës së grupeve të Botërorit të...
KATAR - Me një “letër” djali i yllit të madh të skuadrës ka tentuar të inkurajojë babain e tij, Lione...
ANGLI - Futbollisti legjendar ukrainas ka qenë një përçues mesazhesh paqeje gjatë kësaj periudhe të vështirë p&...
KATAR - Nëse ka pasur dyshime për praninë e Karim Benzema me skuadrën e Francës, që do të luajë në Kupën e Bot...
KATAR - Szymon Marciniak i Polonisë do të vendosë drejtësi në finalen e së dielës mes Argjentinës dhe Francës n&eum...
ANGLI - Udhëtimi i “Tre Luanëve” në Katar përfundoi në mënyrë zemërthyese, pasi humbja e vonshme e penalltis...
ZVICER - Lajm tronditës nga Challenge League e Zvicrës. Elia Alessandrini, ish-lojtari i Young Boys dhe lojtari aktual i Lausanne-Ouchy, ka humbur jet...
FRANCE - Presidenti francez Emmanuel Macron do të kthehet në Doha të Katarit për finalen e së dielës mes Francës dhe Argjenti...
