"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Dy poshtërime rresht kanë lënë tifozët të zhgënjyer. Në Katar, vetëm gjysmëfinalja është opsion i pranueshëm për skuadrën jashtëzakonisht të talentuar të Hansi Flick.
BERLIN- Skuadra e Gjermanisë është në nivelin më të ulët historik. Asnjëherë më parë që në epokën e pasluftës, ata nuk ishin eliminuar para çerekfinaleve në dy turne të mëdha radhazi. Por dalja e turpshme në fazën e grupeve në vitin 2018 u pasua nga humbja kundër Anglisë në 1/16 e fundit të Euro 2020. Publiku po i braktis dhe "DFB" madje anuloi sloganin e saj "Die Mannschaft". Në Gjermani njerëzit janë supersticioz.
Do të ishte e dobishme nëse skuadra do të luante përsëri si një Mannschaft (që fjalë për fjalë do të thotë ekip). Problemi nuk mund të jetë mungesa e talentit sepse formacioni fillestar përbëhet pothuajse ekskluzivisht nga lojtarë që kanë fituar Ligën e Kampionëve dhe ka disa talente të reja.
Megjithatë ka boshllëqe dhe ende mbetet për t'u parë se kush do të luajë si numri 9: me Timo Werner të lënduar, favorit për fillimin është Kai Havertz, i cili ndoshta është më komod të luajë pas një qendërsulmuesi. Trajneri, Hansi Flick, bëri një surprizë kur njoftoi skuadrën e tij, duke përfshirë sulmuesin 17-vjeçar të Dortmundit, Youssoufa Moukoko, i cili do të jetë një opsion interesant nga pankina. Mario Götze, i cili tani aktivizohet në Eintracht Frankfurt, udhëton gjithashtu drejt Katarit.
Ka disa probleme në mbrojtësin e krahut, por problemi më i madh është në mesfushën qendrore. Joshua Kimmich është një shpërndarës i jashtëzakonshëm i topit, por është vënë nën presion në rritje për shkak të një dobësie të perceptuar në “Zweikampf” (sfida/përballje).
Philipp Lahm i ka thënë atij të "punojë në goditjet mbrojtëse", ndërsa për Markus Babbel mendon se i mungon "disiplina taktike". Sami Khedira për të nuk ka mjaft "pjekuri taktike". Se si Hansi Flick do të bashkojë mesfushën (4-3-3 ose 4-2-3-1), kjo kështu pyetja e madhe për Kupën e Botës.
Ilkay Gündogan, kapiteni i Manchester Cityt, nuk është një titullar i sigurt sepse ai është shumë i ngjashëm me Kimmich, gjë që u duk në barazimin e fundit 3-3 kundër Anglisë në Wembley. Koha e shkurtër e përgatitjes mund të rezultojë të jetë një problem pasi Gjermania, e përshkruar shpesh si një " Turniermannschaft " (një ekip turneu), kësaj here do i duhet pak kohë për t'u përshtatur. Pavarësisht gjithë problemeve, synimi është kapja e të paktën gjysmëfinaleve. Fuqia kryesore e Gjermanisë, përveç përvojës, është se disa lojtarë mund të shënojnë gola. Serge Gnabry, Leroy Sané, Havertz dhe të mos harrojmë Thomas Müller. Leon Goretzka është një trashëgimtar i mesfushës së golave të Lothar Matthäus dhe Michael Ballack, ndërsa Manuel Neuer është ende një nga portierët më të mirë në botë edhe pse është në moshën 36-vjeçare.
Trajneri
Hans im Glück (Hans in Luck) është një personazh i vëllezërve Grimm. Fraza është gjithashtu një përshkrim i mirë i magjisë së shkurtër por të jashtëzakonshme të Hansit gjatë drejtimit të Bayern. Në një vit e gjysmë ai fitoi shtatë tituj. Pasi mori përsipër një ekip të drejtuar nga Niko Kovac në fund të vitit 2019, Flick e mbylli sezonin me Ligën e Kampionëve. Fakti që ky sukses u bazua vetëm në rregullimin e tij taktik nuk është diçka që as vetë Flick e beson.
Në fakt, CV-ja e 57-vjeçarit nuk lexohet si ajo e një trajneri yjesh; përpara se të merrte drejtimin e Bayernit, suksesin më të madh e kishte si ndihmës trajner i Jogi Löw-it, kur Gjermania fitoi Kupën e Botës në 2014. Në Mynih, ai ishte njeriu i duhur, në vendin dhe kohën e duhur dhe, pa dyshim, shtypi butonat e duhur. Në Katar, ai ka mundësinë të dëshmojë se mund ta çojë një ekip në lartësi të reja.
Lojtarë yje
Në një skuadër gjermane që ka shumë lojtarë të shkëlqyer, por i mungon një superyll, edhe pse kësaj here spikat Leon Goretzka. Mbajtja e Goretzka-s në formë dhe një nivel i lartë në Katar do të bënte një ndryshim të madh në mënyrën se si Gjermania do të ecë përpara. Me energjinë dhe fuqinë e tij ai mund të lidhë mbrojtjen dhe sulmin në një mënyrë që as Kimmich dhe Gündogan nuk munden.
Cilësitë e Kai Havertz nuk admirohen universalisht në Gjermani, por ndoshta ata që e vlerësojnë vërtet sulmuesin e Chelseat janë ata që e njohin futbollin. Lëvizja e tij në Premier League në moshën 21-vjeçare dhe mungesa e një pozicioni në ekipin kombëtar do të thotë që shumë tifozë në shtëpi nuk e kanë parë aq shumë Havertz. Por perceptimi për 23-vjeçarin mund të ndryshojë këtë dimër. Nga të gjithë lojtarët sulmues të ekipit, ai është i vetmi që mund të luajë vazhdimisht mirë në një rol qendror.
Himni kombëtar
Deutschlandlied, shkruar nga August Heinrich Hoffmann von Fallersleben në kohën e ngritjes së ndërgjegjes kombëtare para revolucionit gjerman në 1848, ka shërbyer si himn kombëtar që nga viti 1922. Ka tre vargje, por vetëm të tretin, i cili fillon me fjalët e famshme "Bashkim, drejtësi dhe liri”, do të mbetet dhe këndohen. Dy të tjerët nuk këndohen më dhe nëse filloni t'i këndoni, mund të prisni një reagim nga ata që ju rrethojnë. Fjalët "bashkim, drejtësi dhe liri" shfaqen gjithashtu në monedhat gjermane 2 euro.
Heroi i kultit të të gjitha kohërave
Günter Netzer ishte fytyra e Borussia Mönchengladbach që sfidoi skuadrën e Franz Beckenbauer-it Bayern Munich në fund të viteve 1960 dhe fillim të viteve 1970. Jo vetëm që ishte një nga mesfushorët më të mirë gjermanë, por pasioni i tij për makinat e shpejta dhe femrat e bukura dhe flokët e bënë atë një ikonë të viteve '70, siç tregon pseudonimi i tij "rebeli". Në ndeshjen e tij të fundit për Mönchengladbach para se të transferohej në Real Madrid, finalja e Kupës së Gjermanisë në 1973, Netzer u zëvendësua në fushë pa pyetur trajnerin e tij, Hennes Weisweiler - dhe shënoi golin fitues tre minuta më vonë.
Marrë dhe përkthyer nga TheGuardian
ARGJENTINE - Ardhja e Scalonit në stolin e ‘albiceleste’ ishte një surprizë e vërtetë për shumic...
FRANCE - Luis Enrique mëngjesin e kësaj të premte zyrtarizoi thirrjen për 26 futbollistëve që do të përfaq&e...
ANGLI - Trajneri i Manchester United, Ten Hag, në konferencën për shtyp në prag të ndeshjes ndaj Aston Villës për...
ARGJENTINE - Siç raportojnë mediat latine, Samuel Rebojo ishte pjesë e skuadrës së të rinjve të Aldosivit. 20-vjeç...
RUSI - Futbolli rus, i mënjanuar nga fushata ushtarake ruse në Ukrainë, nuk do të ndalet gjatë Kupës së Botës në ...
SERBI- 13 ditë pas ndeshjes hapëse ndaj Brazilit, trajneri Dragan Stojkovic ka publikuar listën me 26 lojtarët e Serbisë që do t...
SPANJË- Listat përfundimtare të përfaqësueseve të ndryshme që do të marrin pjesë në Botërorin e Katarit...
GJERMANI- Mick Schumacher mund të jetë piloti rezervë i Mercedes në vitin 2023. Me Nyck De Vries që do ti bashkohet AlphaTauri dhe St...
TIRANE - Trajneri i kombëtares shqiptare U-21 doli paraditen e kësaj të premteje në një konferencë zyrtare për mediat, ku k...
FRANCË- Të gjithë e dinë se Emmanuel Macron, presidenti i Republikës së Francës, luajti një rol të madh n&e...
