SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
Në një intervistë për ‘Le Parisien’, presidenti i PSG-së, Nasser Al Khelaïfi, ka pranuar se Zidane nuk do të jetë trajneri i ardhshëm i skuadrës pariziene.
FRANCE - Presidenti i PSG-së, Nasser Al Khelaïfi, ka konfirmuar në një intervistë për ‘Le Parisien’ se Zinedine Zidane nuk do të jetë trajneri i ardhshëm i skuadrës pariziene. Në fakt, presidenti nga Katari ka siguruar se nuk ka kontaktuar asnjëherë me Zizun, pavarësisht zërave se ka pasur negociata mes dy palëve.
Thashethemet e Zidane për PSG? “Unë e dua Zidane, ai ishte një lojtar fantastik, me klas të jashtëzakonshëm. Ai ishte gjithashtu një trajner i jashtëzakonshëm, me tre tituj të Champions League. Por unë do t'ju them një gjë: ne nuk kemi folur asnjëherë me të, drejtpërdrejt apo tërthorazi. Shumë klube janë të interesuara për të edhe disa kombëtare, por ne nuk kemi folur kurrë me të. Kur them "ne", kam parasysh PSG-në. Unë jam presidenti i PSG-së dhe nuk kam diskutuar kurrë asgjë me të”.
Përfshirja e tij në rinovimin e Mbappe? “Nuk më pëlqen të flas për veten time. Por gjatë pesë viteve të fundit, unë kam krijuar një marrëdhënie të veçantë me Kylian dhe familjen e tij. Ai ka një familje të mrekullueshme. Nuk do ta harroj kurrë se gjatë gjashtë takimeve tona të para me të dhe prindërit e tij, të cilët në atë kohë ishin në Monaco, nuk më folën kurrë për para. Kurrë! Prandaj i dua shumë, e admiroj edukimin që kanë marrë. Këtë vit u fol shumë, por paratë nuk arritën deri në javët e fundit. Njerëzit thonë se ai qëndroi për paratë, por Reali i ofroi shumë më tepër se ne! Verën e kaluar ata ishin të gatshëm të ofronin 170 milionë euro. Ato para që ishin të gatshëm t'i riinvestonin këtë vit kur ishin falas!”
Nëse Mbappé ka kërkuar një lojtar apo trajner të ri? “Duhet të ndaloni së thëni këtë. Unë do të jem shumë i qartë: unë jam presidenti dhe unë vendos. Dhe mbi të gjitha, Kylian nuk ka pyetur kurrë asgjë për një lojtar apo një trajner. Ju garantoj".
A keni arritur një marrëveshje me Galtier? “Jo, jo për momentin. Ne kemi një listë të trajnerëve, po diskutojmë me Nice, nuk është sekret. Shpresoj që të arrijmë një marrëveshje shpejt, por respektoj Nice dhe presidentin Rivère, të gjithë mbrojnë interesat e tyre”.
Nëse vërtet nuk keni kontaktuar kurrë me Zidane? “Ne kemi zgjedhur një opsion tjetër. Ne kemi zgjedhur një trajner që do të jetë më i miri për atë që duam të lançojmë. Unë nuk jam këtu për të krahasuar trajnerët. Unë e di saktësisht se çfarë na nevojitet. Në klub ka detaje që nuk i dini”.
Nëse Neymar largohet nga PSG-ja e re? “Ajo që mund të them është se ne presim që të gjithë lojtarët të bëjnë shumë më tepër sesa bënë sezonin e kaluar. Më shumë. Të gjithë duhet të jenë 100%. Natyrisht, ne nuk ishim mjaftueshëm të mirë për të shkuar larg. Për sezonin e ardhshëm objektivi është i qartë: të punojmë çdo ditë me 200%. Le të japim gjithçka që kemi për këtë fanelë, të japim gjithçka dhe do të shohim rezultatin. Ne duhet të jemi të përulur. Duhet të ndryshosh për të shmangur dëmtimet, pezullimet dhe faullet që përmbysin një lojë. Duhet të jesh i disiplinuar brenda dhe jashtë fushës. Kush dëshiron të qëndrojë në zonën e tij të rehatisë, që nuk dëshiron të luftojë, do të qëndrojë mënjanë. Dhe ne duhet të krijojmë një ekip të vërtetë, të gjejmë një frymë të vërtetë kolektive. Ky do të jetë misioni i trajnerit të ri. Ne duam lojtarë që janë krenarë të përfaqësojnë PSG-në dhe të gatshëm të luftojnë çdo ditë”.
A do të investoni te lojtarët francezë? “Ne jemi këtu për një kohë të gjatë. Do të kemi qendrën më të mirë stërvitore në botë. Synimi im për vitet e ardhshme është që në ekipin tonë të kemi vetëm lojtarë parizienë. Ka shumë talent në rajonin tonë. Lojtarët më të mirë në rajonin tonë e meritojnë të luajnë për PSG-në. Do të duhet kohë, por është një objektiv. 11 vjet më parë thashë që doja të stërvitja Messin e ardhshëm, sot them se duam të stërvitim Mbappen e ardhshëm, i cili gjithashtu do të vinte nga Parisi. Nuk është e lehtë, por ne kemi gjithçka që na nevojitet për të pasur sukses”.
Ardhja e Luis Campos? “Luis Campos do të fokusohet te ekipi i parë. Por ne duam të zbulojmë talente të reja, tregje të reja. Ne duhet të eksplorojmë drejtime të reja. Ne duhet të gjejmë lojtarë që janë krenarë që janë në Paris, për klubin, për futbollin dhe vetëm për futbollin. Luis Campos ka ndihmuar mbi të gjitha Monacon dhe Lille për të fituar kampionatin. Mbjell një kulturë të punës së palodhur, duke dhënë gjithçka çdo ditë. Por paratë janë të rëndësishme. Ne nuk duam të humbasim para. Për shembull, Messi: ne kemi arritur një marrëveshje të jashtëzakonshme, brenda dhe jashtë fushës. Më pak se një vit më vonë, ai tashmë e ka paguar veten.”
Ultrasit e PSG-së? “Kam ardhur njëmbëdhjetë vjet më parë. Është një projekt shumë afatgjatë. Unë jam këtu, sepse e dua PSG-në, sepse jam një tifoz i klubit. Një nga betejat e mia të para ishte kthimi i ultrasve në ‘Parc des Princes’. Unë kam luftuar për ta. Ne duam që tifozët e vërtetë të mbështesin klubin, në kohë të mira dhe të këqija. Kjo është ajo që bëjnë tifozët e vërtetë të klubit. Ne nuk duam tifozë që janë aty vetëm kur fitojmë. E kuptoj që ata ndihen të zhgënjyer kur ne humbasim. Mendoni se unë nuk jam? Kam vënë të gjithë energjinë time, gjithë pasionin tim në këtë klub. Kur humbasim nuk fle për ditë, javë, kështu që nuk mund të pranoj që njerëzit të vinë për të më dhënë mësime”.
B.T (Dosja.al)
John Textor, miliarderi amerikan që ka blerë Lyon FRANCE - John Textor, aksioneri i ri, që do të ketë maxhorancën e aksioneve...
SPANJE - Vetëm një javë më parë Marcelo i dha fund 16 sezoneve te Real Madrid, në të cilat ai është...
TURQI- Trajneri i ri i Fenerbahces, Jorge Jesus nuk e dëshiron Mesut Ozil në skuadër. Mesfushori, megjithatë, ka dëshirë ta mbyl...
Nasser Al Khelaifi PARIS- Presidenti i PSG, Nasser Al Khelaifi, në një intervistë për "Le Parisien" flet për gjithçka: nga ...
ITALI- Rikthimi i Cristiano Ronaldos së bashku me Neymar. Sipas Luca Momblano për Juventibus, ky do të ishte operacioni i bujshëm i merkat...
EUROPË- Skuadrat kërkojnë të forcohen në mënyrën më të mirë të mundshme dhe në rendin e ditës...
EUROPË- FIFA ka komunikuar zyrtarisht një procedurë që ishte e njohur prej disa javësh. Futbollistët dhe trajnerët e huaj t...
ITALI- Inter dhe Chelsea kanë gjetur marrëveshjen përfundimtare. Klubi italian do të paguajë 8 milionë plus bonuset për hua...
BRAZIL- Trajneri i Brazilit ka dhënë një intervistë për The Guardian. Tekniku 61-vjeçar u ndal në shumë tema duke fo...
Ish-basketbollisti Caleb Swanigan duke dribluar me top SHBA - Lajm i trishtë në NBA. Caleb Swanigan vdiq në moshën 25 vjeça...