Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– “Korrupsioni është i lartë” thonë ndërkombëtarët, “korrupsioni duhet ndëshkuar” deklaron ambasadorja amerikane Yuri Kim, “korrupsioni është gangrenë e Shqipërisë” thotë populli; por duhen emra që të arrestohen. Të gjithë jemi dëshmitarë të korrupsionit në koncensione, në PPP, në tenderime, në leje ndërtimi, etj. Që prej katër vitesh janë publikuar fakte, video, dëshmi, shkresa për korrupsionin galopant në qeverisje, por akoma nuk po shikojmë pranga zyrtarësh të lartë. Asnjë ministër apo biznesmen pranë qeverisë nuk po arrestohet, ndonëse buxheti i shtetit po paguan gjyqet që fitojnë ndaj qeverisë disa biznesmenë të fuqishëm.
Ka vite që ka filluar një lojë djallëzore për të fituar para të “pastra” me vendime gjykatash, sidomos me ato ndërkombëtare, të cilat janë të pa apelueshme. Qeveria shqiptare humbi gjyqin me biznesmenin italian Francesco Becchetti në shuma mbi 135 milionë euro, të cilat nga vonesat në pagesa do rriten për buxhetin e shtetit shqiptar. Po kështu opozita ka dhënë fakte dhe ka kërkuar nga SPAK që Avokatura e Shtetit po bën shkresa me hile në gjykata ndërkombëtare që ti fitojnë gjyqet kompanitë ndaj qeverisë shqiptare, ndërkohë Avokatura e Shtetit ka detyrë të mbrojë interesat e Shtetit Shqiptar.
Akuzat janë shumë të ashpra ndaj kësaj metode, aqsa shkohet deri atje sa flitet se vetë ministra të caktuar bëjnë marrëveshje me firma të ndryshme që kanë marrë koncensione apo kontrata qindra milionë euro, që u thonë po biem dakort që ta prishim kontratën dhe ti na hidh në gjykatë arbitrazhi ndërkombëtar dhe e ke të fituar. Dhe paratë paguhen nga buxheti i shtetit shqiptar. Pazari mbetet se ndajnë paratë përgjysëm; gjysmën zyrtari i lartë , ai që urdhëron për prishje kontrate dhe pjesa tjetër shkon në llogaritë e biznesmenit që iu prish kontrata.
Pra këto janë marrëveshje mafioze me paratë e buxhetit të shtetit, pasi edhe kur të humbas PS-ja në zgjedhjet e 25 prillit 2021, përsëri qeveria e re do jetë e detyruar ti paguajë eurot e gjyqit ndërkombëtar. Pra edhe kur të kalojnë në opozitë do kenë qindra milionë euro për të marrë dhe ndarë me njeri tjetrin!
Po kështu qeveria shqiptare ka prishur dhe po prish disa kontrata koncensionare me firmë e vulë, natyrisht në bashkëpunim mafioz me firmat, dhe fitojnë dy herë qeveritarët. Hera e parë në bashkëpunim me firmën që bien dakort t’ju prishet kontrata në mënyrë të paligjshme dhe hera e dytë marrin prapë para korrupsioni me firmën tjetër që ia japin koncensionin e atij që i prishet.
Pra miliona euro me dy duar!
Sot na rënë në dorë një dokument sekret (dalë nga një burim serioz nga brenda ministrisë), firmosur nga ministrja e Transportëve, Belinda Balluku (të cilin nesër në gazetën KOHA JONE do publikohet e plotë) ku flitet tamam për këto afera korruptive dhe jo ligjore. Nesër gazeta do të publikojë foto e shkresa për këtë aferë që po përgatitet mes biznesmenit të kompanisë ANK shpk dhe qeverisë shqiptare.
Pra duket se ka rënë dakort palët; biznesmeni që ka fituar koncensionin e rrugës Milot-Balldre (Lezhë), Ndue Kola dhe qeveria, pra që biznesmeni të heshtë, ndonëse ka gjetur kredinë 100 milionë euro. Ministrja do të nis shkresën finale se koncensioni prishet dhe me sa duket po i jepet një kompanie të huaj, greke, ku është lidhur një pjestar i lartë i Rilindjes. Me shkresën që do nis ministrja Balluku pala e firmës ANK shpk do bëjë padi në gjykatën ndërkombëtare të arbitrazhit, ku natyrisht do të fitojë qindra milionë euro dëmshpërblim, pa bërë asnjë punë, dhe më pas biznesmeni do t’i ndajë me pazarxhinjtë në qeveri. Ndërkohë biznesmeni Ndue Kola, hesht, dhe bën si i mërzitur që po ia prishin koncensionin në mënyrë të njëashme qeveria, pasi me atë kontratë koncesionare dhe me kredinë 100 milionë euro që ka siguruar me shkrim, ai e fiton gjyqin ndërkombëtar.
Pra fiton gjyqin me hile ligjore, merr qindra milionë si dhe më pas fiton edhe dhjetra milionë euro nga zhavorri dhe mjetet që ka gati për fillim pune, sipas asaj që ka firmosur.
Euro me thasë!
Kjo është një lojë e rrezikshme me financat e shtetit shqiptar, sidomos tani që po vijnë zgjedhjet dhe të gjitha gjasat janë se humb thellë Rilindja, por ama qindra milionë euro do vazhdojnë të ikin nga buxheti shtetit në xhepat e Ndue Kolës dhe atyre me të cilët ai ka bërë pazarin që t’ia prishin kontratën e Milot- Balldre.
Ndaj SPAK-u ka një fakt të freskët dhe prangat, pasi ti verifikojë këto që themi dhe ato që do të botojmë nesër, duhet ti vërë mbi zyrtaren e lartë dhe biznesmenin.
Marrë nga Kohajonë
1 vit nga zgjedhjet e 25 prillit si e shikoni gjendjen e vendit:
TIRANË– Rilinda Selimi, gjyqtare pranë Gjykatës Administrative të Apelit është konfirmuar në detyrë. Mësohet se vendimi u mor gjatë senacës së sotme,...
TIRANË– Avokati i një prej personave që është arrestuar nga policia ka dhënë një deklaratë për mediat e pranishme jashtë Prokurorisë së Tiranës në lidhje m...
TIRANË– Emin Basha, babai i Ibrahim Bashës, efektivit të RENEA-s që mbeti i vrarë në Lazarat, ka mbetur dyerve të komisariateve. Këtë herë, në kërkim të dy...
VLORË– Operacioni antidrogë i cili ka nisur mëngjesin e sotëm ka vënë në pranga dhe një polic. Bëhet e ditur se në mesin e personave të dyshuar për kultivi...
TIRANË- Policia e Shtetit i bën thirrje qytetarëve të mos bëhen me pjesë e protestave. Në një njoftim publik, PSh thotë se e gjithë shoqëria shqiptare pati...
VLORË– Kanë dalë detaje të reja në lidhje me operacionin antidrogë që u zhvillua ditën e sotme në Vlorë e që u arrestuan më shumë se 41 persona.Nga ekzekut...
ITALI– Një rrjet i trafikut të drogës, që ka si anëtarë ish-bashkëpunëtorë të grupeve mafioze në Italia, Ndrangheta e Camoraa është shkatërruar me ndërhyrjen e ...
DURRËS– Një e moshuar ka tentuar ditën e sotme që të vetëflijohet përballë Bashkisë së Durrësit mirëpo është ndalaur nga qytetarët e pranishëm dhe nga forc...
Që nga shpërthimi i pandemisë së Coronës në pranverën e këtij viti, miliona gjermanë e njohin emrin e Christian Drosten, kryevirologut të Charite në Berlin dhe ...
TIRANË– Prokuroria e Tiranës ka dhënë pretencat për ‘Dosjen 339’, për laboratorin e drogës në Has.Prokuroria kërkon për Gjevi Ndoka 8 vite, për Altin Avdyl...
