Politike

Elsa Toska dhe Fiona Papajorgji shpallen anëtare të Gjykatës Kushtetuese! Balla: Meta do të emërojë bashkëjetuesen e Alibejat. Hajdari: Listat problematike

  • Meta thirrje Kuvendit: Pa humbur kohë votoni anëtarin e dytë, do shprehem brenda 24 orëve
  • Me shumicë votash, Elsa Toskën dhe Fiona Papajorgji si anëtare të Gjykatës Kushtetuese. Hajdari:Listat janë problematike, dy anëtarë të imponuar. Balla bën deklaratën e fortë: Meta do të çojë në Kushtetuese bashkëjetuesen e Alibejat. Ruçi i prerë gjatë seancës me deputetë, ku theksoi se nuk kanë asnjë kopetencë që të analizojnë kandidaturat.

    Tiranë- Kuvendi ditën e sotme ka votuar me shumicë votash, Elsa Toskën dhe Fiona Papajorgji si anëtare të Gjykatës Kushtetuese. Me 105 vota pro, 2 kundër dhe 9 abstenim, kandidatja e propozuar nga KED, Toska është shpallur anëtare e Gjykatës Kushtetuese. 105 vota pro, 3 kundër dhe 8 abstenim është votuar edhe Fiona Papajorgji. Ndërsa për Arta Vorpsin, Ruçi është shprehur se ajo është shpallur më herët si anëtare të Gjykatës Kushtetuese.

    Po ky votim i sotëm u kundërshtua nga disa deputetë të opozitës sës re. Që në fillim të seancën deputetja Rudina Hajdari u shpreh se listat janë problematike dhe dy prej kandidatëve janë të imponuar. Për këtë kreu i Kuvendit Gramoz Ruçi deklaroi se deputetët nuk kanë kompetenca për diskutime, por vetëm për votim të anëtarëve. Nuk mungoi një deklaratë e fortë nga Balla i cili u shpreh se Meta ka vetëm një hall pasi kërkon të emërojë në Gjykatë Kushtetuese bashkëjetuesen e Enkelejd Alibeajt.

    Pak më herë Presidenti Meta iu bëri thirrje deputetëve që sot të votonin për anëtarin e dytë pa humbur kohë. Ai ka theksuar se për këtë do të shprehet menjëherë brenda 24 orëve.

    Sqarojmë që listën e KED, të paraqitur Kuvendi, ishin renditur:  Arta Vorpsi, Elsa Toska, Besnik Muci, ky i fundit i dekretuar nga Presidenti. Nga lista e paraqitur nga KED, Arta Vorpsi rezulton të jetë shpallur emëruar për vendin vakant, pas plotësimit të afatit 30 ditor, dhe në mungesë të ushtrimit të dekretimit, është botuar në fletore zyrtare.

    Për më shumë bëhu pjesë e grupit më viral në Facebook, Dosja.al

    LISTA që kaloi sot për votim Kuvendit:  

    Zëvendësimi i Vladimir Kristos, vakancë e shpallur nga kuvendi
    1. Arta Vorpsi 89.642
    2. Elsa Toska 85.428
    3. Besnik Muçi 81.928
    • Zëvendësimi i Bashkim Dedjas, vakancë e shpallur nga Kuvendi
    1. Arta Vorpsi 89.642
    2. Fiona Papajorgji 88.785
    3. Elsa Toska 85.428

    J.V/Dosja.al 

    • 13:54

      Elsa Toska dhe Fjona Fiona Papajorgji shpallen anëtare të Gjykatës Kushtetuese

      Kuvendi ditën e sotme ka votuar Elsa Tokën dhe Fiona Papajorgji si anëtare të Gjykatës Kushtetuese. Me 105 vota pro, 2 kundër dhe 9 abstenim, kandidatja e propozuar nga KED, Toska është shpallur anëtare e Gjykatës Kushtetuese. 105 vota pro, 3 kundër dhe 8 abstenim është votuar edhe Fiona Papajorgji. Ndërsa Arta Vorpsi është shpallur e emëruar që më herët si anëtare të Gjykatës Kushtetuese. “Procedura është bërë sipas Kushtetutës”, është shprehur Ruçi.

    • 13:16

      Balla flet hapur: Meta do të çojë në Kushtetuese bashkëjetuesen e Alibejat, ky është halli i tij, të heqë maskën (VD)

      Kreu i Grupit Parlamentar të PS-së Taulant Balla ka deklaruar se Presidenti i vendit ka vetëm një hall për vakancat në Kushtetuese pasi sipas tij, do të çojë në Gjykatën Kushtetuese bashkëjetuesen e Alibeajt. Ai i theksoi Metës se duhet të heqë maskën pasi në Kuvend duhet të flitet troç dhe se shqiptarët duhet të dinë të vërtetën.

       

      “Këtu duhet folur troc dhe jo me maska. Meta nuk ka hallin e afatit, ai ka ngulmuar nga lista e KED, t’i shkojë më 4 veta, se e katërta është një person që ka miqësi. Ai do të çojë në Gjykatën Kushtetuese bashkëjetuesen e Alibeajt. Nuk ka asnjë hall tjetër. Nuk ka asnjë hall tjetër të na këndojë atë hallin: E kam unë apo e ke ti…?“, u shpreh Balla.

    • 13:03

      Anëtarët e Kushtetueses/ Hajdari kërkon të mbyllet seanca, PS njofton mbledhjen e papritur

      Deputetja Rudina Hajdari ka deklaruar se nuk duhet që të arrihet sot për një votim për anëtarët e Gjykatës Kushtetuese pasi duhet të të gjitha palët të jenë dakord për anëtarët.

      Ajo i ka kërkuar kreut të Kuvendit Gramoz Ruçi që të mbyllë seancën e sotme dhe të gjendet një gjuhë e përbashkët me Presidentin.

       

      “I bëj thirrje të dyja palëve të gjejnë zgjidhje. Duhet të ketë një përzgjedhje nga kuveni dhe një nga Kuvendi dhe një nga gjykata e lartë. Gjithë procedura ka boshllëqe. Do të ishte më mirë të ndërprisnim seancën, të bisedonim me Presidentin. Pra duhet të rishkohen listat e KED, të gjithë kanë faj dhe duhet të shikojmë defektet. Të gjejmë një gjuhë të përbashkët për këtë.”, u shpreh Rudina Hajdari.

      Pas fjalës së saj Ruçi u shpreh: Mbyllen debatet për çështjet e sotme. Do të kalojmë në votim”. 

      Mësohet se PS ka kërkuar ndërprerje të seancës së Kuvendit, duke njoftuar një mbledhje grupi.

    • 12:00

      Balla flet hapur: Meta do të çojë në Kushtetuese bashkëjetuesen e Alibejat, ky është halli i tij, të heqë maskën

      Kreu i Grupit Parlamentar të PS-së Taulant Balla ka deklaruar se Presidenti i vendit  ka vetëm një hall për vakancat në Kushtetuese pasi sipas toij, do të çojë në Gjykatën Kushtetuese bashkëjetuesen e Alibeajt. Ai i theksoi Metës se duhet të heqë maskën pasi ai flet troç dhe se shqiptarët duhet të dinë të vërtetën.

      “Këtu duhet  folur troc dhe jo me maska. Meta nuk ka hallin e afatit, ai ka ngulmuar nga lista e KED, t’i shkojë më 4 veta, se e katërta është një person që ka miqësi.  Ai do të çojë në Gjykatën Kushtetuese bashkëjetuesen e Alibeajt. Nuk ka asnjë hall tjetër. Nuk ka asnjë hall tjetër të na këndojë atë hallin:  E kam unë apo e ke ti…?“, u shpreh Balla.

    • 11:37

      Debati për anëtarët e Kushtetueses/ Manja, akuza Metës: Arsyetimi i tij dashakeq, synohet bllokimi i procesit

      Ulsi Manja

      Kreu i Komisionit të Ligjeve, Ulsi Manja reagoi gjatë fjalës së tij në parlament, lidhur me votimin e anëtarëve të Gjykatës Kushtetuese, si edhe për ‘konfliktin’ me presidentin Ilir Meta për këtë çështje.

      Manja tha se pavarësisht se Presidenti e paraqet si debat kushtetues, në thelb për të është një konflikt i pastër politik, duke shtuar se synimi i Metës, sipas tij  është bllokimi i gjykatës kushtetuese.

       


      Gjykata Kushtetuese përbëhet nga 9 anëtarë. 1/3 i ripërtërihet mandati çdo tre vjet. Tre anëtarë i emëron presidenti, tre Kuvendi dhe tre Gjykata e Lartë. Nëse ata nuk e ushtrojnë këtë kompetencë, kandidati i renditur i pari në listën e KED zgjidhet automatikisht. Ligji thotë se në rast se presidenti brenda 30 ditëve që kur ka marrë këtë listë nuk e ushtron këtë të drejtë, kandidati i parë emërohet automatikisht. Presidenti ka marrë dy lista. Deri në datën 7 nëntor duhet të kishte emëruar dy anëtarë. Ka dekretuar Besnik Muçin ndërsa për anëtarin e dytë i ka dërguar një letër KED. Dekretimin do ta bëj sipas radhës, një presidenti, një kuvendi dhe një Gjykata e Lartë. Radhën e ka përcaktuar kushtetuta për të shmangur konlfiktin mes institucioneve por nuk përcakton se kush duhet të veprojë i pari. Radha është përcaktuar sepse ka pasur në konsideratë përtërijtjen normale të Kushtetueses. Por nuk jemi në kushte normale. Gjykata Kushtetuese mbeti vetëm me një anëtar. Arsyetimi i presidentit është dashakeq, sepse në këtë mënyrë synohet bllokimi i bërjes funksionale të Gjykatës Kushtetuese. Brenda datës 13 nëntor ka detyrimin të zgjedhë dy anëtarët e Gjykatës Kushtetuese. Kuvendi ka vullnetin e mirë për të bashkëpunuar me organet e tjera kushtetuese. Ftoj presidentin dhe KED që të zhbllokojmë Gjykatën kushtetuese”, tha Manja.

    • 11:25

      Kushtetuesja/ Korab Lita: Do votoj pro për dy anëtarët, qeveria është KÇK-ja, po ju vjen dita e gjykimit

      Deputeti Korab Lita ka deklaruar për ngritjen e Gjykatës Kushtetuese se do të votojë pro për dy anëtarët e rinj. Ai theksoi se qeveria është kryesuesja e asaj që quajnë “KÇK” dhe se shumë shprej do të dalin para drejtësisë.

      “Çdo ditë që kalon, vonon zbatimin për Reformën në Drejtësi nuk duhet humbur asnjë ditë më shumë. Shqipëria është në emergjencë kombëtare, pa drejtësi. Një gjendje në fakt ka 30 vite që është ketu, prandaj këto vite keni për të penguar. Ju jeni kryesuesit e KÇK-së. Dita e gjykimit po vjen dhe nuk ka kthim, ju nuk po ju zë gjumi.  Prandaj edhe unë do e bashkoj votën time për ngritur sistemin e drejtësisë. Po me gjykatën e Lartë çpo bëhet? Me spak ç’po bëhet?  Po përdoren çdo lloj mekaniza për të penguar çdo proces. Ata që katandisën këtë drejtësi në këtë vend nuk mund të bëjnë drejtësi. I vetmi falënderim i shkon vetëm ndërkombëtareve, kryesisht SHBA-së, se pa ta nuk do të kishim Reformë në Drejtësi.”, u shpreh Korab Lita.

    • 11:19

      Anëtarët për Kushtetuese, Ralf Gjoni: Mbi bazën e cilës procedurë po zhvillohet debati sot? Zgjidhja, strikte

      Ralf Gjoni

      Deputeti Ralf Gjoni ka folur sot në seancë plenare për çështjen e votimit të anëtarëve për Gjykatën Kushtetuese. Gjoni theksoi se përzgjedhja e kandidatëve duhet të bëhet strikte, siç parashikohet në Kushtetutë.

       

       

      “Sot jemi para përgjegjësisë për zgjedhjen e anëtarit të Gjykatës Kushtetuese. Kushtetuta, e qartë për zëvendësimin e vakancave në Gjykatën Kushtetuese. Mbi bazën e cilës procedurë po zhvillohet debati sot?

      Në momentin e fundit njoftohemi se ka debat për mënyrën si do zgjidhen anëtarët. Përzgjedhja e kandidatëve duhet të bëhet strikte, siç parashikohet në Kushtetutë. Nuk mund të shkoni për votim pa qartësi proceduriale”, u shpreh Gjoni në parlament.

    • 10:53

      “Komunist që mbrohet nga partia”/ Myslim Murriz sulmon kreun e KED: Pse ky nxitim? Më mirë depja bosh sesa dreqi brenda

      Deputeti Myslim Murrizi për anëtarët e Gjykatës Kushtetuese është shprehur se  nuk ka nevojë që të ketë një nxitim kaq të madh për emërimin e tyre. Ai ka sulmuar kreun e KED, Ardian Dvoranin për të cilin është shprehur se është komunist që e mbron partia. Ai ka deklaruar se edhe 3 kandidatët e sjellë nga KED nuk kanë fituar shkollën e Magjistraturës por janë kandidatë për Kushtetuesen.

       

      “Ne kemi një shprehje popullore:më mirë depja bosh sesa dreqi brenda. Çfarë është kjo ngutje? Çfarë ështëtë ky kryetar KED, komunist dhe i bën karshillëk Presidentit? Çfarë është ky pronari i KED, është ruajtur me mbështetjen tuaj, e ruani në detyrë edhe pse i kanë mbaruar mandati. Pse duhet të mbyllet më 20? Na kanë sjellë tre kandidatë që nuk kanë fituar në magjistraturën, tani do na i sillni për Gjykatën Kushtetuese. Ulsi ke qenë ti Ashtajni i Drejtësisë? Nuk dëgjon. Edhe Komisioni i ligjit duhet të zbatojë atë nen që thotë Kushtetueta. Elsa Toska hynë te gratë apo burrat si ta votojnë. Besnik Muçin e zgjodhën si burrë mes disa grave., është shprehur  Myslim Murrizi.

    • 10:30

      / Hajdari e pakënaqur me listat: Jam problematike, nuk kemi çfarë përzgjedhim. Reagon Ruçi: S’kemi kompetencë për diskutime

      Në seancën e sotme të Kuvendit deputetja Rudina Hajdari ka deklaruar se listat për anëtarët Gjykatës Kushtetuese që kanë mbërritur në Kuvend janë problematike.

       

       

      Hajdari: Do të kërkoja në fakt që ne ta dikutonim këtë çështje. Ato lista janë pak problematike. Nuk kemi çfarë të përzgjedhim. Pra kemi të njëjtët kandidatë, pra kemi dy kandidatë të imponuar dhe nuk kemi zgjidhje. Ju lutem nëse është e mundur në pikat e tjera ta trajtojmë këtë çështje. Unë sugjeroj që të gjitha palët ta marrin me qetësi dhe duhet të jemi sa më të qetë për këtë, edhe presidenti të tregohet i qetë. Si do ta ngrejmë ne këtë gjykatë? Ne nuk duhet ta cënojmë integritetin e Gjykatës Kushtetuese.

      Ruçi: Lidhur me shqetësimin e drejtë që zonja Hajdari trajton, ajo që thashë unë që në Kuvend nuk mund të diskutohet rreth kandidaturave, janë diskutuar kur ato janë dëgjuar. Jam diskutuar nga KED, kështu që Kuvendi nuk ka kompetencë që të diskutojë për performancën e tyre. Dakord? Kam kërkuar të thirret Këshilli i Lartë i Legjislacionit, të nis nga puna.

    Shto Koment