Politike

Maxhoranca ndryshon mënyrën e betimit të anëtarëve të Kushtetueses. Rama: ILD do jetë anti-KÇK e prokurorëve e gjyqtarëve. Opozita debate me Lleshajn e Ballukun

Kuvendi i Shqipërisë votoi ndryshimet ligjore për mënyrën se si do të betohen anëtarët e Gjykatës Kushtetuese dhe Kryeprokurori.Rama tha se me Operacionin Forca e Ligjit, qeveria ia ka dalë që të godasë në pikën e dobët krimin e organizuar.
Featured image of article: Maxhoranca ndryshon mënyrën e betimit të anëtarëve të Kushtetueses. Rama: ILD do jetë anti-KÇK e prokurorëve e gjyqtarëve. Opozita debate me Lleshajn e Ballukun Edi Rama, Sandër Lleshi, Belinda Balluku dhe Lefter Maliqi

TIRANE– Kuvendi i Shqipërisë votoi mbrëmjen e sotme pas një seance të gjatë ndryshimet ligjore për mënyrën se si do të betohen anëtarët e Gjykatës Kushtetuese dhe Kryeprokurori. Projektligji u miratua me 87 vota pro, 15 kundër, 4 abstenim.

Pas 10 ditësh mungesë kryeministri Edi Rama ka qenë prezent sot në seancën plenare ku janë prezantuar për deputetët 5 projektligje të paketës Anti-KÇK. Kryeministri tha se nuk ka më falje për të gjithë ata që kanë bërë para në kurriz të shqiptarëve dhe vajzave të tyre, drogës, dhe aktivitetit të paligjshëm. Kryeministri ishte i prerë kur tha se të gjithë gjyqtarët dhe prokurorët që shkelin ligjin, lirojnë të dënuar dhe nuk justifikojnë dot pasurinë “nuk do të flenë disa netë në shtëpi, por do të shkojnë tek shokët me të cilët kanë bërë pasurinë”, duke nënkuptuar burgun.

Më herët, Ministri i Brendshëm, Sandër Lleshaj i ka dhënë përgjigjie pyetjeve të deputetëve të opozitës së re, për rendin, sigurinë dhe rritjen e kriminalitetit. Ministri Sandër Lleshaj zgjodhi t’i përgjigjej pyetjeve të Lefter Maliqit, ku tha se është goditur krimi dhe se situata e rendit është në shifrat më të mira historike. Lleshaj iu përgjigj edhe akuzave se policia e Shtetit ka përdorur gaz të marrë nga Kosova, lajm i bërë publik nga mediat kosovare, dhe mohoi që ky gaz të jetë përdorur.

Disa nga deputetët e opozitës që kanë kërkuar këtë interpelancë janë Lefter Maliqi, Halil Jakimi dhe Artur Roshi. Ministri Sandër Lleshaj zgjodhi t’iu përgjigjej pyetjeve të Lefter Maliqit, ku tha se është goditur krimi, dhe se situata e rendit është në shifrat më të mira historike.

Lleshaj iu përgjigj edhe akuzave se policia e Shtetit ka përdorur gaz të marrë nga Kosova, lajm i bërë publik nga mediat kosovare, dhe mohoi që ky gaz të jetë përdorur. Ministri zgjodhi gjithashtu të përgjigjej për kultivimin e kanabisit kur tha se në Shqipëri kanabisi është goditur dhe për këtë tregues është çmimi i lartë, që siç tha ministri ka kapur vlerën rekord të 800 eurove për kilogram.

Për më shumë bëhu pjesë e grupit më viral në Facebook, Dosja.al

Nga ana tjetër, përballë tij u vu Lefter Maliqi, i cili nuk i kurseu akuzat për  ministrin e Brendshëm, kryeministrin, qeverinë, por edhe ambasadorin e Bashkimit Evropian, Luigi Soreca, i cili sipas tij bën gabim kur thotë “ndiq paranë”.

 

Kjo është interpelanca e dytë për ministrin e Brendshëm, Sandër Lleshaj. Në seancën e 3 shkurtit u zhvillua interpelanca e kërkuar nga deputeti Artur Roshi me ministrin e Brendshëm, Sandër Lleshajn, për ekstradimin e mësuesit turk, Harun Çelik, por edhe për çështje të tjera, përfshirë kanabisin. Për këtë çështje ministri Lleshaj deklaroi se të gjithë personat që nuk kanë dokumentacion të rregullt do të dëbohen nga Shqipëria.

(j.v;f.g/Dosja.al)

  • 20:29

    Miratohet ligji për ndryshimet në Kushtetuese

    Foto nga Kuvendi

    Kuvendi i Shqipërisë votoi mbrëmjen e sotme pas një seance të gjatë ndryshimet ligjore për mënyrën se si do të betohen anëtarët e Gjykatës Kushtetuese dhe Kryeprokurori.

    Projektligji u miratua në seancën e sotme plenare me 87 vota pro, 15 kundër, 4 abstenim. Tashmë me këtë projektligj që u miratua kompetencat e ILD-së që ende nuk është ngritur pas zgjedhjes së kryetarit, i kalojnë KLGJ-së dhe KLP-së për 6 muaj për marrjen e masave ndaj prokurorëve dhe gjyqtarëve brenda 3 ditëve.

    Votimi sot në Kuvend:

    Projektligji për shpronësimet u miratua me 84 vota pro, 19  kundër  dhe 3 abstenim

    Projektligji për jodin u miratua me 106 vota pro, 1 kundër dhe asnjë abstenim

    Projektligji për të huaj u miratua në tërësi me 89 vota pro, 14 kundër dhe 1 abstenim

    Projektligji për Gjykatën Kushtetuese u miratua me 86 vota pro, 13 kundër dhe 7 abstenim

    Projektligji për statusin e gjyqtarëve dhe prokurorëve u miratua me 87 vota pro, 15 kundër, 4 abstenim

    Projektligji për ushqimin u miratua me 85 vota pro, 10 kundër dhe 4 abstenim

    Projektvendimi për administrimin e pasurive të sekuestruara u miratua me 87 vota pro, 1 kundër, 6 abstenim

  • 19:12

    Andi Përmeti: Mazhoranca s’ka guxim të shkarkojë Ilir Metën, flirton me të

    Në seancën e sotme plenare, deputeti i opozitës së re Andi Përmeti gjatë fjalës së tij në foltoren e Kuvendit hodhi akuza ndaj mazhorancës, ndërsa foli për dy projekligjet e ndryshuara sa i përket emërimeve në Gjykatën Kushtetuese dhe statusit të gjyqtarëve dhe prokurorëve. Sipas Përmetit, mazhoranca pretendon se ka Meta ka shkelur Kushtetutën, por nuk ka guxim ta shkarkojë ose ta cojë për gjykim në Gjykatën Kushtetuese, sepse sipas tij mazhoranca flirton me Ilir Metën.

    “Ky ligj ka një qëllim të mirë, për të parandaluar çdo bllokim të mëtejshëm në gjykatat dhe sistemin e drejtësisë. Për të qenë më të saktë. Ky ligj ka për qëllim që mos të ndodhë më bllokimi si në rastin e fundit të Gjykatës Kushtetuese kur presidenti zgjedh të mos ftojë për betim një nga anëtarët. Arsyet pse mazhoranca e sjell këtë ligj në parlament janë pak të çuditshme, absurd. Mazhoranca deklaron se Presidenti ka shkelur Kushtetutën. Mazhoranca pretendon se ka shkelur Kushtetutën, por nuk ka guxim ta shkarkojë ose ta cojë për gjykim në Gjykatën Kushtetuese, sepse mazhoranca flirton me Ilir Metën”, u shpreh Përmeti në foltoren e Kuvendit.

  • 18:28

    “Të të vijë turp, komunist”/ Ruçi përjashton nga seanca Ralf Gjonin, deputeti ‘shpërthen’ në Kuvend: E keni kthyer në pronë private

    Seanca e Kuvendit e cila vijon prej orësh është shoqëruar me debate mes kryetarit Gramoz Ruçi dhe deputetit të LSI-së, Ralf Gjoni. Kryeparlamentari Ruçi ka përjashtuar nga seanca deputetin e opozitës së re. Ralf Gjoni po fliste për dështimin e Reformës në Drejtësi dhe kapjen e shtetit nga mazhoranca, kryeparlamentari i ndërpreu fjalën. Sipas Ruçit, Gjoni ishte jashtë rendit të ditës dhe i kërkoi të lironte foltoren.Mirëpo, deputeti nuk i është bindur urdhërit të Rucit dhe pas disa paralajmërimeve kryeparlamentari e ka përjashtuar nga seanca plenare.

    “Të të vijë turp, komunist. E ke kthyer Kuvendin në pronë private”, i është drejtuar Ralf Gjoni kryetarit të Kuvendit Gramoz Ruçi.

  • 17:39

    Ligji për të huajt, Gjoni kundër dhe debaton me Ballën: Po zëvendësoni shqiptarët me punëtorë nga vendet e treta

    Deputeti, Ralf Gjoni ka reaguar kundër ndryshimit në ligjin e të huajve, duke thënë se me këto ndryshime po kërkohej shpopullimi i vendit dhe zëvendësimi me punëtorë të huaj.  Gjoni u shpreh se Shqipëria nuk ka nevojë për krah pune, duke shtuar se ky ligj sillte ardhjen nga vendet e treta të emigrantëve. Por si përgjigje ka ardhur nga kreu i Grupit Parlamentar të PS, Taulant Balla, i cili tha se Gjoni po gënjen.  “Ky projektligj s’ka lidhje fare në tërmetin. Ju këtë ligj e keni vendosur për konsultim publik online për 20 dite në dt. 19 shtator 2019. Pra dy muaj përpara tërmetit të nëntorit. Dhe për më tepër, nuk është konsultuar me asnjë prej grupeve të interesit apo me shoqërinë civile. Pastaj përse nuk ka një studim të nevojave të tregut të punës?”, tha Gjoni në parlament.

    Ralf Gjoni, deputet

    Taulant Balla deklaroi sa janë hequr procedura burokratike, dhe ligji po bëhet për t’i hapur punë forcës punëtore të huaj që të vijë në Shqipëri për rindërtimin pas tërmetit.  “Për ata që nuk e dinë, ka një procedurë që kalon përmes shërbimeve inteligjente. Vetëm kemi shmangur një hallkë që e kemi konsideruar idiote. S’ka nevojë të shkojë në Konsullatë, ta marrin në intervistë, të vijë pas dy javësh të marrësh pasaportën me vizë. Ua kemi bërë më të thjesht. Do i sjellin online, do verifikohen të gjitha dhe pastaj do të vlerësoj nëse paraqet risk për sigurinë e vendit, për emigrantë të paligjshme. Kemi një strukturë shtetërore që i verifikojmë ditën që hyjnë dhe ditë që dalin“, tha mes të tjerave Balla.

    Por deputeti i opozitës nuk u ndal, duke thënë se është partiot dhe e do vendin e tij, ndaj dhe e kundërhston këtë ligj. “Taulant nuk e di me kë më ngatërron, por i harron gjërat që unë nuk flas pa lexuar. Jam patriot dhe e dua vendin tim. Nuk e kam fare për turp që nuk dua në vendin tim shtetas nga vende të dyshimta sa i përket sigurisë kombëtare, fare. Jam preferencial dhe çfarë kapaciteti teknik kanë të huajt. E pafalshme, pa asnjë konsultim publik ju i thonë shqiptarëve se ikni se ju zëvendësojmë me njerëz të botës së tretë. Unë dua persona nga vendet e zhvilluara”, tha Gjoni.

  • 13:15

    Murrizi sfidë Ramës: Spiunët dhe komunistët i kemi në Kuvend, SPAK e KLP. Hajde voto ligjin t’i heqim

    Deputeti demokrat, Myslim Murrizi, ka replikuar me Kryeministrin Edi Rama duke i thënë se ai është gati që të heqin të gjithë komunistët nga shteti. Sipas Murrizit komunistët dhe spiunët janë në Kuvend, në SPAK, në KLP dhe në Prokurorinë e Përgjithshme.

    Na fole për komunistët, po hajde t’i heqim që nga Kuvendit në radhë të parë e deri institucionet e tjera. Komunistët i kemi në Kuvend, i kemi në KLP me Sheshin e Seitajn, i ke në Prokurorinë e Përgjithshme dhe në SPAK. Po nuk ke ndonjë çengel në fyt hajde ta votojmë bashkë ligjin t’i heqim spiunët e komunizmit”, u shpreh Murrizi.

  • 12:57

    Kujtim Gjuzi nuk përmbahet dhe fillon bërtet nga vendi, Rama i kthehet: Naltmadhni të njoh edhe para viteve ’90

    Kryeministri Edi Rama ka debatuar sërish me deputetin Kujtim Gjuzi nga foltorja e Kuvendit të Shqipërisë. Rama ka përmendur për një moment diktatorin Enver Hoxha dhe pikërisht ky ka qenë momenti që ka krijuar tension me deputetin Gjuzi. Ndërsa kreu i qeverisë i ka treguar se e ka njohur edhe më parë.

    “Nëse do të jetë i suksesshëm ky operacion do të bëhet ndarja e madhe e botës së krimit. Italia është në raport tjetër me mafian, erdhi nga e njëjta gjë që po bëjmë ne sot: marrja e pasurisë. Jo më për krimin për se, por për pasurinë e vënë nga krimi. Shyqyr Zotit nuk jemi në vitin ’45 sepse njeriu është krijuar për t’ju përshtatur sistemit. Sistemi e merr njeriun dhe e bën ndryshe. I kam parë heronjtë e pas-pilafit. Flasin për Enver Hoxhën se nuk i ka dalë frika,”-tha Rama. 

    *Deputeti Kujtim Gjuzi flet nga vendi

    Edi Rama: Kur e shoh naltmadhninë unë që vjen dhe del këtu, e flet, harron që ne njiheshim edhe para ’90. Harron se na e tregoi Tiranën si vatrën e heroizmit me të në krye. Harron se e kam njohur edhe në atë kohë. Jo të gjithë e njohim përnjeherë lepurin. E vetmja gjë është që mustaqet tuaja nuk preken.
  • 12:51

    Deklarata e FORTË/ Rama: Gjyqtarët që s’justifikojnë dot pasurinë do të shkojnë në burg tek shokët…

    Kryeministri Edi Rama tha sot në Kuvend se Paketa Anti-KÇK është një e mirë e përbashkët për të gjithë shqiptarët, pa parti. Rama foli edhe për kontrollin e politikës dhe tha se për politikanët është Inspektoriati i Lartë i Deklarimit, që verifikon të dhënat, teksa shkoi edhe tek gjyqtarët e prokurorët. Rama tha se të gjithë gjyqtarët dhe prokurorët që nuk justifikojnë dot pasurinë, “nuk do të flenë ca kohë në shtëpi, por do të flenë tek shokët”, duke nënkuptuar se do të shkojnë në burg.

    Pjesë nga fjala e Kryeministrit Edi Rama:

    Gjithkush ka të drejtën e tij të rehabilitohet. Një krim s’mund të të ndjekë mbrapa, por duhet të na thuash këto që vure nga krimi, a të takojnë a s’të takojnë? Ti je i lirë, e ke kryer dënimin, por ti do të gëzosha ato që të takojnë, jo ato që s’të takojnë. Për ta çuar edhe më tej, ka një zhurmë të madhe nga ata që kundërshtojnë, jo nga xhakajdurët e politikës, që sipas tyre KÇK jemi ne. Nuk po flas as për Xhakajdurët e mediave që paguhen, disa prej tyre, për të bërë atë që bëjnë, por po flas për njerëzit e zakonshëm që thonë pse nuk e nisni nga vetja, nga Surreli nga x apo y. Sepse nuk jemi ne që mund ta bëjmë këtë gjë. A mund t’a kontrolloj unë pasurinë time? Ne pasurinë tonë e deklarojmë. Ka një ligj që na detyron. Edhe një numër i lartë zyrtarësh janë subjekt i ILDKPI. Inspektoriati është aty për të kontrolluar pasuritë tona, është një institucion i pavarur. E bën mirë, se bën mirë, këtë duhet ta diskutojmë, por s’është policia që kontrollon pasuri politikanësh apo gjyqtarësh sepse s’jemi në vitin 1945, jemi në vitin 2020. Janë çështje eksluzive të pavarura të drejtësisë së pavarur që ne po ndërtojmë. Gabimisht, disa njerëz mendojnë se marrëdhëniet e dyshimta të gjykatësve dhe prokurorëve menduan se mbaroi atje. Vettingu s’është gjykatë që të çon në burg. Të thotë je në rregull, apo i ke duart pis. Kur i ke duart pis, del nga sistemi. Pastaj, ata njerëz me duar të pastra do thërrasin ata me duar të pista. Ka ardhur dita tani, që ato pasuri të pajustifikuara i ke bërë me djersën e ballit, përndryshe jo vetëm që s’të takojnë, por për një periudhë s’do flesh në shtëpi, por do flesh me shokët, me ata që ke bërë pasurinë. Ne s’luftojmë dot me kundërshtarët duke përdorur drejtësinë. Sikur të isha unë polic gjyqtar apo prokuror, ata që dolën nga këtu s’do të ishin në shtëpi sot.  

  • 12:43

    Ligji anti-mafia, Rama pranon dështimin: I nxorri kriminelët e pastër. Ja pse se nisëm më parë KÇK-në.

    Kryeministri Edi Rama në fjalën e tij gjatë seancës plenare në Kuvendin e Shqipërisë ka folur lidhur me aksionin e fundit të ndërmarrë nga Policia e Shtetit kundër pasurisë së vendosur nga personat me precedentë penalë. Në fjalën e tij, Rama ka sqaruar se përse anti-KÇK nuk kishte nisur punë më herët. Sipas tij, asgjë nuk do të ishte e mundur që të përfundonte pasi nuk ishin organet e drejtësisë së re që të gjykojnë të gjitha rastet. Ndër të tjera, kreu i qeverisë ka pranuar dështimin e ligjit anti-mafia dhe ka mohuar edhe njëherë akuzat se qeveria e tij është e lidhur me krimin.

    “Në presionin e syve, duarve dhe fjalëve nga llumi. Llum si ky ka kudo por nëntokë. Ne do t’i fusim nëntokë se janë hapur si vaji në lakra. Në ndikimin e propagandës të atyre që sjanë më në parlament që e kthyhen në mejhane. Përsërisin çdo ditë lidhjen e qeverisë sonë me krimin, duhet të kuptojmë se shtet është edhe Policia, por Policia e shtetit është vënë nën akuzë në mënyrën më të padrejtë sepse ata nuk janë dënuar kurrë apo me shumë vonesë. Me kë ta bënim këtë vjet përshembull? Kujt t’ja çonim ligjin special? Kujt t’ja çonim dojset? Mirë që vranë njerëz, shkatërruan jetë vajzash dhe jetuan mbi drogë por morën pjesë edhe në debatin politik në Shqipëri. duke e kthyer në një debat të poshtër. Krimi, krimi, krimi. Vrasës, vrasës, vrasës. Niveli i politikës ka qënë në nivelin më të fundit që mund të arrijë. S’ka qënë mundësia për të për të çuar dosjen në një vend të saktë. Prokurorët e pavettuar kanë ngatërruar sistemin. Tek cili do të çonte Prokuroria dosjen? Ne s’kemi asnjë lidhje me krimin apo gjyqtarët por duam t’i lidhim njëherë e mirë. Tek cili gjykatës do i çonim? Përmes ligjit anti-mafia jo vetëm nuk janë dënuar por kanë shpëtuar sërish. Pasuria e tyre marramendëse ka dalë e pastër. Është betejë që nuk ka kufi politike. S’ka rëndësi kush do i marrë meritat. Ka rëndësi për çdo familje dhe çdo emigrant. Shikojeni se çfarë po heqim me zonat për të rindërtuar në Durrës. Me mijëra katrorë e pasurisë publike që kur i sheh në hartë bosh dhe kur futesh ke labiriente dhe janë bërë pronarë me hektarë. Po marrim një risk real në kushtet kur drejtësia është ende fraxhile. Por kemi SPAK-un. Ëstë e përputhur. SPAK ka lindur për të. Është aty që të bëjë atë. Kemi kaluar një ligj që i jep Policisë në dorë që të veprojë me një listë të mbullur. Lista është e mbyllur se subjetet janë kriminelët. Nuk u hapet proces por u bëhet një verifikim i pasurisë. Ata duhet të provojnë se pasuria e tyre nuk buron nga krimi. Shumë e thjeshtë! Ke vrarë? Ke trafikuar? Ke bërë dënimin? Je duke e bërë? Gjithkush ka të drejtën të rehabilitohet, por duhet të na thuash këtë pasuri që ke si e ke vënë? Ti je i lirë por si do të gëzosh atë që s’të takon.,“-tha ndër të tjera Rama.

  • 12:26

    'I kemi tronditur', Rama flet për kriminelët: Ofensiva i fut thikën në zemër krimit, burgun ata e kanë shkollë, deri në SHBA kanë njohje nga qelia

    Kryeministri Edi Rama ka folur nga seanca plenare e ditës së sotme, ku kanë hyrë për diskutim 5 projektligje të paketës Anti-KCK. Kryeministri tha se me Operacionin Forca e Ligjit është goditur në zemër krimi i organizuar, që sipas tij, është pasuria. Rama tha se nuk ka më falje për ata që kanë bërë para me “nderin e vajzave të varfra”. Shefi i qeverisë akuzoi edhe disa analistë që sipas tij, flasin nëpër studio në emër të kriminelëve.

    Pjesë nga fjala e Edi Ramës:

    E kemi tronditur krimin e organizuar. Janë aq të tronditur saqë dalin nëpër studio emra që mbrojnë krimin, për të relativizuar aktet e njerëzve që kanë vënë pasuri duke vrarë, për njerëz që kanë shfrytëzuar vajza të familjeve të varfëra duke bërë para me nderin e tyre. Për njerëz që kanë helmuar gjakun e të rinjve, dhe që kanë marrë pjesë intesivisht në rrjete të krimit të organizuar ndërkombëtar dhe që janë të dënuar nga drejtësia ndërkombëtare, apo edhe nga drejtësia e lodhur shqiptare, dhe që kanë njollosur Shqipërinë dhe politikanët shqiptarë, që kurrë s’mund të pranojmë se jemi të gjithë njësoj. Ka politikanë të lidhur me krimin, pa dyshim, dhe janë ata që flasin më shumë sesi krimi është lidhur me politikën. Ofensiva s’është lojë, është një operacion që fut thikën mu në zemër të krimit të organizuar. Cuarja në burg e këtyre njerëzve, është njësoj si çuarja me studime pas-universitare e profesorëve. Në burg këta njerëz janë rehat, kanë lidhje deri në SHBA për të drejtuar nga burgu operacionet fitimprurëse. Burgu për ta nuk mjafton. Këta duhen zhveshur nga pasuria e paligjshme, dhe do të bëhet e pamundur që me makina sfiduese të vërtiten lart e poshtë duke i bërë karshillëk shtetit.

  • 12:17

    Gjuzi ‘u mburret’ deputetëve: Punojmë dhe ne, më dha dorën Presidenti i PE

    Deputeti konservator Kujtim Gjuzi nga foltorja e Kuvendit ka folur ashpër kundër kolegëve të tij. Në fjalën e tij, Gjuzi tha se ai nuk rri kot, por punon dhe u ‘mburr’ duke thënë se ka shtrënguar dorën me Presidentin e Parlamentit Evropian, David Sasoli.

    Pse do thoni ju që nuk punojmë ne, ne punojmë dhe bëmë që të vinte Presidenti i Parlamentit Evropian dhe të na jepte dorën. Pse more ç’a kujtuat ju se nuk do ma jepte dorën mua Presidenti, ja dha Bushati dhe mua, nuk do ja jepte vetëm Ruçit”, u shpreh Gjuzi. Më tej në fjalën e tij ai sulmoi dhe Metën, duke i thënë se duhet të jepte dorëheqjen dhe e akuzoi për vjedhjen e Thesarit të Shtetit në Krrabë.

  • 12:11

    Fle në zyrë tek Kuvendi… Kujtim Gjuzi pranon thashethemet: Natë për natë jam atje duke punuar

    Kohë më parë në Tiranë dhe në korridoret e Kuvendit qarkullonte një thashethem se deputeti Kujtim Gjuzi qëndronte deri në orët e vona në zyrën e tij në Kryesinë e Kuvendit dhe herë-herë flinte aty.

    Sot vetë deputeti nga foltorja e Kuvendit ka pranaur se qëndron shumë në zyrën e tij dhe tha se punonte deri në orët e vona. Më tej ai shtoi dhe tha se ka raste që kalon dhe natën aty, duke konfirmuar në këtë mënyrë thashethemin se ai fle në Kuvend.

    “Ne punojmë deri në orët e vona, po deshët dhe natë për natë jemi aty tek zyrat tona në Kryesinë e Kuvendit”, u shpreh deputeti konservator.

  • 12:11

    Tironsi Kujtim Gjuzi nxehet në Kuvend: U bë Erion Veliaj nga Berati të flasë... Belinda Balluku i përgjigjet: Jo jam jo s'jam... Ralf Gjoni merret me interesa të errëta: Ligji për shpronësimet i shërben oligarkëve

    Belinda Balluku, ministre e Energjisë dhe Infrastrukturës, ka dhënë sqarime për ndryshimet në projektligjin  për shpronësimet dhe marrjen në përdorim të përkohshëm të pasurisë, pronë private, për interes publik, të ndryshuar. Pas miratimit në parim në Komisionin e Ligjeve, Balluku tha se ngritja e Agjencisë Shtetërore të Shpronësimeve do të zgjidhë shumë mos-marrëveshje.  “Krijimi i agjencisë do të zgjidhë mosmarrëveshjet që pronarët e truallit kanë pasur. Do të jetë një zgjidhje i të shpejtë Agjencia e shpronësimit kërkojmë që të votohet sot” -tha Balluku.

    Ndërsa deputeti i opozitës së re, Ralf Gjoni akuzoi Ballukun se projektligji fsheh interesa oligarkësh. “Fshihen interesa të errëta oligarke. Në pikën 2 ministri përgjegjës për Zhvillimin Urban u kërkon privatëve që të kalojë shpronësimin. Kjo do të thotë se një oligark do të bëjë një ndërtim, ju ja merrni pronën atij legjitim dhe ja jepni këtij subjekti juridik privat. Ku po shkojmë? Është e turpshme ë keni mendjen vetëm për të zhvatur. Keni degraduar shtetin. Kjo është grabitje.” –tha Ralf Gjoni.

    Një koment për këtë e pati edhe deputeti Kujtim Gjuzi i cili tha se “ne jemi tironsa këtu, vjen Erion Valia na tregon na flet. Kush je ti more, kush je ti nga Berati të na tregosh neve.”-tha Gjuzi.

    Në përgjigjien e saj, Balluku i tha Gjuzit se: Na lini me këto ju lutem, jo jemi tironsa, jo s’jemi tironsa. Ca domethënie ka kjo?

  • 11:45

    Gjuzi bëhet ‘mik’ me socialistët, dhurata speciale që i bëri Ervin Bushatit (VD)

    Deputeti i opozitës, Kujtim Gjuzi, që shpesh herë është treguar i ashpër me maxhorancën dhe deputetët e PS, sot është treguar miqësor me ta. Nga foltorja e Kuvendit, Gjuzi duket se bëri thirrje për armëpushim dhe i bëri një dhuratë speciale deputetit Ervin Bushati, që është zgjedhur në Tiranë.

    E kam ruajtur që prej 10 muajsh që është qëndrisur nga familja e Kazazëve dhe Belishova, të vijë Ervin Bushatë të amrrë flamurin dhe të vendoset në të gjithë komisionet”, u shpreh Gjuzi. Pas kësaj ftese Bushati ka shkuar në foltoren e Kuvendit dhe ka pranuar dhuratën e konservatorit dhe shtrënguan duart.

  • 11:08

    'Kam të dhëna...', deputeti Lefter Maliqi nxjerr zonat ku mbillet drogë në Shqipëri: Po të dojë shteti, për një muaj vihet rendi në vend

    Deputeti Lefter Maliqi ka bërë një denoncim të fortë në Kuvend. Ai tha se kriminelët drekojnë e darkojnë me politikën, teksa shkoi edhe më tej me akuzat për kanabisin dhe zonat ku kultivohet. “Po të dojë shteti, për një muaj vihet rendi në Shqipëri. Po të mos hanë e pinë këta me kriminelët. Unë kam të dhëna që në Kukës e tutje dhe në jug kultivohet kanabis, pasi të emëruar janë partiakë, madje dhe me kryepleqtë e kanë zgjidhur”-tha Maliqi.

  • 11:08

    Lefter Maliqi replikë me Lleshajn: O mashtruesa ordinerë, e keni bërë policinë si zjarrfikësja... hani e pini me kriminelë (THIRRJA)

    Deputeti i opozitës së re, Lefter Maliqi, ka replikuar me ministrin e Brendshëm, Sandër Lleshaj për situatën e rendit dhe sigurisë publike. Maliqi hodhi akuza të forta në drejtim të qeverisë, ministrisë së Brendshme dhe asaj të Drejtësisë. “Nuk e di po mos fol më për rendin, se ato që thua ti edhe nëpër librat e Ismail Kadares nuk i lexon. Tu vra një njeri me snajper në qytetin tënd, në Mallakastër, vrasje barbare, vrasje në rrugët e Peqinit dhe të Elbasanit, krime në Shkodër dhe kudo, dhe ky po na tregon situatën e mirë të rendit, që si lirojnë këta të burgosurit, ku shish- nuk ditka asnjë informacion për këta të burgosurit, i bëra pyetjen ça është ligji i depolitizimit. Emiljano Nuhu kërkon azil, për djalin e deputetit, nipi i deputetit shkon vret shoferin e prokurorit. Dritan Zagani në azil se denoncoi shumë. Ish-Ministri i Brendshëm është i zhgënjyer tani nga Rama do të iki në Amerikë. Apo Shkëlqim Pepkola që thotë se ka video me hashash të mbjellë. Ku e keni zbardhur vrasjen e Santos. Kush i favorizoi këta bossët e krimit që do t’i godisni ju? A po e kuptoni që po shthurni rininë shqiptare? Po shesin trupin nënat tona, femrat. Ku e ke policinë kriminale? E ke mbushur PK me zjarrfikësa dhe sekretarë. Krime të pazbuluara, e dini ju ccpo ndodh nëpër fshatra, që iu vidhet bagëtia. Mos më trego mua shifra si në kohën e koperativës. I janë rritur rrogat që në kohën e PD-së policave. E keni katandisur këtë vend që ç’tu them… si mund të përdorësh gaz tek nënat dhe fëmijët.  Ca mashtruesish ordinerë jeni bërë. Po ti s’ke faj, se fajin e ka njëri që u bë kryetar e tani Ali Pasha me mjekrën njëpëllëmbë. Kryemininistri del tek 100-vjetori e bën batuta. Ai Soreca thotë që “po ndjekim paranë”. Po po ndiq paranë. Ju jeni bërë si zjarrfikësja, ju shkoni në vendin e ngjarjes kur është djegur çdo gjë. Unë s’jam i fortë, nuk hahem me shtetin. Kush hahet me shtetin? Edhe SPAK-un e mbytën, s’do të vejë njeri tek SPAK. Të gjithë kalojnë tek OFL, se s’do të vejë njeri në SPAK.”-tha Maliqi.

  • 11:01

    Perla, Lleshaj flet me EURO: Ja sa është rritur çmimi i kanabisit, kjo falë qeverisë sonë

    Ministri i Brendshëm, Sandër Lleshaj njoftoi në Kuvend se falë goditjes së kanabisit dhe kultivimit të tij, çmimi i kanabisit në Shqipëri ka kapur vlerën e 800 euro për kilogram. “Fenomeni i kanabisit ka marrë goditje të pakthyeshme, dhe viti 2010 do jetë viti i thellimit të kësaj lufte për ta çrrënjosur këtë fenomen që e ka goditur vendin që në vitin `90. Sasia e kapur jashtë Shqipërisë se kanabisit është tregues për rritjen e luftës kundër kanabisit, cmimin e kanabisit e kanë rritur në nivele të panjohura në 30 vitet e fundit në 800 euro për kg, që nënkupton që furnizimi është reduktuar në mënyrë te jashtëzakonshme, gjë që ka cuar në rritjen e çmimit të kësaj lënde narkotike duke treguar efektivitet të punës së policisë”.-tha Lleshaj. 

     

  • 10:47

    Gazi në protesta, Sandër Lleshaj e pranon: Po, morëm nga Kosova një sasi në qershor... por se përdorëm kurrë

    Ministri i Brendshëm, Sandër Lleshaj gjatë përgjigjies në Kuvend, ka dhënë sqarime për investigimin e publikuar nga gazeta “Insajderi” se Shqipëria mori gaz për protestat nga Kosova, me urdhër të presidentit Hashim Thaçi.  “Kjo pyetje e ka marrë përgjigjien nga ne, por unë po e përsëris prapë. Në vitin 2019 institucionet tona u vunë përballë sulmeve të dhunshme, që kanë rrezikuar jetën e qytetarëve shqiptarë. Përballë këtyre kushteve, PSH ka aplikuar një strategji 110 që ishte deskaluese, që synonte jo përshkallëzim. Policia ka vepruar gjithmonë një hap më pas nga ata që ka patur përballë, ky është njëshi i parë. Policia ia ka dalë që të mos ketë asnjë viktimë. Kemi mbrojtur lirinë e qytetarëve, kemi mbrojtur të drejtën e protestës. Sipas nesh angazhimi ka qenë tamam sipas librit të shkollës më të miër evropiane. Nëse jeni të interesuar nga ka ardhur gazi, mund të kërkoni informacion. Gazi është përdorur nga rezervat që kemi patur që nga qeveria më e mëparshme. Se kam dëgjuar spekulime, jo po ka ardhur nga Kosova. Po kemi marrë një sasi gazi nga Kosova në muajin qershor, por është aty dhe s’është përdorur. Është fatkeqësi për këdo që merr dhe ballafaqon gra dhe pleq para policisë.”-tha Lleshaj.

  • 10:42

    Sandër Lleshaj jep ‘llogari’ në Kuvend: Nuk ka një situatë kriminale në vend, 24 banda u shkatërruan gjatë 2019-ës

    Ministri i Brendshëm, Sandër Lleshaj ka deklaruar në seancën e sotme plenare se nuk ka një situatë kriminale në vend. Ai theksoi se siguria në vend është në parametrat më të mira, në krahasim me vitet e mëparshme  dhe se gjatë 2019 janë shkatërruar 24 grupe kriminale.

    “Unë do të përqëndohen në përgjigjet e mia në pyetjet e shkruara. Do të përqëndrohen tek pyetet e paraqitura me shkrim. Nuk ka një situatë kriminale në vend, vendi sot është shumë herë më mirë. Si thoni e rëndë? Me çfarë e keni matur ju? Për t’u qetësuar se siguria në vend është në parametrat më të mira, nëse marrin vrasjet, rrëmbimet, krimet aksidentet rrugore, që tregojnë nivelin  e sigurisë, është periudha nga më të mirat në 30 vitet e fundit. Sot jemi 30 vrasje më pak se mesatarja e vrasjeve të 10 viteve të fundit. Në vitin 2019 janë shkatërruar 24 grupe kriminale nga 12 që janë shkatërruar një vit më parë.  Janë arrestuar 204 persona për pjesëmarrje në krimin e organizuar dhe botës së krimit. ”, u shpreh Sandër Lleshaj.

  • 10:28

    Lefter Maliqi rreshton pyetjet për Sandër Lleshajn: I kujt ishte 'Lincolni' i blinduar i Ramës? Vendi është nxirë, bandat vrasin veten

    Deputeti Lefter Maliqi i ka bërë disa pyetje ministrit të Brendshëm, Sandër Lleshaj nga foltorja e Kuvendit. Në fjalën e tij, Lefteri e ka pyetur Lleshajn lidhur me zhvillimet e aksionit KÇK, por nuk ka munguar as kërkesa e informacionit lidhur me “Lincolnin” e blinduar që u përdor dy ditë më parë nga kryeministri Edi Rama.

    Ç’mund të na thoni ju për reportazhin e Rai3 ? Vendi është nxirë gjithandej, bandat rivale po vrasin njëri-tjetrin, ku e keni marrë këtë KÇK-në? Do i vëjnë shiritin ndonjë të afërmi deputeti? Të kujt e kishte mjetin e blinduar kryeministri Edi Rama? Ligji-antimafia e kishte të qartë, pse kishte nevojë për një ligj të ri?,”-tha në fjalën e tij Lleshaj.

Shto Koment