Politike

Socialisti ia thotë Bashës në sy: Oligarkët i keni në PD, vëllai i Petrit Fushës merr para. Je në halle të mëdha i dashur kryetar (VD)

Në këtë takim Dizdari tregoi sesi kryeministri Edi Rama donte që t’a shembte Teatrin Kombëtar që 17 vite më parë.

TIRANË– Në takimin e zhvilluar nga kryetari i PD, Lulzim Basha, ka spikatur fjalimi i fortë i ish-deputetit socialist, Limoz Dizdari. Në këtë takim Dizdari tregoi sesi kryeministri Edi Rama donte që t’a shembte Teatrin Kombëtar që 17 vite më parë. Më tej ai akuzoi PD për lidhjet me oligarkët dhe solli në vëmendje edhe prokurorin e dorëhequr, Petrit Fusha, vëllai i të cilit, sipas Dizdarit ka marrë lekë nga PD.

Rama ishte në Komisionin, ku unë përfaqësoja shumicën. Atëherë insistimi i zotit kryeministër, Rama, ishte që e kërkonte me insistim dhe unë e pyesja natyrshmëri: Me ç’lekë do e bësh? Se bie miu e thyen kokën. Më tha që më ka premtuar qeveria greke. Dhe unë i thashë, këto janë të gjitha në ligjëratë të drejtë. Unë i thashë që andej nga fshati ynë është e njëjta këngë: Mblidhuni moj gra më qani burrin se unë do iki. Në takimin që kam patur me kryetaren e Komisionit, ish-deputeten, Albana Vokshi, i thashë ejani në Sarandë ku jetoj si Robinson Kruzo, ku nuk kam dhi por kam piano, ejani bëni një mbledhje të Komisionit. Më tha silleni me shkrim. Ia çova edhe me shkrim. Kishte një rezonancë më të madhe se një pragmatizëm. Iu thashë ejani të flasim për Skënderbeun, do përshëndetemi. Kjo s’u bë, dhe nuk u tha. Ama jam i detyruar t’a përsëris. Për 17 vite ky teatër nuk u prish. Atëherë Fatos Nano, një politikan shumë i mirë, bënim debat me Bardhyl London e më pas pinim kafe e verë. Çfarë ndodh sot? Teatri po prishet por këta oligarkët më duket se kanë mbirë edhe për brezin tuaj. Po, janë këtu janë tuajt. Do doja shumë të ishte këtu Petrit Fusha, që unë shkoj e i ankohem se më është cënuar gjithë pronësia intelektuale. Me ligj jam në rregull, mos duhet të nis të qaj? Do doja të ishte këtu në krah të Çlirim Gjatës, se ju ka përfaqësuar se paratë i vëllai i tij do i përfitojë? Kemi shumë oligarkë, merremi me ta. Po ata janë këtu mes jush. Kështu që i dashur kryetar i opozitës, hallet tuaja janë shumë të mëdha.

Për më shumë bëhu pjesë e grupit më viral në Facebook, Dosja.al

Limoz Dizdari, ish-deputet i PS

Vijon…

(F.g/dosja.al)

Shto Koment