Hodhi shokun e tij nga ura në kanalin e ujërave të zeza dhe fshehu krimin, zbardhen emrat e viktimës dhe autorit 10 Dhjetor...
"Vëllai i Veliajt hapi kompani me 100 euro, tani ka 32 milionë euro"/ Berisha: Paketën e emergjencës do e paraqesim te &cced...
Opinioni i Komisionit të Venecias për mandatin e Xhaçkës/ Bardhi: Konfirmon edhe njëherë që qëndrimi i...
Nuredin Dumani dëshmon mes tensioneve në GJKKO, rrëfen grabitjet në bashkëpunim me Talo Çelën: Goditi kam...
TIRANË– Prej muajsh në dyertë e institucioneve të Vettingut është duke u zhvilluar një nga proceset më të çuditshme për këdo që e ka ndjekur që prej fillimit procesin e Vettingut. Bëhet fjalë për gjyqtarin Sokol Ngresi, i cili e kaloi me sukses Vettingun më 11 nëntor të vitit 2020. Një ankesë e Komisionerit Publik, në muajin mars 2021, ku u zbulua një kontratë e fshehtë që gjyqtari kishte bërë për blerjen e një apartamenti, rihapi procesin për Ngresin, i cili tashmë rrezikon postin por edhe ndjekjen penale, në rast se dyshimi për të provohet.
Por për çfarë bëhet fjalë konkretisht?
Çështja që ka në fokus gjyqtarin e Apelit të Vlorës është jo pak e komplikuar. Njësoj si një “magjistar” Ngresi ia doli të fshihte një kontratë të vitit 2014, ku ai kishte dakordësuar me një kompani ndërtimi, blerjen e një apartamenti. Kjo kontratë e anuluar nga vetë Ngresi u fsheh në procesin e zhvilluar në KPK, duke u zbuluar nga Komisioneri Publik. Për Ngresin shkuan 4 denoncime, ku thuhej se gjyqtari kishte fshehur një apartament 113.4 m2m me vlerë 68 mijë euro.
Kontrata e rezervimit të apartamentit.
Me të marrë përsipër denoncimin, trupa gjykuese e KPA, kryesuar nga Albana Shtylla, me relatore Ina Ramën dhe anëtarë Natasha Mulaj, Rezarta Schuetz dhe Sokol Çomo, çeli hetimin gjyqësor dhe i kërkoi ASHK-së Vlorë informacion dhe dokumente lidhur me lejen e ndërtimit të pallatit në fjalë – ndërsa shoqërisë “AFA Konstruksion” sh.p.k. që të informonte nëse kontratat e depozituara nga denoncuesit janë të hartuara realisht prej saj dhe nëse ka lëshuar mandat-pagesat në fjalë.
Por këtu ndodhi edhe habia… gjyqtari Ngres këmbënguli se e gjithë kjo çështje e ngritur ndaj tij ishte montim. Gjyqtari deklaroi se kontrata paraprake, ajo e revokimit dhe mandat-pagesat që pretendohej se ishin nënshkruar prej tij ishin të falsifikuara. Ngresi akuzoi drejtpërdrejt biznesemenin Flamur Kadëna si personin që qëndronte pas këtij komploti, i realizuar sipas tij në bashkëpunim edhe me një ish-gjyqtare dhe me një grup njerëzish që kërkonin largimin e tij nga sistemi.
Pretendimi i tij vazhdoi dhe gjyqtari i kërkoi KPA të paraqiste një ekspertizë që sipas tij provonte se nuk ishte ai personi që kishte firmosur këto kontrata. Ngresi deklaroi se i kishte kërkuar një zyre private për të marrë një ekspertizë për elementët grafikë të nënshkrimit të tij në kontratat e porosisë, të revokimit dhe në mandate-pagesa. Pasi ekspertiza u bë, pranë Laboratorit në Institutin e Policisë Shkencore, që drejtohet nga djali i hallës së Ngresit, gjyqtari e dorëzoi ekspertizën në favor të tij në KPA, ku rezultonte se Ngresi nuk i kishte firmosur kontratën dhe mandate-pagesat… E gjendur përballë këtij fakti, KPA ishte e detyruar të shprehej në favor të Ngresit dhe të dorëzojë një kallëzim penal për biznesmenin Flamur Kadëna…
Por çfarë ka ndodhur realisht? A është vërtet një komplot për të shkarkuar gjyqtarin Sokol Ngresi, i lakuar në disa raste për dyshime se ka shkelur ligjin për konflikt interesi… Kush do të paguante në vend të tij mijëra euro për ti rimarrë sërish mbrapsht?
Për këtë dosja.al hulumtoi edhe më tej, duke u interesuar çfarë shqetësimi ka edhe pala tjetër që është akuzuar nga Ngresi. Biznesmeni Flamur Kadëna i gjendur në këtë situatë, pajtoi një ekspert privat të cilit i vuri në dispozicion dokumentacionin origjinal për të shqyrtuar kaligrafinë e Ngresit… rezultati ishte i qartë. Dokumentet e blerjes së apartamentit prej 68 mijë euro u firmosën nga gjyqtari Sokol Ngresi.
Në dallim nga ekspertiza e gjyqtarit e cila u realizua me kopje dhe jo me dokumentet origjinale, kjo ekspertizë u bazua në letrat që kompania e ndërtimit zotëron. Ndryshe nga raporti i Laboratorit Shkencor që drejtohet nga djali i Hallës së Ngresit, Vladimir Ikonomi, ekspertiza e dytë mban firmën e një eksperti të licensuar, i cili rrezikon më shumë se një nëpunës shtetëror. Kush mund të mendojë se vartësit e Ikonomit do të nxirrnin një konkluzion në dëm të djalit të dajës së shefit të tyre?!
Foto ekspertiza e Flamur Kadenës
Ku është çështja sot?
Edhe pse KPA e mori për bazë ekspertizën e Ngresit, ende nuk ka vendosur të shprehet në favor të tij. Në seancën që u zhvillua më 16 nëntor, KPA u njoh me faktin se biznesmeni Kadëna ka kallëzuar në SPAK ekspertët që realizuan raportin për Ngresin, duke i akuzuar se kanë falsifikuar raportin. Nga ana tjetër, Komisioneri Publik Florjan Ballhysa vazhdon të jetë i palëkundur se gjyqtari Sokol Ngresi ka kryer deklarim të pasaktë, të pamjaftueshëm dhe ka mungesë të burimeve të ligjshme për krijimin e pasurisë së tij dhe kërkoi shkarkimin përfundimtar të tij. KPA pritet që të japë vendimin përfundimtar për të më 24 nëntor 2021.
(f.g)/dosja.al
Cila mendoni se është alternativa më e mirë:
TIRANË– Ish-kryeministri Sali Berisha do të mbajtë ‘Foltoren’ e radhës në Tiranë. Në sallën Rogner, Berisha pret ditën e nesërme në orën ...
SHKODËR– Një 33-vjeçar është arrestuar në zonën e Dajçit në Shkodër pasi ka ushtruar dhunë ndaj bashkëshortes. Në pranga është vendosur...
TIRANË – Policia ka arrestuar ditën e sotme 16 persona për shkelje të ndryshme të ligjit si plagosje me thikë, dhunë në familje, konsumim lëndësh na...
TIRANË– Një telefonatë për vendndodhjen e Sherif Mukajt është kryer ditën e sotme nga një person. Ky i fundit ka bërë të ditur se ka parë në një loka...
Ligji “41-bis”, që parashikon izolimin e bosëve të krimit, që drejtojnë aktivitetin kriminal edhe nga dhomat e qelive, ka dështuar plotësisht. Me vetëm 9 kërkes...
LEZHË – Policia e Lezhës ka bërë të mundur nëpërmjet operacionit “Shëtitësit e natës” arrestimin e dy personave të akuzuar për një numër ...
ITALI-Prokuroria italiane e Antimafias ka marrë në pyetje Francesco Zummon dhe Fabio Petruzzella. Sipërmarrësi dhe fiancieri janë pjesë e dosjes hetimore të pas...
SARANDË– Një i mitur ka përfunduar në spital në qytetin e Sarandës. 12-vjeçari me inicialet A.B, po drejtonte motorin u përplas po me një moto...
DURRËS– Një tjetër rast i rëndë abuzimi me të mitur. Në qytetin e Durrësit është vënë në pranga 58-vjeçari me inicialet R.A, pasi akuzohet për...
TIRANË– Kryetari i Partisë Demokratike, Lulzim Basha ka ndarë me qytetarët raportin që ka të bëjë me aplikimet e shqiptarëve për azil. Duke ndarë të ...
