Aktualitet

Kaos dhe dyndje në njësinë nr.1, qytetarët mblidhen për bukë: Iu japim fëmijëve ujë me sherbet. Nënpunësja e bashkisë: Mos më rrini afër…

FOTO
  • Kaosi për bukë tek njësia 1, Veliaj bën deklaratën EPIKE
  • Tek njësia nr.1 qytetarët: të moshuar, me aftësi të kufizuara, të sapoliruar nga burgu dhe të reja kanë zënë radhë për të marrë ndihmat duke pasur edhe përplasje me punonjësen e bashkisë. 
    Featured image of article: Kaos dhe dyndje në njësinë nr.1, qytetarët mblidhen për bukë: Iu japim fëmijëve ujë me sherbet. Nënpunësja e bashkisë: Mos më rrini afër…

    TIRANË– Ruajtja e distancës së sigurisë  duket se është e pamundur në njësitë bashkiake të Tiranës, ku qytetarët janë mbledhur për të marrë ndihmat ushqimore. Siç edhe duket nga pamjet e AbcNeës tek njësia nr.1 qytetarët: të moshuar, me aftësi të kufizuara, të sapoliruar nga burgu dhe të reja kanë zënë radhë për të marrë ndihmat duke pasur edhe përplasje me punonjësen e bashkisë. 

    Punëonjësja para kamerave u kërkoi të gjithëve emrat dhe adresën duke u premtuar se do t’ua çonte ajo në shtëpi ndihmat, por banorët nuk kanë pranuar duke e kundërshtuar. Sipas tyre, e njëjta gjë ka ndodhur edhe disa ditë më parë dhe nuk kanë pranuar që të largohen.

    PJESË NGA PËRPLASJA: 

    Nënpunësja: Janë shpërndarë 100 familje. Shpërndan me lista mini-bashkia por jo në këtë lloj mënyre. Marrim ndihma ata që janë vërtetë në nevojë.”

    Esiona Konomi: Ju po i prisni qytetarët?

    Nënpunësja: Kështu do t’i presim kaq afër meje do rrini ju, unë mund të jem e infektuar. Ua kemi dërguar në shtëpi ndihmat.

    I moshuari: Jam 70 vjeç unë.

    Nënpunësja: Do merrni të gjithë ndihma, do ua sjell unë në shtëpi.

    Për më shumë bëhu pjesë e grupit më viral në Facebook, Dosja.al

    Esiona Konomi: Kryeministri ka thënë të moshuarit mos të dalin….

    I moshuari: Kam dalë fshehurazi se s’kam çfarë bëj. Jam plak, i kam dy djemtë në Trieste.

    Esiona Konomi: Ju ka ndihmuar njeri?

    Qytetar: Jo, asnjë nuk më ka ndihmuar për shpirt të asaj nëne, më zëntë mua ky virusi.

    Qytetare: Nuk kam moj motër, i jap përdirë ujë me shërbet për të lypur nuk e nxjerr dot se e kap policia. Unë s’kam marrë asgjë, po më rri fëmija pa ngrënë, nuk kam ku të shkoj, po bëjnë dy javë fëmijët pa ngrënë. Dy i kam në jetimore, ta çoj edhe këtë?

    Disa çaste më pas në mini-Bashkinë ka mbërritur për ndihmë edhe Policia Bashkiake, e cila ka ndërhyrë tek qytetarët për të ruajtur distancën e sigurisë dhe radhën mes tyre për të lënë shënim emrin nga nënpunësja. 

    Nuk dihet ende pse ka lindur ngërçi me ndihmat në mini-Bashki. Nënpunësja përmendi se deri më tani ishin shpërndarë ndihma në 100 familje, ndërkohë Tirana ka më shumë se 2 javë në karantinë. Ndihmat janë ende stok në magazina nga periudha e tërmetit, për shkak të solidarizimit që ndodhi me Shqipërinë. Në rast të kundërt, vetë ministri i tij, Arben Ahmetaj tha se rezerva e shtetit kishte ushqime për 1 muaj e gjysëm. Përse nuk ndihmohen familjet në nevojë? Ka probleme me ushqimet apo me transportin?

    (k.m/dosja.al)

    Shto Koment