Politike

MBYLLET PROCESI I VOTIMIT/ 3.6 mln shqiptarë “vulosën” 2021! PS kërkoi ‘histori’ me mandatin e tretë, PD-LSI zotohen për NDRYSHIM, pjesëmarrje MASIVE, ‘hackerohet’ për një orë aplikacioni i KQZ-së (ZHVILLIMET)

  • Ç’duhet të dini për zgjedhjen e partisë dhe kandidatëve, kujdes me shenjën “X”
  • ZGJEDHJET 2021/ Ndiqni në kohë reale rezultatet në Dosja.al
  • Kush janë dy personat që po rrinë pranë Ramës, ka zgjedhur vetëm “të besuarit”
  • Rreth 3 milion e 600 mijë shqiptarë të regjistruar në listat e votuesve do të zgjedhin 140 përfaqësuesit e tyre në Kuvend, kjo pasi përveç subjektit zgjedhor, kanë të drejtë që të zgjedhin edhe kandidatin nga lista.
    Featured image of article: MBYLLET PROCESI I VOTIMIT/ 3.6 mln shqiptarë “vulosën” 2021! PS kërkoi ‘histori’ me mandatin e tretë, PD-LSI zotohen për NDRYSHIM, pjesëmarrje MASIVE, ‘hackerohet’ për një orë aplikacioni i KQZ-së (ZHVILLIMET) Pamje nga momentet e votimit

    SHQIPËRI- 3.6 milionë shqiptarë patën të drejtën sot për të zgjedhur parlamentin e ri dhe qeverinë që do ti drejtojë për 4 vitet e ardhshme. Procesi i votimit ka nisur që nga ora 7:00 e mëngjesit dhe është mbyllyr në orën 19:00. Për herë në Shqipëri, ky proces zgjedhor sjell identifikimin elektronik si një risi për zgjedhjet shqiptare, që shihet si një shpresë për të mos lejuar votimin abuziv dhe të dyfishtë. Në njësinë 10. në Tiranë është duke u testuar sot edhe votimi elektronik si një projekt pilot për tu zbatuar në zgjedhjet e ardhshme. 

    Procesi deri më tani ka ecur mirë dhe pa probleme. Përditësimet e shifrave të votimeve deri në orën 19:00 tregojnë se deri më tani pjesëmarrja në rang vendi është 47.94%. Qarku me pjesëmarrjen më të lartë është Dibra, ndërsa qarku me ritmin më të ulët është Vlora. Megjithatë nuk ka kaluar pa incidente. Aplikacioni i Komisionit Qendror të Zgjedhjeve është hackeruar, ndaj edhe po shqyrtohen mundësi alternative për përditësimin e të dhënave. Në një konferencë për shtyp, kryekomisioneri Ilirjan Celibashi ka bërë me dije se teknikët e KQZ-së po punojnë për të rimarrë faqen. 

    Incidente nuk janë raportuar në qëndrat e votimit, përveçse problemeve me pajisjen që bën të mundur identifikimin elektronik, që në rreth 100 qindra votimi në të gjithë Shqipërinë nga 5199 në total, nuk punojnë.

    Politika zgjodhi të votonte që në orët e para të mëngjesit, kur kryetarja e Lëvizjes Socialiste për Integrim, Monika Kryemadhi shkoi të votonte pranë ish-bllokut. Një minutë pas saj, u paraqit presidenti Ilir Meta, ndërsa në të njëjtën qendër votoi edhe kryeministri i Kosovës, Albin Kurti i cili ka edhe shtetësi shqiptare. Lulzim Basha votoi në njësinë 8., i shoqëruar nga një votuese e re, ndërsa Kryeministri Edi Rama ende nuk ka votuar. 

    Për më shumë bëhu pjesë e grupit më viral në Facebook, Dosja.al

    Rreth 3 milion e 600 mijë shqiptarë të regjistruar në listat e votuesve do të zgjedhin 140 përfaqësuesit e tyre në Kuvend, kjo pasi përveç subjektit zgjedhor, kanë të drejtë që të zgjedhin edhe kandidatin nga lista. Në këto zgjedhje marrin pjesë 12 parti dhe disa kandidat të pavarur nga Lëvizja Vetëvendosje. I pavarur kandidon dhe minatori Elton Debreshi.

    Partia Socialiste do të kërkojë nga qytetarët një mandat të tretë, që nuk është dhënë asnjëherë në historinë pluraliste të Shqipërisë, ndërsa opozita, e përbërë nga Partia Demokratike, Lëvizja Socialiste për Integrim dhe parti të tjera aleate kërkojnë rotacion.

    Rezultatet finale të zgjedhjeve në kohë reale dhe të përditësuara nga burimi zyrtar KQZ këtë vit do të mund ti ndiqni në Dosja.al. Kliko për të parë platformën.

    Sot 5199 QV presin 107 mijë e 024 të rinj që votojnë për herë të parë, ndërkohë që 1,098 persona nuk mund të votojnë për shkak të ligjit të dekriminalizimit. Po ashtu, sot do të mungojë edhe vota e emigrantëve të Greqisë dhe Maqedonisë së Veriut, të cilët do të duhet të karantinohen me detyrim për dy javë nëse mbërrijnë në vendin tonë. 

    (k.m;a.b;f.g;kle.mu/dosja.al)

    • 19:46

      Mbyllet VOTIMI! Yuri Kim MESAZH për liderët e partive: Kandidatët dhe udhëheqësit të mos supozojnë rezultate, pranoni gjykimin

      Yuri Kim në Elbasan

      Ambasadorja amerikane në Shqipëri, Yuri Kim ka kërkuar nga të gjithë kandidatët dhe udhëheqësit e partive politike që të mos supozojnë përfundimin e rezultateve. Pas përfundimit të votimit, ambasadorja Kim ka kërkuar që të gjithë të pranojnë rezultatin përfundimtar. 

      “Votuesit shqiptarë dolën me forcë të plotë për të shprehur vullnetin e tyre. Zgjedhjet dhe autoritetet e zbatimit të ligjit kanë për detyrë të sigurojnë integritetin e votës. Kandidatët dhe udhëheqësit, gjithashtu, kanë detyrën e tyre: të mos supozojnë rezultate, por të pranojnë gjykimin e votuesve kur përfundon numërimi,”-shkruan Kim. 

    • 19:39

      Asnjë shenjë nga Rama, kryeministri nuk shfaqet askund! Nxjerr kandidaten nga selia: Në emër të kryetarit iu them se…

      Ende asnjë shenjë nga kryeministri Edi Rama. Pas mbylljes së procesit të votimit, nga selia e Partisë Socialiste, sekretarja Bora Muzhaqi ka përcjellë mesazhin e Ramës për të gjithë patronazhistët dhe koordinatorët lokalë për ndihmën e tyre. Në fjalën e saj, Muzhaqi ka bërë me dije se hamendësimet e kundërshtarëve duhet që të ndalen për të pritur rezultatin final.

      “Shumë falendimerit që votuar. ishte ditë e bukur, kishim manifestim qytetar. Vullneti është shprehur dhe është koha e leximit me përgjegjësi ligjore. Në emër të Ramës, falenderim për patronazhistët dhe koordinatorët lokalë. Mirënjohje për punën tuaj. Tani mund të ndiqni rezultatin në shtëpinë tuaj. Iu kërkohet përgjegjësi shumë e lartë për të numëruar në mënyrë korrekte çdo fletë votimi. Kjo që fillon tani është emocionuese. Për të gjitha hamendësimet ia lëmë vendin rezultatit real. Shqiptarët dinë ta manifestojnë të drejtën e tyre,”-tha ajo në fjalën e saj.

    • 19:18

      Mbyllet votimi! Celibashi: Brenda 48 orëve del rezultati, atëherë do marrim vesh fituesin!

      Ilirjan Celibashi

      Kryetari i Komisionit Qendror të Zgjedhjeve, Ilirjan Celibashi ka bërë me dije se brenda 48 orëve do të dalë rezultati i zgjedhjeve parlamentare të 25 prillit. Në një konferencë për shtyp, Celibashi ka bërë me dije se procesi ka përfundur por në disa QV ka ende radhë, ndaj po merren emrat e qytetarëve deri në përfundimin e votimit nga ta. Në fjalën e tij, kryekomisioneri ka bërë me dije se procesi i numërimit do të nisë menjëherë ndërsa ka kërkuar nga partitë që të ruajnë qetësinë.

      PJESË NGA KONFERENCA:

      Celibashi: Ligjërisht procesi i votimit konsiderohet i mbyllur. Ka akoma radhë në disa qendra votimi. Do të duhet që të merren emrat dhe ID të atyre që janë në radhë. Është herët për të bërë një konkluzion. Ky proces u karakterizua nga qetësia dhe siguria. Nuk mund të shpëtonim nga disa episode dhe pretendime që palët i sjellin të aplifikuara. Por në përgjithsi ishte një proces votimi në përputhje me parashikimet e kodit. Ka qenë tension i madh në lidhje me ecurinë. Identifikimi elektronik ishte procesi i vështirë, u realizuar në një kohë të shkurtër. Disa konkluzione mund t’i themi. Janë më pak se 200 QV në të cilat nuk është përdorur pajisja e ID, në disa nuk janë paraqitur operatorët dhe në disa të tjera për shkak të problematikave. Në vlerësimin tim ky proces konsiderohet procesi i plotë. Tani që procesi ka përfunduar shoh të nevojshme të sjell në vëmendje që komisionerët të përmbyllin edhe këtë fazë. Shpresoj që edhe këtë fazë dhe moment angazhimi ta qasim në përputhje me parashikimet e kodit. Me rëndësi që procesi të përcillet me qetësi. Askush nuk e di kush i ka fituar zgjedhjet, çdo deklarim i bërë pa nisur procesi nuk do t’i shërbente qetësisë së nevojshme. Shpresoj që gjithë lidershipi politik të ketë koshiencën për të kuptuar se duhet krijuar kushti i punës që ky proces të përfundojë brenda 48 orëve dhe më pas të vijojmë me kandidatët. Gjithë procesi do të jetë i vëzhguar, monitoruar. Dhe të gjithë regjistrimet do t’ju jepen subjekteve pasi të dalë rezultati. Duhet pak durim! Brenda 48 orëve do ta dimë fituesin.

      Prisni ndonjë kohë shtesë?

      Celibashi: Janë boll të shplodhur ndaj dhe do të fillojnë menjëherë numërimin. Ta sigurojmë këtë proces dhe transportin në mënyrë të sigurtë. Sapo të dorëzohen kutitë do të nisë procesi.

      Ia vlejti kosotja e pajisjeve?

      Celibashi: Mendoj se është i suksesshëm. Mendoj që nuk konsiderohet sukses.

      Do të kemi sonte një shifër përfundimtare?

      Celibashi: 45.8% por nuk është ende përfundimtare. Po vijnë ende raportime. Për njësinë 10 do të jetë komplimentar informacioni. Severi ishte nën sulmin e ndikimit. Nuk u kompromentuan të dhënat por thjesht nuk lejohej transmetimi i të dhënave.

    • 18:30

      Deri në orën 18:00 pjesëmarrja në rang vendi është 45.55%!

      Që prej orës 7:00 që janë hapur qendrat e votimit, deri në orën 18:00 pjesëmarrja në rang vendi është 45.55%. Deri më tani pjesëmarrja më e lartë është në qarkun e Dibrës. Pjesëmarrja është 51.48%, e ndjekur nga Tirana me 51.52%. Pjesëmarrje më të ulët në rang vendi ka pasur Vlora me 33.1%. Përqindja e cila është publikuar deri më tani, është vetëm në bazë të të dhënave që kanë raportuar nga 2038 qendra votimi në rang kombëtar.

    • 18:05

      Dibranët me pjesëmarrjen më të lartë në rang vendi, votojnë 50% e tyre! ‘Zhgënjim’ në Vlorë, nuk marrin pjesë 70% e votuesve

      Vijon procesi zgjedhor në Shqipëri! Kanë kaluar 11 orë që nga hapja e qendrave të votimit në zgjedhje dhe pjesëmarrja ka qenë masive. Teksa një orë na ndan nga mbyllja e procesit të votimit, aktualisht pjesëmarrja është 43.83%, ndërsa numri i personave që kanë votuar në total janë 733042. Këto shifra janë raportuar nga 1841 qendra votimi. Dibra kryeson vendin! Deri më tani pjesëmarrja është 50%, e ndjekur nga Tirana me 49.5%. Elbasani ka pjesëmarrje 45.2%. Pjesëmarrje më të ulët në rang vendi ka pasur Vlora me 31.6%.

    • 18:37

      Yuri Kim zbarkon në Elbasan, flet me gazetarët dhe jep MESAZHIN: Po eci pak vërdallë, të shoh sesi po shkojnë gjërat

      Yuri Kim në Elbasan

      Ambasadorja amerikane në Shqipëri, Yuri Kim aktualisht ndodhet në qytetin e Elbasanit. Në një prononcim të shkurtër për mediat, ambasadorja Kim ka thënë një mesazh të shkurtër, ndërsa ka bërë me dije se do të ecte nëpër qytet për të biseduar për më shumë detaje me qytetarët.

      Yuri Kim në Elbasan

      Ky është momenti dhe detyra juaj. Shpresoj që të gjithë do të votojnë e të gjithë autoritetet do të përmbushin detyrën duke numëruar votat me saktësi. Kandidatët dhe drejtuesit tëq bëjnë detyrën duke pritur me durim dhe duke pranuar verdiktin e popullit. Qytetarët më thanë se kishin votuar dhe se ndjeheshin të sigurtë. Kështu që do eci dhe pak për të parë sesi po shkojnë gjërat.

    • 18:19

      Më në fund del nga selia! Rama shkon në bregdet, ja nga cili qytet po e ndjek procesin e votimit

      Edi Rama

      Kryeministri Edi Rama ka zgjedhur që të qendrojë larg objektivit të kamerave ndërkohë që në vend po votohet për qeverinë e 4 viteve të ardhshme. Mësohet se Rama ka dalë nga selia e PS-së ku edhe u vendos gjatë paradites, për t’ju drejtuar bregdetit. Sipas “Euronews”, aktualisht ai ndodhet në qytetin e Durrësit, por nuk dihet ende nëse po zhvillon ndonjë takim me të dërguarit e tij në qark.

    • 18:11

      THIRRJA e Bashës: Dhe një orë ka mbetur! Dilni masivisht dhe votoni!


      Kryetari i Partisë Demokratike, Lulzim Basha ka dalë në një konferencë për mediat duke i bërë thirrje qytetarëve që të votojnë. Teksa shprehet se ka mbetur dhe një orë nga votimi, Basha kërkon nga qytetarët që të dalin dhe të hedhin votën e tyre për fëmijët dhe për Shqipërinë.

      DEKLARATA: Kjo është një ditë e mrekullueshme e shpresës së madhe. Kjo është një ditë e iashtëzakonshme për demokracinë tonë. Kemi edhe një orë për të votuar. Vetëm një orë për të vendosur se si do të jenë 4 vitet e ardhshme në Shqipëri.Mos e humb këtë mundësi. Kjo është ora e fundit për të votuar dhe vendosur. Bëjeni për fëmijët tuaj. Bëjeni për vendin tonë. Bëje për veten tënde. Nëse nuk keni votuar, shkoni të votoni tani. Keni kohë për të votuar edhe një orë tjetër – dilni tani dhe votoni. Nëse keni votuar faleminderit. Tani sigurohuni që miqtë dhe familjet tuaja të dalin të votojnë. Askush nuk mund të rrijë në shtëpi. Ne nuk duhet ta humbasim momentin. Ne nuk duhet ta humbasim mundësinë që kemi. Kjo është koha juaj. Është koha e Shqipërisë. Kjo është koha ynë. Dilni dhe votoni!

    • 18:06

      Çalon dhe e mbajnë nëpër duar/ Voton aktorja Margarita Xhepa: Votoni, ditë e bukur!

      Aktorja e mirënjohur shqiptare, Margarita Xhepa, iu është drejtuar këtë pasdite kutive të votimit, ashtu si edhe shumë qytetarë të tjerë, për të hedhur votën e saj. Por aktorja duket se nuk është në gjendje të mirë shëndetësore pasi është shfaqur duke çaluar, ndërsa dy djem të rinj e mbajnë prej krahëve.


      “Ditë e bukur për votim, ditë e bukur me diell. Votoni, votoni”, ka thënë Xhepa.

    • 17:44

      Si po shkon identifikimi biometrik? Celibashi jep DETAJE: Në shumicën dërrmuese ka funksionuar

      Ilirjan Celibashi

      Kryetari i Komisioni Qendror i Zgjedhjeve, Ilirjan Celibashi ka dhënë detaje lidhur me procesin e identifikimit biometrik të votuesëve. Me anë të një statusi në Twitter, Celibashi shkruan se problematikat kanë qënë shumë në numër të vogël.

      Problematikat me identifikimin elektronik (sjellje operatoresh + funksionalitet pajisje) janë në përqindje shumë të ulët. Në shumicën dërrmuese të qëndrave të votimit pajisja ka funksionuar dhe operatorët kanë bërë detyrën e tyre,”-shkruan Celibashi.

    • 17:41

      Deri në orën 16:00 pjesëmarrja në rang vendi është 43.62%!

      Që prej orës 7:00 që janë hapur qendrat e votimit, deri në orën 17:00 pjesëmarrja në rang vendi ëshrtë 43.62%. Qarku me pjesëmarrjen më të lartë vijon të mbetet Dibra, ndërsa qarku me pjesëmarrjen me të ulët është qyteti i Vlorës.

    • 17:18

      Përplasja me ambasadoren Yuri Kim, Meta: Kemi marrëdhënie të shkëlqyer


      Presidenti Ilir Meta ka treguar se marrëdhëniet e tij me ambasadoren e SHBA-ve Yuri Kim, janë të shkëlqyera. Në një deklaratë për mediat, Meta tha se marrëdhënia e tij me Kim është e shkëlqyer dhe do të vijojë të jetë e tillë. 

      “Marrëdhënia me ambasadoren ka qenë gjithmonë e shkëlqyer, e shkëlqyer. Primare është mbarëvajtja e këtij procesi, pasi është vendimtar për hapjen e negociatave me BE-në. Marrëdhëniet e mia me SHBA-të do të mbeten të shkëlqyera. Zgjedhjet janë të mrekullueshme, kudo janë të mrekullueshme, në Shijak të mrekullueshme, kudo është fantastike,”- tha Meta ndër të tjera. 

    • 16:59

      Pjesëmarrja masive në votime, Meta: Vendimtar në çeljen e negociatave, ata që nuk kanë mundur të votojnë të shkojnë në qendrat përkatëse, thoni fjalën tuaj


      Presidenti Ilir Meta u ka bërë thirrje të gjithë qytetarëve që të dalin të votojnë në mënyrë masive. Në një prononcim për mediat nga Fieri, Meta tha se kanë mbetur edhe dy orë, kështu që kushdo që nuk ka votuar ende, të shkojë dhe të votojë.

      “Një pjesëmarrje e mrekullueshme. Kjo po ndodh kudo në të gjithë vendin, është një nga ditët më të mrekullueshme të vendit tonë, është dita kur të gjithë shqiptarët kanë mundësinë të tregojnë për besimin që kanë tek vetja. Njëkohësisht kanë treguar respekt të ndërsjellë dhe mirëkuptim. Deri në fund, edhe në ato dy orë që kanë mbetur deri në mbylljen e procesit të votimit. I ftoj të gjithë qytetarët që nuk kanë votuar sepse nuk kanë pasur mundësi, të shkojë të japin votën e tyre, fjalën e tyre të lirë. Të rinjtë të tregojnë se Shqipëria është vendi i tyre. Mbarëvajtja e këtij procesi na rikthen në normalitetin e domosdoshëm të të gjithë institucioneve në vend. Mbarëvatja është vendimtare në çeljen e negociatave me BE. Duhet të vazhdojmë pa ulodhur, pa u dhënë peshën e duhur këtyre problemeve të vogla. Një falenderim të veçantë e kam edhe për mediat,”- tha Meta ndër të tjera. 

    • 17:10

      PD: Mos e humbni këtë mundësi! Shkoni dhe votoni tani, mos prisni për momentin e fundit


      Partia Demokratike, me anë të zëdhënëses Floriana Garos iu janë drejtuar qytetarëve shqiptarë duke iu bërë të ditur se kanë dhe tre orë që të votojnë. Garo shprehet se sot është një ditë e mrekullueshme ndaj duhet të dalin nga shtëpia që të votojnë.

      DEKLARATA: Te dashur qytetare,Kemi ende 3 ore te tjera per te votuar.Kjo eshte mundesia jone. Ne kemi vetem me pak se 3 ore te tjera per te percaktuar te ardhmen tone. Eshte nje dite e mrekullueshme ne Shqiperi sot. Ne te gjithe kemi shume shprese. Por nuk duhet te qendroni ne shtepi. E drejta per te votuar nuk duhet te anashkalohet sot. I kerkoj cdo njerit prej jush te dale dhe te votoje. Ju merr vetem 5 minuta kohe dhe do te ndikoje ne jetet e te gjitheve per 4 vitet e ardhshme. Mos e humbni kete mundesi. Mos u dorezoni. Shkoni dhe votoni tani, mos prisni per momentin e fundit. Ky eshte momenti juaj. Ky eshte momenti yne. Mos e humbasim kete moment. Dilni, dhe votoni!

    • 16:35

      Deri në orën 16:00 pjesëmarrja në rang vendi është 40.8%! Vijon të kryesojë Dibra!

      Që prej orës 7:00 që janë hapur qendrat e votimit, deri në orën 16:00 pjesëmarrja në rang vendi ëshrtë 40.8%. Janë 1642 Qendra Votimi që kanë raportuar nga 5199 në total. Dibra është qarku me pjesëmarrjen më të lartë me 47.55 %, më pas vjen Tirana. E fundit është Vlora që raporton një pjesëmarrje të ulët.

    • 16:25

      38.59% e shqiptarëve kanë votuar në të gjithë vendin! Pjesëmarrje masive në Dibër e Tiranë, bie ndjeshëm ritmi në Vlorë!

      Që prej orës 7:00 që janë hapur qendrat e votimit dhe deri në orën 15:00 pjesëmarrja në votime ka qenë 38.6%, me 640,490 votues. Qarku i parë në rang vendi me pjesëmarrjen më të lartë vijon të mbetet Dibra me 44.3%, e ndjekur nga Tirana me 43.4%. Qarku me pjesëmarrjen më të ulët në rang vendi është qyteti i Vlorës me 28.1% pjesëmarrje. Qyteti i Elbasanit ka 40.9% pjesëmarrje, ndërsa Kukësi me 40.5% pjesëmarrje.

    • 16:24

      Ecuria e procesit të votimit, KQZ: Situata është e qetë, aplikacioni është funksional

      Zëdhënësja e Komisionit Qendror të Zgjedhjeve Drilona Hoxha ka bërë me dije se situata vijon të jetë e qetë në çdo qendër votimi dhe se po transmetohet orë pas ore të dhënat e përditësuara. Hoxhaj shton se të dhënat po tranmetohen për pjesëmarrjen dhe ecurinë e votimit.

      Situata vijon të jetë e qetë në çdo qendër votimi. Aplikacioni vijon të jetë funksional. po transmetojmë të dhënat e orë pas ore. Po transmetojmë të dhënat për pjesëmarrjen dhe ecurinë e votimit. Deri në irën 15:00, pjesëmarrja është 38.59 %,”- thotë Hoxhaj. 

    • 15:48

      Soreca u bën thirrje qytetarëve: Dilni të votoni, keni ende kohë. Politikanët të pranojnë me qetësi rezultatin


      Ambasadori i BE-së Luigi Soreca u ka bërë thirrje qytetarëve që të dalin të votojnë. Nga Durrësi, Soreca tha se qytetarët kanë ende kohë për të votuar. Ndër të tjera, ambasadori bëri thirrje për durim e qetësi, si nga ana e politikanëve dhe qytetarëve për rezultatin e votuesve. “Komentet që kemi marrë ne sot është që Shqipëria po shpreh vullnetin e saj duke votuar. Pavarësisht disa incidenteteve të vogla që kanë ndodhur, gjithçka është në rregull. Ka ende tre orë kohë kështu që thirrja jonë është për ata qytetarë që nuk kanë votuar ende. E dimë që është një kohë e bukur me diell, por duhet të votoni. Dhe pas votimit, prisni me durim rezultatin e zgjedhësve. Edhe politikanëve u bëjmë thirrje që të pranojnë rezultatin e votuesve. Skuadra jonë është ende në terren, duke monitoruar,”- tha Soreca.

    • 15:35

      Përditësimi i fundit! Deri në orën 15:00 kanë votuar 38.05% e shqiptarëve!

      Është publikuar pjesëmarrja e 8 orëve të para të procesit të votimit në vendin tonë. Sipas të dhënave të përditësuara, deri në orën 15:00 pjesëmarrja në rang vendi është 38.5%. Qarku me pjesëmarrjen më të lartë vijon të mbetet Dibra. Theksohet se përqindja e cila është publikuar deri më tani, është vetëm në bazë të të dhënave që kanë raportuar disa nga qendrat e votimit në rang kombëtar.

    • 15:47

      ‘Po votohet në masë, tregon se shqiptarëve iu intereson vendi’/ Yuri Kim THIRRJE kandidatëve: Prisni gjykimin e popullit!


      Ambasadorja amerikane në Shqipëri, Yuri Kim ka inspektuar votimet në qytetin e Durrësit. Jashtë, në një prononcim për mediat, Kim ka bërë me dije se ishte frymëzuar nga votimi në masë i qytetarëve që sipas saj tregonte se shqiptarëve iu interesonte vendi i tyre. Në fjalën e saj, ambasadorja tha se kandidatët duhet të presin në mënyrë që të mësojnë gjykimin e popullit.

      Jemi shumë të kënaqur që jemi në Durrës. Të dy ne kemi udhëtuar në të gjithë vendin. Jemi shumë të frymëzuar se po votohet në masë. Tregon se shqiptarëve iu intereson vendi. Ka pasur incidente, tashmë është detyrë e autoriteteve që të vijojnë hetimin. Qytetarët po përmbushin detyrën e tyre. Autoritetet po përmbushin detyrën. Ka ardhur koha që kandidatët të presin gjykimin e popullit,”-tha Kim.

    • 15:29

      U “hackerua” në kulmin e punës! Normalizohet situata me aplikacionin KQZ

      Ilirjan Celibashi

      Kryetari i Komisionit Qendror të Zgjedhjeve, Ilirjan Celibashi ka njoftuar se aplikacioni i KQZ-së i është kthyer normalitetit. Me anë të një postimi, ai sqaron se raportimet do të rifillojnë për të bërë me dije ecurinë e votimit.

      Normalizohet situata me aplikacionin KQZ. Rifillojnë raportimet për pjesëmarrjen dhe mbi ecurinë e votimit nëpërmjet aplikacionit KQZ,”-shkruan Celibashi.

    • 15:20

      Pjesëmarrje masive në zgjedhjet, Meta: Uroj të vazhdojë këtu kjo ditë, do ta ul zërin dhe më shumë. Po vetëm këtë kam…

      Ilir Meta

      Presidenti Ilir Meta ka komentuar procesin zgjedhor që po zhvillohet sot në të gjithë Shqipërinë. Në një intervistë për “Syri”, Meta tha se kishte ndjerë optimizëm dhe shpresë, ndaj edhe kishte vendosur që të ulte zërin pasi sovrani po vendoste. Ndër  të tjera, kreu i shtetit tha se tonet e larta i kishin kushtuar shumë kritika, por kjo ishte e vetmja “armë” që kishte.

      Ndihet një atmosferë shumë e mirë. Ndjej optimizëm dhe shumë shpresë në çdo takim që kam zhvilluar sot me qytetarët që besojnë tek fitorja e sovranit. Jam shumë i kënaqur me atmosferën tepër pozitive që kam parë në Shijak. Ftoj të gjithë qytetarët t’ju drejtohen kutive të votimit dhe të vazhdojnë të tregojnë qytetar siç e kanë bërë deri tani. Pjesëmarrja në këto votime është një indicie e qartë që do jetë një ditë historike, pasi ka të bëjë me gjithë legjitimin e shtetit tonë. Sytë e të gjithë ndërkombëtareve janë tek ne sot, ti japim një mesazh botës demokratike se jemi një popull tërësisht europian. Vlora? Kush është ai shqiptar që nuk ka dëshirë që të shkojë në Vlorë. Atyre që i keni folur iu kanë marrë vesh? Nuk është se s’kam ditur të heshtë. Historia e zgjedhjeve të kaluara. Historitë e shkuara na kanë mbajtur peng. Më ka shqetësuar numri i kallëzimeve sepse është më i madh se në 2017. Nëse ecim në këtë drejtim, ta harrojmë integrimin. Qëllimi i im ka qenë parandalimi i kësaj situate. Dje në Kavajë e pashë vetë. Është dhunim i hapësirës personale. Sot jam shumë i qetë sepse kam kohë që e prisja që të fliste sovrani. Barazia para ligjit është barazia e votës. A keni ndjesi që do të ketë sot ndryshim? Kushtetuta dhe Republika janë një. Kemi vendosur që të jetojmë në një sistem me pluralizëm. Jemi këtu ku jemi se kemi shkelur Kushtetutën. Kam qenë gjithmonë koherent me Kushtetën. Kemi tendenca autoritariste nga e kaluara. Pushteti duhet që t’i nënshtrohet Kushtetutës. Uroj të vazhdojë këtu kjo ditë dhe do ta ul zërin dhe më shumë. Më thotë edhe Zija Çela që ta ul zërin, po këtë kam. Besoj se zëri i qytetarëve do të dëgjohet,”-tha Meta.

    • 15:01

      Gjysmë mln shqiptarë kanë votuar! Dalin përditësimet e fundit! Dibra kryeson me numrin votuesve, në Vlorë bie ritmi (TABELAT)

      Që prej orës 7:00 të mëngjesit kur nisi procesi votimit, deri në orën 14:00 kanë votuar gati gjysmë milionë shqiptarë. Deri më tani, 569936 qytetarë shqiptarë i janë drejtuar kutisë së votimeve, ku kanë shprehur vullnetin e tyre, që i takon 35.6% prej 𝟯.𝟱𝟴𝟴.𝟴𝟲𝟵 qytetarëve kanë të drejtë të votojnë. Theksohet se përqindja e cila është publikuar deri më tani, është vetëm në bazë të të dhënave që kanë raportuar disa nga qendrat e votimit në rang kombëtar. Qarku me numrin e votuesëve me të lartë është Dibra me 41.6% pjesëmarrje, e ndjekur nga Tirana me 39.8%. Qarku me numrin e votuesve më të ulët mbetet Vlora me 26% pjesëmarrje

    • 15:13

      Basha në Elbasan! Pyetet çfarë do bëjë nëse humbet, kryedemokrati: Gjeni personin e duhur për t’ia bërë këtë pyetje!


      Kryetari i Partisë Demokratike, Lulzim Basha ndodhet në Elbasan, aty ku bëri të ditur se po shikon nga afër procesin e votimit. Kryedemokrati bëri të ditur se do të jetë i pranishëm dhe në qytete të tjera për të monitoruar procesin e votimit.

      PYETJE-PËRGJIGJE:

      Gazetarja: Pse në Elbasan?

      Basha: Se e dua shumë, sepse e dua shumë, kam qënë deputet i Elbasanit, falë punës që kamë bërë e kam shumë më të lehtë. Është afruar me Tiranën më shumë se Durrësin.

      Gazetarja: Nëse humbni do ta pranoni?

      Basha: I keni pyetjet e gabuara për personin e gabuar. Gjeni personin e duhur për tja bërë këtë pyetje. Elbasani do të fitojë. Elbasani po udhëheq me pjesmarrjen. Elbasani po i prin Shqipërisë.

    • 15:02

      U kritikua për interesin e madh për zgjedhjet në Shqipëri, Kurti ‘shfajsohet’: Votova dhe u ktheva direkt!

      Albin Kurti

      Kryeministri Albin Kurti është kthyer në Kosovë pasi ka ushtruar të drejtën e tij për të votuar në zgjedhjet parlamentare në Shqipëri. Kurti ka njoftuar për kthimin e tij pasi është kritikuar nga opozita se po fokusohet më shumë seç duhet tek zyrtarët e degës së partisë së tij në Tiranë. Ndërsa është kritikuar se ka lënë pas dore menaxhimin e pandemisë së koronavirusit në Kosovë. Krahas disa fotografive të publikuara në profilin e tij në Facebook, kryeministri Kurti ka theksuar se votimi është detyrë qytetarë për ata që e duan demokracinë.

      “U ktheva në Kosovë, por paradite isha në Shqipëri për të votuar. Demokracia është sistemi që shqiptarët gjithnjë kanë dashur, dhe votimi është detyrë qytetare për ata që e duan demokracinë,”- ka shkruar Kurti.

    • 14:40

      Voton Anita Haradinaj në Shqipëri! Mesazhi i saj: I ftoj të gjithë të votojnë, përcaktojnë të ardhmen e tyre europiane

      Anita Haradinaj

      Anita Haradinaj, bashkëshortja e liderit të AAK-së, ka votuar në zgjedhjet parlamentare në Shqipëri. Anita e cila ka shtetësi shqiptare, pasi një kohë të gjatë ka jetuar në Tiranë, ka kryer këtë obligim qytetar por i ka ftuar shqiptarët që të votojnë në këto zgjedhje, të cilat sipas saj do ta përcaktojnë të ardhmen e Shqipërisë Evropiane.

      I ftoj të gjithë Shqiptarët që me të drejtën e votës së tyre sot të përcaktojnë të ardhmen e Shqiperisë Evropiane”, ka shkruar Haradinaj.

    • 14:37

      Përditësimi i fundit nga KQZ! Deri në orën 14:00 kanë votuar 35.7% e shqiptarëve!

      Është publikuar pjesëmarrja e 7 orëve të para të procesit të votimit në vendin tonë. Sipas të dhënave të përditësuara nga KQZ, deri në orën 14:00 pjesëmarrja në rang vendi është 35.7%. Qarku me pjesëmarrjen më të lartë vijon të mbetet Tirana. Përqindja e cila është publikuar deri më tani, është vetëm në bazë të të dhënave që kanë raportuar disa nga qendrat e votimit në rang kombëtar.

      Perditesimi ne rang vendi
    • 14:31

      Hakërimi i aplikacionit të KQZ-së, Celibashi: Po ta dinim kush e bëri, do e kishim luftuar, nëse nuk zgjidhet do kalojmë në një tjetër


      Kryekomisioneri Ilirjan Celibashi, në një konferencë për shtyp, ka bërë me dije se nuk ka asnjë të dhënë se nga kush është “hackeruar” faqja zyrtare e Komisionit Qendror të Zgjedhjeve. I pyetur nga gazetarët, Celibashi u shpreh se nëse aplikacioni nuk rimerret edhe për pak minuta do të gjejnë një burim alternativ të dhënash.

      PJESË NGA KONFERENCA: 

      Ilirjan Celibashi: Raporti që lexoni është e dhënë mbi pjesëmarrjen. Ka qendra votimi që raportojnë rregullisht, ndërsa një pjesë vonojnë.

      Pyetje: E keni idenë kush e ka sulmuar?

      Ilirjan Celibashi: Po ta dinim do e kishim luftuar! Nuk ka asnjë qendër që të jetë bllokuar procesi i votimit.

      Pyetje: Sa kohë mendoni se do të marrë përpunimi i të dhënave?

      Ilirjan Celibashi: Nëse nuk e zgjidhim problemin për pak kohë, do kalojmë në një aplikacion tjetër.

    • 14:28

      Pjesëmarrje masive në 6 orët e para krahasuar me 2017-tën! Tirana, Elbasani, Kukësi dhe Dibra me më shumë votues (TABELA)

      Prej orës 7:00 deri në 13:00 kanë votuar gjithsej 31.76% të votuesëve në rang vendi! Nga përditësimi i fundit nga Komisioni Qendror i Zgjedhjeve, pjesëmarrja deri më tani rezulton më e lartë se ajo në zgjedhjet e fundit, 25 qershor 2017. Krahasuar me zgjedhjet e 4 viteve më parë, qarqet kryesore si Tirana, Elbasani, Dibra, Kukësi etj, kanë pjesëmarre në shifra më të larta. Në tabelën e mëposhtëme, duket se në Tiranë janë 35.6% votues deri në orën 13:00, ndërsa në 2017 ka qenë 30.25%. Ndyshim ka pasur edhe për qarkun e kukësit, ku nga 31% në 2017, tashmë janë 38.7%. Përqindja e cila është publikuar deri më tani, është vetëm në bazë të të dhënave që kanë raportuar disa nga qendrat e votimit në rang kombëtar.

      Për më shumë, shihni tabelën:

    • 14:26

      Hakërohet aplikacioni i KQZ-së, Celibashi: Ka një orë, teknikët po punojnë


      Kryekomisioneri Ilirjan Celibashi ka deklaruar se nëse nuk zgjidhet brenda pak kohe hakërimi i aplikacioni i Komisionit Qendror të Zgjedhjeve, do të ndiqet një tjetër plan. Në një deklaratë për mediat, Celibashi tha se kanë një plan B dhe C për të pasqyruar pjesëmarrjen.

      “Nëse nuk e zgjidhin kemi një plan B dhe C për të pasqyruar pjesëmarrjen. Aplikacioni përdoret edhe nga operatorët me skanim. Që prej një ore nuk marrim dot informacion për shkak se sistemi i rapotimit është sulmuar nga pikëpamja informatike,”- tha Celibashi.

    • 14:26

      Hakërohet aplikacioni i KQZ-së, Celibashi: Ka një orë, teknikët po punojnë


      Kryekomisioneri Ilirjan Celibashi ka deklaruar se aplikacioni i Komisionit Qendror të Zgjedhjeve është hakëruar. Në një deklaratë për mediat, kur kanë kaluar më shumë se shtatë orë nga nisja e procesit të votimit, Celibashi tha se ka një orë që aplikacioni nuk funksionon dhe se teknikët po punojnë për ta zgjidhur.

      “Vetëm 144 identifikimi po bëhet në mënyrë manuale. 83 qendra po e zhvillojnë këtë proces sepse nuk janë paraqitur operatorët. Ka raste sporadike, pezullim të përkohshëm votimi për shkak edhe të problematika të tjera si psh. konflikte. Në pjesën më të madhe kanë qënë të karakterit për administrim e procesit dhe nuk ka pasur nga ato që mund të vendosin në rrezik procesin. Në shkollën “Betim Muço” ka pasur grumbullim edhe brenda gjë që është e palejueshme. Në radhë duhet të jenë vetëm ata që kanë votuar. Situata është qartësuar. Në lidhje me përqindjen e pjesëmarrjes. Dua të sqaroj dy momente. Numri 65 nga QV është numri i qendrave që kanë raportuar në moment dhe jo totali. Ky është sistemi i raportimit. Pak a shumë pjesëmarrja që KQZ deklaron është e cunguar në bazë të raportimeve nga QV. Aplikacioni është sulmuar pak më parë dhe nuk mund të mos ndodhte dhe kjo. Teknikët po punojnë ta zgjidhin,”– tha Celibashi ndër të tjera. 

    • 13:45

      Është mbyllur brenda selisë së PS? Kush janë dy personat që po rrinë pranë Ramës, ka zgjedhur vetëm “të besuarit”

       

      Krye

      Edi Rama

      ministri Edi Rama që prej paradites është mbyllur në selinë e PS-së, nga ku edhe po ndjek nga afër zhvillimet më të fundit të zgjedhjeve. Numri një i Partisë Socialiste ka zgjedhur që pranë vetes të ketë të dërguarin politik për qarkun e Tiranës, Erion Veliajn dhe sekretarin Organizativ dhe i Koordinimit Elektoral, Arben Pëllumbin. Mesa duket teksa pret me ankth zhvillimet më të fundit, Rama ka zgjedhur që të mbajë pranë vetes të besuarit e tij. 

    • 12:23

      Meta në Shijak: Erdha këtu se më thanë se kishte probleme! Ka radhë të gjata dhe pjesmarrje të madhe në votime


      Presidenti Ilir Meta ka bërë të ditur se ndodhet në Shijak pasi ka marrë informacione se ka pasur probleme në disa qendra votimi. Në një prononcim për gazetarët, Meta tha se këshilltarët e tij janë aty të gatshëm për të dëgjuar shqetësimet që kanë qytetarët.

      MetaErdha këtu se më thanë se kishte probleme. Dy këshilltarët e mi më thanë se procesi po ecën në mënyrë të mrekullueshme. Për cfarëdo shqetësimi që të kenë këshilltarët e mi janë këtu. Shijaku do të shkëlqejë dhe do të nxjerrë në pah vlerat më të mira. I vetmi problem është që ka radhë të gjata dhe pjesmarrje të lartë. Nuk është problem, cdo kush duhet të votojë. I ftoj forcat politike, administruesit që të vazhdohë. Kjo ditë që nisi kështu mrekullueshëm duhet të vazhdojë dhe natën po ashtu. Jemi një popull 100% europian.

    • 11:55

      E shoqëron Xhoana, Fatos Nano voton në Mullet, s’i lë BATUTAT: Pjesëmarrje u ulët, erdha ta nxis unë!


      Ish-kryemnistri i vendit Fatos Nano ka votuar në Mullet bashkë me gruan e tij, Xhoanën. Pasi ka votuar, Nano nuk i ka lënë batutat ndërsa është shprehur se kur të dalë rezultati një pjesë do gëzohen e të tjerë do mërziten. Ndërsa sa i përket pjesëmarrjes tha se ishte e ulët prandaj edhe ishte shfaqur për të nxitur.

      “Kjo është pyetje që mund të bëhej deri mbrëmë. Sot është ditë si gjithë të tjerat. Mos të jetë më e gjatë. Duhet të presim sepse më në fund një pjesë do gëzohen dhe një pjesë do mërziten. Jam i sigurt se ata që do gëzohen do gëzohen për të gjithë. Ata që mërziten të mërziten për vete dhe mos t’u zgjas shumë. Pjesëmarrja ishte e ulët ndaj erdha ta nxis,”-tha Fatos Nano.

    • 11:55

      Pjesëmarrje masive në 4 orët e para të votimit! 20.5 % e shqiptarëve kanë votuar në të gjithë Shqipërinë, më shumë votues në Tiranë

      Vijon pjesëmarrja e lartë në procesin e votimit në të gjithë vendin. Përditësimet e shifrave të votimeve deri në orën 11:00 tregojnë se në katër orët e para kanë votuar 20.5% % e votuesve, e përkthyer në 283,365 qytetarë. Qarku me pjesëmarrjen më të lartë vijion të mbetet Tirana me 23% pjesëmarrje, e ndjekur nga Elbasani me 22.49%, dhe qarku me më pak votues është Vlora me 14% pjesëmarrje.

    • 11:28

      VIDEO/ PA KOMENT! Erion Veliaj iu zë radhën të moshuarve që prisnin në diell dhe hyn për të votuar


      Kryebashkiaku i Tiranës Erion Veliaj nuk kishte pse të priste në radhë sot për të votuar njësoj si qytetarët e tjerë të vdekshëm të Tiranës. Siç mund të shihni edhe në këtë video, kryebashkiaku shkon dhe gjen radhë në qendrën e votimit, i shoqëruar nga bashkëshortja e tij, Ajola Xoxa.

       “O shokë si jeni? Unë jam të gjashta, jo te pesa” u tha Veliaj për ti sqaruar. Një nga moshuarit ia ktheu duke i thënë: Edhe ne te gjashta jemi. 

      I zënë ngushtë, Veliaj i pohoi se do të prisnin të gjithë në radhë. Por me të  kaluar disa sekonda, ai mori një sinjal që të hynte brenda.

    • 11:14

      Ambasadori i BE-së inspektime nga afër në Elbasan, Soreca flet SHQIP: Ti vendos!

      Ambasadori i Bashkimit Europian në Shqipëri, Luigi Soreca nga Elbasani tha se procesi i votimit po zhvillohej normalisht në të gjithë vendin. Në fjalën e tij, Soreca u kërkoi të gjithë që të ushtronin të drejtën e tyre, duke folur shqip: Ti vendos!

      Sot është ditë e rëndësishme për Shqipërinë. Është ditë e rëndësishme për qytetarët që kanë të drejtë votimi. Në këtë qendër, por edhe në të tjera kemi parë që shumë zgjedhës kanë dalë për të votuar. Shumë po votojnë. Ajo që kam parë është prirja se sistemi me pajisjet e reja po funksionin. Ka probleme teknike megjithatë janë zëvëndësuar në kohë. I bëj thirrje qytetarëve që të votojnë dhe të ushtrojnë të drejtën e tyre. Votoni është dita juaj. Mos e humbisni këtë mundësi. Ti vendos!,”-tha ambasadori.

    • 11:11

      Celibashi: Në 120 qendra votimi nuk ka komisionerë politikë, kush largohet nga detyra do të ndiqet penalisht


      Kreu i KQZ-së, Ilirjan Celibashi ka bërë të ditur se në 142 qendra votimi procesi po vijon të bëhet manualisht. Ai tha se drejtuesit dhe përfaqësuesit e partive që kanë anëtarë në QV, nuk duhet të largohen nga detyra ose në të kundërt do të përballen me pasojat.

      “Sipas informacioneve që ka KQZ, janë vetëm 142 në qendra votimi, në të cilat procesi i verifikimit po bëhet manualisht. Për rreth 120, kjo për faktin se operatorët nuk u paraqitën në vendin e votimit, në 40 raste nuk arritëm të gjenim operatorë për të përdorur pajisje. Ajo që është për tu evidentuar është fakti që në 142 qendra votimi procesi i identifikimit po bëhet në mënyrë manuale.E vërteta është që kemi pasur disa probleme të karakterit teknik. Në pritshmërinë tonë kanë qenë më të mëdha këto probleme, sepse sistemi përdoret për herë të parë në Shqipëri dhe në kohë të shkurtër na është dashur ta implementojmë këtë projekt. Ka pasur disa probleme, që më së shumti vijnë nga niveli i ulët i dijeve nga operatorët dhe lidhet me printimin.Edhe në rastet kur pajisja nuk printon në mënyrë korrekte pamjen e votuesit, procesi duhet të vazhdojë. S’ka arsye për faktin që printeri nuk funksionon të mos përdoret pajisja. Kanë qenë mbi 5 mijë telefonata nga operatorë në lidhje me problematikës së identifikimit elektronik, kanë marrë zgjidhje. Dua t’iu bëj një thirrje drejtuesit dhe përfaqësuesit e partive që kanë anëtarë në QV, këta anëtarë të respektojnë përgjegjësitë e tyre, nuk ka asnjë arsye që edhe për probleme të vogla teknike, t’i kategorizojnë të arsyes politike. Kushdo komisioner do t’i bëjë bisht dhe largimin nga detyra, do të ketë përgjegjësi penale. Në ato raste në të cilat pajisja e identifikimit elektronik nuk ka funksionuar mirë ose ka pasur probleme ne kemi udhëzuar komisionerët që të kontaktojnë me KQZ dhe në rast se do ketë mosfunksionim të pajisjes janë marrë të gjitha masat që pajisja të zëvendësohet. Deri në momentin e zëvendësimit të pajisjes komisioni duhet të presë dhe nëse nuk është i mundur ata duhet të bëjnë procesin e identifikimit të zgjedhësit në mënyrë manuale. ”, tha Celibashi.

    • 11:01

      FOTOT- Rama shkon e mbyllet në selinë e PS-së, ndjek nga zyra e tij çdo gjë. I moshuari i zgjati dorën, gjesti i papritur i kryeministrit…

      Kryeministri Edi Rama ka shkuar në selinë e Partisë Socialiste, menjëherë pasi ka votuar në shkollën “Ymer Lala”. Siç duket edhe në fotot e mëposhtme, Rama u prit nga një i moshuar, i cili i zgjati dorën për të takuar nga afër. Por kreu i qeverisë nuk ia ka pranuar, duke i zgjatur grushtin.

      Më pas, pasi ka përfunduar Rama është futur në zyrën e tij, nga ku duket se do të ndjekë çdo zhvillim.

    • 10:50

      ‘S’jam këtu për të dhënë mesazhe…’/ Ambasadorja e OSBE JEP LAJMIN: Nesër në 15:00 japim verdiktin për zgjedhjet!


      Ambasadorja e OSBE në Shqipëri, Ursula Garcek është shprehur se misioni që ajo përfaqëson do të japë verdiktin final për zgjedhjet e somte parlamentare. Në fjalën e saj, Garcek tha se kishte mbërritur në Shqipëri që prej datës 17 mars dhe po ndiqte nga afër çdo zhvillim.

      “S’jam këtu për të dhënë mesazhe, misioni që përfaqësoj për fushatën. Jam “koka” e misionit të ODHIR. Kam ardhur në Shqipëri që më 17 mars. Sigurisht që vëmendja i dedikohet zgjedhjeve por për ne ka qenë e rëndësishme që të shohim edhe fushatën. Sot do të vizitoj një numër të vogël QV, por kolegët e mi janë të shpërndarë në 12 qarqet e Shqipërisë. Të gjithë më pyesin si po shkon, por po iu zhgënjej se ende po mbledhim informacion që të dalim në një përfundim. Përgjigjia e pyetjeve tuaja do të dalë nesër. Iu ftoj në konferencë për shtyp në orën 15:00,”-tha në fjalën e saj ambasadorja.

    • 10:33

      Rama bën apel për bashkim: Zbrisni dhe gjuajeni penalltinë tuaj! Koment për votën e Kurtit: Nc!


      Kryeministri Edi Rama ka bërë thirrje për bashkim dhe votim nga qytetarët në zgjedhjet e sotme të 25 prillit. Në fjalën e tij, Rama tha se demokracia është sport pa spektator ndaj secili duhet të zbresë në fushë dhe të gjuajë penalltinë e tij. Për votën e kryeministrit të Kosovës, Albin Kurti, kreu i qeverisë, tha shkurt: Nc!

      PJESË NGA PRONONCIMI: 

      Rama: Është ditë shumë e bukur. Me diell fantastik. Sot është dita të mos ushqjejmë asnjë ndjenjë negative që me votën e tij ka mendim tjetër. Jemi një familje e madhe në të njëjtin atdhe. Askush mos të harrojë se demokracia është sport pa spektatorë dhe secili duhet të zbresë vetë në fushë dhe të gjuajë me votë. Zbrisni vetë në fushë dhe gjuajeni penalltinë tuaj.

      Ç’mendim ke për penalltinë e Kurtit?

      Rama: Nc!
    • 10:30

      Me kapele, maskë dhe syze! Rama shkon në shkollën në Surrel së bashku me bashkëshorten për të votuar


      I veshur me pelevrekë, syze, maskë dhe me kapele, kryeministri aktual Edi Rama ka shkuar në Surrel për të votuar. Së bashku me bashkëshorten e tij, Linda Ramën, ai ka shkuar për të hedhur votën e tij. Linda mban të veshur një pardesy në ngjyrë të partisë socialiste si dhe flokët në ngjyrë lejla.

    • 10:19

      Pas votimit, Sali Berisha: Po ecim të sigurtë drejt fitores! Fitorja po bëhet çdo sekond dhe minutë më e madhe


      Ish-kryeministri Sali Berisha votoi ditën e sotme në Tiranë, së bashku me bashkëshorten, Liri Berisha. Pas votimit, Berisha ftoi shqiptarët që të hedhin votën e tyre në mënyrë që të largojnë nga qeveria një politikë që po i bllokon.

      DEKLARATA E BERISHËS: Fitorja ka fytyrën dhe bukurinë e kësaj dite të bekuar Ftoj me këtë rast cdo qytetar të këtij vendi të firmosë ditën e sotme, një fitore madhështore për Shqipërinë dhe shqiptarët, të votojë për sakrificat e tij, për familjen, fëmijët, nipërit, mbesat, për emigrantët shqiptarë që një regjim në largim i bllokoi, u shpiku karantinën si një mjet politik për të mos lejuar votimin e tyre. Të votojnë për të gjithë ata të cilët i thonë lirisë liri dhe Shqipërisë Shqipëri. Deri tani votimi po ecën i sigurt drejt fitores me gjithë përpjekjet, e përpëlitjet anti-ligjore, të pamoralë, fitorja po bëhet cdo sekond dhe minutë më e madhe, më e bukur dhe më e fuqishme.

    • 10:03

      Ish-lideri i PD-së, Sali Berisha zbret nga rrugica dhe shkon te shkolla ‘Kosova’ për të votuar, pritet me ovacione nga qytetarët


      Ish-kryeministri Sali Berisha është pritur me ovacione në shkollën ‘Kosova’ në Tiranë, aty ku votoi për zgjedhjet parlamentare. Me maskë anti-covid dhe i shoqëruar nga bashkëshortja e tij, ai ka hedhur votën në qendrën e votimit pranë banesës së tij.

    • 10:14

      Presidentin takon Gazment Bardhin në Elbasan, Meta batuta me gazetarët: Ngre edhe grushin lart unë, jemi live ne? Takim me Ballën e Kryemadhin? S’ka nevojë…

      Ilir Meta

      Presidenti Ilir Meta ka zhvilluar një takim me drejtuesin politik të Partisë Demokratike në qarkun e Elbasanit, Gazment Bardhi. Pas takimit, Meta ka zhvilluar një prononcim të shkurtër për mediat, duke bërë me dije se kishte marrë nga Bardhi siguri për proces të qetë nga opozita. Po ashtu, kreu i shtetit bëri me dije se kishte marrë në telefon edhe ambasadorin e BE-së, Luigi Soreca, i cili gjithashtu ndodhet në Elbasan, duke i kërkuar ndihmë për monitorimin e situatës.

      PJESË NGA BISEDA: 

      Bardhi: Kërkoi informacion mbi situtën. Thashë informacionet në emër të opozitës

      Meta takon Gazment Bardhin në Elbasan: Dalim jashtë se është kohë e bukur. Jemi live? Dy gishtat lart, kujt nuk i pëlqen ngre edhe grushtin. Janë të demokracisë dhe fitores së Kushtetutës. I përshëndes qytetarët. U njoftova se kishte nja dy probleme teknike. Do të njoftoj edhe KQZ të marrë masa. Fola në telefon me Sorecan. I kërkova që të vëzhgonte procesin dhe të bashkëpunonte me opozitën për të parandaluar çdo incident. Se arsye ka, duke iu referuar ngjarjes së pak ditëve më parë, nuk kemi ende një sqarim shterues zyrtar.

      Takim me Ballën e Kryemadhin? E thirra Bardhin si përfaqësues kryesor të opozitës. E pyeta nëse e kishin thirrur në Prokurori. Ai është gati gjithmonë. Asnjë qytetar nuk duhet të votojë dy herë apo me karta falso. Vetëm barazia e votës na garanton barazi para ligjit. Presidenti është simbol i unitetit, garant i Kushtetës. Përqafoj gjithë qytetarët që kanë votuar deri më tani. Të votojnë atë që duan pa asnjë presion. Si është situata në Elbasan? Nuk dua të kthehem më tek kjo çështje. Për hetimin e ngjarjes tragjike do të merrem personalisht në ditët që vijnë. Të mbarojmë këtë proces. Të zbardhet gjithçka dhe të rritet gatishmëria që mund të dëmtojë atmosferën se përgjegjësia do të jetë e jashtëzakonshme. Kam marrë siguri nga Bardhi se opozita do jetë e përgjegjshme. Qytetarët të votojnë për veten dhe fëmijët e tyre.

    • 10:11

      Momenti i sikletshëm! Pajisja elektronike nuk njeh shenjat e gishtave të Sali Berishës


      Pajisja e identifikimit të kartave biometrike nuk ka bërë të mundur identifikimin e gishtërinjve të ish-kryeministrit Sali Berisha. Momenti i sikletshëm zgjati për disa sekonda mirëpo kaloi pa shumë zhurmë nga ana e komisionerëve. Duart e Berishës u dizinfektuan dhe më pas pajisja bëri të mundur identifikimin për të vazhduar procesin e votimit të Berishës.

    • 10:04

      Zgjedhjet e 25 prillit/ Ilirjan Celibashi bën PASQYRIMIT: Kemi shumë pak problematikë teknike

      Kryekomisioneri i Komisionit Qendor të Zgjedhjeve, Ilirjan Celibashi ka bërë një pasqyrim të procesit të votimit në të gjithë vendin. Me anë të një statusi në rrjetet e tij sociale, Celibashi shkruan se ka pasur raste që kanë hasur problematika teknike, ndërsa ka ftuar kandidatët për deputetë dhe udhëheqësit politikë që të demostrojnë qetësi.

      Situata e votimit është e qetë & me shumë pak problematikë teknike. Ftoj kandidatët për deputet, e në veçanti udhëheqësve politik & drejtuesve të institucioneve kryesore të shtetit të demostrojnë qetësi, durim & maturi në komunikimet publike & kështu ti adresohen mbështetësve,”-shkruan Celibashi.

    • 10:01

      3 orët e para të votimit! Pjesëmarrje e lartë e qytetarëve në zgjedhje, 8% e shqiptarëve iu drejtohen kutive të votimit

      Edhe pse në shumë qendra votimi janë hasur probleme me mungesën e komisionerëve dhe dështimin e identifikimit biometrik, ka pasur një numër të lartë pjesëmarrësish. Dëri më tani, 94,252 qytetarë shqiptarë i janë drejtuar kutisë së votimeve, ku kanë shprehur vullnetin e tyre, që i takon 8% prej 𝟯.𝟱𝟴𝟴.𝟴𝟲𝟵 qytetarëve kanë të drejtë të votojnë. Qarku me pjesëmarrjen më të lartë është Tirana me 8.9%, ndërsa dy qarqet me pjesëmarrjen më të ulët janë  Vlora me 5.9% dhe Kukësi me 6.1%.

      Qarku i Elbasanit po ashtu ka ka pjesmarrje të lartë me 8.6% dhe ndiqet nga Dibra me 8.2% pjesëmarrje. Numër të lartë votuesish ka pasur edhe në Berat me 8.1% pjesëmarrje.

    • 9:59

      Rama thyen ligjin dhe poston VIDEO me mesazh politik! U kërkon qytetarëve ndihmë: Votoni 12!

      Kryeministri Edi Rama nuk e ka respektuar ligjin për heshtjen zgjedhore dhe ka postuar një video me mesazh politik. Mbi videon e publikuar, Rama u kërkon qytetarëve që të votojnë numrin 12 dhe Partinë Socialiste, gjë që është i ndaluar deri në orën 19:00, pasi ka heshtje zgjedhore. Videoja më pas u fshi nga kryeministri, i cili mesa duket e kuptoi gabimin.

    • 9:52

      Siç e kishte premtuar! Presidenti Meta mbërrin në Elbasan, ndjek nga afër procesin…

      Pamje nga qendra e votimit

      Presidenti Ilir Meta mbërrin në qytetin e Elbasanit për të ndjekur nga afër procesin e zgjedhjeve parlamentare. Siç edhe e kishte paralajmëruar kreu i shtetit do të ndjekë nga afër gjithë çfarë ndodh në gjatë procesit.

    • 9:26

      Problemet në qendrat e votimit, zëdhënësja e KQZ: 230 qendra kanë hasur probleme, shkak i presionit dhe mosmarrjes pjesë në trajnime


      Zëdhënësja e KQZ-së Drilona Hoxha ka dalë ditën e sotme në një deklaratë për mediat është shprehur se nuk ka pasur asnjë problematike në shpërndarjen e materialeve të votimit.

      Hoxha tha se vonesat që janë konstatuar deri më tani në disa qendra votimi janë për shkak të pajisjes së identifikimit. Deri më tani ka pasur probleme në 230 qendra votimi.

      DEKLARATA: Skemi patur asnjë problem, në pjesën e shpërndarjes së bazës materiale nuk është konstatuar asnjë problematike. Ka patur disa qendra votimi që skanë qenë të paisura me operator këto janë qendra votimi në zona të thella ku infrastruktura ka qenë e vështirë. Ska pasur operatorë për paisjen elektronike. Por megjithatë ska pasur probleme. Janë rreth 100 qendra votimit pa operatorë dhe ka filluar votimi si gjithmonë. Deri tani ka patur disa problematika në disa qendra. Rreth 230 qendra ka patur probleme edhe për shkak të presionit apo për shkak të mosmarrjes së tyre pjesë në trajnime për përdorimin e paisjes elektronike. Po merren masa që të zgjidhen. Ska patur problematika me kamerat në qendrat e votimit. Edhe kur ska energji elektrike ofrojnë monitorim edhe gjatë asaj periudhe”, tha ajo.

    • 9:46

      “8 skuadra angleze në terren”, Ish-ambasadori Norman i drejtohet qytetarëve: Shkoni të votoni!

      Duncan Norman

      Ish-ambasadori anglez, Duncan Norman ka deklaruar se në terren janë dërguar nga ambasada angleze skuadra, të cilat po ndjekin nga afër procesin e votimit.

      Në një deklaratë për mediat nga Durrësi, ai u shpreh se deri më tani nuk kanë hasur probleme. “Është shumë kënaqësi të jem sërish në Durrës. Ne zgjodhëm Durrësin se e kemi thënë më përpara se do të vinim dhe ja ku jemi sot, por gjithashtu sepse mendoj se është e rëndësishme që nderkombëtarët të shihen dhe të monitorojnë dhe ka shumë ndërkombëtarë që po vëzhgojnë zgjedhjet këtë herë. Ne si ambasadatë britani kemi 8 skuadra që po monitorojnë në Shqipëri dhe po mbështesim përmes projekteve tona mbi 600 vëzhgues afatshkurtër. Ndërmjet këtij lloj vëzhgimi duam t’i japim mundësinë qytetarëve të shkojnë të votojnë dhe që mund të votojnë realisht për partinë që ndjejnë se duhet të votojnë”, tha ai.

    • 9:29

      Probleme me paisjet elektronike që identifikojnë shenjën e gishtave në Lushnje, kthehet procesi manual i votimit

      Zgjedhjet ne Shqiperi

      28 qendra votimi me paisje elektronike janë kthyer në proces manual votimi në Lushnje, duke mos e përdorur paisjen biometrike. Fillimi i procesit të votimit është shoqëruar me problematika në lidhje me paisjet elektronike, të cilat shërbejnë për identifikimin e shenjës së gishtave.

    • 9:31

      Voton Taulant Balla, shoqërohet nga djali i vogël/ E shoqja ngatërron qendrën e votimit, sistemi jep ALARMIN!

      Taulant dhe Robin Balla

      Numri dy i Partisë Socialiste, Tauant Balla ka votuar, ndërsa shoqërohej nga djali i tij i vogël, Robini. Bashkë me ta ishte dhe gruaja e kreut të grupit parlamentar, Iris Pekmezi ka hyrë bashkë me ta për të votuar, por sistemi elektronik tha alarmin se ajo nuk ishte votuese aty. Në fund, gruaja e tij kuptoi se kishte ngatërruar qendrën e votimit.

    • 9:19

      INSPEKTIME në Shkodër, Yuri Kim: Pashë një moment që identifikimi biometrik nuk funksionoi


      Ambasadorja amerikane Yuri Kim ka ndjekur nga afër procesin e votimit në Shqipëri, duke shtuar se kishte parë nga afër sistemin e identifikimit të kartave biometrike. Në pronocimin e saj për gazetarët, Kim bëri me dije se kishte pikasur edhe një moment  kur sistemi nuk kishte funksionuar.

      Pata një mundësi të shihja demokracinë në veprim. Pashë sesi sistemi i ri funksionte shumë mirë. Pashë edhe një rast që nuk funksionoi dhe plani B funksionoi menjëherë. Siç e kam thënë, SHBA nuk mbështesin asnjë parti apo kandidat por mbështesim të drejtën për të votuar. Shpresojmë që çdo qytetar të votojë i lirë nga ndërhyrjet. Kjo është dita juaj!,”-tha Yuri Kim.

    • 9:04

      Nuk ka në krah Aurelën! Basha shkon i vetëm për të votuar, e shoqërojnë 18-vjeçarët, kryedemokrati s’lë njeri pa takuar


      Kryetari i opozitës, Lulzim Basha paraqitet për të votuar në qendrën e votimit 192 pranë çerdhes nr.13, Rr. Demir Gashi, njësia 8.

      Jashtë ai ka takuar gazetarët e qytetarët, po ka rënë në sy se është paraqitur i vetëm dhe i pashoqëruar nga bashkëshortja e tij, Aurela. Megjithatë ka marrë me vete votues për herë të parë.

    • 8:58

      Albin Kurti voton në Tiranë! Mesazhi i tij: I ftoj qytetarë të respektojnë atdheun dhe të votojnë!


      Kryeministri i Kosovës, Albin Kurti ka votuar mëngjesin e sotëm për zgjedhjet parlamentare në Shqipëri. Kurti ka votuar në kopshtin numër 31, në zonën e ish-Bllokut në Tiranë, aty ku ka votuar më parë Kryemadhi dhe Meta. Kurti ka qenë i shoqëruar nga kandidati i Vetëvendosjes në Shqipëri Boiken Abazi dhe mbështetës të Lëvizjes në Shqipëri. ‘Dita e zgjedhjeve është ditë e demokracisë, i ftoj qytetarët që të respektojnë atdheun duke votuar dhe duke bërë zgjedhjen më të mirë sipas parimeve. Dita është e bukur, me diell, e diel dhe do jetë deri në mbrëmje. Uroj për ditë me mbarësi, që ashtu sikurse unë e ka pasaportën e Shqipërisë.’– tha Kurti.

    • 8:51

      ‘Se nuk edhe dua që t’ju bezdis…’/ Ambasadori Soreca shikon nga afër ç’bëhet në KZAZ, paralajmëron numëruesit: Dua t’ju bëj pak presion që të bëni mirë punën

      Ambasadori i BE, Luigi Soreca ishte i pranishëm ditën e sotme në shkollën Dora d’Istria në Tiranë, aty ku po aplikohet procesi i identifikimit elektronik. Komisionerëve iu uroi ditë të mbarë dhe i bëri të ditur se do të shikojnë punën e tyre në mënyrë që procesi të vijojë sa më i qetë.

      SorecaNuk dua tju bezdis, dëshiroj t’ju uroj suksese dhe punë të mbarë. Ne do të shikojmë punën tuaj, do të shikojmë punën tuaj dhe cdo gjë që ka të bëjë me procesin. Nuk dua tju vë në trysni apo në presion. Punën ta bëni sa më mirë. Punë të mbarë sot, me krahe të lehta, ndoshta do të shihemi sërish.

    • 8:51

      KZAZ-të janë hapur që në orën 07:00 të mëngjesit, del SHIFRA! Ja sa shqiptarë kanë votuar deri më tani

      Komisioni Qendror i Zgjedhjeve ka dhënë detaje lidhur me pjesëmarrjen e qytetarëve që nga hapja e qendrave të votimit. Që nga momenti i hapjes së KZAZ-ve, nga ora 07:00 deri në orën 8:00, në 711 QV pjesëmarrja në rang vendi ka qenë 2.88%. Shqipëria voton sot! Shqiptarët do t’u drejtohen kutive të votimit për të zgjedhur qeverinë e 4 viteve të ardhshme.

    • 8:13

      NUK KA NDODHUR MË PARË! Sokol Balla merr Metën në telefon me kamera, presidenti: Si të kam? Na lidhe live ë? Unë jam në zyrë…


      PJESË NGA BISEDA: 

      Meta: Si të kam? Na lidhe live ë? E po mirë. Koli procesi po ecën shkëlqyeshëm. Dy gishtat për mua janë 2 marsi. Me qetësi si tha edhe Ruçi.

      Sokol Balla: Presidenca ka dërguar Komisionerë në 3 qarqe, pse?

      Meta: Jo nuk presim të ketë situata se presidenti është në krye të detyrës. Ja shiko, jam në zyrë. Sot qetësi, dashuri dhe vendosshmëri për Shqipërinë.

    • 8:16

      Edhe Albin Kurti voton! Kryeministri i Kosovës vjen në Tiranë, ja ora kur do ushtrojë të drejtën e tij

      Albin Kurti

      Kryeministri i Kosovës, Albin Kurti do të votojë sot në orën 09:00 në Tiranë për zgjedhjet parlamentare. Kurti do të ushtrojë të drejtën e tij në qendrën e votimit kopshti nr. 31, në zonën e ish-Bllokut në Tiranë. Në qarkun e Tiranës, nga radhët e Lëvizjes Vetëvendosje kandidon si i pavaruar, Bojken Abazi. Po ashtu, LVV ka garues edhe në Gjirokastër e Lezhë.

    • 8:11

      Gramoz Ruçi voton, mesazhi i tij: Sot politikanët duhet të heshtin! Fituesi duhet të dijë të administrojë fitoren

      Gramoz Ruci

      Kryetari i Kuvendit, Gramoz Ruçi ka votuar mëngjesin e sotëm në qendrën e votimit në Tiranë te liceu artistik. I pajisur me maskë anti covid, Ruci ka hedhur votën e tij e më pas është larguar nga qendra e votimit. Pas daljes nga qendra ai është shprehur se sot politikanët duhet të heshtin.

      ‘Sa keq më vjen që e nisni këtë ditë kështu. Është dita e shqiptarëve, kam bindje se sot do të fitojë qytetaria. Ne politikanët duhet të heshtim. Sot fitojnë vetëm qytetarët shqiptarë, kushdo që mundohet me harbutërinë e tij do të dështojë. Fituesi duhet të dijë të administrojë fitoren dhe humbësi humbjen pa panik.’– tha Ruci.

    • 8:01

      Të ndarë por me sytë ç’bëhet në qendra votimi! Yuri Kim zbarkon në Shkodër, Soreca ndjek zhvillimet në Elbasan…ndërkombëtarët mbajnë ‘premtimin’, ndjekin nga afër zgjedhjet

      Luigi Soreca dhe Yuri Kim

      Ambasadorët ndërkombëtarë janë shprëndarë në disa prej qarqeve më problematike për të monitoruar nga afër procesin e votimit. Mësohet se ambasadorja amerikane në Shqipëri, Yuri Kim do të ndjekë procesin në Shkodër. Ajo do të shikojë zhvillimet në Qendrën e Votimit “28 Nëntori” dhe në orën 09:00 pritet që të zhvillojë një komunikim për mediat. Ndërsa i dërguari i Bashkimit Europian, Luigi Soreca do të ndjekë zhvillimet në Elbasan, dhe do t’u drejtohet me një mesazh qytetarëve në orën 11:00 nga Elbasani. Nga ana tjetër, rrjeti ENEMO (Rrjeti Evropian i Organizatave të Monitorimit të Zgjedhjeve), IEOM (Misioni Ndërkombëtar për Vëzhgimin e Zgjedhjeve) do të jenë në terren në qytetin e Elbasanit dhe në Tiranë.

    • 7:55

      Zgjedhjet 2021/ ‘Voto për mua’, Basha publikon videon me fëmijët e vegjël

      Lulzim Basha

      Kryetari i Partisë Demokratike Lulzim Basha, nëpërmjet një video-mesazhi në rrjetin social “Facebook” jep mesazhin për qytetarët t’i drejtohen kutive të votimit. Në video shfaqen disa fëmijë, të cilët shprehen: “Voto për mua”.

    • 7:54

      Shqipëria vendos fatin për 4 vite/ Sot votojnë 2791 të burgosur, masa të rrepta sigurie, këto janë kategoritë që u ndalohet (SHIFRAT)

      Foto ilustruese

      Shqipëria voton sot, dhe përjashtim nga e drejta për të ushtruar vullnetin e tyre nuk bëjnë as të dënuarit me heqje lirie. 20 qendra votimi janë hapur këtë mëngjes edhe në burgjet e vendit, ku të drejtë për të ushtruar vullnetin e tyre 2971 të burgosur dhe të paraburgosur. Ndërsa mes tyre janë 88 gra. Të burgosurit kanë të drejtë të zgjedhin kandidatët e qarkut në të cilin janë duke vuajtur dënimin, pa marrë parasysh se nga vijnë. Në çdo burg është ngritur një qendër votimi, e cila do të administrohet nga komisionerë të jashtëm, ndërsa të gjitha votat do të numërohen jashtë. Në bazë të të dhënave, rreth 2400 të burgosur do të ndalohen të ushtrojnë të drejtën e votës. Kjo pasi disa prej tyre janë të dënuar për vepra të rënda penale, dhe ligji i dekriminalizimit iu heq të drejtën të zgjedhin. Të tjerë nuk kanë karta identiteti, ndërsa disa nuk kanë shprehur dëshirë që të japin verdiktin e tyre.

    • 7:54

      FOTOJA: Shkoi pas Kryemadhit të votonte, ky ishte simboli që bëri presidenti Meta, ngriti dy gishta dhe…

      Presidenti Ilir Meta ka votuar i dytë menjëherë pas bashkëshortes së tij Monika Kryemadhi. Po ajo që tërhoqi vëmendjen ishte gjesti i kreut të shtetit në momentin që hodhi fletën e votës në kutinë e votimit.

      Meta ngriti dy gishtat lart dhe u buzëqeshi kamerave që ishin aty për të shkrepur foto nga momenti.

    • 7:23

      Zgjedhjet 2021! Rama dhe Basha sërish ‘përplasje’, votojnë në të njëjtin orar në Tiranë

      Lulzim Basha dhe Edi Rama

      Kryeministri Edi Rama dhe kryetari i PD-së, Lulzim Basha do të votojnë në orën 09:00. Basha do të votojë në orën 09.00 në qëndrën e votimit 1929 pranë çerdhes nr.13, Rr. Demir Gashi, Njësia 8. Ndërsa Rama do të votojë në një qendër në Dajt, në ZAZ nr. 30. Kjo përplasje në orare duket e rastësishme mirëpo nuk është hera e parë që ndodh. Kujtojmë se në Elbasan, dy liderët e partive u ndodhën në të njëtin orar në të njëtin vend, që më pas devijoi në konflikte mes mbështetësve të partive.

    • 7:22

      Shqipëria VOTON/ Rama: Çdonjëri duhet ta gëzojë i patrazuar të drejtën e votës së lirë e të fshehtë!

      Edi Rama

      Kryeministri Edi Rama ka ndarë në orët e para të mëngjesit një mesazh për të gjithë qytetarët për zgjedhjet parlamentare. Ai shkruan se çdo njëri nga ne duhet ta gëzojë i patrazuar të drejtën e votës së lirë dhe të fshehtë.

      POSTIMI:Miremengjes, le ta tregojmë sot të gjithë së bashku, se përtej partive e dasive për ne është Shqipëria dhe le t’i shprehim bindjet e ndryshme me votë, por duke e respektuar Shqipërinë me mirësjellje shembullore ndaj njëri-tjetrit, në këtë ditë të shënuar të bashkëjetesës sonë demokratike, ku çdonjëri duhet ta gëzojë i patrazuar të drejtën e votës së lirë e të fshehtë, e prej ku Shqipëria duhet të dalë kryelartë për ne të gjithë.

    • 7:20

      FOTOT PIKANTE: Kryemadhi del, Meta hyn dhe ia bën me dorë, MOMENTI që s’u pa nga KZAZ. Shkojnë bashkë për të votuar, por ndahen tek dera…


      Çifti Monika Kryemadhi dhe Ilir Meta kanë dalë së bashku për të votuar por nuk kanë hyrë në të njëjtën kohë. E para nga të gjithë politikanët në vend që kanë shprehur vullnetin e tyre ka qenë kryetarja e LSI-së, Monika Kryemadhi.

      Pas saj, menjëherë ka hyrë presidenti Ilir Meta. Të dy kanë votuar në kopshtin numër 31, i ndodhur në njësinë numër 5. Teksa Kryemadhi dilte nga KZAZ, presidenti po hynte por nuk ka lënë pa i dhënë një buzëqeshje bashkëshortes së tij.

    • 7:13

      Shqipëria voton! Meta THIRRJE shqiptarëve: Ditë e bekuar, edhe Zoti na ka ndihmuar! Zgjidhni atë që keni në mendje e zemër


      Presidenti Ilir Meta ka votuar i dyti nga radhët e politikanëve shqiptar. Meta ka shkuar në KZAZ-në e tij në njësinë numër 5 dhe më pas ka dhënë një prononcim të shkurtër për të gjithë gazetarët e pranishëm. Kreu i shtetit ka kërkuar nga të gjithë shqiptarët që të ushtrojnë të drejtën e tyre, duke shtuar se sot atdheu mbrohet me votë, ndaj bëri thirrje që të gjithë të shkojnë para kutive të votimit.

      Erdhi kjo ditë e bekuar. Edhe Zoti na ka ndihmuar sot. QË sovrani në kushte sa më të mira të japë vullnetin e tij. Dhe republika jonë të ketë kushte sa më të mira. Çdo qytetar, sot duhet të votojë i lirë dhe me dinjitet që republika të ripërtërijë themelet e saj. Barazinë para ligjit na e garanton vetëm barazia e votës. Iu ftoj të gjithë që të votojnë të lirë dhe kandidatët më të ndershëm dhe më patritotë që do të punojnë për Shqipërinë. Sot votimi nuk është detyrim por është një akt patriotik. Sot atdheu mbrohet me votë, pasi gjithë bota i ka sytë nga ne. Përpara drejt kutive të votimit. Votoni për atë që keni në mendje dhe zemër,”-tha Meta.

    • 7:11

      Pas Kryemadhit, voton Meta! Presidenti hedh votën e tij në orët e para të mëngjesit

      Presidenti i vendit, Ilir Meta ka votuar në orën 07:00 në Kopshtin numër 31 në Bllok. Pas Kryemadhit, Meta hodhi votën e tij në fletën e votimit.

    • 7:06

      Voton Monika Kryemadhi! Kryetarja e LSI i drejtohet komisionerëve: Ditë të kollajshme!


      Kryetarja e Lëvizjes Socialiste për Integrim ka votuar mëngjesin e sotëm në  Kopështin 31 në Bllok. Pritet që pas saj të votojë dhe presidenti i vendit, Ilir Meta.’Ditë të kollajshme dhe mbarësi‘- është shprehur Kryemadhi.

      Kryetarja e LSI tha për gazetarët jashtë ambienteve të votimit se fitorja do të jetë e patjetërsueshme. ‘Bëj thirrje për votime të qeta. Iu uroj suksese shumë kandidatëve, e bindur se fitorja do të jetë e patjetërsuesshme.’- tha Kryemadhi.

    Shto Koment