Aktualitet

Shkurtimi i pagave në “Albepetrol”/ “Shpërthen” specialistja e naftës: Kemi ardhur çdo ditë në punë, s’kemi faj ne. Turpi më i madh

VIDEO
Një prej specialisteve të naftës shprehet se nuk pranon që të marrë pagën e luftës, pasi ajo paguhet nga nafta që prodhon dhe nuk ka lidhje me pandeminë e koronavirusit.
Featured image of article: Shkurtimi i pagave në “Albepetrol”/ “Shpërthen” specialistja e naftës: Kemi ardhur çdo ditë në punë, s’kemi faj ne. Turpi më i madh Punonjësja e "Albpetrol"

FIER– Shkurtimet e pagave dhe shkarkimet nga detyra kanë nxjerrë në protestë punonjësit e “Albpetrol” në Fier. Punonjësit shprehen se disa prej tyre janë privuar nga koronavirusi për të shkuar në punë, megjithatë nuk e shohin si të drejtë vendimin për shkurtimin e pagave.

Një prej specialisteve të naftës shprehet se nuk pranon që të marrë pagën e luftës, pasi ajo paguhet nga nafta që prodhon dhe nuk ka lidhje me pandeminë e koronavirusit.

Për më shumë bëhu pjesë e grupit më viral në Facebook, Dosja.al

“Problemi qëndron këtu, pas pandemisë, një pjesë ka qenë në shtëpi për arsye transporti dhe një pjesë ka ardhur në punë, nga ne që kemi dalë sipas tyre në reformë. Unë jam në specialiste e vjetër në naftë, gjithë sistemin e naftës e kam bredhur me pëllëmë dhe sot unë dal e papunë. Zonja këtu është me dy fakultete në shtet  dhe del e papunë, Kurse këtu Alpetrolin e drejton një grup, kaptera, mësues, mund të them edhe mjekë dhe ne jemi karandisur kështu. Ky është turpi më i madh që mund të ekzistojë. Unë kam ardhur çdo ditë më punë dhe tani na thonë të marrim pagë lufte. Unë paguhem nga nafta nuk ka lidhje fare me qeverinë. Duan të na paguajnë me pagë minimale sikur ne kemi ulur qepenin, sikur jemi tregtarë. Nuk është faji ynë që nuk shitet nafta”, u shpeh një spacialiste.

Punonjësit e “Albpetrol” janë ngritur në protestë pasi kompania ka vendosur që t’u ulë pagat dhe disa prej tyre i ka shkarkuar nga detyra. Punonjësit kërcënojnë se do të futen në grevë urie duke pretenduar se kanë punuar nga 8 orë çdo ditë dhe nuk mund të paguhen 26 mijë lekë. Justifikimi i përdorur nga kompania për uljen e pagave është se për shkak të koronavirusit nuk ka pasur shitje nafte. Ndërkohë ende nuk ka asnjë reagim nga drejtori i ri Gent Gazheli.

(k.m/dosja.al)

Shto Koment