Rajoni

“Shkëmbim territoresh?”, Haradinaj: Nuk jam tregtar tokash, kush flet për këtë është armik i Kosovës

Për çështjen e kufijve të Kosovës, Ramush Haradinaj është shprehur se nuk është tregtar tokash dhe se kush flet për këtë ide është armik i Kosovës.
Featured image of article: “Shkëmbim territoresh?”, Haradinaj: Nuk jam tregtar tokash, kush flet për këtë është armik i Kosovës Ramush Haradinaj, kryeministri i Kosovës
Përditësuar:

Kryeministri i Kosovës Ramush Haradinaj ka folur së fundmi për çështjen e kufijve mes Kosovës dhe Serbisë. 

Në një intervistë në “Tempora” të Sonila Meços, teksa u pyet për çështjen e shkëmbimit të territoreve ai deklaroi se tokat e Kosovës nuk janë mall për tregti. 

“Nuk ndërrohet territori dhe kufijtë. Vendi është njëherë i vendosur dhe nuk parashihet biseda kështu. Unë nuk jam tregtar dhe nuk përfaqësoj ndonjë mall për treg, sa metra këtej dhe as metra andej. Nuk ka kryetar qeverie që diskuton tokën e vet për shkëmbim. Është absurdi më i madh.”, u shpreh Haradinaj. 

Ai deklaroi më tej se fjalët që përdoren për kufijtë si shkëmbim, ndarje, demarkacion kufiri, janë ofendime për shtetin e Kosovës. Ai shtoi se kushdo që flet për ndryshim territoresh është armik i Kosovës.

Për më shumë bëhu pjesë e grupit më viral në Facebook, Dosja.al

“Kosova ka armiqtë e vet që nuk janë pajtuar as me pavarësinë, as me territorin. I ka pasur dhe do t’i ketë gjithë jetën. Ka edhe njerëz që kanë krijuar Kosovën dhe që e mbrojnë.

Kushdo që shënon marrjen e njohjes nga Serbia me ndërrim territoresh ose me lëvizje kufijsh është armiq i 17 Shkurtit dhe Kushtetutës, dhe në aktin e shpalljes së pavarësisë.”, tha kryeministri i Kosovës. (Lexo edhe këtë)

J.V/Dosja.al

 

Shto Koment