Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Elisabeta Imeraj nga sot nuk është më kryeprokurorja e Tiranës. Pasditen e sotme, Komisioni i Posaçëm i Apelimit ka vendosur unanimisht për shkarkimin e saj nga detyra me pretendimin se nuk justifikonte pasurinë dhe kishte shkelje të karakterit profesional. Drejtuesja e trupës gjykuese, Ina Rama tha se Imeraj nuk justifikon pasurinë, duke shtuar se subjekti ka mohuar faktet për ish- kunatin, duke treguar jo korrektësi. Ndërsa jashtë për mediat, vetë Imeraj tha se kurrë në jetën e saj nuk ka pasur as në pronësi dhe as në bashkëpronësi pasuri.
Ndërkohë që shton se shkarkimi i saj nga detyra ka ardhur me urdhër të dikujt, por nuk ka përmendur asnjë emër dhe nuk ka lënë që të kuptohet asgjë. Përveç faktit se premtoi që me të siguruar prova dhe fakte do t’i bënte publike. Por gjthashtu nuk harroi që të shtonte se vendimin do ta ankimonte në Gjykatën e Strasburgut, pasi sipas saj, Vettingu nga proces që supozohet që të reformonte sistemin e drejtësisë, në fakt është kthyer në gjueti shtrigash.
Procesi ndaj saj nisi një javë më parë në Kolegjin e Posaçëm të Apelimit ku u zhvillua seanca që palët dhanë konkluzionet përfundimtare, e vetë kryeprokurorja e Tiranës kërkoi që të mos përjashtohej nga sistemi i drejtësisë, duke shtuar se duhet që të lihet në fuqi vendimi i KPK që e konfirmoi në detyrë, ndërsa nga ana tjetër Komisioneri Publik, Florian Ballhysa, në raportin e tij kërkoi shkarkimin e saj me argumentin se nuk plotëson asnjë nga tre kriteret e Vetting; pasurinë, integritetin e figurës dhe atë profesional.
Në arsyetimin e tij, Komisioneri Publik tha se nga viti 2004 deri në vitin 2016 s’ka deklaruar asnjë pasuri që lidhet prej regjimit martesor, ndërsa Imeraj ngul këmbë se nuk ka pasur asnjë pronë në bashkëpronësi. Gjithashtu subjekti nuk provoi ekzistencën e fondeve 80 mijë euro. Për pasurinë apartament 66 metra katrorë në rrugën Kristaq Mema, subjekti gjendet në deklarim të pasaktë. Si pasojë e deklarimeve kontradiktore është krijuar pamundësi objektive për institucionet e rivlerësimit për të kontrolluar ligjshmërinë e tyre.
Nga ana tjetër, KPK doli në përfundimin se subjekti i rivlerësimit nuk kishte figurë të pastër, por nga aspekti professional nuk kishte asnjë problem. Megjithatë sot, KPA gjen të bazuar shkaqet e ankimit të Komisionerit, duke shtuar dhe ankesat e bëra nga Operacioni Ndërkombëtar i Monitorimit, e i dërguari në Shqipëri, Theo Jacobs.
Pjesë nga argumentet e KPA:
Në emër të Republikës trupi gjukues i përbërë nga Ina Rama, Albana Shtylla, Rezarta Schuetz, Sokol Çomo mori në shqyrtim cështjen për juridiksion me objekt ankimim e komisionit të pavarur të kualifikimit që i përket Elizabeta Imeraj. Trupi gjykues pasi shqyrtoi pretendimet, vëren në mënyrë të përmbledhur se:subjekti i është nënshtruar shqyrtimit ex oficio. KPK shqyrtoi shkresat dhe KPK shkalla e parë vendosi konfirmimin në detyrë. Ky përfundim i KPK bazohet në përfundimin e KPK se subjekti ka kryer deklarim të saktë te pasurisë. Për figurën KPK konstatoi se subjekti nuk ka figurë të pastër. Edhe për aftësitë profesionale KPK nuk konstatoi probleme. Në 9.6.2021 tre vëzhgues të ONM paraqitën pranë komisionerit sygjerim për ankim dhe komisioneri paraqiti ankesë. Trupi i KPA pasi analizoi parasqyrimet e subjektit dhe pasi shqyrtoi provat shkresore arriti në përfundimin e mëposhtëm: Për pasuritë për rregjimin e pasurive të ndara, subjekti nuk ka dëshmuar pasuri me rregjim pasurie të ndarë me ish bashkëshortin. Ky kobkluzion del se nuk është pasqyruar as në aktin e martesës dhe as në deklaratën vetting. Trupi gjykues vlerëson se kjo nuk përbën rrethanë për vlerësimin e pasurisë. Sa i përket 5 pasurive nga personi subjekt dhe personi i lidhur për sipërfaqen prej 2500 m2 gjendet në mungesë. Gjithashtu subjekti nuk provoi ekzistencën e fondeve 80 mijë euro. Për pasurinë apartament 66 metra katrorë në rrugën Kristaq Mema, subjekti gjendet në deklarim të pasaktë. Si pasojë e deklarimeve kontradiktore është krijuar pamundësi objektive për institucionet e rivlerësimit për të kontrolluar ligjshmërinë e tyre. KPA gjen të bazuar shkaqet e ankimit të komisionerit. Për kontrollin e figurës KPA merr në konsideratë mungesë vullneti për të përshkruar rrethanat për ish-kunatin. Për aftësirë profesionale rezulton mangësi. Për këto arsye KPA vlerëson se sjellja e subjektit gjatë procesit është në kundërshtim. Kolegji në vlerësim të 3 kritereve të rivlerësimit arriti në përfundimin se subjekti gjendet në kushtet e cënimit të besimit të publikut. KPA vendps se vendimi i KPK duhet të ndryshohet dhe të shkarkohet
Elisabeta Imeraj përfundoi Shkollën e Magjistraturës në vitin 2005 dhe punoi për 13 vite si prokurore në Prokurorinë e Krimeve të Rënda. Në gusht 2018, ajo u komandua si drejtuese e Prokurorisë së Tiranës pas shkarkimit prej KPK-së të ish-prokurorit, Dritan Rreshka. Në karrierën e saj, magjistratja numëron një sërë dosjes “të nxehta”, ku ndër to është edhe dosja e bujshme e ish-ministrit të Brendshëm, Saimir Tahiri.
ZHVILLIMET ORË PAS ORE:
‘A ia vlejti?’/ Elisabeta Imeraj pas shkarkimit: Ua thashë fëmijëve, e vërteta triumfon
Elisabeta Imeraj pas shkarkimit: Vettingu të mos shndërrrohet në gjueti shtrigash!
U shkarkua nga KPA/Elisabeta Imeraj: Kush e donte largimin tim? Kjo pyetje s’mori përgjigje
Sot vendimi i KPA! Kryeprokurorja e Tiranës, Imeraj: Pres drejtësi
Në pritje të vendimit për Elisabeta Imerajn! Nis seanca në KPA, pamjet e para
(a.b.k.m/dosja.al)
Aksidenti i rëndë në Tiranë, si mund të shmangen ngjarje të tilla?
TIRANË- Kur B. B u arrestua për akuzën e plagosjes së rëndë me dashje, rrëfimet e dëshmitarëve që shpjeguan se sherri kishte ndodhur për radhën e tualetit ...
TIRANË- Një aksident ka ndodhur pasditen e sotme, rreth orës 16:40 në autostradën Tiranë-Durrës. Nga informacionet paraprake bëhet me dije se në aksident j...
DURRËS– Një 20-vjeçar ka rënë në prangat e policisë së Durrësit pasi pas një konflikti për motive të dobëta ka plagosur vëllain e tij me mjet ...
TIRANË- Arkeologu Neritan Ceka komentoi në edicionin e pasdites me Armela Ferkon në Syri Tv koncesionin prej 5 mld dollarësh për menaxhimin e Parkut Kombët...
TIRANË- Prokuroria e Posaçme Kundër Korrupsionit dhe Krimit të Organizuar ka hedhur posht të gjitha pretendimet në media se Nuredin Dumani ka marrë ...
LEZHË- Aleksandër Përdoda është dënuar me burg të përjetshëm për vrasjen e dyfishtë në fshatin Lalm të Vjetër në Lezhë. Pasi Prokuroria ka mbyllur hetimet,...
TIRANË- Bordi i Transparencës ka vendosur çmimet për karburantet që do të jenë në fuqi deri në mbledhjen e radhës. Në njoftimin zyrtar bëhet me dije...
TIRANË- Avokati i huaj i Elisabeta Imerajt, Gregory Thuan Dit Dieudonne ka komentuar vendimin e dhënë sot për shkarkimin nga detyra të klientes së tij. Në ...
TIRANË- Organizata Botërore e Shëndetësisë (OBSH) ka thënë se të paktën një vdekje është raportuar në lidhje me një shpërthim misterioz të sëmundjes së mël...
TIRANË– Ka nisur seanca në Kolegjin e Posaçëm të Apelit për Elisabeta Imerajn. Kryeprokurorja e Tiranës doli para pak minutash para trupës. Ko...
