Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Ngjarja sensacionale e Kavajës me të cilën janë të njohur tashmë shqiptarët që nga Konispoli deri në Vermosh, ku 4 burra u përleshën me njëri-tjetrin në apartamentin e një parukiereje, e më pas njëri ngeli i vrarë, tashmë është e njohur. Personazhet e historisë janë po ashtu të njohur; Marsida Qatja, Bledar Toçi, Dritan Haxholli (viktima). Është ky trekëndësh që nga intervista e të shtunës, ku Marsida Qatja rrëfeu se ka qenë pjesë e një rrjeti trafiku droge, po del më i fortë edhe se trekëndëshi i Bermudës!
Dosja.al raportoi që prej ditëve të para, se grupi i cili u gjend në apartamentin duplex të Marsida Qatjas në Kavajë ishte vënë në përgjim prej së paku 4 muajsh dhe se ndaj tyre do të zhvillohej edhe një operacion për arrestimin e tyre, por që vrasja… prishi planet e policisë. Pas artikullit të botuar nga Dosja.al në rrjetet sociale, qytetarë nisën të dërgojnë materiale video+foto, ku jepnin të dhëna lidhur me viktimën dhe autorin, që e çoi historinë në një tjetër rrjedhë.
E tashmë, ngjarja e 10 tetorit në Kavajë nuk është më as rozë e as banale. Nuk kemi të bëjmë më me një vajzë qejflie që merr në shtëpi disa meshkuj për të pirë kokainë dhe një ish të dashur xheloz, por në një rrjet të strukturuar të trafikut të drogës në qytetin e Durrësit, dhe zonën bregdetare të Adriatikut. Më 26 tetor, në një intervistë për Tirana News, Marsida Qatja tregoi atë që Dosja e parashtroi që prej ditës së parë.
“Mora para se mbylla gojën dhe mbrojta individë, isha pjesë e trafikut të drogës”-ishte ky mesazhi i Marsida Qatjas, që siç mësoi më vonë Dosja.al, ishte dhënë në një bisedë telefonike miqësore, të cilën Qatja nuk priste se do të bëhej e gjitha publike. Me publikimin e intervistës, nisën edhe sugjerimet për fshirjen e artikullit, se gjoja Qatja nuk e ka dhënë këtë intervistë, por edhe ky informacion rezultoi një gënjeshtër.
Dosja.al u interesua dhe arriti të mësojë se Tirana News e ka edhe të regjistruar bisedën me parukieren 30-vjeçare, e cila po hetohet për moskallëzim krimi. Por çfarë tha Marsida Qatja më 26 shtator?
“Nuk mund t’i tregoj personat që mi kanë dhënë. (20 milionë lekët). Me ka dhënë bashkia më kanë dhënë edhe kështu individë. Jo, Jo. Janë individ që janë tamam për dëmshpërblim, që janë mbrojt nga unë, që kam mor fjalët përsipër, patjetër se po të kisha nxjerrë unë të vërtetën do ishin i grup në burg. Po, jo unë nuk i kam nxjerrë vet, po që ato e dhanë në mënyrë mirënjohjeje,”-tregon Marsida.
E këtu historia kalon nga divani duplex ku qëndronte e hapur kokaina, në zyrat e shtetit shqiptar, që përveç vjedhjes së fletëve të formatit A4 në sistem kapilar, nuk arrin të qullosë më tej. Marsida Qatja thotë se ka marrë para nga Bashkia Kavajë…. Por për çfarë arsyeje? Marsida Qatja është shpërblyer nga shteti sepse ka trafikuar drogë?
Edhe ky është një pohim i vetë “viktimës”, e cila pohon se ka qenë pjesë e grupit bashkë me burrin që është dënuar në Gjermani pasi është kapur me 6 kilogram kokainë.
“Ata kanë pasur debate e tyre. Besoj se po, (për trafik droge), se ça tjetër do kishin. Unë kam qenë në dijeni, unë kam punuar vetë me ta. Po, po edhe burri im prandaj s’ka prish asnjë lloj kontakti me mua se i di punët që u boshin. Po të kishte qenë një lidhje dashurie nuk u shprehte burri im kaq ëmbël me mua. Burri im është në dijeni të vërtetës. Po, po burri im është i dënuar për 6 kile kokainë.”-thotë Marsida Qatja, dhe këtu shteti pushon së ekzistuari në çdo qelizë.
Prokuroria shqiptare bashkë me Bashkinë e Kavajës, janë bërë palë në mbrojtjen e një trafikanteje droge, e cila ka edhe guximin të tregojë shkaqet e vërteta të ngjarjes, e të sfidojë shtetin se asnjë gjëmbë nuk i hyn në këmbë, (siç edhe nuk i hyri, pas publikimit të intervistës). Kemi shumë pyetje për ngjarjen, por një pyetje naive që me siguri e bën edhe roja tek dera e prokurorisë (por jo prokurori), kë mbrojti Marsida Qatja?
Kush janë këta individë që kanë shpërblyer Marsidën me 20 milionë lekë për të treguar një version historie si ai që rrëfeu (Dritani më përndiqte, unë se doja).? Kush janë këta individë që kanë arritur të kenë kaq ndikim sa të sigurojnë mbrojtje për Marsida Qatjan dhe të mos lejojnë arrestimin e saj, si pjesë e trafikut të drogës? Kush e detyroi bashkinë e Kavajës të ndihmojë Marsida Qatjan? Kush ia vuri statusin “viktimë”, Marsidës, e cila kurrë se denoncoi për përndjekje shokun e saj, Dritanin? Këto janë pyetje, të cilat nuk presin zbardhje nga shteti shqiptar.
Jo, sot presim që “naiviteti” i Marsida Qatjas, gocës që e njeh gjithë Kavaja, të na tregojë edhe më tej, se ku e kemi shtetin, policinë, bashkinë, dhe Prokurorinë. Një sërë institucionesh që janë nën shërbimin e një trafikanteje, dhe një grupi trafiku që mbulohen nga invididë të tjerë, që për respekt të sjellin tek shtëpia një zarf me 20 milionë lekë,,, se ku i dihet,,, t’i kesh!
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Gjithçka fillon pas vitit 1965 me grushtin e shtetit dhe ardhjen në fron të diktatorit Mubuto, kur shumë kundërshtarë bashkë me familjet e tyre, mes tyre...
Turp për shtetin grek në atë që kërkoi të ndodhte dje në Bularat.Një mijë njerëz pa vlerë shoqërore, erdhën dje të dehur me marrëzi në varrin e një banditi që s...
FRANCË- Emmanuel Macroni e përjetoi si fyerje prestigji faktin që macronistja e fortë, Sylvie Goulard, të cilën ai e propozoi për Komisionin Evropian, u re...
TIRANË- Kryeministri Edi Rama gjatë mbrëmjes së djeshme në “Opinion”, u prononcua për shumë çështje. Në shumë prej deklaratave të tij kishte të pavë...
Unë dua që të bëhen zgjedhje parlamentare që nesër. Dhe nuk më intereson fare se cila parti fiton. Dua të jem tërësisht i papërgjegjshëm për forcën politike dhe...
Me një shumicë votash- 412 kundrejt 136, deputetët e Parlamentit të BE-së në Strazburg votuan të enjten (24.10) për nj&e...
1.Te mos flasim se atje jetojne 1 milione shqiptare…Nese jane shqiptare, edhe atyre u dhemb njesoj cdo padrejtesi ndaj vendit te tyre ku jetojne 2.5 mln shqipta...
Gjendja e femijes sa vinte e rendohej. Mjeket vendosen ta transferonin ne reanimacionin qendror te spitalit. Edhe pse kishin kaluar disa javë qendrimi ne spital...
Pse protestojnë fermeret/blektoret?Fare e thjesht: 1-Ne botë fshati subvencionohet pasi puna në të është e lodhshme dhe sjell pak fitime ,tek ne nuk subvenciono...
TIRANË-Njoh një deputet. Po të mos i ishte futur politikës do kishte qënë kovaç ose samarxhi i hatashëm. Me çekan, kudhër, sqepar, gjylpyer, ...
