Aktualitet

SHËNIM/ Projekti i rehabilitimit të Parkut Rinia dështoi, propaganda zgjati 1 javë, kompania AGI KONS të na kthejë lekët

Kthimi i parkut në kënetë tregon se paratë e qytetarëve jane keqpërdorur ndaj ata që janë autorët e saj duhet të japin llogari para qytetarëve, e nëse ka shkelje llogaria të jepet dhe para drejtësisë.
Featured image of article: SHËNIM/ Projekti i rehabilitimit të Parkut Rinia dështoi, propaganda zgjati 1 javë, kompania AGI KONS të na kthejë lekët Parku Rinia dhe kompania AgiKons

TIRANË- Ditën e djeshme Tirana u përfshi nga reshje shiu, të cilat ishin me një intesitet mesatar. Mund të thuhet që ishte një shi pranveror (për nga intesiteti) por kurrsesi një shi i dendur siç e ka zakoni të bjerë në dimër. Reshjet e shiut zgjatën për rreth një orë, por problemet që sollën ishin shumë të mëdha.

Lana doli nga shtrati, rrugët e trotuarët u mbushën plotë me ujë, qarkullimi i makinave e qytetarëve u vështrisua. Të gjitha këto probleme u shkaktuan nga pusesat e bllokuara e nga mos pastrimi i kanaleve kulluese që janë detyrë e Bashkisë Tiranë. Por shiu i djeshëm zbuloi se bashkia ka keqpërdorur 1 miliard Lekw nga taksat e qytetarëve. Bëhet fjalë për investimin që u nis një vit më parë dhe u inaugurua vetëm një javë më parë (Në 1 qershor), Parkun Rinia.

Parku Rinia para rehabilitimi

Ky park prej më shumë se 20 vitesh nuk ishte prekur nga askush dhe askush nuk guxonte ta tjetërsonte atë, por Erion Veliaj e bëri. Një vit më parë prezantoi planin 1 miliard Lekë, ku në fund u kuptua se parku nuk ka fituar hapërira të gjelbra, por vetëm është shtuar sasia e betonit dhe barit artificial. Një javë më parë, në 1 qershor, ky park hapi dyert për fëmijët edhe pse punimet vijojnë ende, pasi shumë nga detajet e projektit nuk kanë mbaruar. Veliaj dhe e gjithë bashkia shpreheshin se ky ishte një investim shumë i rëndësishëm dhe puna me standarde të larta që do priste fëmijët dhe jo vetëm të kalojnë disa orë ndryshe.

Parku Rinia gjatë inagurimit

Por shiu që përmbyti Tiranën një ditë më parë, zbuloi se gjithçka ka qenë propagandë. Shiu që zakonisht mbulon gjurmët e një krimi, këtë herë zbuloi se paratë e qytetarëve për rehabilitimin e Parkut Rinia kanë shkuar dëm. Pusetat e kanalet kulluese nuk funksionin, për disa orë me radhë një pjesë e mirë e parkut ishte nën ujë. Shumë qytetarë në mediat sociale shprehën indinjatën e tyre me këtë situatë, dhe postuan foto teksa shihej se hapësira mes kodrinave të ngritura me bar artificial ishin kthyer në pishina.

1 miliard Lekë nga taksat e qytetarëve duket se janë shpenzuar kot. Propaganda e bashkisë se Parku Rinia do ishte modern dhe ishte punuar me cilësi të lartë u rrëzua. Shiu i qershorit zbuloi se në Parkun Rinia është punuar pa projekt dhe nuk është menduar nëse do kishte reshje shiu. Situata e djeshme në këtë park, ku një pjesë e mirë e tij u kthye në kënetë do përsëritet sërish. Nëse nuk merren masa, në dimër këtij parku do i vihet shiriti dhe në hyrje do jetë një tabelë: “Kujdes, kalimi në kënetë është me rrezik”.

Për më shumë bëhu pjesë e grupit më viral në Facebook, Dosja.al
Parku Rinia nga përmbytjet

Por, rehabilitimi i Parkut Rinia e ka një autor, është kompania AGI KONS. Kjo kompani ka marrë 1 miliard Lekë nga taksat e qytetarëve dhe ka lënë pas vetëm beton më shumë, bar artificial dhe parkun e ktheu në kënetë. Kjo kompani që duhet të mbyllte punimet për 8 muaj, ka zgjatur kontratën dhe me 4 muaj të tjerë. Shiu që ra dje tregoi se punimet e bëra nga AGI KONS kanë nevojë për përmirësime që 7 kompanitë e tjera që garuan në tender mund t’i kishin bërë më mirë, por u përjashtuan nga gara. AGI KONS duhet të kthejë lekët që ka marrë nga ty tender, pasi 1 miliard Lekë nuk mund të justifikohen me kthimin e parkut në kënet.

Të dhënat e tenderit

Prokuroria ka sërish në dorë një ngjarje që mund ta hetojë. Këtë herë nuk është shumë larg nga zyra e tyre, ata prokurorë që hetojnë për shembjen e Teatri Kombëtar mund të kthejnë kokën e të shohin dhe Parkun Rinia. Kthimi i parkut në kënetë tregon se paratë e qytetarëve jane keqpërdorur ndaj ata që janë autorët e saj duhet të japin llogari para qytetarëve, e nëse ka shkelje llogaria të jepet dhe para drejtësisë.

(A.B. Dosja.al)

Shto Koment