Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
PRISHTINË– Kosova përfundon zgjedhjet! Komisioni Qendror i Zgjedhjeve ka publikuar rezultatet përfundimtare të vullnetit të qytetarëve, të cilët kanë zgjedhur kabinetin qeverisës për 4 vitet e ardhshme. Pa votat e Diasporës dhe ato me kusht, për të cilat ende nuk është caktuar data kur do të numërohen, Lëvizja Vetëvendosje e drejtuar nga Albin Kurti, ka shënuar rekord me 47.85% të votave, ose të konvertuara ndryshe 378.550 qytetarë që u kanë besuar drejtimin e shtetit.
Numërimi i kutive të fundit mbrëmjen e djeshme nuk ka bërë “çudi” në rezultatet e partive të tjera, duke mos ndihmuar as “Nisma” që të kalonte pragun zgjedhor. Vendin e dytë pas LVV, e zë Partia Demokratike e Kosovës, me 17,41 për qind të votave, dhe pas saj LDK-ja me 13,08 për qind. Ndërkaq, AAK e Ramush Haradinajt ka marrë 7,43 për qind, ndërsa Nisma Socialdemokrate e Fatmir Limajt, 2,60 për qind. Edhe Lista Serbe nuk zhgënjeu, duke fituar mbi 99% të votave në Mitrovicën e Veriut, por kësaj herë ka të zgjedhur edhe nga komunitetet e tjera. Kuvendi i saj ka 120 ulëse, ku 20 do të jenë të rezervuara vetëm për ta, duke përfshirë edhe dy poste ministrore.
Megjithatë nuk mbaron me kaq…Albin Kurti do të nisë me negociatat për të plotësuar 61 ulëset që i duhen për të krijuar qeverinë e re. Nga përllogaritjet e bëra deri më tani LVV ka siguruar 57 ulëse në Kuvend; PDK 20; LDK 15; AAK 9; ndërsa LS vetëm 10. Pjesë tjetër është zënë nga minoritetet e tjera. Për të krijuar qeverinë e re, Kurtit i duhen edhe 5 deputetë të tjerë.
Por me PDK-në që i ka “mbyllur derën”, Kurti duket se ka si opsion vetëm Listën serbe, me të cilën edhe pse me qëndrime të ndryshme krijoi koalicion në qeverinë e parë; dhe AAK-në e Haradinajt. Megjithatë ky koalicion mund të mos krijohet prej kushtit të Haradinajt; postin e presidentit. LVV dëshiron Vjosa Osmanin në detyrën më të lartë të vendit, ndërsa kreu i AAK-së ka shprehur hapur ambicien e tij që para zgjedhjeve. Emri i Vjosa Osmanit është një tjetër pengesë për koalicion me LDK-në, megjithatë pas largimit të Isa Mustafës nga posti i drejtuesit të partisë, gjithçka mund të ndodhë. Lëvizja më e përshtatshme është një koalicion me Listën serbe dhe AAK, për të siguruar pa problem më pas +81 votat që duhen për zgjedhjen e emri të presidentit të ri. Mbetet për t’u parë nëse kreu i LVV-së do të sakrifikojë Vjosa Osmanin, për të marrë edhe njëherë drejtimin e kabinetit qeverisës.
Anëtari i LDK-së, Frashër Demaj tha se çështja e Presidentit është sfida kryesore e VV-së, dhe nëse nuk zgjidhin atë do të shkojnë prapë në zgjedhje. Këtë gjë ai e cilësoi si një lajm të mirë, pasi LDK-ja do të ngrihet në vota.
Por me një kryeministër si Kurti që është i dënuar nga Gjykata Kushtetuese mund t’i hapë rrugë opozitës që ta kontestojnë atë në Kushtetutë apo ta “sulmojnë” në Kuvend se kanë një kryeministër të dënuar.
Çfarë ndodhi gjatë zgjedhjeve në Kosovë?
Më 14 shkurt, ditë që përkoi edhe me Shën Valentinin, qytetarët e Kosovës por edhe ata që jetojnë jashtë vendit zgjodhën me votë emrat që do të jenë pjesë e parlamentit të ri. Në zgjedhjet në Kosovë garuan 28 subjekte politike për 120 vende në parlament. Në zgjedhjet e jashtëzakonshme parlamentare të 14 shkurtit, të drejtë vote kishin 1.794.862 qytetarë. Pjesëmarrja në votime ishte 46.90 %, më shumë se në vitin 2019.
Zgjedhjet e Kosovës spikatën kësaj here pasi partitë politike garuan me emra konkretë për postin e kryeministrit, i cili zgjidhet më pas nga Kuvendi. VV kishte Albin Kurtin si kandidat për kryeministër, i cili nuk u lejua të garonte nga KQZ për shkak të problemeve me ligjin. LDK garoi me kryeministrin në detyrë, Avdullah Hotin dhe PDK me Enver Hoxhajn. Synimet janë të forta edhe për postin e presidentit.
Vjosa Osmani është emri i Vetëvendosjes, ndërsa edhe Ramush Haradinaj ka të njëjtën dëshirë për tu emëruar president. Presidenti i ri do të zgjidhet nga parlamenti dhe për zgjedhjen e presidentit në Kosovë duhen 2/3 e deputetëve në sallë dhe zgjedhja mund të arrihet në tri raunde, që në rast se dështojnë atëherë vendi kalon menjëherë në zgjedhje të jashtëzakonshme. Edhe në rast se presidenti zgjidhet, VV-së i duhen 61 mandate për të krijuar qeverinë e re dhe e ka të nevojshme një parti tjetër në koalicion.
(I.A;k.m/dosja.al)
1 vit nga zgjedhjet e 25 prillit si e shikoni gjendjen e vendit:
PRISHTINË– Mbrëmjen e djeshme ka përfunduar numërimi i votave në të gjitha qendrat e votimit në Kosovë. Komisioni Qendror i Zgjedhjeve ka bërë të dit...
BOTË- Ju po jetoni në mes të ngjarjes së parë globale të traumës globale për disa dekada. Është padyshim e para e këtij lloji që nga Lufta e Dytë Botë...
TIRANË– Zgjedhjet në Kosovë dhe rezultati i tyre janë diskutuar mbrëmjen e së hënës në emisionin “Opinion”. Ndërsa foli për arsyet që çuan në...
TIRANË– Gazetarja e Tv Klan në Kosovë, Blerta Dalloshi Berisha, ka dhënë detajet e fundit nga procesi zgjedhor në Kosovë. Në një lidhje direkt për em...
TIRANË– Gazetari dhe analisti Andi Bushati u shpreh se me fitoren e Lëvizjes Vetëvendosje, marrëdhënia mes Shqipërisë dhe Kosovës, do të jetë shumë e...
ZVICËR- Gazeta zviceriane “Blick” i ka kushtuar një artikull fitores së VV në Kosovë. Në titullin e shkrimit të saj “Blick” ka shkruar se Kurti do ta bënë ...
TIRANË– Fitorja e Albin Kurtit ka sjellë debate. Të ftuar në “Open”, Andi Bushati dhe Dardan Molliqaj, diskutuan mbi rreziqet që mund të sjellë Kurti...
TIRANË– Fitorja e thellë e Albin Kurtit është padyshim lajmi i ditës në Kosovë, por edhe në Shqipëri. Por pavarësisht votës masive popullore, ka edhe...
KOSOVË- Kandidatja për Presidente në Kosovë, Vjosa Osmani ka falenderuar të gjithë qtetarët që e besuan. Në një postim në Twitter, Osmani u është zotuar qy...
TIRANË– Baton Haxhiu e ka konsideruar Albin Kurtin një produkt të kryeministrit Edi Rama.I ftuar në “Opinion”, Haxhiu tha se beson se Kur...
