Politike

Samiti i 3-të i Mini-Shengenit shoqërohet me protesta. Rama krah Vuçiç, Zaev e Gjukanoviç: Kosova u përjashtua vetë. Kemi SHBA dhe BE në krah (VD)

  • Rama ofendoi Haradinajn, reagon Basha: Akt antishqiptarizmi, kërkoj ndjesë…
  • Sot në Tiranë është mbajtur takimi i tretë i Mini-Shengenit. Përveç Shqipërisë, Maqedonisë dhe Serbisë ka marrë pjesë dhe Mali i Zi. Liderët panë nga afër dëmet e tërmetit në Durrës. Zaev, Vuçit dhe Gjukanoviç premtuan ndihma. Në konferencë sërish ata ftuan Kosovën të marrë pjesë. Rama u tregua i ashpër dhe tha se Kosova është përjashtuar vetë. Haradinaj iu kundërpërgjigj me ironi nga Kosova. Ndërkohë nuk munguan as protestat kundër Vuçiç.

    Tiranë - KonFerenca e përbashkët për shtypTakimi i 3-të Rajonal për Ballkanin Perëndimor për të diskutuar mbi axhendat e përbashkëta dhe nxitjen e bashkëpunimit rajonal.20-21 Dhjetor 2019

    Gepostet von Edi Rama am Samstag, 21. Dezember 2019

    TIRANË– Edi Rama, Aleksandër Vuçiç, Zoran Zaev dhe Milo Gjukanoviç kanë zhvilluar sot në Tiranë takimin e tretë për marrëveshjen e Shengenit Ballkanik. Kosova dhe Bosnja kanë deklaruar se nuk do marrin pjesë në këtë Samit, pasi ato ndihen të përjashtuara që në fillim dhe nuk ulen në tryezë me Serbinë, shtet me të cilin kanë probleme.

    Pasi dje ishin të pranishëm në koncertin e zhvilluar për të mbledhur të ardhura në ndihmë të të prekurve nga tërmeti i 26 nëntorit, sot katër zyrtarët, të shoqëruar nga ministri i Plotfuqishëm Blendi Çuçi dhe përfaqësues ndërkombëtarë kanë vizituar dhe parë nga afër dëmet e shkaktuara nga lëkundjet 7 ballëshe.

    Pas vizitës në Durrës, u kthyen sërish në Tiranë, ku janë pritur me protesta. Një grup qytetarësh të shoqatës “Për shqiptarët dielli lind në Perëndim”, kanë kundërshtuar takimin pasi kërkojnë nga Rama që të bëjë transparencë atë që ka biseduar me liderët e tjerë.

    Por dhe pse me protesta jashtë, brenda liderët kanë vijuar të qetë bisedimet dhe më pas kanë dalë në një deklaratë të përbashkët, ku kanë theksuar se e rëndësishme është të thellohet bashkëpunimi mes vendeve.

    Zoran Zaev dhe Aleksandër Vuçiç u shprehën shpresë plotë se marrëveshjat do ndihmojnë vendet në ekonomi dhe lanë rrugë të hapur për Kosovën dhe Bosnjen. Ata këmbëngulën se nisma e ndërmarrë prej tyre nuk kishte asnjë qëllim të keq dhe se mbështetej edhe nga ndërkombëtarët e SHBA. Nga ana e tij, kreu i qeverisë shqiptare Edi Rama u tregua i ashpër me liderët e Kosovës duke “mbyllur derën” për takimet e ardhshme, pasi sipas tij ata janë vetëizoluar pavarësisht ftesave të marra.

    Për më shumë bëhu pjesë e grupit më viral në Facebook, Dosja.al

    Në një prononcim për gazetarët pas konferencës, Rama nuk u përmbajt ndaj kryeministrit në ikje të Kosovës, Ramush Haradinajt, të cilin e quajti gënjeshtar pasi samiti nuk kishte qëllim heqjen e taksës për mallrat serbe. Edhe pse jo pjesëmarrës në takim, Haradinaj ka dërguar “të fala” nga Kosova duke këmbëngulur se idea e minishengenit është heqja e taksës që Kosova i ka vënë Serbisë. Me tone ironie Haradinaj iu uroi punë të mbarë.

    Dje, presidenti i Kosovës, Hashim Thaçi e cilësoi këtë një “eksperiment rajonal”, të cilin Kosova refuzon ta njohë. Por një përgjigje e mori nga Rama, i cili tha se Kosova del humbëse nga refuzimi i hyrjes në Samit, pasi sipas tij, kjo tryezë njihet edhe nga SHBA e BE.

    Ndërkohë gjatë pasdites së djeshme, takimi i tre liderëve është shoqëruar me protesta nga aktivistët e Vetëvendosjes në Tiranë. Ata janë shprehur kundër ardhjes së Vuçiç në Shqipëri dhe kërkojnë që ai të shpallet non grata, pasi ka qenë një nga zyrtarët e lartë në qeverinë e Millosheviçit dhe nuk njeh krimet e luftës në Kosovë.

    Më 8 tetor u zhvillua takimi i parë për “Shengenin Ballkanik”, në Novi Sad të Serbisë, ku diskutua për lëvizjen e lirë mes Shqipërisë, Serbisë dhe Maqedonisë së Veriut. Ndërsa që prej pasdites së djeshme, Rama, Vuçiç, Zaev janë pjesëmarrës në këtë samit që synon krijimin e një zone të favorshme ekonomike mes vendeve të Ballkanit. Kosova ka refuzuar të marrë pjesë, dhe kjo ka ngjallur polemika, ndërsa kryeministri Rama e ka komentuar këtë si një “dritëshkurtësi” të politikës kosovare në sytë e SHBA dhe BE që mbështesin ‘Mini-shengenin’.
    (A.B. Dosja.al)

    • 16:38

      Rama ofendoi Haradinajn, reagon Basha: Dënoj sulmin rrugaçëror, akt antishqiptarizmi

      Lulzim Basha

      Disa orë pas përfundimit të Samitit të Shengenit të Ballkanit, më në fund një reagim ka ardhur edhe kryedemokrati Lulzim Basha. Me anë të një postimi në Twitter, Basha ka dënuar fyerjen që kryeministri Edi Rama i bëri homologut të tij në ikje Ramush Haradinajt, duke e cilësuar si gënjeshtar. Në statusin e tij, Basha ka kërkuar ndjesë në emrin e çdo shqiptari duke e cilësuar sulmin e Ramës ndaj Haradinajt si antishqiptar.

      Dënoj sulmin rrugaçëror të Edi Ramës kundër liderëve politikë të Kosovës dhe shpreh ndjesë në emër të çdo shqiptari për këtë akt të papranueshëm! Gjuha e urrejtjes ndaj institucioneve të Kosovës është akt i denjë vetëm për një peng të antishqiptarizmit si Edi Rama! Kosova është shtet i pavarur dhe Shqipëria ka detyrimin të promovojë dhe respektojë pavarësinë e Kosovës dhe institucionet e saj. Koha e vasalitetit të autokratit të korruptuar të Tiranës ndaj armiqve dhe kundërshtarëve të pavarësisë së Kosovës do të marrë fund shumë shpejt!,”-shkruan Basha. 

    • 15:24

      'Mashtrues klasik'/ Rama s’përmbahet ndaj Haradinajt: I paditur e gënjeshtar, s'kam ndërmend të...

      Kryeministri Edi Rama e ka quajtur dy herë gënjeshtar homologun e tij në ikje në Kosovë, Ramush Haradinaj. Në një prononcim për shtyp, Rama u pyet lidhur me deklaratat e Haradinajt se samiti i Shengenit Ballkanik kishte si qëllim që të hiqte taksën e Kosovës për produktet serbe. Rama tha se nisma kishte qëllim që të zbatonte marrëveshjet e nënshkruara më parë nga të gjitha vendet e Ballkanit.

      “Si bëhet kjo? Një ndërhyrje prej një të padituri klasik që merret llokum pastaj e mbaçitet mediatikisht. Si bëhet kjo? Unë po them nuk ka asnjë nyje detyruese kjo, Haradinaj është njjë gënjeshtar, e bën nga padija a qëllimisht unë nuk kam arritur ta zbuloj dhe kam ndërmend të bëj. Por është gënjeshtar se këtu nuk ka asnjë kusht apo detyrim. E përsëris kjo nisëm ka qëllim të zbatojë marrëveshjet e bëra më parë mes të gjitha vendeve. Në këtë process të fusim edhe elementë të tjerë. ”, tha Rama në fjalën e tij para gazetarëve”, tha Rama për Haradinajn.

    • 14:10

      Samiti i 3-të, Zaev ftesë për Kosovën e Bosnjën: Të gëzuar nëse do takohemi në Sarajeve e Prishtinë

      Kryeministri i Maqedonisë së Veriut, Zoran Zaev, nga Samiti i Mini Shengenit të Ballkanit tha se në Serbi do të nënshkruhet marreveshja për bashkëpunimin gjatë fatkeqësive natyrore.

      Në fjalën e tij ai tha se nisma e mini shengenit, po mbështetet nga SHBA e BE, por nuk harroi të ftonte dhe Serbine e Bosnjën që të marrë pjesë në takimet e ardhshme.

      Do ta ndjejnë partnerët evropian, prandaj shpreh vlerësimin për komisionin Evropian. Ata konfirmojnë se ne jemi të fokusuar për Bashkimin Evropian. Takimi tjetër do të jetë në Beograd. Ndërsa takimi tjetër në Malin  e Zi. Më pas do të jemi të gëzuar të vazhdojmë në Sarajeve apo në Prishtinë”, u shpreh Zaev.

    • 15:12

      “Dje isha hero, sot tradhëtar”/ Rama flet për Kosovën: Bëj detyrën time, s’ka nevojë për garë kush pjell më shumë teori konspiracioni

      Kryeministri Edi Rama sot ka folur sërish për mediat pas konferencës së përbashkët me Presidentin e Serbisë Aleksandar Vuçiç, Presidentin e Malit të Zi Milo Gjukanoviç, kryeministrin e Maqedonisë së Veriut Zoran Zaev. Para gazetarëve Rama tha se Kosova është në gabim, dhe se vendi i saj është krah Shqipërisë në nismën e mbështetur nga miqtë më të rëndësishëm ndërkombëtare, SHBA, BE, që sipas Ramës janë të shqetësuar nga refuzimi i Kosovës për të marrë pjesë në tryezën e Samitit të Shengenit Ballkanik.

      “Dje isha hero kur kërkova njohjen e Kosovës nga Serbia në Beograd, unë nuk jam as hero as tradhtar. Çfarë do thoni kur Kosova të vijë nesër në këtë tryezë, që i harruan krimet, nuk më rezulton që deri dje Serbia i kishte kërkuar falje Kosovës apo e kishte njohur Kosovën, kjo zhurmë e madhe është rezultat i atyre që duhet ta drejtojnë Kosovën drejt së ardhmes, por sot janë në një rreth vicioz që nuk e ndihmon të ardhmen. Unë nuk jam në asnjë mbrojtje, unë kam reaguar dhe do reagoj ndaj atyre që mbushin rrjetet sociale me sharje, me fyerje, me damka, që s’kanë asnjë lidhje me mua, por unë jam këtu për të çuar përpara idenë time, që nuk është një ide e pa përkrahur nga askush, por është e përkrahur me të gjithë. Jeni gabim vëllezër, jeni shumë gabim. Kosova nuk ka nevojë për një garë të brendshme se kush izolohet më shumë, apo kush shpik më shumë formula zhvillimi ekonomik që nuk qëndrojnë as në qiell as në tokë. Kosova duhet të qëndrojë afër Shqipërisë dhe miqve, që janë SHBA dhe BE, dhe të mos kthejë vizion e së ardhmes në një luftë politike të ditës. Kush fitoi nga tarifa 100%? Kush fitoi?. Unë jam takuar me presidentin Thaçi, takohem dhe flas, unë nuk kam përgjegjësi detyruese apo urdhëruese, unë jap sugjerimin tim. Jam 100% me të drejtën, se nëse nuk do të isha, të paktën një nga vendet mike, do të thoshte kjo nuk është ide e mirë. BE, Gjermani Franca SHBA, janë të trishtuara që Kosova nuk është pjesë”, tha Rama.

       

    • 14:41

      Minishengeni/ Reagon Haradinaj: Derisa Kosova nuk njihet nga Serbia dhe mohohet masakra e Reçakut, puna e mbarë pa ne

      Ramush Haradinaj

       

      Kryeminstri në ikje i Kosovës, Ramush Haradinaj ka reaguar për minishegenin ballkanik, ku liderët e ballkanit u mblodhën në Tiranë. Haradinaj tha se idea e minishengenit është heqja e taksës që Kosova i ka vënë Serbisë. Haradianj u shpreh se: Përderisa Kosova nuk njihet nga Serbia dhe mohohet masakra e Reaçakut, puna e mbarë pa ne”

      “Kosova nuk ka nevojë për një minishengen që kryeqytet ka Serbinë. Idea e minishengenit është heqja e taksës që Kosova i ka vënë Serbisë. Edi Rama është vëllai im. Nëse Ramës i dhimbsen kosovarët, le të largojë taksën e vendosur në rrugën e Kombit. Përderisa Kosova nuk njihet nga Serbia dhe mohohet masakra e Reaçakut, puna e mbarë pa ne”, u shpreh Haradinaj.

    • 14:27

      “U zemërova me mikun tim Edin”, Vuçiç: Pa këtë jemi të vegjël, për çfarë duhet të mbrohemi?

      Presidenti i Serbisë Aleksandar Vuçiç teksa ka folur në takimin e sotëm me liderët e Ballkanit Perëndimor, për atë që do të përfitojnë popujt tanë nga bashkëpunimi në fjalë.

      Në përgjigje të pyetjes se cfarë do të përfitojnë qytetarët tanë nga bashkëpunimi, Vucic ka theksuar pa doreza se vendet nuk mund të mbijetojnë pa këtë bashkëpunim.

      Pa këtë nuk mbijetojmë, kjo nuk shihet nga ata që nuk duan ta shohin, askush nuk mund të mbijetojë këtë jemi kaq të vegjël, kaq të parëndësishëm, po të mos i bëjmë tregjet tona të punës dhe ekonomike më të mëdha, më thoni një vend që nuk largohen cdo ditë njerez, si do ti kthejmë këta njerëz ne, si do ti mbajmë njerëzit këtu duke krijuar atmosferë konflikti dhe lufte se na ndihmon politikisht. U zemërova me mikun tim Edi se duket se po mbrohemi, për cfarë duhet të mbrohemi? Të mbrohemi nga ata që duan të na shohim duke luftuar me njëri-tjetrin, apo të punojmë pranë njëri-tjetrit dhe të kemi të ardhme normale. Mbrëmë ne koncert u kënaqa, por u ndjeva i trishtuar, e njoha me mire kulturën shqiptare dhe e falënderoj Ramën që ma dha këtë mundësi. Më thoni një gjë të keqe nga ajo që po bëjmë ne këtu? Nuk marr rolin e padronit se unë mendoj se më e rëndësishme është ajo që mendojnë qytetarët, ctë keqe ka që Serbia do të jetë në gjendje të ofrojë ndihmën e vet, një shtëpi për 100 familje shqiptare,  do të ushqejmë shumë familje shqiptare, serbe e maqedonase duke krijuar vende pune pse duhet të kemi turp për këtë gjë?

      Nuk ka kushte për asnjë të gjithë janë të mirëpritur, ne jemi në rrugën evropiane, ka kaluar 6 vite që nga bisedimet e pranimit, por ne varemi dhe duhet të varemi, ti lutemi zotit dhe pastaj atyre që të hapin dy tre kapituj? Nuk dua të poshtëroj as veten e as popullin tim, une i them popullit ne po e bëjmë punën dhe ju na vlerësoni, por kjo nuk varet më nga ne, por nga ata dhe rrethanat e tyre të brendshme.Le të bëjmë ato që varen nga ne, dhe jo ato që nuk varen nga ne, mënyra se si ne e organizojmë rajonin varet nga ne jo fuqitë e mëdha” ,u shpreh Vuçiç.

    • 14:22

      Rama u përgjigjet liderëve të Kosovës: Po fusni vendin në rrugë qorre, neomarksista po bëni vetëvrasje

      Kryeministri i Shqipërisë, Edi Rama nga Samiti i tretë për Mini Shengenin, të gjithë fjalën e tij ia ka kushtuar Kosovën, duke thënë se  ka bërë një gabim shumë të madh që nuk ka marrë pjesë në takimet e deritanishme.

      Në fjalën e tij, Rama tha se liderët e Kosovës me deklaratat e tyre po e fusin vendin në një rrugë qorre dhe gjithçka thonë e bëjnë për politikë të brendshme.

      “Më vjen shumë keq, janë deklarata të brendshme për politikë. Për mua këto deklarata e çojnë në një rrugë qorre. Nuk ka asnjë kush kundër Kosocvës dhe asnjë kaluzolë nga Serbia. Nëse Kosova ka nevojë sot për respekt dhe për integrim, kjo ësthë rruga. Rrugët e tjeratë fantazive neomarksiste, të absurdit. Keni parë ndonjë vend t ëvarfër që bën proteksionizëm.

      Paralelizmat me tarifat e SHBA apo të Kinës janë vëtëvrasje. Miqtë mëbshtetësit dhe partnerët në këtë proces janë këtu nuk mungojnë. Kjo nuk bëhet për pushtet apo për vota, kjo që po bëjmë ne. Po të ishte pqër pushtet dhe për vota mbase nuk do ishim sot, kjo bëhet për njerëzit, për njerëzit”, ishte kjo një pjesë e fjalës së Ramës.

    • 14:01

      Vuçiç nga Samiti në Tiranë: Serbia do jetë 1 nga 5 vendet që do japë më shumë para për rindërtimin pas tërmetit

      Presidenti i Serbisë, Aleksadnër Vuçiç, nga Samiti i tretë i mini-shengenit të Ballkanit, ka shprehur ngushëllimet për familjet e prekuras nga tërmeti në Durrës e Thumanë.

      Në fjalën e tij, Vuçiç tha se  Serbia të hënën do të marrë një vendim ku do alokojë një fond të rëndësishëm që do përdoret nga Shqipëria për rindërtimin e banesave të fundit.

      Qeveria e Aserbisë do marrë të hënën një vendim për të ndihmuar Shqipërinë me një donacion të madh për të rindërtuar Durrësin e Thumanën. Do jemi një nga 5 vendet që do ketë vlerën më të madhe të donacioneve”, u shpreh Vuçiç.

    • 13:40

      Gjukanoviç: Nismë gjithëpërfshirëse, Mali i Zi do të organizojë takimin e radhës

      Konferencë për shtyp mes liderëve të Ballkanit në kuadër të Minishengenit në Tiranë.

      Presidenti i Malit të Zi Milo Gjukanoviç u shpreh se do të solidarozohen me Shqipërinë për situatën pas tërmetit të 26 Nëntorit. Gjukanoviç tha se takimi i radhës do të mbahet në Malin e Zi.

      Dua të falenderoj kryeministrin Edi Rama për mikpritjen e tij të mrekullueshme. Për fat të keq ne i pamë pasojat e kësaj fatkeqësie natyrore në Durrës. Unë dua të theksoj solidaritetin dhe miqësinë me këto situata të ngjashme, pasi edhe Mali I Zi e ka kaluar një situatë të tillë dhe e di ë do të thotë ndihma e fqinjëve.Dhe ne jemi të angazhuar në solidaritetin me Shqipërinë dhe mbështetjen tonë. Kjo nismë është gjithpërrfshirëse, pjesë përbërsë e të gjitha atyre që u thanë.Mali i Zi është shumë i angazhuar në bashkëpunimin rajonal. Mali i Zi do të organizojë takimin e ardhshëm”, u shpreh Gjukanoviç.

    • 13:33

      Rama kundër Kosovës: Nisma nuk ndalet, u izolua vet. Plagët e të shkuarës nuk shërohen me helm

      Kryeministri Edi Rama nga takimi i tretë me liderët e Ballkanit perëndimor, në Samitin e mbajtur në Tiranë ka folur dhe për Kosovën. Kreu i Qeverisë tha se  duhen krijuar ura për të ardhmen dhe asnjë të mos vetëizolohet, pasi izolimi kurrë nuk ka sjell të mira për brezat e ardhshëm.

      Jemi për të dnëtuar urën mes të shkuarës dhe të ardhmes. Unë me bindje them se ky proces është në një mendim me të gjithë vendet. Dhe duhet të bashkojnë forcat dhe të shpejtojmë procesin drejt BE-së. NE po ndërtojmë stadnardet që kërkon BE me katër lirite themelore. Plagët e të shkaurës nuk kurohen me helm, por me ilace.

      Nuk jemi të ftuar ti shpikim, por i kanë bërë të tjerët më parë. Duhet dialog e negociata, se kjo ka çuar vendet përpara. Nisma nuk ndalet, por do vijojë me bindjen se do i kemi të gjitha mundësitë të vijojmë me dialogun. Në asnjë rast historia nuk tregon se vetë izolimi të kenë sjellë ndonjë të mirë, apo të kenë mbjell ndonjë pemë me fruta të dobishme për brezat e ardhshëm”, u shpreh Rama.

    • 12:44

      Majlinda Bregu tërheq vëmendje mes liderëve të Ballkanit, biseda kokë ulur me Vuçiç, mëson Zoran Zaevin si të pozojë para kamerave (FOTO)

      Kryeministri Edi Rama me Presidentin serb Vuçiç, kryeministrin maqedonas Zoran Zaev, presidentin e Malit të Zi Milo Djukanovic dhe Majlinda Bregun, Sekretaren e Këshillit të Bashkëpunimit Rajonal kanë shkrepur foton zyrtare nga takimi që do të mbahet në kuadër të Minishengenit Ballkanik.

      Bregu ka tërhequr vëmendjen e kamerave, sepse në një moment i tregon Zaevit si të pozojë dhe më pas për bisedën me kokën ulur që bën me Presidentin serb Vuçiç.

    • 10:50

      Me flamuj shqiptarë të hedhur krahëve, qytetarët protestojnë kundër Samitit të Mini-Shengenit në Tiranë

      Samiti i tretë i Mini Shengenit që po mbahet në Tiranë është shoqëruar me protesta. Aktivistët e shoqatës “Për shqiptarët dielli lind në Perëndim”, prej orës 09:30 po protestojnë në bulevardin ‘Dëshmorët e Kombit” dhe kërkojnë shpjegime nga Rama për bisedimet që po zhvillon me liderët e tjerë.

      Protesta kundë Samitit të Mini-Shengenit në Tiranë

      Iniciatori i kësaj protestë Aulon Kalaja në një deklaratë për mediat ka bërë me dije se ata janë në tubim pasi e shohin mini-shengenin si një Jugosllavi të re.

      Ne kundërshtojmë minishengenin ballkanik që është projekti i një jugosllavie të re. Kjo është axhenda personale e kryeministrit  që po na con turravrap drejt rilindjes” , u shpreh aktivisti.

    • 9:07

      Rama shkon me Vuçiçin në Durrës, shikojnë nga afër dëmet e tërmetit (VD)

      Kryeministri Edi Rama, i shoqëruar nga Aleksandër Vuçiç, Zoran Zaev dhe Milo Dukanoviç kanë zhvilluar sot një vizitë në zonat e prekura nga tërmeti në Durrës.

      Ata janë shoqëruar nga ministri Bledi Çuçi, i cili u ka treguar dhe dëmet në pallate, por u ka shpejguar dhe punimet që janë bërë pas tërmetit të 26 nëntorit.

      Në vizitë ka marrë pjesë dhe ambasadori i BE në Tiranë, Luigi Soreca dhe zyrtarë të tjerë të lartë. Të 4 liderët kanë parë nga afër dëmet dhe kanë diskutuar se si mund të ndihmojnë banorët që të hyjnë sa më parë në banesat e tyre.

    Shto Koment