Aktualitet

Bie nga kati i dytë dhe vdes punëtori në Durrës, Policia: Arrestuam administratorin dhe inxhinierin e firmës, shkelën rregullat në punë (EMRI)

Në një reagim për mediat, blutë e Durrësit shkruajnë se roja i kantierit të ndërtimit ka rënë aksidentalisht rreth orës 23:30 nga kati i dytë. Viktima është Thoma Rusa, i cili është rrëzuar nga kati i dytë.
Featured image of article: Bie nga kati i dytë dhe vdes punëtori në Durrës, Policia: Arrestuam administratorin dhe inxhinierin e firmës, shkelën rregullat në punë (EMRI) Pamje nga vendi i ngjarjes në Durrës dhe viktima Thoma Rusa
Përditësuar:

DURRËS- Një punëtor në një kantier ndërtimi në Durrës ka gjetur vdekjen mbrëmjen e djeshme. Në fillim u raportua se 62-vjeçari ishte hedhur nga kati i gjashtë nga frika e  tërmetit, ku më pas gjeti vdekjen, por Policia në një reagim bën me dije se ngjarja nuk ka lidhje me lëkundjet e tokës.

Në një reagim për mediat, blutë e Durrësit shkruajnë se roja i kantierit të ndërtimit ka rënë aksidentalisht rreth orës 23:30 nga kati i dytë. Viktima është Thoma Rusa, i cili është rrëzuar nga kati i dytë.

Për më shumë bëhu pjesë e grupit më viral në Facebook, Dosja.al
Thoma Rusa

Ndërkohë sot në një reagim tjetër Policia shprehet se është arrestuar administratori dhe inxhinieri i firmës ndërtuese pasi kanë shkelur rregullat teknike në punë. Sipas efektivëve bëhet me dije se në pranga kanë rënë A. J., 47 vjeç, banues në Durrës, administratori i firmës dhe E. R., 43 vjeç, banues në Durrës, inxhinier i firmës që ndërton objektin. Të arrestuarit rrezikojnë të dënohen deri në 10 vjet burg.

(A.B. Dosja.al)

  • 10:26

    Detaje të reja nga vdekja e rojes në Durrës/ 62-vjeçari ra në gropën e ashensorit

    Thoma Rusa

    Detaje të reja kanë dalë vdekja e 62-vjeçarit Thoma Ruso në Durrës. Burime për Dosja.al bëjnë me dije se 62-vjeçari ra në gropën e ashensorit. Kjo e fundit nuk kishte as rrethim dhe tabelë se aty kishte rrezik. Po kështu brenda kantierit të ndërtimit nuk kishte një kabinë për rojen.

  • 8:42

    Vdekja e punëtorit në Durrës, Policia arreston administratorin dhe inxhinierin e firmës: Rrezikojnë 10 vite burg

    Foto ilustruse

    Policia e Durrësit ka arrestuar sot administratorin dhe inxhinierin e firmës ndërtuese të një pallati, ku mbrëmjen e djeshme një punëtor humbi jetën pasi u rrëzua nga kati i 2-të. Në një njoftim për mediat Policia e Durrësit, bën me dije se dy të arrestuarit kanë shkelur rregullat teknike në punë.

    Këta shtetas akuzohen për shkelje të rregullave në punë, pasi më datë 28.01.2020, rreth orës 23:18, në një objekt në ndërtim, humbi jetën aksidentalisht shtetasi Th. R., 62 vjeç, i punësuar si rojë pranë këtij objekti”, shkruhet në njoftim dhe bëhet me dije se rrezikojnë deri në 10 vite burg.

    NJOFTIMI I PLOTË

    Vihet në pranga për shkelje të rregullave në punë, administratori dhe inxhinieri i firmës ndërtuese të një pallati, ku në orët e mbrëmjes së djeshme humbi jetën një 62-vjeçar, rojë i këtij objekti. Policia e Durrësit, menjëherë pas njoftimit të marrë se një shtetas kishte rënë aksidentalisht nga kati i dytë dhe për pasojë humbi jetën, menjëherë ka kryer gjithë veprimet hetimore, në bashkëpunim me prokurorinë dhe në përfundim të veprimeve, specialistët për Hetimin e Krimit bënë arrestimin në flagrancë të shtetasve:

    A. J., 47 vjeç, banues në Durrës, administratori i firmës dhe E. R., 43 vjeç, banues në Durrës, inxhinier i firmës që ndërton objektin. Këta shtetas akuzohen për shkelje të rregullave në punë, pasi më datë 28.01.2020, rreth orës 23:18, në një objekt në ndërtim, humbi jetën aksidentalisht shtetasi Th. R., 62 vjeç, i punësuar si rojë pranë këtij objekti. Këta shtetas rrezikojnë të dënohen deri në 10 vjet burg. Materialet i kaluan Prokurorisë së Rrethit Gjyqësor Durrës, për veprën penale “Shkelja e rregullave të mbrojtjes në punë”.

  • 7:12

    Identifikohet viktima që humbi jetën në Currila në Durrës, Policia: 62-vjeçari ra aksidentalisht nga një ndërtesë

    Policia e Durrësit ka identifikuar personin, i cili humbi jetën mbrëmjen e djeshme pasi ra nga kati i dytë i një ndërtese në zonën e Currilave në këtë qytet. Sipas Policisë viktima është 62-vjeçari me iniciale Th.R, i cili është rrëzuar aksidentalisht nga ndërtesa. Burime për Dosja.al bëjnë me dije se 62-vjeçari ishte roje në këtë ndërtesë.

    “Më datë 28.01.2020, rreth orës 23:30, në një ndërtesë është rrëzuar aksidentalisht, shtetasi Th.R., 62 vjeç, banues në Durrës, ku për pasojë ka ndërruar jetë. Grupi hetimor ndodhet në vendngjarje dhe po punon për zbardhjen e plotë të ngjarjes“, shkruan Policia.

Shto Koment