Aktualitet

Manastirliut i ‘bie maska e detyrueshme’, s’i dalin shifrat: Sapo shënuam javën me më shumë vdekje! Ilaçet e rimbursueshme i vendosin mjekët. Binos i merret fryma: Mësohuni se do i mbani dhe pas daljes së vaksinë

VIDEO
Ministrja shtoi më tej se ilaçet që do t'i rimbursohen pacientit, do të zgjidhen vetëm nga mjeku i familjes, dhe ji nga pacienti. Referuar situatës së deri më tanishme, Manastirliu këmbunguli në mbajtjen e maskave, edhe pse me gojën e saj pranoi se java që lamë pas, ishte java me më shumë vdekje. 
Featured image of article: Manastirliut i ‘bie maska e detyrueshme’, s’i dalin shifrat: Sapo shënuam javën me më shumë vdekje! Ilaçet e rimbursueshme i vendosin mjekët. Binos i merret fryma: Mësohuni se do i mbani dhe pas daljes së vaksinë Ogerta Manastirliu

TIRANË– Ministrja e Shëndetësisë u tregua e prerë kur tha se skema e rimbursimit të medikamenteve nuk do të jetë për të gjithë pacientët, siç ata do ta parashtrojnë situatën. Në një konferencë me gazetarët, Manastirliu u bëri thirrje që të gjithë qytetarëve që të drejtohen tek mjekët e familjes për rimbursimin e medikamenteve të Covid-19.

Ministrja shtoi më tej se ilaçet që do t’i rimbursohen pacientit, do të zgjidhen vetëm nga mjeku i familjes, dhe ji nga pacienti. Referuar situatës së deri më tanishme, Manastirliu këmbunguli në mbajtjen e maskave, edhe pse me gojën e saj pranoi se java që lamë pas, ishte java me më shumë vdekje. 


Manastirliu tha në mënyrë zhargon se nuk është puna që të dalin e të ‘falin ilaçe’, por t’i kushtohet rëndësi faktit se sa mirë do të bëjnë këto ilaçe. 

“Duam të sqarojmë të gjitha ato pikat kyçe që të gjithë qytetarët duan të dinë se çfarë hapash do të ndërmarrim. Aktualisht kemi të konfirmuar 29 mijë e 837 raste. Prej rasteve të konfirmuara në javën e 46, 52 % janë femra dhe 48 % meshkuj. Përsa u përket fataliteteve kemi 646 humbje jete dhe vlerësohet se java e 46 është java që kemi patur dhe një numër të lartë fatalitetesh, që korrenspondojnë 22.7 vdekje për 100 mijë banorë. Vetëm 15-20% të kapaciteteve spitalore janë të lira. Situata në spitale në 3 strukturat e dedikuara aktualisht, kemi të zëna 420 shtretër, rreth 20 përqind është e lirë. Struktura e katërt është gati për pacientët. Kemi marrë 13 masa përgjatë gjithë kësaj periudhe 9 mujore duke filluar nga marsi me vendosjen e masave të izolimit total. Gjithsesi maskat janë të detyrueshme dhe po e kryejnë funksionin e tyre,”- tha Manastirliu.

Për më shumë bëhu pjesë e grupit më viral në Facebook, Dosja.al

Me fjalët e kryeministrit Edi Rama, Manastirliu u bëri thirrje qytetarëve që të drejtoheshin vetëm tek mjekët e familjes dhe tu besonin vetëm atyre, duke u bërë kështu ‘DISS’ spitaleve private.

Ajo që u vu re ishte se gjatë konferencës, Silva Binos i merrej fryma. Shefes së epidemiologjisë iu krijua vështirësi në frymëmarrje teksa fliste, edhe pse ka pothuajse dy muaj që e ka kaluar Covid-19. Referuar maskave, Bino tha se qytetarët duhet të mësohen sepse do t’i mbajnë ata edhe pas daljes së vaksinës

(f/m/dosja.al

  • 14:44

    Ogerta Manastirliu flet për viktimat: Çdo jetë e humbur për ne është fatkeqësi, i marrim vesh nga spitalet


    Ministrja e Shëndetësisë Ogerta Manastrliu gjatë konferencës së mbajtur ditën e sotme për mediat u shpreh se viktimat nga COVID janë një humbje e madhe. Teksa po fliste në lidhje me situatën e menaxhimit të pandemisë në vend, Manastirliu tha ndër të tjera se vdekjet që ndodhin në spitalet COVID në Shqipëri mësohen nga strukturat spitalore dhe shkaku përcaktohet nga mjeku.

    ‘Çdo viktimë për ne është një humbje e madhe. Fatalitetet merren vesh nga strukturat spitalore, që janë të autorizuara për këto çështje, dhe vetëm prej tyre merret vesh çdo gjë. Shkaku i vdekjes përcaktohet nga mjeku.’- tha Ministrja.

  • 14:36

    “Jo çdo pacient do marrë të gjitha medikamentet e rimbursuara”/ Manastirliu flet troç: S’është puna hajde japim ilaçe, e dinë mjekët atë punë…


    Jo çdo pacient do ti marrë ilaçet e rimbursuara nga paketa që ofrohet nga qeveria. Kjo ishte deklarata që bëri ministrja e Shëndetësisë, Ogerta Manastirliu gjatë konferencës për mediat ditën e sotme. Ndër të tjera Manastirliu tha se është mjeku i familjes ai që vendos se cilat ilaçe do ti jepen pacientit që është i infektuar me Covid.

    ‘Nuk është puna të japim ilaçe, hajde japim ilaçe, hajde të rimbursojmë…puna është sa mirë do të bëjnë këti medikamente. Dhe këtë e vendos vetëm mjeku i familjes. Ashtu siç e tha edhe doktoreshë Bruna, jo çdo pacient do të marrë të rimbursuara të gjitha medikamenetet që janë pjesë e paketës, por ato që konsideron mjeku i familjes. Ai konsideron gjithçka.’– tha Manastirliu.

  • 14:24

    Çfarë ka Silva Bino? Shefes së epidemiologjisë i merret fryma, para dy muajsh kaloi Covid-19


    Silva Bino, shefja e epidemiologjisë ka dalë sot në një konferencë për mediat, teksa oli për situatën e pandemisë në vend. Bashkë me ministren e Shëndetësisë, Ogerta Manastiliu dhe Ekspertët e Komitetit Teknik, Bino tha se maskat duhet të mbahen patjetër. Mirëpo teksa fliste, Binos u vu re se i merrej fryma dhe kishte pak vështirësi në të folur. Gjithsesi, edhe pse zëri i dridhej, Bino vijonte të fliste. Nuk dimë të themi se çfarë e ka shkaktuar këtë gjendjen e Binos sot, por mund të jetë një nga pasojat e Covid-19. Ajo u infektua në fund të muajit shtator dhe më datë 10 tetor shpallir fitorën ndaj Covid-19.

  • 14:17

    Silva Bino: Mësohuni me maskat, do t’i mbani edhe pas daljes së vaksinës


    Shefja e epidemiologjisë në Institutin e Shëndetit Publik, Silva Bino i bën thirrje të rinjve që të mbajnë maska në mënyrë që të mos bëhen shkas i vdekjes së një personi tjetër. Gjatë fjalës së saj të mbajtur në konferencën për mediat në lidhje me pandeminë, krah ministres Manastirliu, Bino u shpreh se impakti që maskat kanë do të shihet në ditët në vijim. Ndërsa tha se do të mbahen dhe pas daljes së vaksinës.

    ‘Mbani maskat, të rinjtë bëhen shaks për vdekjen e një personi që është më vulnerabël, i cili më vjen keq ta them këtë, por shkon drejt fatalitetit. Maska do të mbahet edhe pas daljes së vaksinës, deri sa të shohim që do japë efekt. Impakti i masave që kemi marrë do të shihet më vonë. Nuk mund t’i shohim direkt, por do të vëmë re sheshimin e kurbës.’– shprehet Bino.

  • 14:14

    Manastirliu me fjalët e Ramës, ‘DISS’ spitaleve private: Imagjinoni të na gjente pandemia para shtatë vitesh, në ato kushte….besojuni mjekëve të familjes

    Ministrja e Shëndetësisë Ogerta Manastirliu gjatë konferencës për mediat të mbajtur ditën e sotme foli në lidhje me menaxhimin e pandemisë dhe mënyrës së si po funksionojnë masat e vëna deri më tani në zbatim. Manastirliu tha se nëse do ishin disa vite më vonë ata nuk do mund t’ja dilnin që ta përballonin situatën e pandemisë. Ajo tha se çdo person ka mundësinë që të rimbursohet.

    ‘Po të ishim shtatë vite më parë, më lejoni t’ju them se nuk do t’ja dilnim dot. Me atë nivel spitalesh dhe duke mos patur barna të rimbursueshme. Tashmë çdo persona ka mundësi që të rimburoshet. Për të gjithë qytetarët e prekur, përmes sistemit online dhe përmes pikave të kontaktit në qendrat shëndetësore, është i mirëpritur. Mos harroni që mjeku i familjes ka një rol të rëndësishëm. Autoriteti shëndetësor është shprehur se të gjithë ato element të shërbimeve përsa i përket diagnozës Covid-19, të drejtoheni tek mjekët e familjes. Janë më shumë se 15 mijë qytetarë që vetëm gjatë këtij muaji janë ndjekur nga mjekët e familjes, gjatë këtij sezoni tetor-nëntor. Një punë e madhe po bëhet edhe nga infermierët. Është vetëm mjeku i familjes ai që vlerëson se nëçfarë faze është i sëmuri me Covid-19, duke sugjeruar edhe terapitë.’- tha Manastirliu.

Një Koment në “Manastirliut i ‘bie maska e detyrueshme’, s’i dalin shifrat: Sapo shënuam javën me më shumë vdekje! Ilaçet e rimbursueshme i vendosin mjekët. Binos i merret fryma: Mësohuni se do i mbani dhe pas daljes së vaksinë

  1. Do me pelqente shume ta shihja kete Bimon te ri-infektuar, pas mjekimit te kujdesshem e te suksesshem si dhe efekteve pozitive te mbajtjes me detyrim te maskave kudo.
    Shpenzimet spitalore per te do te perballohen nga parate e mbledhura nga gjobat ndaj atyre qe jane kapur pa maska.

Shto Koment