Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
BUDAPEST – Në prag të kësaj sfide, trajneri Edy Reja dhe kapiteni Etrit Berisha kanë dalë në një konferencë për mediat ku kanë folur në lidhje me këtë sfidë. Trajneri Reja, teksa iu përgjigj interesit të mediave shqiptare dhe atyre hungareze u shpreh, se kjo ndeshje është mjaft e rëndësishme për të mbajtur ëndrrën gjallë, teksa theksoi se skuadra dhe lojarët kanë besim të lartë për të fituar nesër. Ai theksoi se skuadra se do të shfrytëzojë të gjitha mundësitë ditën e nesërme për të marrë 3 pikët, teksa foli edhe për formacionin e nesërm.
Ndeshja ndaj Hungarisë nesër, një finale? “Ne sigurisht duam të vazhdojmë të mbajmë gjallë këtë ëndërr të madhe, për të qëndruar në vendin e dytë deri në fund, por unë e kam thënë shpesh, jo vetëm para kësaj ndeshjeje, që për ne janë të gjitha ndeshjet si një finale. Nëse humbasim, ne dalim jashtë objektivave dhe nuk jemi më në lojë. Është e rëndësishme si ndeshje për ne dhe e dimë shumë mirë forcën e Hungarisë, por unë bazohem te fakti që ne po kalojmë një moment pozitiv. Kemi shumë siguri si ekip dhe lojtarët kanë shumë vetëbesim dhe lojtarët janë këtu për të bërë një ndeshje të madhe. Sigurisht duam të qëndrojmë në vendin e dytë dhe për këtë gjë duhet të fitojmë nesër”.
Formacioni? “Sigurisht që ka gjithmonë dyshime sepse trajneri ka gjithmonë dyshime përpara se të zgjedhë formacionin. Kam një grup me 24 lojtarë dhe do vendos vetëm nesër në mëngjes. Do shikojmë stërvitjen e fundit sot, kemi disa probleme fizike në disa element, do të luajë ai që është më në formë. Kush zbret në fushë duhet të japë maksimumin duke parë që kemi përballë Huingarinë që është një skuadër e fortë fizikisht. Do të luajë ai që është në gjëndje optimale. E rëndësishme është që kush zbret në fushën e lojës duhet të japë maksimumin. Kjo është ajo që kërkoj duke konsideruar Hungarinë një skuadër të fortë fizikisht, në këtë sens duhet të gjej zgjedhjet e duhura për formacionin. Kam ca dyshime për skuadrën që zbret në fushë, por 9 apo 10 lojtarë janë zgjedhur tashmë.”
Hungaria? “Ne duhet të shfrytëzojmë të gjitha mundësitë që do të na jepen gjatë ndeshjes dhe të jemi të aftë të ndryshojmë mënyrën tonë të lojës, apo vendosjen në fushë duke iu përshtatur kundërshtarit. Sigurisht, duke luajtur në shtëpi Hungaria do të jetë ndryshe nga ndeshja e parë, qoftë në aspektin taktik, por duke e njohur trajnerin e tyre që është italian, kam një përshtypje për mënyrën se si mund të luajnë. Nuk mendoj se do të përpiqen të fokusohen te kundërsulmi, por besoj se do të përpiqen të marrin në kontroll lojën, duke qenë se do të luajnë në shtëpi. Por ne do të jemi gjithmonë gati të pranojmë këtë lojë dhe t’i përgjigjemi në mënyrën e duhur, t’i sfidojmë edhe në aspektin taktik. Nëse ato mbyllin të gjitha hapësirat, ne do të përpiqemi që me ata lojtarë të shpejtë që kemi, të gjejmë mënyrat tona për të goditur kundërshtarin. Por nësë ata luajnë në mënyrën që do të na sulmojnë dhe do të na vënë në presion, Hungaria do ketë momente kur do zhbalancohet dhe ne do ta shfrytëzojmë në maksimum”.
Bajrami, apo një mesfushor force në këtë ndeshje? “Uroj të bëj zgjedhjen e duhur me Bajramin, sigurisht që një lojtar që ka aftësi shumë të mira për të cilin kemi folur shpesh, sidomos në aspektin sulmues. Por ekipi duhet të ketë ekuilibër në çdo repart dhe duhet të jemi gati në çdo moment të kundërsulmojmë kundërshtarin. Nuk është çështja një futbollist ofensiv, apo një futbollist në mesfushë që luan më mirë në aspektin mbrojtës, por nuk kam vendosur ende, kështu që duhet të presim deri nesër”.
Ndeshja më e vështirë me Hungarinë, apo Poloninë? Rosi mendon se kjo ndeshje vendoset me një gol. Si e gjykoni? “Të dyja skuadrat, Shqipëria dhe Hungaria janë shumë të organizuara në aspektin mbrojtës dhe është e qartë që kush shënon do ta mbrojë, e ka kapacitetin. Nuk mund të thuhet kurrë kjo gjë se kush shënon fiton 1-0. Të shpresojmë që golin ta bëjmë ne përpara Hungarisë. Më e vështira është ndeshja nesër me Hungarinë, pas kësaj ndeshjeje do të shikojmë Poloninë. Për ne dhe Hungarinë kjo është një ndeshje e rëndësishme. Shpresa jonë është që të bëjmë një ndeshje të madhe të arrijmë rezultat”.
Kapiteni i Kombëtares u shpreh se kjo skuadër mund të bëjë gjëra të mëdha, pasi këtë e kanë dëshmuar edhe në ndeshjen e fundit që zhvilluan ndaj Hungarisë, që i ka rritur edhe vetëbesimin. Ai theksoi se do të nisen drejt stadiumit nesër me të njëjtin ritëm si në ndeshjen e parë në Elbasan.
Ndeshja pa tifozë? “Kemi luajtur gati dy vite pa tifozë dhe ishte trishtim të luhet pa tifozë dhe tani që u kthyem sërish do të luajmë pa tifozë. Unë mendoj që futbolli në fund të fundit është për tifozët dhe edhe një fitore po të jenë tifozët, është shumë e madhe. Edhe ne kënaqemi më shumë po të jenë tifozët. Por jemi shumë të përqëndruar në ndeshjen e nesërme dhe nuk mendojmë shumë në këtë aspekt, por mendojmë të bëjmë lojën dhe të marrim fitoren”.
E vazhdojmë aty ku e kemi lënë? “Mendoj që këto ndeshje që kemi bërë na kanë ndihmuar shumë dhe të shikojmë edhe nivelin e kundërshtarit. Jemi shumë të sigurt që mund të bëjmë gjëra të mëdha dhe e kemi dëshmuar dhe kjo fitore me Hungarinë na ka ndihmuar shumë dhe na ka dhënë edhe më shumë vetëbesim për të vazhduar ëndrrën tonë. Unë shpresoj që nesër të marrim edhe një fitore të radhës që do të jetë diçka edhe më e madhe dhe shumë më shumë i afrohemi ëndrrës sonë dhe më pas edhe ndeshja ndaj Polonisë do jetë më e lehtë për ne”.
Pikat e forta të Hungarisë dhe ҫfarë prisni nesër? “Edhe më herët e kam thënë që Hungaria ka lojtarët shumë cilësorë por arma e tyre më e fortë është grupi. Nuk kanë yje që spikasin por si skuadër, si grup, kanë bërë gjëra të mira. Nesër do të jetë një ndeshje e vështirë për të dyja skuadrat. Ne kemi fituar në ndeshjen e parë dhe do të nisemi nga ajo edhe këtë rradhë. Në Elbasan bëmë një ndeshje të mirë në mbrojtje ashtu si dhe në sulm ku krijuam shumë raste, kështu që shpresoj të vazhdojmë me atë ritëm dhe ta fitojmë ndeshjen”.
B.T (Dosja.al)
Iftar dhe politikë, a u prek Muaji i Ramazanit nga politikanët?
ITALI – Italia do të vazhdojë me Roberto Mancinin si trajner edhe pas Botërorit. Njoftimi zyrtar ende nuk është bërë, por presidenti i Federatës Italiane ...
ITALI – Eshtë gjetur personi që lëshonte thirrje raciste kundrejt Kalidou Koulibaly në fund të ndeshjes Fiorentina-Napoli. Në identifikimin e të riut 30-v...
SPANJE – Gavi tashmë ka pushtuar Spanjën dhe Barcelonën. Pavarësisht se ka zhvilluar vetëm 7 ndeshje me skuadrën “blaugrana”, mesfushori i talentuar ka të...
ANDORRA – Një zjarr ka shpërthyer në stadiumin e Andorrës, vetëm një ditë para se ata do të luajnë kundër Anglisë atje në një kualifikues të Kupës së Botë...
ITALI – Vazhdon të thellohet skandali i “Pandora Papers”, ku gjithnjë e më tepër po shfaqen personazhe të rëndësishme të botës së futbollit. S...
ANGLI-Newcastle United është blerë zyrtarisht nga Fond i Investimit Publik Saudit, i kontrolluar nga princi i kurorës, së bashku me “PCP Capital Partners dhe RB...
MILANO-Pas fërshëllimave në “San Siro” në ndeshjen ndaj Spanjës në drejtim të Gigio Donnarumma-s, ka reaguar agjenti i portierit të PSG-së, Mino Raiola i cili m...
ANGLI-Rikthimi i Cristiano Ronaldos te Manchester United është kurorëzuar me çmimin e tij të parë, tani për tani është në nivel personal. Premier League ...
BELGJIKË-Belgjika u eliminua në gjysmëfinalen e Nations League kundër Francës së Deschamps. Në fund të ndeshjes, Thibaut Courtois, portieri belg, i intervi...
ARABI SAUDITE-Një mbrëmje për t’u harruar për Japoninë në Arabinë Saudite. Kombëtarja japoneze u mund 1-0 në ndeshjen e vlefshme për pjesën aziatike të kualifik...
