Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
UKRAINË- Të paktën 52 civilë, përfshirë fëmijë, janë vrarë dhe dhjetëra të tjerë janë plagosur në një sulm me raketa në një stacion treni në Ukrainë, për të cilin Kievi fajësoi forcat ruse. Moska mohon përfshirjen në këtë sulm. OKB-ja ka dënuar sulmin. Ndërkohë, Sllovakia, anëtare e NATO-s, ka dërguar në Ukrainë sistemin rus të mbrotjes raketore S-300.
Pasojat e luftës në Ukrainë kanë arritur në një shkallë të re të rëndë. Ukraina thotë se dy raketa goditën stacionin e trenit në qytetin lindor të Kramatorskit, i cili është përdorur nga mijëra civilë për t’u larguar nga zonat e luftës.
Në njërën anë të një rakete ruse që ra pranë stacionit të trenit, ishin shkruar fjalët “për fëmijët”.
Gazetari që filmoi këto pamje ishte dëshmitar i sulmit me raketa.
“Kishte njerëz jashtë stacionit të trenit, në të dyja anët. Zona dukej si një thertore. Ishte e tmerrshme. Nuk e di se si arrita të qëndroja dhe nuk u godita, ishte një mrekulli”, thotë Oleksiy Merkulov, dëshmitar i sulmit.
Presidenti i Ukrainës tha se të këqijat e Rusisë “nuk kanë kufij”.
“Ata godasin njerëzit me raketa. Ka dëshmitarë, ka video, ka mbetje raketash, dhe njerëz të vdekur”, tha presidenti Zelenskyy.
Moska mohoi përgjegjësinë dhe tha se të ashtuquajturat raketa “Tochka-U” përdoren vetëm nga forcat ukrainase, por ekspertët ushtarakë thonë se Rusia ka rezerva të konsiderueshme të këtyre armëve.
“Ata i kanë përdorur ato vazhdimisht gjatë gjithë konfliktit. Ato janë përdorur në Donbas, në zonat e kontrolluara nga rebelët”, thotë Justin Bronk nga Instituti i Bashkuar Mbretëror i Shërbimeve.
Presidenti Zelenskiy priti të premten Presidenten e Komisionit Evropian Ursula von der Leyen dhe shefin e politikës së jashtme të BE-së, Josep Borrell. Ata vizituan qytetin e Buças jashtë Kievit, ku Ukraina thotë se forcat ruse masakruan më shumë se treqind vetë, përfshirë fëmijë.
“Këtu në Buça, ne pamë një goditje ndaj njerëzimit dhe e gjithë bota po mban zi me njerëzit e Buças.”
Presidentja e Komisionit Evropian Ursula von der Leyen tha se është jetike që Ukrainës t’i jepen armët që i nevojiten.
Sllovakia konfirmoi të premten se i ka dhënë Ukrainës sistemin e saj rus të mbrojtjes raketore S-300, i cili mund të rrëzojë raketat dhe avionët luftarakë. Në këmbim të kësaj, Shtetet e Bashkuara do të furnizojnë Sllovakinë me sistemin e saj të mbrojtjes raketore “Patriot”. Qeveria e Sllovakisë tha se kjo dërgesë nuk nënkupton se Bratisllava është bërë pjesë e konfliktit të armatosur.
NATO fillimisht ishte e shqetësuar nga përshkallëzimi i luftës me Rusinë, thotë analisti Malcolm Chalmers.
“Kjo ndryshoi me kalimin e kohës. Tani, Ukraina po furnizohet me armë që përdoren për sulme dhe kundërsulme, në një mënyrë që nuk po ndodhte me parë”, thotë Malcolm Chalmers nga Instituti i Bashkuar Mbretëror i Shërbimeve.
Anëtarët e NATO-s dhe G-7-ës këtë javë kanë ashpërsuar sanksionet ndaj Rusisë dhe kanë dëbuar dhjetëra diplomatë rusë.
“Këto janë sanksione kundër ekonomisë ruse dhe ato janë shumë efektive”, tha kancelari gjerman Olaf Scholz.
Por Gjermania dhe Evropa vazhdojnë të shpenzojnë qindra miliona dollarë në ditë për blerjen e gazit natyror dhe naftës ruse. Kievi i ka quajtur këto para gjaku që po financojnë makinerinë luftarake të Rusisë dhe thotë se populli i Ukrainës po paguan çmimin përfundimtar.
Marrë nga VOA
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
KINË– Trazira të shumta kanë shpërthyer në Shangai mbrëmë pasi kufizimet drakoniane të regjimit komunist kinez për të zhdukur rastet e koronavirusit ...
BJELLORUSI- Presidenti bjellorus, Aleksandër Lukashenko mori pjesë në ndeshjen finale të kampionatit amator bjellorus të hokejit mbi akull ku dhe ka pësuar një ...
UKRAINË– Forcat ruse kanë goditur një rezervuar magazinimi që mbante “mbetje” të acidit nitrik, duke ngritur një shtëllungë tymi që ai th...
UKRAINË- Presidenti ukrainas Volodymyr Zelensky mirëpriti kryeministrin britanik Boris Johnson në kryeqytetin ukrainas Kiev të shtunën. CNN shkruan se gjat...
UKRAINË– Zyra e Komunikimeve Strategjike e Ushtrisë ukrainase postoi një foto të shtunën që pretendon se tregon ushtarakët e vdekur rusë të lënë pas ...
KOSOVË– Gjykata Themelore në Prishtinë ka njoftuar se ka vendosur caktimin e masës së paraburgimit kundër të pandehurve A.K, B.H, B.P, B.S, D.Z, F.H,...
SHBA- Vladimir Putin mund të përdorë mbështetjen e administratës Biden për Ukrainën si pretekst për të urdhëruar një fushatë të re për të ndërhyrë në politikën ...
UKRAINË– Kancelari i Austrisë Karl Nehammer tha të shtunën se vendi i tij është neutral ushtarak, por ne e kuptojmë se duhet të ndihmojmë aty ku ndod...
UKRAINË- Një poster i çuditshëm i Vladimir Putinit është shfaqur në metronë e Kievit, i cili tregon qartë se çfarë mendojnë qytetarët ukraina...
KOSOVË- Presidentja e Kosovës, Vjosa Osmani ka përkujtuar 23-vjetorin e betejës së Kosharës e cila është një ndër betejat më të përgjakshme dhe më të sukse...
