Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
BRITANI– Sipas gjetjeve të një raporti të publikuar së fundmi, Britania pritet të përballet me probleme të mëdha në portet e saj apo me mungesë të artikujve ushqimorë nëse nuk arrin një marrëveshje tregtare me Bashkimin Evropian përpara fundit të vitit. Periudha e tranzicionit për daljen e vendit nga Bashkimi Evropian përfundon më 31 dhjetor dhe ndërsa afati po afron, marrëdhëniet po përkeqësohen. Britania dhe BE-ja po akuzojnë njëra-tjetrën për hipokrizi në negociata. Ndërkohë pandemia e koronavirusit mund ta bëjë edhe më kompleks ndikimin e një Brexit-i pa marrëveshje.
Trageti që lidh Doverin me Kalenë dhe Eurotunneli që lidh Britaninë me Francën janë arteriet jetike të tregtisë së Britanisë me Evropën. Rreth katër milion kamionë përdorin këto vendkalime çdo vit. Me përfundimin e periudhës së tranzicionit për daljen e Britanisë nga Bashkimi Evropian, shumica e mallrave do të kërkojnë kontrolle kufitare, veçanërisht nëse nuk do të ketë një marrëveshje tregtare. Qeveria britanike paralajmëroi të mërkurën se deri në 60 për qind e automjeteve të rënda (HGV) mund të mos kenë dokumentet e duhura.
“Për këtë shkak ata do të ktheheshin prapa nga autoritetet kufitare franceze që do ta bllokonin kalimin nga Doveri në Kale. Në rrethana të tilla, kjo mund të çojë në radhë prej 7 mijë automjetesh të rënda në qytetin e Kentit“, tha Michael Gove, ministri që koordinon punët e kabinetit qeveritar.
Tetëdhjetë për qind e ekonomisë britanike i takon sektorit të shërbimeve. Në Londër, bankat dhe shërbimet financiare tashmë janë të përgatitura për mundësinë e mungesës së një marrëveshjeje, thotë autori i raportit Jonathan Portes, i cili punon për programin “Britania në një Evropë që ndryshon”, në kolegjin Kings të Londrës.
“Ndaj ata kanë zhvendosur struktura juridike, disa anëtarë të stafit e të tjerë për t’u përballur me situatën“, thotë ai.
JP Morgan është banka më e fundit që ka njoftuar një lëvizje të ngjashme këtë javë, zhvendosjen e pronave me vlerë prej 230 miliardë dollarësh nga Londra në Gjermani. Ekonomia britanike është tkurrur tashmë me një të pestën këtë vit për shkak të pandemisë së koronavirusit. Efektet e vazhdueshme mund të maskojnë ndikimin e një Brexit-i pa marrëveshje duke u përzierë me njëra-tjetrën.
“Do të jetë shumë e vështirë të interpretohet se çfarë po ndodh me statistikat ekonomike e të dhënat pasi ndodhemi në këtë periudhë të jashtëzakonshme. Biznesi dhe qeveria janë bllokuar tashmë duke u marrë me pasojat e COVID-it“, thotë Portes.
Kufiri mes Republikës së Irlandës dhe Irlandës së Veriut do të bëhet një kufi i jashtëm mes Britanisë dhe Bashkimit Evropian. Ekziston frika se çdo kontroll kufijsh këtu, mund të shkaktonte një kthim të dhunës sektare.
Marrëveshja e tërheqjes e nënshkruar nga Britania dhe BE-ja vitin e kaluar, u hap rrugën kontrolleve kufitare në pjesën e poshtme të detit irlandez në kushtet e mos arritjes së një marrëveshjeje përfundimtare. Por Londra ka miratuar një ligj për ta anashkaluar atë marrëveshje, duke shkelur në këtë mënyrë ligjin ndërkombëtar. Kjo ka nxitur shqetësime në Dublin.
“Ekziston një ndjesi në rritje se Mbretëria e Bashkuar ndoshta nuk e do një marrëveshje. Dhe se kjo ka të bëjë më shumë me menaxhimin e lojës së kush e ka fajin, pasi negociatat të dështojnë“, thotë ministri i Jashtëm Irlandez, Simon Coveney.
Por Britania këmbëngul se e dëshiron ende arritjen e një marrëveshjeje, por të tillë që t’i garantonte asaj sovranitetin.
“Ndryshimi kërkon përgatitje. Ndryshimi është ajo për të cilën votuan britanikët”, thotë ministri që koordinon punët me kabinetin qeveritar Michael Gove.
Të mërkurën kryenegociatori i Bashkimit Evropian Michel Barnier vizitoi Londrën për bisedime jozyrtare përpara një cikli të nëntë negociatash zyrtare që do të mbahen javën e ardhshme. Analistët pohojnë se edhe nëse arrihet marrëveshja, ajo nuk do të jetë gjithëpërfshirëse dhe problemet mund të mos shmangen, pavarësisht nga rezultati.
Marrë nga: VOA
1 vit nga zgjedhjet e 25 prillit si e shikoni gjendjen e vendit:
KOSOVË- Gjatë 24 orëve të fundit në Kosovë një person ka humbur jetën si pasojë e Covid-19. Lajmin e ka bërë të ditur Instituti Kombëtar i Shëndetit Publik...
KOSOVË– Kryetari i organizatës së OVL- UÇK-së, Hysni Gucati, është transferuar për në Hagë. Lajmin e kanë bërë të ditur mediat kosoavre sakaq ...
KOSOVË- Ka nisur mbledhja e kryesisë së OVL-UÇK-së. Mediat kosovare bëjnë të ditur se Kryesia u mblodh pas arrestimit të kryetarit të kësaj organiza...
KOSOVË- Pas arrestimit të kreut të organizatës së veteranëve të luftës në Kosovë, Hysni Gucati nga EULEX-i, veteranët e UÇK-së kanë dalë në protest...
RUSI – Gjatë kësaj jave policia ruse ka organizuar një operacion spektakolar, me mjete të blinduara, helikopterë dhe trupa të armatosur rëndë, por objektivi i ...
INDONEZI– Cai Changpon është një i burgosur kinez, i cili njihet me emrin “El Chapo kinez”, pasi ai ka bërë një arratisje spektakolare nga burgu përmes kanalit...
TIRANË– Të paktën 50 persona kanë përfunduar në pranga gjatë një operacioni të organizuar nga Frontex, Agjencia Evropiane e Kufirit dhe Rojes Bregdet...
SPANJË– Qeveria e Spanjës ka rekomanduar mbylljen e të gjithë qytetit të Madridit sërish, pasi autoritetet lokale vendosën kufizime në disa zona të rajonit...
BRAZIL– Manaus, është një qytet në Brazil i cili ka shënuar një shifër të lartë infektimi dhe vdekjesh nga Covid-19. Në kulmin e pandemisë së koronavirusit në m...
FRANCË– Të paktën katër persona, përfshirë edhe një grua kanë mbetur të plagosur pas një sulmi me thikë në qendër të Parisit, ndërsa mësohet se të dy prej ...
