LIVE UPDATES
Politike

Rama sulmoi SPAK, Braho: Tërbim dhe etje! A është në vete ky njeri? Duart larg drejtësisë

9 Maj 2022, 14:01 Nga DOSJA
Rama sulmoi SPAK, Braho: Tërbim dhe etje! A është në vete ky

TIRANË– Ish-deputeti i Partisë Socialiste Spartak Braho ka dalë kundër kryeministrit Edi Rama pas sulmeve që ky i fundit bëri kundrejt Prokurorisë së Posaçme Kundër Korrupsionit e Krimit të Organizuar (SPAK). Në një postim në Facebook, Braho e krahason Ramën me Luigjin XIV, që thoshte “shteti jam unë”, regjimin e Enver Hoxhës, por edhe Sali Berishën. Braho shton se deklaratat e Ramës janë një etje e tërbim të jashtëzakonshëm. Ai i bën thirrje kreu të qeverisë që të mbajë duart larg SPAK-ut.

Postimi i Spartak Brahos:

Dy ditë më parë, Kryeministri zgjodhi një aktivitet politik të Partisë Socialiste për të ndërmarrë dhe tjerr një sulm të ripërsëritur që nga Kongresi kundër SPAK-ut, i cili na çuditi dhe diziluzionojë aq sa mendova “është në vete ky njeri apo jo”. Çështja është ç’punë ka Kryeministri që godet SPAK-un me egërsi e pa asnjë logjikë me deklaratën se “SPAK po dështon”, për më tepër se bazuar në ligj ai është një strukturë e re e shtetit, e pavarur dhe e sapo formuar si pjesë e Reformës në Drejtësi, e iniciuar dhe nisur me mbështetjen e Shteteve të Bashkuara të Amerikës dhe BE. Cilat janë synimet e këtij sulmi të Kryeministrit ndaj SPAK-ut dhe drejtuesve të tij, përse bëhen këto deklarata kundër SPAK në një fazë ku ai ka intensifikuar përpjekjet për të goditur korrupsionin dhe krimin e organizuar. Përveç pasaktësive në këto deklarata lidhur me akuzën për z. Dvorani, ishte me vend dhe reagimi i drejtuesve të SPAK-ut, të cilët i cilësuan deklaratat e Ramës sulm dhe deklarata politike. Nuk kam ndërmend të marr në mbrojtje SPAK-un, as punën e tij gjatë këtyre 2-3 viteve, por di që ky organ është tërësisht i pavarur dhe që punon në vështirësi të papara në një terren të kontaminuar dhe të ngarkuar me zhvillime të rënda të korrupsionit dhe kriminalitetit, në kushtet e një ofensive presioni kundërvënie e tërë të atyre segmenteve në pushtet ose jo ndaj veprimtarisë së tij. Kryeministri duhet ta kuptojë e ta dijë mirë, sepse është e vërtetë që kjo maxhorancë u angazhua seriozisht për Reformën në Drejtësi dhe për ngritjen e kësaj strukture, është po kaq e vërtetë që kundër kësaj Reforme dhe kundër këtyre organeve u rreshtuan me egërsi Presidenti dhe Sali Berisha, ndërkohë që ende nuk është kuptuar thelbi i kësaj strukture që ligji dhe Kushtetuta e kanë përcaktuar atë si një pushtet tjetër të posaçëm.

Nuk është puna që nuk e dinë që SPAK-u është një organ i veçantë hetimi, që nuk varet as nga nëpunësi më i lartë i ekzekutivit, as nga çapaçulët e politikës që marrin përsipër të bëjnë “analiza, të bëjnë vërejtje e të japin orientime” për punën e tij. Mos vallë mbi SPAK-un mendohet dhe kërkohet dominancë dhe autoritet mbi të si dikur?! Ky organ drejtohet me ligj të posaçëm dhe në punën e tij i jep llogari atje ku duhet, por kurrsesi tek ekzekutivi dhe politika e politikanët e ciflosur. Ndryshe, siç thotë populli, synohet të ngatërrohet si këmbët e dhisë e të pengohet ky organ. Sulmet dhe deklaratat kundër SPAK-ut jo vetëm që i ndalon ligji, por të drejtuara në atë formë nga kreu i ekzekutivit, ato të kujtojnë jo vetëm Lugjin XIV, që thoshte “shteti jam unë”, regjimin e Enver Hoxhës, por edhe Sali Berishën e parë dhe të dytë. Do ta quaja tërbim e ëtje jashtëzakonisht të dëmshme deklaratën e mësipërme të Kryeministrit, madje mendja më shkon edhe tek një arsye tjetër. Dihet që në Shqipëri mjaft drejtues politikë dhe persona të tjerë janë shpallur nga Departamenti Amerikan i Shtetit “non grata” dhe të përfshirë në veprimtari korrupsioni. Këtu përfshihen, jo vetëm Sali Berisha, Vangjush Dako etj., të cilët po hetohen nga SPAK-u, por po hetohen edhe grupime të rrezikshme kriminelësh dhe segmente të veçanta të krimit të organizuar, veçanërisht krimit për shkelje të rënda në sektorët e ndryshëm të veprimtarisë ekonomike ku përfshihen tenderët, inceneratorët dhe investimet e pajustifikuara të qeveritarëve tanë, të të gjitha kohërave. Në këtë përpjekje, SPAK-u, ndonëse në vështirësi, ka filluar të godasë, t’i dërgojë para drejtësisë, një pjesë i ka arrestuar dhe të tjerë do arrestojë.

Brenda kësaj logjike është dhe përfundimi se ky sulm ndaj SPAK-ut bëhet ta themi troç për të devijuar punën e tij, për të bërë presion edhe ndaj hetimeve kundër Sali Berishës, Ilir Metës e CO. Edhe po të jetë kështu, kjo është shumë e rëndë. SPAK nuk ndihmohet duke iu sulur me tërbim në mbledhje partie, por kujdesi që mund të bëhet për këtë organ, janë mbështetja ligjore dhe materiale, pasurimi i kuadrit ligjor nga Kuvendi i Shqipërisë, në funksion të punës së tij. SPAK-u ka nevojë për t’i krijuar kushte pune e qetësi profesionale trupës së tij. Të sulmosh SPAK-un sot, tregon se nuk e njeh fare as praktikisht metodologjinë e investigimit dhe hetimit penal, se nuk respekton ligjshmërinë, procedurat e posaçme dhe synimet se çdo gjë e tij mbështetet dhe duhet të mbështetet në fakte, prova dhe element të veçantë dhe të domosdoshëm të fajësisë. SPAK-u nuk heton me opinione dhe nuk është shkop magjik me cilësi të veçanta hyjnore për të zbuluar e goditur fajtorët. Hetuesit penalistë të SPAK, por edhe të tërë juristët me mend në kokë, udhëhiqen nga parime që janë aksioma të pandryshueshme të drejtësisë botërore, që siç thotë njëra prej tyre “më mirë një fajtor jashtë, sesa një i pafajshëm brenda”. Për këtë arsye, ata nuk udhëhiqen nga emocionet e ditës, aq më tepër kur ato janë shprehje e pasioneve politike.

Lufta ndaj korrupsionit dhe krimit të organizuar sot në Shqipëri është imediate. Për këtë luftë është e interesuar e tërë shoqëria, veçanërisht shoqëria civile, media e shëndoshë dhe investigative, gazetarët aktivë dhe të pa kompromentuar që i prijnë kësaj lufte, si Anila Hoxha, Artan Hoxha, Klodiana Lala etj., që janë kthyer në shembullin pozitiv dhe trendin e kohës me analizat, informacionet dhe investigimet e pavarura të tyre. Ata nuk duhen sulmuar, por mbështetur kur denoncojnë inceneratorët, rastet e tenderave korruptive, falsifikimet në hipotekat dhe kadastrat shtetërore në Durrës dhe në të tërë vijën bregdetare, investime të dyshimta nga zyrtarë qendrore e lokal, që zhyten në llumin e përfitimeve korruptive, të padrejta, sepse realisht një duzinë ish-ministrash, drejtorë, kryetar bashkish, të majtë e të djathtë, janë sot në qelitë e sistemit penitenciar, si të akuzuar e dënuar për korrupsion me dhjetëra vite burg dhe kjo është rrjedhojë e punës së mirë të SPAK-ut. Shfaqja e megalomanisë dhe e synimit për gjithëpushtetshmërinë “mbretërore” ndaj organeve të drejtësisë është tendencë e gabuar dhe futje e hundëve atje ku s’të takon, që nuk i justifikon as deklarimet sofiste “se ata që futen në rrugën e krimit, kanë vetëm përgjegjësi personale”. Përgjegjësia personale penale është e kuptueshme për ata që shkelin ligjin, por përgjegjësia morale e politike e atyre që i promovojnë këto emërime, është më se evidente, aq më tepër kur direkt merren në mbrojtje, edhe pse të shpallur non grata, si rasti i ish-kryetarit të Bashkisë Durrës, Vangjush Dako, nga Departamenti Amerikan i Shtetit, me mbështetjen dhe betimin kryeministror se “sado penalisht i ngarkuar të jetë ai, unë nuk e lëshoj se e kam shok”.

Këto deklarata të papërgjegjshme ndikojnë që SPAK-u të punojë me sforco, ndërkohë që ky organ punon me sakrifica, ndonëse dhe pse ndonjëherë edhe pa shpejtësinë e duhur, sepse lipsen hetime të thella e profesionalizëm që fajtorët mos dalin të pafajshëm në gjykata. Këto përfundime pozitive të punës së këtij organi, kanë gjetur mbështetje edhe nga strukturat ndërkombëtare që i drejtojnë e i udhëheqin dhe që konsumojnë jo vetëm orientime profesionale, por dhe financiare për punën e tyre. Ndaj, sulmi ndaj funksionimit dhe organizmit të SPAK-ut është një devijim dhe fiasko e tërë. Në përfundim të asaj që analizuam më sipër lidhur me deklaratat politike të Kryeministrit, do të thosha edhe një herë LARG DUART NGA SPAK-u! Sulmet kundër tij në formë edhe “sugjerimesh apo vije” nuk e ndihmojnë, prandaj sa më larg duart dhe mendjen apo synimet për ta komanduar këtë strukturë të rëndësishme të shtetit, i cili ka një mision: ta pastrojë dhe shpëtojë shtetin si një mënyrë nga më kryesoret për ta vënë atë në rrugën normale të zhvillimit të shoqërisë shqiptare. Ky është edhe një nga kushtet që kërkon Bashkimi Europian, kur do të analizojë dhe marrë përgjigje për pranimin e Shqipërisë në BE.

Dy ditë më parë, në Asamblenë e Partisë Socialiste, kryeministri Edi Rama vijoi akuzat dhe thirrjet pubike ndaj Prokurorisë së Posaçme kundër Korrupsionit dhe Krimit të Organizuar, gjithashtu e njohur si SPAK. Rama pretendon se SPAK po godet vetëm nga një kah, duke nënkuptuar PS-në ndërsa shton se “non grata-t”, duke iu referuar Sali Berishës, ende nuk janë marrë në hetim. Ndërsa shtoi edhe emrin e Ilir Metës, për të cilin tha se mezi pret që ta shohë teksa përballet me drejtësinë.

(f.m/dosja.al)

Aksidenti i rëndë në Tiranë, si mund të shmangen ngjarje të tilla?

View Results

politike politike edi rama rama sulmon spak spartak braho edi rama rama sulmon spak spartak braho

Sondazh

Poll

VIDEO-VIRALE/ Po fliste në Rrugën e Salës, demokrati 'kapet mat' nga gruaja

VIDEO-VIRALE/ Po fliste në Rrugën e Salës, demokrati 'kapet mat' nga gruaja

"Injoranca nuk është argument" Nuk i pëlqeu pyetja, Rama prek në faqe gazetaren Ambrozia Meta

Del VIDEOJA, Elia godet Princ Lekën: Familja ime të ka mbajtur me bukë

VIDEO/ Noka i jep Spiropalit pankartën, Ministrja ofrohet ta mbaj para fytyrës

Publikohen pamjet nga brenda bazës ajrore të Kuçovës, Komandanti: E gatshme për stërvitjen e trupave

Tempulli 2/ Me kanabis gati për shitje dhe shuma parash, arrestohen 4 të rinj në Tiranë

Dalin pamjet nga kasollja ku u vra 50-vjeçari në Durrës

Kontrabandonin ilaçe dhe telefona, arrestohen dy persona në Tiranë, sekuestrohen 47 iPhone

I vunë flakën eskavatorit me vlerë 150 mijë euro, arrestohen 2 autorët e ngjarjes

Reshjet e shiut dhe borës në vend, policia: Moderoni shpejtësinë e mos kryeni parakalime të gabuara

Kampioni Alvin Karaqi mes lotësh: Për besë u ndjeva si Gjergj Kastrioti kur mora flamurin

'Dokumentar horror'/ Berisha publikon pamjet: Do ju paraqes terrorin që Bajrajt ushtruan më 14 maj

Krimi në Bulqizë/ Fqinji: Po hante bukë në banesë kur erdhën dy makina!

Dosja "Gjici"/ Zv.kryetari i bashkisë së Kukësit shkon në SPAK

Newsroom 11 |XAMA: LAJMI I FUNDIT FAKE QË PASHË, ISHTE PËR MUA

Newsroom 11 |XAMA: KËSHILLË QYTETARËVE- MOS LEXONI VETËM NJË BURIM

Newsroom 11 | XAMA: GAZETARËT NUK SHKRUAJNË ME EMËR, KJO S'ËSHTË ETIKE

Xama në Newsroom: Lajmet e rreme përhapin panik! Më akuzuan se kisha marrë para për një shkrim

Muka në Newsroom: Në Shqipëri ka portale gjobaxhie, u bëjnë shantazh njerëzve

Xama në Newsroom: Fake News shpërndahet më shumë në Facebook e Tik Tok! Gazetarët të shkruajnë emrin

Newsroom 11 |Kush prodhon lajme të rreme në Shqipëri

Newsroom 10 |SENJA: NE S'REAGOJMË NDAJ GJUHËS SË URREJTJES

Newsroom 10 |HAZIZAJ: 'ÇOHU ENVER', PJESË E GJUHËS SË URREJTJES

Newsroom 10 | HAZIZAJ KEMI MARRËVESHJE PËR TË MBROJTUR 'VIKTIMAT'

Newsroom 10 |HAZIZAJ: GJUHA E URREJTJES KA SHKAKTUAR DHE KRIME

Newsroom 10 |GAZETARI: GJUHA E URREJTJES, PJESË E SHOQËRISË

Newsroom 10 |HAZIZAJ: GJUHA E URREJTJES, E FRIKSHME NË SHQIPËRI

Vidhnin në banesa duke përdorur çelësa të klonuar, vihet në pranga 1 person,nje tjeter në kërkim

Newsroom 10 |GJUHA E URREJTJES PËRDORET NGA POLITIKA, AMA TË KONTROLLOJË GJUHËN E URREJTJES

Newsroom 10 | HAZIZAJ: STEREOTIPET NXISIN GJUHËN E URREJTJES

Newsroom 10 | HAZIZAJ: GJUHA E URREJTJES LUFTOHET ME EDUKIM

Newsroom 10 | Gjuha e urrejtjes në media, si dhe kush e shpërndan?

Ndryshimet në PS/ Gjiknuri: S'është fundi, por fillimi i diçkaje të re.

Inceneratorët/ S’kam dhënë asnjë kontratë pa garë, ato janë publike!

Ndihet 'i shitur' nga Rama? Gjiknuri: Nuk ndjej braktisje, kam komunikim me të prej 20 vitesh

Klosi: Kemi primare reformimin e partisë, PS synon mandatin e katërt

U shkarkua si Sekretar i Përgjithshëm, Gjiknuri: PS edhe kur fiton, refekton!

Digjet shtëpia në Shkodër, në banesë ndodhej një i moshuar, përfundon në spital

Vazhdon përplasja në PD! Basha kërkon mbledhjen e Komisionit të Etikës për të, Bardhi: Shenjë humbje

Vrasja e Jetmirës/ Autori u dënua me 28 vite burg, nëna e viktimës: Duhet dënim përjetë!

Newsroom 9 | Kallanxhi: Threads? S`besoj se do zgjasë shumë

Newsroom 9 | Eksperti i IT: Mos merrni për bazë asgjë thuhet në rrjet

Newsroom 9 | Gazetarja: po ndodhin vrasje nga tik tok

Newsroom 9 | Eksperti i IT: Fake News dallohet vetëm po të jemi kritikë

Newsroom 9 | Kallanxhi: Shqiptarët besojnë gjithçka shohin në rrjet

Newsroom 9 | Eksperti i IT, Tomi Kallanxhi: Tik Tok ka "fake news" sepse s'ka censurë

Newsroom 9 | Gazetarja: Shqipëria do kohë të përshtatet me Tik Tok

Newsroom 9| Eksperti i IT: Çdo rrjet është i përkohshëm, duhet të kujdesemi për vlerat

A mund të mbyllet TikTok për Shqipërinë? Flet për Newsroom eksperi i IT

Fëmija mbyllet brenda në shtëpi, nëna e alarmuar njofton zjarrfikësit, NDËRHYRJA nga ballkoni