Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Kryeministri Edi Rama, ashtu siç e kishte paralajmëruar, ka bërë autokritikë për vete dhe të gjithë socialistët në sallën e Pallatit të Kongresve. Në fjalën e tij, Rama tha se deputetët, ministrat dhe vetë ai duhet që të diskutonin me qytetarët për hallet e tyre, e më pas që të mendonin se si t’i zgjidhnin.
“Ky mandat është vendimtar për diçka themelore, për një ndryshim që është pjesa e munguar dhe pengon njerëz që të pranojnë pjesën tjetër, jetësimi i autonomisë spitalore. Duke pasur gjithë këtë infrastrukturë të re dhe sistem shërbimi autonom do të themi se kemi bërë detyrë historike dhe kemi bërë histori për shëndetin e shqiptarëve. Sa mirë do ishte sikur lufta në Ukrainë mos të na kishte hyrë si pukë, por jeta është ajo që ndodh kur merremi me plane të tjera. As e kemi nisur ne, as e ndalojmë dot, duke përballuar pasojat e saj. Duke garantuar siguri, përkujdesje dhe zhvillim për të gjithë shqiptarë. Të bashkuar, jo të ndarë. Garancia jonë për ta duhet të jetë përgjigjia jonë që duhet të shkojë përtej. Lufta do të mbarojë, kjo garanci duhet të qëndrojë aty si kulturë e re qeverisjeje. Është shumë e çalë ende. Duhet të dalim më të fortë edhe nga kjo krizë. Kërkohet fuqizim edhe i ndjenjës individuale, familjare dhe komunitare. Siguria dhe përkujdesja duhet të bëhen kryefjala dhe kallëzuesi. Duhet t’i bashkojmë dhe ti trajtjmë bashkë. Duhet t’i bëjmë bashkë si pjesë e të njëjtës bashkësi. Jo t’i ndajmë majtas, djatthas. Prej disa vitesh kemi taksat më të ulëta në rajon. Kjo është kohë e jashtëzakonshme. Nuk kërkon vetëm para, por më shumë se kurrë lidership, siguri dhe përkujdesje. Ka rritur ndjenjën e passigurisë të luftës dhe çmimeve. Kjo parti, s’duhet ta harroni asnjëherë, është më e madhja e të gjithë shqiptarëve. Ministrat të zgjidhin halle, deputetët të qajnë halle. T’i bëni mendjes një thirrje gjithë ça jeni këtu bashkë me mua. Është momenti t’ja vini fort gishtin kokës. S’ka asnjë tjetër që e mban këtë detyrim,”-tha Rama ndër të tjera.
PJESË NGA FJALA E RAMËS:
Urgjenca Kombëtare me flotën e saj të kompletuar sipas standardeve më të larta bashkëkohore, me sistemin e saj të digjitalizuar, me qendrën e saj teknologjike të administrimit dhe të regjistrimit të 625 mijë thirrjeve në vit, ku çdokush mund të verifikojë komunikimin mes atij që thërret dhe urgjencës që përgjigjet dhe askush nuk mund të hedhë më akuza në ajër, si edhe organizmit dhe mbikëqyrjes ne kohë reale të 140 mijë misioneve urgjente vjetore në banesë, përbën sot vetëm një prej shembujve më kuptimplotë të një transformimi në shëndetësi që vazhdon çdo ditë, të cilin pandemia e përshpejtoi falë kundërpërgjigjes sonë adekuate ndaj një agresioni te befasishëm. Janë të panumërt shembujt e transformimit të sistemit tonë të kujdesit shëndetësor, të panumërt, por ky mandat është vendimtar për diçka themelore, për një ndryshim që është pjesa e rëndësishme e munguar e së tërës dhe që i pengon shumë njerëz ta pranojnë të gjithë pjesën tjetër. Jetësimi i autonomisë spitalore i cili është kushti i domosdoshëm për të zhbërë korrupsionin ende problematik të bluzave të bardha dhe duke patur gjithë këtë infrastrukturë të re që do të vazhdojë të ngrihet e të ngrihet dhe një sistem shërbimi autonom që do të thotë duke e kthyer kërkesën për rryshfet në një fenomen komplet margjinal, ne do të themi të gjithë me krenari që kemi bërë një detyrë historike dhe kemi shkruar një tjetër histori për të cilën do të jemi krenar gjthë jetën, për shëndetin e shqiptarëve.
Sa mirë do ishte, miqtë e mi, sikur lufta në Ukrainë mos na kishtë hyrë si një pykë mes nesh dhe planeve dhe projekteve të mandatit të tretë, mirëpo ja që nuk thonë kot, jeta është ajo që ndodh, ndërkohë që jemi duke u marrë me plane të tjera. Ajo lufta atje ka ardhur si një sprovë e re e forcës sonë të karakterit dhe aftësisë sonë për të dalë më të fortë. As e kemi nisur ne, as nuk e ndalojmë dot ne. Në vetëm duhet ta përballojmë. duke përballuar pasojat e saj, duke qenë gati për më të keqen dhe duke garantuar 3 gjëra: siguri për të gjithë, përkujdesje ndaj të gjithëve dhe do t’a shpjegoj c’do të thotë kjo dhe zhvillim, për të gjithë shqiptarët pa dalllim, të bashkuar dhe jo të ndarë. Garancia jonë për sigurinë e tyre dhe përkujdesja jonë për ta duhet të jetë tanimë përgjigjja jonë e fortë, e gjerë, e qëndrueshme që duhet të shkojë edhe përtej kësaj përballjeje me pasojat e luftës në jetën tonë të përditshme. Lufta do të mbarojë ndërkohë që kjo garanci duhet të qëndrojë aty, si një kulturë e re qeverisjese, të cilën ne kemi që në krye të herës që përpiqemi ta ndërtojmë, por e cila është shumë e çalë për hir të së vërtetës. Ky është momenti për ta ngritur në këmbë këtë kulturë të re qeverisjeje. Ne duhet të dalim edhe më të fortë nga kjo krizë në të gjitha dimensionet e sigurisë edhe të përkujdesjes, pastaj edhe të zhvillimit paralelisht sepse duhet të garantojmë vijimësinë e zhvillimit për të forcuar sigurinë dhe përkujdesjen për të gjithë njerëzit e këtij vendi.
Dhe garanci për sigurinë në të gjithë këto kushte të reja do të thotë jo vetëm fuqizim i kapaciteteve i mbrojtjes dhe diplomacisë në aspektin ushtarak dhe në aspektin e marëdhënieve me jashtë. Kjo është një kohë e jashtëzakonshme, e cila kërkon, jo vetëm fuqizimin e sistemit të sigurisë kombëbtare po e po, por edhe një fuqizim të konsierueshëm të ndjenjës së sigurisë individuale,familjare, komunitare. Siguria dhe përkujdesja duhet të bëhen kryefjala dhe kallëzuesi i cdo politike që ne do të bëjmë. Ato duhet të jenë fryma dhe gërma kryesore e marëdhënies sonë me njerëzit e këtij vendi. Si pjesë e së njëjtës bashkësi shqiptare dhe jo t’i ndajmë majtas- djathtas si banorë të kampeve të ndryshme politike.
Krahasuar me vendet e rajonit, kjo shumicë qeverisëse në dy mandate ka rishpërndarë për përkujdesjen sociale dhe mbështetjen e familjeve me të ardhura mesatare apo të bizneseve të vogla, shumën më të madhe të të ardhurave të arkës së shtetit në raport me tërësinë e këtyre të ardhurave. Prej disa vitesh tanimë Shqipëria ka taksat më të ulëta në rajon mbi të ardhurat e individëve dhe te bizneseve të vogla, por as taksat që tani janë komplet simbolike mbi pagat e individëve, as taksat apo TVSH-ja zero mbi biznesin e vogël, nuk mjaftojnë më sepse edhe kjo është një kohë e jashtëzakonshme dhe kjo kohë e jashtëzakonshme nuk kërkon vetëm para. Kjo kohë e jashtëzakonshme kërkon më shumë as asnjëherë tjetër lidership, siguri dhe përkujdesje sepse ka rrritur ndjenjën e pasigurisë si rezultat I luftës, si rezultat i çmimeve, si rezultat i 1001 gjërave, si rezultat i faktit që në asnjë vend askush nuk është më i qetë, askush nuk e shikon më të ardhmen i qetë. Kjo shumicë qeverisëse, përfaqësuesit e kësaj partie që nuk duhet ta harroni asnjëherë, është partia më e madhe e të gjithë shqiptarëve, që nga anëtarët e qeverisë, deri tek kryetarët e bashkive, të cilët duhet të zgjidhin probleme dhe të adresojnë halle e pastaj tek deputetët që duhet të qajnë halle. Hallet e njerëzve dhe jo hallet e tyre dhe duhet të ngrenë probleme, duhet t’I bëjnë mendjes një thirrje.
Të gjithë ça jeni këtu, bashkë me mua, një thirrje të mendjes. Një thirrje të jashtëzakonshme mendjes për këtë kohë të jashtëzakonshme. Ky është momenti për t’ia vënë shumë fort gishtin kokës të gjithë ne sepse është detyrimi ynë dhe është kaq shumë detyrimi ynë, sepse përvecc të tjerave s’ka askush tjetër në këtë vend, përveç nesh këtu në këtë vend që mund ta mbajë këtë detyrim. Që të ushqejmë me fjalët, me veprimet, me vendimet tona ndjenjën e sigurisë tek njerëzit e zakonshëm të këtij vendi.
LAJMI KRYESOR- Mblidhet Kongresi i PS! Nis faza e dytë e punimeve, priten ndryshime në Statut
(k.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Kryeministri Edi Rama ka udhëzuar Prokurorinë e Posaçme kundër Korrupsionit dhe Krimit të Organizuar (SPAK) orientoi se ku duhet të fo...
TIRANË– Kryeministri Edi Rama deklaroi ditën e sotme në Kongresin e PS-së se është martuar në moshë të vogël. Nga foltorja e Kongresit të PS-së, Rama...
TIRANË– Kryeministri Edi Rama nuk e ka kursyer ironinë me parardhësit në kabinetin e qeverisë së Sali Berishës. Në fjalën e tij në Kongresin e Partis...
TIRANË– Kryeministri Edi Rama deklaroi ditën e sotme se së shpejti do të vendoset një çmim tjetër për energjnë elektrike dhe kjo do të prekë p...
TIRANË– Kryeministri Edi Rama nisi fjalën e tij në Kongresin e Partisë Socialiste duke përshëndetur Gramoz Ruçin. Ai tha se askush nuk e kisht...
TIRANË– Kryeministri Edi Rama ka kërkuar nga gratë dhe vajzat socialiste që të shfrytëzojnë mbështetjen e tij për të marrë pozicione drejtuese. Në fj...
TIRANË– Kryeministri Edi Rama ka kërkuar që të mos ketë pabarazi mes zyrtarëve socialistë e qytetarëve të thejshtë. Si shembull ai mori hipotekën apo...
TIRANË– Kryeministri Edi Rama ka paralajmëruar se Partia Socialiste do të mbajë një seri kongresesh për fusha të ndryshmë. Këtë pranverë ai tha se mu...
TIRANË– Kryeministri Edi Rama ka propozuar që të mbahet një kongres llogaridhënieje në vjeshtë. I pranishëm në Kongresin e Partisë Socialiste, Rama t...
TIRANË– Ndryshimet në statutin e Partisë Socialiste janë miratuar. Kryeministri Edi Rama propozi që të shtohen edhe tre sekretarie. I pari do të ketë...
