Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Ekonomi
Qeveria çon dy miliardë lekë për shtesë kapitali të Korporatës së Investimeve
28 Dhjetor 2021, 06:47Nga DOSJA
TIRANË – Qeveria shqiptare ka rritur me dy miliardë lekë kapitalin aksioner të Korporatës Shqiptare të Investimeve në fund të muajit dhjetor. Në aktin normativ të buxhetit të vitit 2021, miratuar në 3 dhjetor të këtij viti, në buxhetin e Ministrisë së Financave dhe Ekonomisë ishte miratuar një shtesë prej dy miliardë lekësh në zërin “ekzekutim i pagesave të ndryshme”, pikërisht në vlerën e dy miliardë lekëve.
Me sa duket, shtesa në fjalë ka shërbyer pikërisht për të rritur kapitalin e Korporatës së Investimeve, pavarësisht se qeveria dhe ministria e linjës nuk kanë bërë asnjë transparencë lidhur me arsyet pse kjo shtesë kapitali ka rezultuar e nevojshme dhe për çfarë qëllimesh do të shërbejnë paratë në fjalë.
Ligji parashikon mundësinë që Korporata të financohet edhe nga transferimi i pronave publike për zhvillimin dhe realizimin e projekteve të saj, megjithatë, deri tani, nuk janë regjistruar kontribute në natyrë si pjesë e kapitalit të saj. Duke qenë se vendimi i ministres, sjell si referencë, mes të tjerash, aktin normativ të 3 dhjetorit, mund arrihet në përfundimin se shtesa e kapitalit është bërë në para’, nëpërmjet alokimit të fondeve buxhetore të sipërpërmendura.
Borxhi publik i vendit ka kaluar nivelin e 80% të Prodhimit të Brendshëm Bruto, ndërsa në tremujorin e fundit të këtij viti buxheti është vendosur nën trysni shtesë nga kriza e çmimeve të energjisë elektrike, që ka detyruar qeverinë shqiptare të alokojë gjithsej 20 miliardë lekë mbështetje buxhetore për kompanitë publike të sektorit. Pavarësisht kësaj, qeveria ka gjetur burimet të konsiderueshme financiare edhe për të rritur kapitalin e Korporatës së Investimeve, projekt ky shumë i debatuar dhe i kritikuar, edhe nga institucionet ndërkombëtare partnere, si Banka Botërore dhe Fondi Monetar Ndërkombëtar. Disa prej vërejtjeve të adresuara ishin mandati tepër i gjerë i kësaj kompanie dhe mungesa e mekanizmave të mirëfillta të kontrollit mbi të.
Korporata Shqiptare e Investimeve u krijua zyrtarisht në korrik 2020, mbështetur në një ligj të posaçëm të vitit 2019. Kapitali fillestar ishte 198 milionë lekë dhe aksionere e vetme është Ministria e Financave dhe Ekonomisë. Si objekti i veprimtarisë së Korporatës përcaktohet përmirësimi i menaxhimit të pronës publike, krijimi i pronave të reja, vënia në përdorim më eficient të pronave, përgatitja dhe zbatimi i projekteve të investimit, dhe mobilizimi i kapitalit shtetoror ose privat, me qëllim kryerjen e investimeve në funksion të zhvillimit ekonomik të vendit.
Mbështetur në pasqyrat financiare, vitin e kaluar kompania nuk zhvilloi aktivitet ekonomik aktiv dhe nuk kishte asnjë punonjës të paguar. E vetmja lëvizje në pasqyrën e të ardhurave dhe shpenzimeve ishte në zërin “shpenzime për komisione” në shumën e 5850 lekëve, të lidhura, me sa duket, me komisionet për mbajtjen e llogarisë bankare ku është depozituar kapitali i shoqërisë. (MONITOR)
TIRANË – Pasuritë e paluajtshme kanë udhëhequr rritjen e investimeve të huaja direkte në tremujorin e tretë të vitit. Të dhënat nga Banka e Shqipëris...
TIRANË – Kompania publike e shpërndarjes ka ulur sasinë e energjisë që po siguron në treg për plotësimin e konsumit në vend duke bazuar një pjesë të ...
Evans Rroko, Profesor në Universitetin Bujqësor të Tiranës, analizon se si do të ndikohen kulturat bujqësore në të gjithë vendin nga ndryshimet klimatike dhe gj...
TIRANË – Qeveria shqiptare nëpërmjet Ministrisë së Financave i ka premtuar Fondit Monetar Ndërkombëtar (FMN) se gjatë vitit 2022 e në vijim buxheti i...
Rënia e monedhës europiane në kursin e këmbimit me lekun ka shënuar një rekord të ri për 14 vitet e fundit. Sipas kursit zyrtar të këmbimit të Bankës së Shqipër...
TIRANË – Raporti i kredive me probleme po vijon rënien e qëndrueshme edhe në muajt e fundit të vitit. Mbështetur në informacionin e Bankës së Shqipër...
Procesi i rivlerësimit të pasurive të paluajtshme me tatim 3% nga 15% që është në periudhë normale do të shtyhet deri më 31 prill 2022 dhe me mundësi pagese të ...
Importet e mallrave kryesore të akcizës nuk janë penguar nga çmimet e larta që ofruan tregjet ndërkombëtare këtë vit.Përkundrazi importi i mallrave kryes...
TIRANË – Për shkak të numrit të ulët të biznesit të vogël të pafiskalizuar Ministria e Financave dhe Ekonomisë është duke shqyrtuar mundësinë për sht...
TIRANË – Komisioni Kuvendor për Ekonominë dhe Financat po zhvillon këtë javë seancat dëgjimore me kandidatët që kanë aplikuar për të dy vendet vakant...