Aktualitet

VIDEO/ Protestë për heqjen e karantinës në sheshin Skënderbej, shoqërohen 3 aktivistë, Sazan Guri: S’ka pandemi! (Përplasja me Policinë)

VIDEO
Shpërndahet me forcë protesta tek sheshi “Skënderbej”. Qytetarët kishin dalë me pankarta “Jo diktaturës” në duar për të kundërshtuar masat e marra nga qeveria. Disa prej të pranishëmve janë shoqëruar me dhunë, ndërkohë që policia ka këshilluar ambientalistin Sazan Guri.
Featured image of article: VIDEO/ Protestë për heqjen e karantinës në sheshin Skënderbej, shoqërohen 3 aktivistë, Sazan Guri: S’ka pandemi! (Përplasja me Policinë) Pamje nga protesta

TIRANË– Shpërndahet forcërisht nga forcat e Policisë, protesta e shoqërisë civile në sheshin “Skendërbej”! Protestuesit ishin mbledhur në shesh, me pankarta në duar “Jo diktaturës” duke kundërshtuar masat e marra për koronavirusin, që sipas tyre po shkelin liritë dhe të drejtat e njeriut.

Menjëherë për të shpërndarë tubimin ka ndërhyrë edhe Policia, e cila ka tërhequr zvarrë për t’i shoqëruar protestuesit, ndërkohë disa prej tyre kanë bërë edhe rezistencë.

Dosja.al mëson se një prej të shoqëruarve është edhe studenti Klajdi Bello, i cili është nisur për në Komisariat. Të pranishmit kanë bërë me dije se ai është tërhqur për disa metra nga Policia për t’u futur më pas në furgon. Po ashtu, në të njëjtën formë janë shoqruar edhe persona të tjerë. Nga uniformat “blu” është shoqëruar edhe avokati Zaçe Islami, i cili në daljet e tij publike ka shprehur qëndrimet e tij konspirative lidhur me koronavirusin.

Shoqërimi i protestuesit

Ndërkohë disa protestues të tjerë janë këshilluar, një prej tyre ka qënë edhe ambientalisti Sazan Guri.

Për më shumë bëhu pjesë e grupit më viral në Facebook, Dosja.al

Në një intervistë për mediat, ai u shpreh se në protestë u mblodhën 200 veta, të cilët sipas tij ruajtën me shumë fanatizëm distancën e sigurisë. Ambientalisti kërkoi lirimin e masave pasi javët e fundit nuk ka pasur asnjë viktimë. Ndërsa një prej të pranishmeve, u shpreh se tani do të zhvendosej tek Drejtoria e Policisë për të protestuar kundër shoqërimit të qytetarëve. Ajo u shpreh se Shqipëria po rikthehet në diktaturë. 

Shpërndarja e protestës ka shkaktuar zemërim tek qytetarët, të cilët shpreheshin se po respektonin të gjitha rregullat e sigurisë, duke mos i kursyer akuzat ndaj qeverisë, e cila sipas tyre po kërkon që të rivendosë diktaturën.

Mësohet se të pranishëm për të shpërndarë protestën ka qënë Policia e Shtetit, ajo bashkiake dhe disa ushtarë.

(k.m/dosja.al)

  • 12:52

    VIDEO-MOMENTI/ Degjeneron në dhunë protesta e aktivistëve në Sheshin Skënderbej, policia i shtron përtokë, disa “përpëliten” për rezistencë

    Këto janë pamjet e momentit të shoqërimit të disa aktivistëve të shoqërisë Civile që kishin organizuar një protestë kundër karantinës ditën e sotme në Sheshin Skënderbej. Fax News ka transmetuar protestën, ku shihen momentet kur Policia iu bën thirrje që të shpërndahen. Protestuesit nuk kanë pranuar, dhe tri prej tyre janë shoqëruar për veprime të mëtejshme në Drejtorinë e Policisë në Tiranë.

    Disa prej tyre kanë tentuar që të bëjnë rezistencë duke u shtrirë edhe përtokë, por uniformat blu i kanë tërhequr zvarrë duke i futur në makinat e Policisë.

  • 12:41

    Përplasje mes policisë dhe protestuesve në Sheshin Skënderbej, shoqërohet zvarrë edhe avokati i njohur (FOTO+EMRI)

    Zaçe Islami

    Një protestë e organizuar përmes rrjeteve sociale, nga avokati Altin Goxhaj dhe përfaqësuesë të shoqërisë civile ka degraduar në përplasje me Policinë e Shtetit. Në pamjet e transmetuara sot nga Fax News, pjesëmarrja është e vogël. Në thirrjet “Jo Diktaturës”, “Për Lirinë e Shqipërisë”, tubuesit kanë kërkuar që karantina të hiqet. Protesta është mbyllur me shoqërimin e tri protestuesve zvarrë nga Policia, mes tyre edhe avokatin Zaçe Islami dhe Klajdi Bellon, aktivist.

  • 12:39

    “Nuk ka pandemi!”/ Sazan Guri para se të shoqërohej në polici: Është mashtrim, Rama po tallet me jetën e shqiptarëve

    Sazan Guri

    Mesditën e sotme, Shoqëria Civile ka zhvilluar një protestë tek “Sheshi Skënderbej” në Tiranë, ku kërkoi që t’i jepet fund kufizimeve që ka vendosur qeveria për shkak të pandemisë së karonavirusit. Sazan Guri para se të shoqërohej në Polici u shpreh se nuk ka më pandemi dhe se Rama tallet me jetët e shqiptarëve. Ai theksoi se gjithçka është një mashtrim.

    “Këta që u mblodhën 200 veta sot, nuk i komandoi njeri, janë të pashpirt. Janë 2 milionë të tjerë gati për protestë. Në këtë rast, këto u mblodhën për të protestuar kundër një diktature sepse diktatura nuk mund të zgjasë gjendja që quhet në të gjithë botën si diktaturë e ligjit. Po këtë ma shpjegon dot asnjë të vdekur këto dy javë. Përse parlamenti nuk gabon. Le të flasë Rama me doktorin më të madh gjerman që thotë që është mashtrim i madh, që është pandemi. E lamë që të kontrollojë 3 javë jetën tonë, por nuk mund të tallet. Ne e kuptuam që nuk është pandemi dhe Shqipëria është e vecantë për shumë arsye”, tha Sazan Guri për FaxNews.

Shto Koment