Përshkallëzohet situata në Lindjen e Mesme/ SHBA vijon bombardimet, Irani përgjigjet me sulme në shtetet e Gjirit
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
TIRANË– Në ambientet e Drejtorisë së Përgjithshme të Policisë së Shtetit u zhvillua ditën e sotme ceremonia e dorëzimit të pajisjeve që do shërbejnë për kontrollin dhe mbikëqyrjen në pikat e kalimit kufitar.
Gjatë ceremonisë me pjesëmarrje të kufizuar për shkak të pandemisë COVID-19, Ardi Veliu dhe Yuri Kim kanë vlerësuar marrëdhëniet e shkëlqyera mes Policisë së Shtetit dhe agjencive ligjzbatuese të SHBA-së. Pajisjet bashkëkohore që i janë vënë në dispozicion Policisë shqiptare janë vijim i mbështetjes së vazhdueshme nga Programi EXBS.
Ambasadorja e SHBA-së në Tiranë, Yuri Kim është shprehur se Shtetet e Bashkuara të Amerikës do të jenë gjithmonë në krah të Shqipërisë në luftën kundër krimit dhe se pajisjet e dhuruara për Policinë e Shtetit synojnë që të rrisin rezultatet e Policisë së Shqipërisë në luftën kundër trafiqeve të paligjshme dhe krimeve ndërkufitare.
Drejtori i Përgjithshëm ka falënderuar përfaqësuesit e EXBS dhe ambasadoren e SHBA-së, për dhurimin e pajisjeve me vlerë 108.243 US $ dhe është shprehur se falë mbështetjes së vazhdueshme logjistike nga Programi EXBS, Policia Kufitare disponon sot pajisje bashkëkohore, të cilat përdoren gjatë kontrollit në Pikat e Kalimit të Kufirit, kryesisht për kontrollin e kamionëve dhe autobusëve, për detektimin e lëndëve radioaktive, skaner portativ me rreze X, si dhe për mbikëqyrjen e kufirit si kamera termike, dylbi dite dhe nate, me rreze të gjatë dhe kamera SMARTDEC.
Në përfundim të ceremonisë, Drejtori i Departamentit për Kufirin dhe Migracionin Eduart Merkaj ka shpjeguar për të pranishmit mënyrën e funksionimit të pajisjeve të reja dhe rëndësinë e tyre për të rritur më tej efikasitetin e punës së shërbimeve të Policisë Kufitare.
FJALA E ARDI VELIUT:
E nderuar Shkëlqesi ambasadore Yuri Kim,
I nderuar z. Tobei Arai,
Të nderuar përfaqësues të Programit të Kontrollit të Eksporteve dhe Sigurisë Kufitare (EXBS),
Të nderuar kolegë,
Ndihem i privilegjuar pasi organizata që unë drejtoj ka vëmendjen, vlerësimin dhe përkrahjen e vazhdueshme nga agjencitë ligjzbatuese partnere të Shteteve të Bashkuara të Amerikës dhe kjo i dedikohet punës serioze, përkushtimit, profesionalizmit dhe vendosmërisë së strukturave të Policisë së Shtetit në luftën kundër krimit të organizuar, terrorizmit dhe krimit në përgjithësi.
Nuk është hera e parë që strukturat e Policisë së Shtetit mbështeten me logjistikë, trajnime e asistencë nga partnerët tanë, por donacioni i sotëm ka një vlerë të shumëfishtë, pasi ndikon drejtpërdrejt në rritjen e forcës parandaluese dhe goditëse ndaj trafikut të lëndëve narkotike, trafiqeve të paligjshme dhe krimit ndërkufitar.
Kontributi i ri i dhënë nga Programi i Kontrollit të Eksporteve dhe Sigurisë Kufitare të Shteteve të Bashkuara konsiston në pajisje të kontrollit kufitar në vijën e dytë dhe të mbikëqyrjes së kufirit, konkretisht në:
– Dy sete që përmbajnë videoskope dhe buster (pajisje për kontrollin e dendësisë);
– Pesë sete të pajisjeve për kontrollet në Pikat e Kalimit Kufitar;
– Si dhe videoskop e pajisje për mbikëqyrjen e kufirit, si kamera termike, dylbi nate elektrike dore profesional, me vlerën totale 108.243 US $.
Falë mbështetjes së vazhdueshme logjistike nga ky Program (EXBS), Policia Kufitare disponon pajisje bashkëkohore, të cilat përdoren gjatë kontrollit në Pikat e Kalimit të Kufirit, kryesisht për kontrollin e kamionëve dhe autobusëve, për detektimin e lëndëve radioaktive, skaner portativ me rreze X, si dhe për mbikëqyrjen e kufirit si kamera termike, dylbi dite dhe nate, me rreze të gjatë dhe kamera SMARTDEC.
Përveç mbështetjes logjistike, EXBS ka qenë një partner shumë i rëndësishëm në zhvillimin e kapaciteteve profesionale, nëpërmjet trajnimeve të ndryshme të zhvilluara me ekspertë të agjencive të zbatimit të ligjit të SHBA-së.
Me koordinimin e EXBS është ngritur dhe funksionon Iniciativa e Kufirit Jugor (SBI – South Border Iniciative), me pjesëmarrjen e autoriteteve kufitare dhe doganore të Shqipërisë, Kosovës, Maqedonisë së Veriut dhe Malit të Zi.
Me fillimin e funksionimit të kësaj qendre janë zhvilluar 11 takime, ku autoritetet e vendeve pjesëmarrëse kanë diskutuar çështje të lidhura me sigurinë dhe kërcënimet kufitare. Në kuadër të kësaj iniciative, ndër të tjera shkëmbehet rregullisht informacion mujor për situatën e imigracionit të parregullt në vendet pjesëmarrëse.
E nderuar ambasadore,
Policia e Shtetit është vlerësuar në mënyrë periodike gjatë viteve të fundit nga partnerët tanë si profesionale dhe e besueshme. Së fundmi, nga anketimi i kryer me qytetarët nga Programi Suedez, Policia e Shtetit është renditur institucioni i parë më i besueshëm në vend. Ndërkohë, jemi të angazhuar dhe të vendosur për të luftuar pa kompromis dhe përkrah partnerëve dhe agjencive ligjzbatuese brenda dhe jashtë vendit, krimin e organizuar, ekstremizmin e dhunshëm dhe terrorizmin.
Ky angazhim është i përkthyer në dhjetëra operacione ndërkombëtare dhe kombëtare për goditjen dhe shkatërrimin e grupeve kriminale, për parandalimin dhe goditjen e kultivimit dhe trafikimit të lëndëve narkotike, për trafikimin dhe kontrabandimin e qenieve njerëzore dhe migrantëve nga vendet e treta dhe për goditjen e krimeve ndërkufitare. Qëllimi ynë i vazhdueshëm ka qenë dhe mbetet mbi të gjitha konsolidimi i rendit dhe sigurisë dhe krijimi i një mjedisi të sigurt për qytetarët. Me këtë rast, dëshiroj të nënvizoj se për vitin 2020 kemi numrin më të ulët të krimeve ndaj personit.
Tashmë jemi përpara procesit për zgjedhje të përgjithshme. Duke përfituar nga ky moment dua t’Ju siguroj dhe garantoj Juve e nderuar ambasadore, të gjithë partnerët dhe mbarë qytetarët e Shqipërisë se Policia e Shtetit edhe në këtë proces zgjedhor do jetë e orientuar vetëm në zbatimit të ligjit, me synimin për të përmirësuar më tej standardin pozitiv të arritur në zgjedhjet e mëparshme.
Duke përfunduar, më lejoni edhe njëherë t’Ju falënderoj për mbështetjen dhe besimin, si dhe t’Ju siguroj se këto pajisje të dhuruara sot do të rrisin akoma më tej efektivitetin dhe rezultatet pozitive të strukturave të Policisë Kufitare.
(A.B)/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Dosja voluminoze e ‘Ndranghetës ka mbërritur në Shqipëri dhe ka nisur që të përkthehet. Fax News raporton se të gjitha përgjimet e transkriptuara n...
GJERMANI– Është ekstraduar nga Rinasi në drejtim të Gjermanisë i riu nga Kosova Shkëlqim Kastrati. Ai kërkohej prej të paktën 5 vitesh në Gjermani, pasi ak...
KORÇË– Një 19-vjeçar është arrestuar katër ditë pasi shkaktoi një aksident në Korçë. I riu me datën 1 shkurt përplasi një këmbëtsor dh...
TIRANË– Inspektori i Lartë i Drejtësisë Artur Metani dhe Prokurori i Përgjithshëm Olsian Çela formalizuan sot përmes nënshkrimit të një memora...
TIRANË-Prokurori që do merret me çështjen e moderatores Luana Vjollca ka urdhëruar që të nisë regjistrimi i procedimit penal. Në regjistrimin e proc...
TIRANË– Policia e Tiranës ka vënë në pranga shtatë persona të cilët kanë kryer vepra të ndryshme penale.Në pranga ka rënë A. Sh., 20 vjeç, për veprë...
TIRANË– Një 27-vjeçari, i identifikuar si Igli Paskali, ka rënë në prangat e Policisë së Shtetit, pasi përndiqte një të re. Pas denoncimit të bërë n...
Dokumentari Unpublished në Euronews Albania sjell rrëfimin e një eskorte shqiptare, 28 vjeçare. “Rreth 7 vite më parë, kur isha 21 vjeçe, fillova ...
TIRANË– Ekspertët kanë caktuar dëmshpërblimin për familjarët e ish-kryekomisarit të vrarë, Artan Cuku. Pak muaj më parë, familjarët e të ndjerit ngritën nj...
TIRANË– Media gjermane dyshon se në Shqipëri ka ardhur varianti i ri i covid. Kjo pasi disa ditë më parë një 22-vjeçare e cila kishte mbërritur në G...
