E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
Ministrja tha se e ka informuar homologun Alvares mbi ecurinë e progresit të Shqipërisë në zbatimin e angazhimeve të ndërmarra në procesin e integrimit, si dhe mbi pritshmëritë nga ky proces. Sipas saj, deri në fund të këtij viti, Shqipëria parashikon të përfundojë procesin e screening për të gjithë grup-kapitujt e negocimit, si dhe të hapë grupin e kapitujve themelorë të negociatave.
TIRANË- Ministrja për Evropën dhe Punët e Jashtme të Shqipërisë, Olta Xhaçka priti sot në një takim homologun spanjoll, Jose Manuel Albares Bueno. Në deklaratën e përbashkët për mediat, Xhaçka tha se bashkë diskutuan për çështjen e Kosovës e cila merr një rëndësi të veçantë, duke qenë se përbën një hallkë themelore për stabilitetin dhe sigurinë e Ballkanit. Xhaçka tha se është në të mirën e Bashkimit Evropian që të ketë një angazhim më të gjerë rreth anëtarësimit të Kosovës në organizata ndërkombëtare.
Xhaçka tha gjithashtu se bashkë me Albares Bueno kanë ndarë të njëjtin mendim, që zgjerimi nuk është thjesht e nuk duhet të jetë thjesht një instrument i BE, por është vetë esenca Unionit, ndaj dhe çdo vend i Evropës duhet të aspirojë për t’u bërë pjesë e tij. Ministrja tha se e ka informuar homologun Alvares mbi ecurinë e progresit të Shqipërisë në zbatimin e angazhimeve të ndërmarra në procesin e integrimit, si dhe mbi pritshmëritë nga ky proces. Sipas saj, deri në fund të këtij viti, Shqipëria parashikon të përfundojë procesin e screening për të gjithë grup-kapitujt e negocimit, si dhe të hapë grupin e kapitujve themelorë të negociatave.
Deklarata e Xhaçkës:
I nderuar Ministër Albares. I dashur Jose Manuel, ishte vërtet një kënaqësi për mua të të mirëprisja në Tiranë. Kjo është vizita e parë e një Ministri të Jashtëm spanjoll në Shqipëri pas shumë vitesh, çka në vetveve përbën një ngjarje të rëndësishme në marrëdhëniet mes vendeve tona. Por ajo që e bën këtë vizitë akoma më domethënëse është momenti në të cilin ndodhemi, pasi siç e dini, kjo vizitë i paraprin marrjes së Presidencës së BE nga Spanja në gjysmën e dytë të vitit. Ky është një gjest që realisht e çmojmë shumë sepse është provë e vëmendjes së posaçme që Spanja po i kushton vendit tonë dhe rajonit të Ballkanit Perëndimor, e vullnetit të saj për të mbështetur anëtarësimin e rajonit në Bashkimin Europian, por edhe i diçkaje akoma më të rëndësishme, të vlerësimit që Spanja i bën çdo vendi të rajonit duke u angazhuar të ndërmarrë një proces shumë konstruktiv diskutimesh e konsultimesh, për të cilin gjej rastin të falenderoj kolegun dhe mikun tim Jose Manuel.
Ministri Albares na prezantoi linjat kryesore të Presidencës spanjolle. Ne ndajmë të njëjtin mendim me kolegun, që zgjerimi nuk është thjesht e nuk duhet të jetë thjesht një instrument i BE, por është vetë esenca Unionit, ndaj dhe çdo vend i Evropës duhet të aspirojë për t’u bërë pjesë e tij. E informova Ministrin Alvares mbi ecurinë e progresit të Shqipërisë në zbatimin e angazhimeve të ndërmarra në procesin e integrimit, si dhe mbi pritshmëritë tona nga ky procesi. Deri në fund të këtij viti, Shqipëria parashikon të përfundojë procesin e screening për të gjithë grup-kapitujt e negocimit, si dhe të hapë grupin e kapitujve themelorë të negociatave. Për këtë arsye, i kërkova Ministrit që Spanja, si shtet anëtar dhe si Presidencë e Këshillit në këtë periudhë, të na mbështesë në këtë kërkesë dhe të lehtësojë diskutimet në Këshill për një vendim pozitiv për hapjen e grupit tëkapitujve themelorë, natyrisht të bazuar në merita. Unë jam vërtet e lumtur me gatishmërinë për bashkëpunim dhe mbështetje që gjetëm tek miqtë tanë spanjollë dhe dua të ndaj sot me ju lajmin që kemi rënë dakord bashkërisht per të nënshkruar një Memorandum Bashkëpunimi mes vendeve tona me synim arritjen e një koordinimi sa më të mirë të punës për çështjet e integrimit evropian. Më konkretisht, në këtë memorandum parashikohet që Spanja, të na mbështesë duke ofruar shërbime konsulence dhe asistencë teknike, si dhe të përpiqet të ruajë përfaqësimin e duhur të Republikës së Shqipërisë në caktimin e fondeve të para-anëtarësimit (IPA III), duke stimuluar kështu tranzicionin e gjelbër dhe digjital, bashkëpunimin rajonal dhe shtimin e konvergjencës me BE, kjo edhe në kuadër të Planit Ekonomik dhe Investimeve për Ballkanin Perëndimor.
Gjithashtu, për qëllimet e zbatimit të këtij memorandumi do të përdoren edhe programet e binjakëzimit (TËINNING), të instrumentit të Asistencës Teknike e Shkëmbimit të Informacionit (TAIEX) (për asistencë teknike afatshkurtër), si dhe programet e Fondit të Investimeve të Ballkanit Perëndimor. Në fokus të diskutimeve ishte edhe dimensioni mesdhetar i politikave tona të jashtme. Shqipëria është një vend mesdhetar dhe anëtar i Unionit për Mesdheun dhe për këtë arsye mirëpret prioritetet e politikës së jashtme të Spanjës në këtë rajon, ku çështjet euro-mesdhetare do të jenë dhe në qendër të axhendës së Presidencës spanjolle të Këshillit, me argumentin se stabiliteti dhe prosperiteti i tij prek drejtpërdrejt Spanjën dhe mbarë Bashkimin Evropian. Në veçanti, Shqipëria mirëpret faktin që në vitet e fundit politika e jashtme spanjolle është orientuar edhe drejt Mesdheut Lindor, përfshirë Ballkanin Perëndimor, pasi forcimi i bashkëpunimit mes BE dhe rajonit tonë është bërë më i rëndësishëm se kurrë si pasojë e agresionit të paligjshëm rus ndaj Ukrainës dhe rrezikut që ky agresion përfaqëson pëson për të gjithë ne.
Shqipëria, veçanërisht gjatë mandatit të saj në Këshillin e Sigurimit, ashtu si dhe Spanja, janë në krye të përpjekjeve për të mbështetur Ukrainën dhe për të rritur kostot, izolimin dhe vënien e Rusisë para përgjegjësisë për agresionin por edhe për krimet makabre që shtohen dita ditës ndaj popullit e territorit ukrainas. Në këtë këndvështrim është thelbësore që BE dhe Ballkani Perëndimor të jenë në harmoni të plotë ndërveprimi me njëri-tjetrin dhe dua ta theksoj që qasja strategjike e Spanjës ndaj rajonit tonë është veçanërisht e mirëpritur. Sigurisht diskutuam edhe për çështjen e Kosovës e cila merr një rëndësi të veçantë, duke qenë një hallkë themelore për stabilitetin dhe sigurinë e Ballkanit. Shqipëria është mirënjohëse për angazhimin e Bashkimit Europian dhe partnerëve tanë amerikanë për arritjen e marrëveshjes për normalizimin e marrëdhënieve mes Kosovës dhe Serbisë. Ne shpresojmë që marrëveshja do të zbatohet në një kohë sa më të shkurtër, pasi kjo do të kishte një ndikim shumë pozitiv për stabilitetin, por edhe bashkëpunimin rajonal, e sigurisht do të hapë edhe një perspektivë të re për një zgjidhje finale mes Kosovës dhe Serbisë. Por në ndërkohë, besojmë që është në të mirën e rajonit, por edhe të vetë BE, që me Kosovën të ketë një angazhim sa më të gjerë e sa më konstruktiv, përfshirë anëtarësimin e saj në organizata ndërkombëtare, për të shmangur një izolim që do të kishte pasoja jo vetëm për Kosovën, por edhe për të gjithë ne. Përtej çështjeve të integrimit dhe bashkëpunimit rajonal, biseda jonë u përqëndrua dhe në vlerësimin e bashkëpunimit shumë të mire dypalësh, duke filluar nga intensifikimi i dialogut politik, konfirmuar nga vizita e Kryeministrit spanjoll Sanchez, në gushtin e vitit të kaluar.
Bashkërisht ndamë mendimin për potencialin e madh që ekziston në marrëdhëniet mes dy vendeve tona, veçanërisht në fushën ekonomike, arsimore dhe turizmit. Me kënaqësi konstatohet një rritje e turistëve që vijnë nga Spanja nga viti në vit, si dhe interesi në rritje i bizneseve spanjolle për të investuar në Shqipëri në fushën e hotelerisë e së fundmi dhe në sektorin energjitik, agrobujqësi, etj, ku do të përmendja si një histori suksesi dhe si model për të ardhmen, prezencën në Shqipëri të Grupit Melia. Në përfundim, dua ta falënderoj kolegun edhe njëherë dhe të konfirmoj angazhimin tim, por edhe vullnetin e plotë të qeverisë shqiptare për nxitjen e mëtejshme të marrëdhënieve mes nesh dhe të një bashkëpunimi sa me të ngushtë me Spanjën.
Sali Berisha TIRANË- Kryedemokrati Sali Berisha ka treguar se do të takohet në sheshe me qytetarët gjatë fushatës elektorale...
Enkelejd Alibeaj TIRANË- “Frymëmarrje për Shqipërinë”- ky është slogani i grupimit të Enkelejd Alibeaj ...
Roland Bejko TIRANE- Kandidati i grupimit Alibeaj për bashkinë e Tiranës, profesor Roland Bejko planifikon që ta fitojë kryeqyteti...
Edi Rama dhe Bardh Spahia TIRANË- Publikohet përgjigjia e kryetarit të Bashkisë Shkodër, Bardh Spahia për kërkesën ...
Gabriel Escobar, Edi Rama, Charles McGonigal dhe Sali Berisha TIRANE- "Vizita e Escobar më pëlqeu, intervista më pëlqeu edhe më sh...
Sali Berisha TIRANË- Kryedemokrati Sali Berisha e konsideroi një zhgarravitës kryeministrin Edi Rama. I pyetur për këngën e z...
Edi Rama TIRANË- Kryeministri Edi Rama ka deklaruar se me rritjen e pagave për ushtrinë, tashmë ushtarët janë me pagat n...
Sali Berisha TIRANË- Kryedemokrati Sali Berisha tha se parashikon një fitore të madhe në zgjedhjet lokale të 14 majit, por nuk dha...
Sali Berisha, kryetar i PD TIRANE- Kryetari i Partisë Demokratike, Sali Berisha kërkoi një hetim nga ana e autoriteteve amerikane për a...
Ish-kreret e UCK KOSOVË- Nisja e gjykimit ndaj ish-udhëheqësve të luftës në Gjykatën Speciale në Hagë mori shu...
