Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Analistët Afrim Krasniqi dhe Lutfi Dervishi pohuan për Zërin e Amerikës se çështja për PD-në sot është paraqitja si një alternativë e re dhe me portrete të rinj pa ngarkesa me të shkuarën. Ata pohuan se debati për vulën Partisë Demokratike mori një vëmendje të pamerituar dhe palët humbën shumë kohë të vlefshme, që mund t’i kushtohej programit dhe ekipeve të reja përfaqësuese.
TIRANË- Studiues të jetës politike në Shqipëri theksuan se, edhe pas vendimit të gjykatës për çështjen e përfaqësimit formal të Partisë Demokratike, sfidat përballë saj mbeten të njëjta; reformimi dhe rindërtimi si alternativë politike.
Analistët Afrim Krasniqi dhe Lutfi Dervishi pohuan për Zërin e Amerikës se çështja për PD-në sot është paraqitja si një alternativë e re dhe me portrete të rinj pa ngarkesa me të shkuarën. Ata pohuan se debati për vulën Partisë Demokratike mori një vëmendje të pamerituar dhe palët humbën shumë kohë të vlefshme, që mund t’i kushtohej programit dhe ekipeve të reja përfaqësuese.
Analistët theksuan se vendimi i sotëm i gjykatës i dha fund paqartësive administrative proceduriale mbi përfaqësimin e Partisë Demokratike, ndonëse e cilësuan si humbje kohe këto dy vjet që kriza brenda saj nuk u zgjidh me mjete politike pa shkuar në gjykatë.
Drejtuesi i institutit të studimeve politike, Afrim Krasniqi, thotë për Zërin e Amerikës se partitë janë bashkime vullnetare të qytetarëve në demokraci bazuar në një program dhe nuk kishte arsye që kjo çështje t’i mbetej gjykatës.
“Në momentin që gjykata mori këtë vendim, unë nuk shoh arsye për entuziazëm, nuk shoh arsye që palët të bëjnë festë. Kriza mbetet aty. Opozita është e pareformuar, e papërfaqësuar, e paorganizuar dhe është shumë larg qenies së një partie konkurruese për zgjedhjet e ardhshme parlamentare. Palët me siguri do të mundohen të mbijetojnë duke kërkuar rrugë të tjera. Unë pres që krahu i zotit Basha të krijojë një parti të re politike dhe krahu i drejtuar nga zoti Berisha do të mundohet të administrojë pushtetin si parti e madhe e opozitës, por të dyja të ndara apo të bashkuara nuk arrijnë dot të formësojnë një opozitë konstruktive, reformatore dhe proeuropiane për të cilën ka nevojë Shqipëria”, thotë zoti Krasniqi.
Analistët pohuan se një parti nuk përbëhet nga vula por nga anëtarësia dhe parimet politke, ndaj kjo çështje mori një vëmendje dhe hapësirë të pamerituar.
Analisti i politikës Lutfi Dervishi, thotë për Zërin e Amerikës thotë se çfarëdo lloj vendimi që të merret nga politikanët kryesorë, sfida dhe çështja për PD-në sot është paraqitja si një alternativë e re, me figura të reja, pa ngarkesa me të shkuarën, që do të krijonin një lloj imazhi dhe perceptimi tjetër të PD-së në elektoratin shqiptar.
“E përpjeta është përpara, dhe nuk është arritur në majë për shkak se PD është e fraktuar nga kriza e brendshme. Ka forca të reja që kanë dalë në skenë. Jemi vetëm një vit larg zgjedhjeve parlamentare dhe problem i zotit Berisha mbetet; ai është në arrest shtëpie dhe nën hetim. Kështu që përtej momentit të parë që hiqet një lloj konfuzioni, sfida mbetet se çfarë do të bëjë zoti Basha”, thotë zoti Dervishi.
Studiuesit mendojnë që ribashkimi i palëve në PD duket i pamundur sepse ajo njëjtësuar me individin dhe fati i individit është fati i partisë apo i familjes së tij.
Zoti Krasniqi thotë se pjesa më e madhe e individëve që ndodhen pranë dy drejtuese politikë nuk janë politikanë, të cilët duan të ndryshojnë Shqipërinë, por janë politikanë, që mundohen të mbijetojnë, dhe ata janë pengesë kryesore për të patur reformim të saj
“Mendoj se dy palët kryesore do të ecin në drejtime krejt të kundërta, për shkak të situatës së zotit Berisha me drejtësinë dhe me Shtetet e Bashkuara të Amerikës dhe me faktorin ndërkombëtar në tërësi, do të jetë gati e pamundur që ky moment të përkthehet në zgjerim të bazës mbështetëse, por do të ketë konflikte të reja, që do të lindin në këtë parti, ndërkohë që pala tjetër do të ruajë kartën perëndimore për të mbijetuar në politikë. Të dy palët mund të marrin maksimumin për veten e tyre, por as të ndara as të bashkuara në këtë formë nuk do të arrijnë të marrin maksimumin që duhet të ketë një opozitë në Shqipëri”, thotë zoti Dervishi.
Analistët mendojnë se një vit kohë është e pamjaftueshme për të krijuar imazhin e një partie të fortë dhe konkurruese, ndërkohë që ende janë në skenë prej 30 vjetësh individë, që janë rishfaqur në të gjithë format dhe mënyrat, pa u hapur rrugën politikanëve të rinj
“Ndarjet dhe përplasjet brenda PD-së kanë qenë të thella dhe shërimi i plagëve të hapura me njëri tjetrin nuk mbyllet me një vendim gjykate. Është një proces që do të vijojë. Ndërkohë që kemi parë ndarje nga PD-ja dhe krijim i forcave të reja politike dhe shtoji këtyre edhe dukurinë e largimit të njerëzve që janë të pakënaqur nga gjendja aktuale. Të gjitha këto janë faktorë negativë, që i ka përpara PD-ja, sikundër ka anën pozitive, që ka përballë një parti në mandatin e tretë, të mbushur me skandale dhe afera korruptive të nivelit të lartë dhe të konsiderueshme”, thotë zoti Dervishi.
Studiuesit e politikës theksuan se fryma dhe ideali i Dhjetorit 90, sot nuk është i përfaqësuar në jetën politike në Shqipëri, por PD-së i duhet të përballet me çështjen e non grata-s së zotit Berisha, i cili është edhe nën hetime, ndërsa partia më e madhe e opozitës është ende shumë larg fitimit të mbështetjes për të bërë ndryshimin, për të qenë alternativë dhe për të mundësuar rotacionin politik.
Marre nga VOA
Berisha TIRANË- Gjykata e Apelit në Shqipëri ka vendosur të martën që logoja dhe vula e Partisë Demokratike (PD) t&rsquo...
Alibeaj dhe Basha TIRANË- Ditën e sotme Gjykata e Apelit ka marrë vendimin në lidhje me vulën dhe logon e Partisë D...
Edi Rama TIRANË- Kryeministri Edi Rama ka shpjeguar se përse u shtynë 2 turet që kishte me emigrantët shqiptarë në ...
Edi Rama TIRANË- Kryeministri Edi Rama ka deklaruar se arsyeja kryesore e mbledhjes së Asamblesë ditën e sotme është q&e...
Lulzim Basha TIRANË- Deputeti Lulzim Basha ka komentuar vendimin e Gjykatës së Apelit, që i dha logon dhe vulën e Partisë...
Gjykata e Apelit TIRANË- Vendimi i Gjykatës së Apelit për vulën e Partisë Demokratike është zbardhur. Në ...
Foto ilustruese TIRANË- Në Shqipëri, ka marrë fund përplasja e gjatë mes palëve në Partinë Demokratike se kush...
TIRANË- Trupa gjykuese e përbërë nga gjyqtarët Alma Ahmeti, Elona Toro dhe Iliba Bezati, pasi dëgjoi pretendimet e palëve, ...
Lulzim Basha TIRANA- Lulzim Basha ka bërë lëvizjen e parë pasi Gjykata e Apelit i hoqi vulën e Partisë Demokratike, p&eu...
Ervin Salianji TIRANA- Deputeti i Partisë Demokratike, Ervin Salianji me anë të një poatimi në rrjetet sociale ka përsh&...
