Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Sipas saj një kryeministër që rrëmben cdo pushtet, nuk është më një kryeminstër i një vendi demokratik, por një despot i etur për pushtet që nuk njeh më asnjë kufi.
TIRANË- Partia e Lirisë ka reaguar përmes një deklarate, pas urdhërit të Kryeministrit Edi Rama për shkarkimin e drejtorëve të Bashkisë. Anëtarja e Kryesisë së PL-së Miranda Rira, ka deklaruar se shkarkimi i drejtorëve bashkiakë është atribut i kryetarit të bashkisë.
Ajo gjithashtu ka theksuar se i vetmi atribut që ka Kryeministri është ai i shkarkimit të kreytarit të bashkisë në rastet kur ai kryen shkelje të rënda, kur dënohet për kryerjen e një vepre penale nga gjykata ose kur ka një propozim nga këshilli bashkiak përkatës për një periudhë 3 mujore.
Sipas saj një kryeministër që rrëmben cdo pushtet, nuk është më një kryeminstër i një vendi demokratik, por një despot i etur për pushtet që nuk njeh më asnjë kufi.
Deklarata e anëtares së Kryesisë në Partinë e Lirisë, Znj. Miranda Rira.
Të dashur qytetarë! Në ditët e fundit kemi parë sesi në Vlorë, Fier e më pas edhe në Durrës, të gjithë drejtorët e bashkive respektive kane dhënë dorëheqjen, pas vizitës dhe kërkesës për dorëheqje nga kryeministri Rama. Kjo nuk është as më pak e as më shumë, vecse minimi i autonomisë vendore dhe demokracisë lokale, sepse vihet në pikëpyetje serioze ndarja midis pushteve, pra pushtetit qëndror dhe atij vendor. Ligji për vetëqeverisjen vendore 139/2015, përbën kuadrin më të plotë ligjor për funksionimin dhe organizimin e njësive të qeverisjes vendore, ku flitet për një raport të qartë normativ të marrëdhënieve midis qeverisjes qëndrore dhe vendore.
Thelbi apo parimi kardinal i këtij ligji është ai i decetralizimit apo i ndarjes vertikale të pushteteve që nënkupton ngushtimin e pushteteve të qeverisjes qëndrore, pra qeveria bëhët më e dobët dhe zgjerimin e kompetencave dhe pushteteve të njësive të vetëqeverisjes vendore, pra bashkitë bëhen më të forta.
Pushteti rrjedh nga lart poshtë, duke synuar një qeverisje sa më efikase, sa më pranë qytetarëve, ku këta të fundit edhe marrin pjesë në qeverisje dhe vendimarrje, me fjalë të tjera ata vetëqeverisen. Kjo tregon për një rritje të demokracisë lokale, dhe sa më e shëndoshë demokracia lokale aq më e shëndoshë është demokracia në tërësi. Decentralizimi është parimi sipas të cilit përgjegjësia dhe autoriteti transferohen nga kabineti qeveritar drejt njësive të qeverisjes vendore. Në ligjin nr.139/2015-të për qeverisjen vendore përcaktohet qartë në Nenin 1 se kush janë funksionet dhe kompetencat e njësive të qeverisjes vendore, se c’është administrimi i njësive vendore, c’është autonomia vendore.
Po ashtu në Nenin 4 të po këtij ligji përcaktohen qartazi parimet themelore të vetëqeverisjes vendore duek u ndalur posacërisht tek parimi i subsidiaritetit dhe decentralizimit, i parashikuar edhe në Nenin 13-të të Republikës së Shqipërisë. Kësisoj, decentralizimi i përgjigjet më mirë nevojës për një autonomi substanciale të qeverisjes vendore, aftësisë së kësaj të fundit për të lehtësuar pushtetin qëndror dhe dobisë për të zgjedhur vetë problemet vendore/lokale.
Autonomia e pushtetit vendor, shprehet më së shumti në ndarjen e kompetencave, e cila sipas ligjit 139/2015 dhe Kushtetutës ka të bëjë me autonominë e organeve e qeverisjes vendore për të zgjedhur, për të vendosur vetë për problemet që hyjnë në juridiksionin e tyre.
Duke patur këtë panoramë ligjore në mendje, duket ashiqare se veprimet e kryeministrit Rama për të ndërhyrë në funksionimin të njësive të vetëqeverisjes vendore, për të shkarkuar administratën, qofshin ata drejtorë apo punonjës të thjeshtë, është një shkelje e hapur e ligjit të qeverisjes vendore 139/2015 si edhe nenit 13 të Kushtetutës së Shqipërisë lidhur me parimin e decentralizimit dhe autonomisë vendore. Shkarkimi i drejtorëve bashkiakë është atribut i kryetarit të bashkisë, i cili ështe edhe organi ekzekutiv në kuptimin e Kushtetutës dhe të ligjit 139/2015. I vetmi atribut që ka Kryeministri (kryetari i këshillit të ministrave) është ai i shkarkimit të kreytarit të bashkisë në rastet kur ai kryen shkelje të rënda, kur dënohet për kryerjen e një vepre penale nga gjykata ose kur ka një propozim nga këshilli bashkiak përkatës për një periudhë 3 mujore.
Përvec ligjit 139/2015 dhe Nenit 13 të Kushtetutës, me veprimet e fundit kryeministri Rama ka shkelur edhe Karten Europiane e Autonomisë vendore, organ i Kongresit të Autoriteteve Lokale dhe Rajonale të Këshillit të Europes, ku garantohet autonomia vendore e bashkësive lokale si themeli i cdo regjimi demokratik.
Njësitë e vetëqeverisjes vendore u krijuan si entitete të veçanta, për t’i shërbyer më mirë dhe sa më shpejt qytetarëve, duke u mbështetur në dy parime baze, ai i autonomisë vendore dhe subsidiaritetit, pra ushtrimit të kompetencave vendore, në një nivel qeverisjeje sa më pranë komunitetit. Njësitë e vetëqeverisjes vendore kanë të drejtën dhe përgjegjësinë e mbledhjes së të ardhurave dhe bërjes së shpenzimeve, të vendosin taksa vendore e tarifa si edhe të hartojnë, miratojnë dhe zbatojnë buxhetin e tyre.
Reforma territoriale, që kushtoi miliona euro, me qëllimin shkrirjen se 360 komunave dhe bashkive në vetëm 61 njësi të vetëqeverisjes vendore, u bë pikërisht për të patur një ndarje përfundimtare midis pushtetit vendor dhe atij qëndror, për të rritur demokracinë lokale, për te sjellë shërbimet sa më pranë qytetarit, për të patur një funksionim të pavaruar dhe autonom të njësive të qeversijes vendore/bashkive. Si një ish kryetare bashkie, kam parë sesi decentralizimi ekziston vetëm në letra dhe jo në realitet, sesi ky parim shkelet sidomos kur kryetari i bashkise i perket nje subjekti tjeter politik.
Dua të theksoj se veprimet politike të kryeminsitrit, nuk janë gjë tjetër vecse një grusht i fortë përkundrejt autonomisë vendore të bashkive, që me shumë gjasa do te vazhdojë edhe në bashki të tjera. Një kryeministër që rrëmben cdo pushtet, nuk është më një kryeminstër i një vendi demokratik, por një despot i etur për pushtet që nuk njeh më asnjë kufi.
Sali Berisha TIRANË- Kreu i Partisë Demokratike, Sali Berisha, ka ndarë në rrjetin social Facebook një video që sipas t...
foto ilustruese KOSOVË- Kuvendi i Kosovës nuk është konsituuar as të dielën e 13 korrikut, dhe kështu deputetët ka...
Peter Beyer dhe Jorida Tabaku GJERMANI- Deputetja e Partisë Demokratike dhe Kryetarja e Komisionit të Çështjeve Europiane, Jori...
kuvendi i kosoves KOSOVË- Deputetët e Kuvendit të Kosovës do të mblidhen sot për herën e 46-të për konstituim...
Adis Ahmetoviç GJERMANI- Deputeti i SPD-së, Adis Ahmetoviq, kritikon heshtjen politike për gjendjen e shqiptarëve në Serbinë...
Werner Daum TIRANË- Lajmi i shuarjes më 12 korrik 2025 i diplomatit gjerman Werner Daum u komunikua në mediat shqiptare, pasi ai ndodhej k&e...
foto ilustruese KOSOVË- Kryeministri në detyrë i Republikës së Kosovës, Albin Kurti, ka zhvilluar dje një darkë pu...
Brendan Hanrahan dhe Anu Prattipati KOSOVË- Ndihmës Sekretari i Shtetit, Brendan Hanrahan, ka mbërritur në Kosovë, në vizit&e...
Ervin Salianji TIRANË- Ish-deputeti i Partisë Demokratike, Ervin Salianji, tregoi se pas lirimit nga burgu i Fierit ka nisur të shkruajë...
Sali Berisha dhe ëerner Daum TIRANË- Kryedemokrati Sali Berisha i ka shprehur ngushëllime familes së ish-ambasadorit gjerman ...
