Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Ministrja u shpreh se së bashku diskutuan për reformat e rëndësishme që ka ndërmarrë e po ndërmerr Shqipëria në kuadër të procesit të integrimit europian.
TIRANË- Ministrja për Evropën dhe Punët e Jashtme, Olta Xhaçka priti ditën e sotme ministrin e punëve të Jashtme dhe zëvendëskryeministrin e Mbretërisë së Holandës, Wopke Hoekstra. Ministrja u shpreh se së bashku diskutuan për reformat e rëndësishme që ka ndërmarrë e po ndërmerr Shqipëria në kuadër të procesit të integrimit europian.
DEKLARATA E PLOTË:
Pata sot nderin dhe kënaqësinë të mirëpres kolegu Wopke Hoekstra, Ministër i Punëve të Jashtme dhe Zëvendëskryeministër i Mbretërisë së Holandës. Kjo është vizita e tij e parë, por ne kemi pasur rastin të takohemi e të diskutojmë edhe herë të tjera, dhe përfitoj nga ky rast për ta falënderuar Ministrin e Jashtëm për gjithë vullnetin e tij të mirë dhe për të gjithë punën e tij të mirë për t’ju dhënë marrëdhënieve mes vendeve tona një hov të ri e një frymë të re bashkëpunimi qoftë në rrafshin dypalësh, qoftë në atë shumëpalësh. Sigurisht që diskutuam për reformat e rëndësishme që ka ndërmarrë e po ndërmerr Shqipëria në kuadër të procesit të integrimit europian. Hapja e negociatave është jo vetëm një arritje e rëndësishme dhe e merituar, por mbi të gjitha fillimi i një procesi shumë kërkues e shumë kompleks angazhimet e punësh të mëtejshme që do të na afrojnë me BE. Holanda në këtë proces ka qenë padyshim një nga gjykatësit më të rreptë të punës së Shqipërisë. Por dua të theksoj që Holanda ka qenë njëkohësisht edhe një nga mbështetësit e rëndësishëm të procesit të integrimit duke ofruar asistencë të prekshme me fokus të veçantë në grupin e parë të kapitujve negociues, të ashtuquajturin Cluster 1, Fundamentals, e sidomos për sa i përket debatit për politikat që përfshijnë këto kapituj dhe përfshirjes së shoqërisë civile.
Gjej rastin këtu të falënderoj kolegun edhe për asistencën e vlefshme prej 600 mijë euros në vit që Ministria e Punëve të Jashtme të Holandës ofron për trajnimet në kuadër të programit MATRA i cili synon të ndihmojë vendin tonë të forcojë demokracinë dhe shtetin e së drejtës. Dhe po në këtë fushë, dua të shpreh vlerësimin tim për bashkëpunimin e frytshëm që është arritur tashmë mes autoriteteve policore dhe gjyqësore të vendeve tona në kuadër të EUROJUST dhe EUROPOL. Por ajo që është vërtet lajm i mirë, është që tashmë bashkëpunimi mes Shqipërisë dhe Holandës ka filluar të prekë edhe fusha që dikur do të kishte qenë e vështirë të mendoheshin.
Në këtë kontekst, dua të përmend nismën shqiptaro – holandeze për të cilën kanë rënë dakord Kryeministrat Rama dhe Rutte e cila synon që të elaborojë idenë e Presidentit Makron për një Komunitet Politik Europian në një plan konkret me disa pika, e cila pra, vendos një marrëdhënie konkrete bashkëpunimi për hartimin e këtij dokumenti që do të paraqitet në tetor të këtij viti në Samitin e Pragës për Ballkanin Perëndimor. Dhe me sa di, i dashur koleg, edhe ju keni dhënë kontributin tuaj në këtë dokument.
Unë shpresoj që në të ardhmen ne do të dimë të ndërtojmë më shumë forma të tilla bashkëpunimi pasi sigurisht që kemi çfarë mësojmë nga eksperienca holandeze, qoftë në raportet tona bilaterale, qoftë në ato multilaterale ku gjithashtu, kemi hedhur hapa të rëndësishme. Si për shembull në OKB, ku Shqipëria ka mandatin e saj në Këshillin e Sigurimit e ku vendet tona janë rreshtuar së bashku, sidomos në Grupin e Miqve për Llogaridhënien në Ukrainë. Së fundi, padyshim jo për nga rëndësia, në planin bilateral, më duhet të pranoj që kemi shumë punë për të bërë. Kjo është një pranim nga ana ime i një realiteti që të gjithë e dimë, por edhe një ftesë për të punuar së bashku për të shfrytëzuar sa më mirë potencialin e jashtëzakonshëm për bashkëpunim e shkëmbime në ekonomi, turizëm, bujqësi, edukim, kulturë, arsim. Unë kam shumë besim që mund të bëjmë shumë më shumë dhe që ne, si ministra të jashtëm, kemi detyrimin të bëjmë më të mirën për ta orientuar këtë proces e për të konsoliduar e shtrirë lidhjet mes nesh. Dhe nuk mund të lë pa përmendur këtu edhe një zhvillim shumë të rëndësishëm që ka ndodhur sot, që sapo është njoftuar nga Kryemnistri Rama. Shqipëria ka ndërprerë sot marrëdhëniet diplomatike me Republikën Islamike të Iranit si një kundërpërgjigje ndaj sulmit kibernetik që ndodhi në 17 korrik.
Hetimet e agjencive të specializuara kanë provuar pa asnjë hije dyshimi që ky sulm ishte i organizuar dhe sponsorizuar nga institucione shtetërore iraniane. Ishte një sulm i paprovokuar, pa asnjë shkak, kundër një vendi anëtar të NATO dhe kandidat për në BE. Sigurisht që ndërprerja e marrëdhënieve diplomatike me cilindo vend, edhe me ato vende me të cilat ndan një vizion diametralisht të kundërt për botën, me të cilat ndan vlera e parime krejt të kundërta, sidomos për çështje që janë qendrore në politikën tonë të jashtme si të drejtat e njeriut, përbën një hap mjaft drastik sidomos, kur beson tek dialogu e bashkëpunimi si mënyra më e mirë për të ecur përpara.
Por në këtë rast, agresiviteti i sulmit, shkalla e sulmit dhe mbi të gjitha fakti që ky ishte një sulm krejtësisht i paprovokuar, nuk linte hapësirë për asnjë vendim tjetër. Ne jemi në komunikim të ngushtë me aleatët e partnerët, në NATO e BE, por edhe në nivel bilateral, u kemi kërkuar atyre mbështetje për vendimmarrjen e Shqipërisë e padyshim edhe mbështetje në të ardhmen për të adresuar këto lloj kërcënimesh sa më mirë.
Ferdinant Xhaferraj TIRANË- Deputeti i Partisë Demokratike, Ferdinant Xhaferraj i quan të rënda deklarata e fundit të ish drejtori...
Jorida Tabaku, deputete TIRANE- Menjëherë pasi kryeministri Edi Rama njoftoi me video se qeveria shqiptare ka vendosur të ngrijë &ccedi...
Edi Rama TIRANË- Kryeministri Edi Rama ka komunikuar live nga zyra e tij, prishjen e marrëdhënieve diplomatike me Iranin. Në fjalë...
TIRANË- Kryetari i Partisë Demokratike, Sali Berisha ka bërë publik një denoncim që i ka mbërritur. Sipas Ana Shtjefni...
Arbi Agalliu TIRANË- Deputeti Arbi Agalliu doli ditën e sotme në një deklaratë për mediat nga Kuvendi, një ditë...
Yuri Kim TIRANË- Ambasadorja amerikane në Shqipëri, Yuri Kim ka nisur ditën sot me disa takime. Fillimisht është ndalur n&eum...
Mbledhja e Këshillit Bashkiak TIRANË- Familjet dhe çiftet e reja në kryeqytet që nuk kanë mundësi të blejnë ...
Komisioni TIRANË- Çështja e varrezave të Sharrës dhe Tufinës u bë temë debati ditën e sotme në Komision...
Xhelal Mziu TIRANË- Deputeti Xhelal Mziu iu drejtua me fjalë fyese kryebashkiakut të Lezhës, Pjerin Ndreut. E gjitha ndodhi sot, gjat&e...
Ylli Manjani TIRANË- Ish-ministri i Drejtësisë, Ylli Manjani ka komentuar pezullimim e aktivitetit të "Air Albania" nga Qendra Komb&eum...
