Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Si dhe përse e mori certifikatën e sigurisë nga DSIK, Xhuljana Dumani? Kjo është pyetja!
TIRANË- Xhuljana Dumani, motra e Nuredin Dumanit, bashkëpunëtorit të drejtësisë që ka rrëfyer dhjetëra krime në Prokurorinë e Posaçme, u kthye për pak kohë në epiqendrën e vorbullës së mediave. Kjo për shkak se ishte punësuar si specialist e marrëdhënieve me NATO-n në Ministrinë për Europën dhe Punët e Jashtme. Në fundjavë u publikua lajmi për të, të hënën, pas 48 orësh ajo dha dorëheqjen me pretendimin ndodhet në rrezik për jetën për shkak të publikimit të të dhënave të saj. Por punësimi i saj ngre disa pikëpyetje që shqetësojnë lidhur me punën që aktualisht (s)bëjnë institucionet filtruese në vendin tonë.
Xhuljana Dumani u pajis me certifikatë sigurie për akses në informacione të klasifikuara, ndërkohë që vëllai i saj rrëfente para prokurorëve të SPAK implikimin në vrasje e grabitje gjatë 10 viteve të fundit. Ministria sqaron në njoftimin zyrtar se ajo si student kishte fituat të drejtën për të bërë praktikë në MEPJ, deri këtu nuk ka asgjë të keqe. Por si e mori certifikatën e sigurisë? Kjo është pyetja!
Drejtoria e Sigurimit të Informacionit të klasifikuar, ndryshe DSIK, supozohet që të gërmonte thellë në jetën e të resë që kërkonte një vend pune në një nga institucionet më të rëndësishme në vend, aq më pak në një sektor si ai i NATO-s. Ndërsa Ministria ngul këmbë se e reja ka qenë e pajisur me certifikatë sigurie, pyetja është si? Një studente mund të shkojë për praktikë, sepse nuk ka arsye që të diskriminohet për bëmat e të vëllait, por e ka marrë vesh njëri që kjo e ka pasur vëlla. DSIK shkel mbi rregullat që vetë ka vendosur. Përveçse mbahen nën përgjim për një farë kohë, DSIK-ja ka të drejtë edhe për verifikimin e pastërtisë, për një periudhë jo më pak se 10 vitet e fundit, ose, kur kjo periudhë është e pamjaftueshme, nga mosha 18 vjeç deri në moshën aktuale. Madje nuk mbaron me personin në fjalë pr edhe për fëmijët, bashkëshortin/bashkëshorten,bashkëjetuesin/ bashkëjetuesen, prindërit dhe personat e tjerë, që jetojnë në të njëjtën familje. Pra “familja” përfshin edhe vëllanë. Në këtë rast në nga killerat më të kërkuar në Shqipëri.
RREGULLAT:
Lëshimi i “Certifikatës së sigurisë” bëhet pasi të kryhet verifikimi i pastërtisë së figurës, përmes procedurave, që garantojnë paanshmëri, balancim të interesave dhe moscenim të dinjitetit të personit.”.
DSIK-ja ka të drejtë t’u kërkojë informacion për verifikimin e pastërtisë së figurës Shërbimit Informativ të Shtetit, Shërbimit Informativ Ushtarak, Shërbimit të Kontrollit të Brendshëm, Policisë së Shtetit, organeve të drejtësisë, të financave dhe ministrive e institucioneve të tjera shtetërore, që i gjykon të nevojshme.
“Certifikata e sigurisë” lëshohet në bazë të vlerësimit të përshtatshmërisë me detyrën, besnikërisë ndaj Republikës së Shqipërisë, ndikimit të jashtëm, figurës dhe qëndrimit moral, sjelljes personale, sjelljes ndaj drogës e alkoolit, gjendjes financiare, qëndrimit ndaj sigurisë kombëtare dhe rendit publik, gjendjes mendore e qëndrimit ndaj informacionit të klasifikuar.”.
Çdo institucion, që ka nevojë të pajisë punonjësit e vet me “Certifikatë sigurie”, si dhe çdo person, që ka nevojë të njihet me një informacion të klasifikuar “Sekret shtetëror”, duhen të plotësojnë e paraqesin pranë DSIK-së këto dokumente: a) Deklaratën për ruajtjen e “Sekretit shtetëror”. b) Deklaratën, përmes së cilës aplikanti jep pëlqimin që ndaj tij të mblidhen të dhëna dhe të bëhen verifikime. c) Pyetësorin personal të sigurisë. ç) Certifikatën e gjendjes familjare.
Kërkesa bëhet vetëm pasi institucioni kërkues të ketë realizuar verifikimin paraprak, për pastërtinë penale (dëshmia e penalitetit, vërtetimet përkatëse nga gjykata e prokuroria) dhe vërtetimin e zyrës së përmbarimit. Këto vlejnë për të provuar shkallën e nevojshme të garancisë dhe se nuk ka pengesë për t’u pajisur me “Certifikatë sigurie”.”.
3. DSIK-ja, në bazë të kërkesës dhe të dokumentacionit të paraqitur nga institucioni, kur i gjen të plota, u kërkon institucioneve të përcaktuara në shkronjën “ç” të pikës 1 verifikimin e pastërtisë, për një periudhë jo më pak se 10 vitet e fundit, ose, kur kjo periudhë është e pamjaftueshme, nga mosha 18 vjeç deri në moshën aktuale.
Verifikimi i pastërtisë përfshin verifikimin e informacionit të dhënë nga aplikanti në pyetësorin personal të sigurisë, në raport me ekzistencën e mundshme të riskut të sigurisë: a) vetëm për personin aplikues, kur kërkohet njohja me informacionin e klasifikuar, të nivelit “Konfidencial”; b) për personin aplikues, fëmijët, bashkëshortin/bashkëshorten, bashkëjetuesin/ bashkëjetuesen, kur kërkohet njohja me informacionin e klasifikuar, të nivelit “Sekret”; c) për personin aplikues, fëmijët, bashkëshortin/bashkëshorten,bashkëjetuesin/ bashkëjetuesen, prindërit dhe personat e tjerë, që jetojnë në të njëjtën familje, kur kërkohet njohja me informacionin e klasifikuar, të nivelit “Tepër sekret”. DSIK-ja interviston personat aplikues ose/dhe kërkon prej tyre paraqitjen e dokumenteve shtesë, veç atyre të përcaktuara në shkronjën “b” të pikës 1 të këtij vendimi.
Madje për krahasim, për të kuptuar qartë se çfarë skandali ka ndodhur, marrim këndvështrimin e zv.komandatit të Forcave tona Detare, Artur Meçollari. Në rrjetet e tij sociale, ai ka ndarë eksperiencën e tij me DSIK, duke shprehur dhe çudinë me çfarë ka ndodhur. Ai sqaron se në mars 2020 ka pasur intervistën e fundit për çertifikatë sigurie. Marrja në pyetje i ka zgjatur rreth 1,5 orë, ndërsa shton se kishin pyetur ndër të tjera për njohjet që kisha edhe me një ish-oficer të Flotës të liruar rreth viteve 1993 dhe që unë e kisha takuar për herë të fundit në vitin 2004. Pra, të pyesin për një koleg, por për vëllanë që të pyet edhe fatorinoja në urban, nuk ndodh.
Por ka edhe një problem tjetër që nuk bën sens në të gjithë deklaratën e MEPJ. Kur Xhuliana Dumani nuk ka pasur akses në asnjë informacion, as në nivelin e sigurisë “i klasifikuar”, pse i është dashur certifikata e sigurisë?
Foto ilustruese TIRANË- Motra e Nuredin Dumanit ka dhënë dorëheqjen nga posti i specalistes në Drejtorinë e Shërbimeve t...
TIRANë- Një grup deputetësh të Partisë Demokratike, bashkë me ta edhe Enkelejd Alibeaj kanë depozituar sot mocion për ...
Albin Kurti KOSOVË- Kryeministri Edi Rama ironizoi pyetjen për kryeministrin Albin Kurti se nëse do të jetë vëzhgues në ...
Edi Rama KOSOVË- Kryeministri Edi Rama deklaroi gjatë konferencës së përbashkët me kryeministrin e Kosovës, Albin Kurtin...
Edi Rama KOSOVË- Kryeministri Edi Rama deklaroi ditën e sotme se nuk e nënçmon Vjosa Osmanin duke mos e përmendur si presidente ...
Edi Rama KOSOVË- Kryeministri Edi Rama deklaroi ditën e sotme se në muajin shtator do të niset për në Strasburg për t'ju...
Albin Kurti KOSOVË- Kryeministri i Kosovës, Albin Kurti deklaroi ditën e sotme se nuk është takuar me asnjë nga ish krerë...
Rama dhe gazetari KOSOVË- Kryeministri Edi Rama deklaroi ditën e sotme se Albin Kurti rrëzohet nga posti i tij vetëm kur të dal&eu...
Edi Rama KOSOVË- Kryeministri Edi Rama doli në konferencë së bashku me kryeministrin e Kosovës, Albin Kurtit pas përfundimit ...
Edi Rama dhe Albin Kurti KOSOVË- Kryeministri i Kosovës Albin Kurti nuk ka preferuar të flasë për Open Balkan. Në një ko...
