Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Kuvendi miratoi të hënën vetëm me votat e mazhorancës një rezolutë të iniciuar nga kryeministri Edi Rama për reforma anti-korrupsion, që parashikon ngritjen e një komisioni të posaçëm parlamentar.
TIRANË- Rezoluta u miratua me 76 vota pro dhe 2 kundër të deputetëve të opozitës Agron Shehaj dhe Dashnor Sula. Grupimi më i madh i opozitës, i njohur si “Rithemelimi” nuk mori pjesë në votim me argumentin se nuk mund të ndërmerrte nisma anti-korrupsion me një qeveri të korruptuar, por e la të paqartë pjesëmarrjen në komisionin që do të ngrihet në bazë të rezolutës. Kryetari i grupit parlamentar demokrat Gazment Bardhi njoftoi që në nisje të seancës vendimin për të abstenuar duke mos marrë pjesë në votim.
“Ne çmojmë si të panevojshme miratimin e një Rezolute për t'i caktuar vetes axhendën apo se çfarë duhet të bëjmë”, tha ai duke argumentuar se opozita kishte treguar gjithmonë vullnetin për të luftuar korrupsionin, ndërsa qeveria bënte propagandë me këtë gjë.
“Ne i qëndrojmë fort vullnetit për ta konsideruar domosdoshmëri jetike për të ardhmen e vendit thellimin e luftës ndaj korrupsionit e fenomenit të pandëshkueshmërisë në mënyrë kapilare në të gjitha nivelet”, tha ai, duke shtuar se “për këtë kemi qenë gjithmonë të gatshëm të luajmë rolin tonë, e kemi bërë detyrën tonë dhe do të vazhdojmë ta bëjmë atë me shumë përkushtim…”
I pyetur nga BIRN nëse do të bëhen pjesë e komisionit të posaçëm që do të ngrihet, Bardhi nuk u përgjigj. Edhe kryetar i PD-së zyrtare, Lulzim Basha, që kontrollon një grup më të vogël deputetësh në Kuvend, tha se nuk do ta votonte këtë rezolutë duke e cilësuar nismën si “akt elektoral” dhe “komplot të pisët kundër SPAK”.
Ai tha se “do të denoncojë me forcë çdo përpjekje kundër drejtësisë e në veçanti kundër SPAK-ut që për momentin është institucioni kryesor për të mos thënë i vetëm që po arrin të godasë korrupsionin e lartë qeveritar”.
Deputetët Shehaj dhe Sula që votuan kundër aluduan se kjo rezolutë tentonte të kapte drejtësinë në një moment kur drejtësia po jepte rezultatet e para të luftës anti-korrupsion me hetime ndaj zyrtarëve të lartë qeveritarë.
“Kjo është një përgatitje e terrenit për të goditur drejtësinë”- tha Shehaj duke u kërkuar deputetëve që të votonin kundër.
Ndërsa Sula hodhi dyshime mbi mënyrën se si do të funksiononte komisioni i posaçëm dhe për qëllimet që kishte mazhoranca për ngritjen e tij.
“Ne nuk jemi republikë parlamentare, jemi republikë kryeministrore dhe kjo bëhet me urdhër të kryeministrit”, tha ai duke i cilësuar “demagogji” argumentet e socialistëve.
E titulluar rezoluta: “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian”, ajo u mbrojt nga socialistët si një instrument për të përfshirë parlamentin në reformat që duhet të ndërmerren për procesin e integrimit evropian.
Kryeministri Edi Rama e cilësoi luftën anti-korrupsion si lajtmotiv të qeverisjes së tij dhe i cilësoi fantazi akuzat se po tenton të vërë në kontroll SPAK-un.
“SPAK-u është ilaçi i hidhur, që o e pi, o vdes dhe që kush e pi një herë po, e një herë jo, siç bëni ju të tjerët, jo nuk ka shans të vetëpastrohet dhe të vazhdojë vetëm përpara, por vetëm zgjat agoninë e vet dhe tretet siç po treteni ju tek ‘rrugica e shpresës'”- u tha ai deputetëve të opozitës, duke aluduar për liderin e “Rithemelimit”, ish-kryeministrin Sali Berisha, i cili gjendet në arrest shtëpie i akuzuar për korrupsion. Sipas Ramës, ajo që po ndodh me reformën në drejtësi ka ndryshuar rrotën e historisë që nga 1912 dhe për këtë është merita e mazhorancës socialiste.
Sipas tekstit të rezolutës, synimi është që Kuvendi të rrisë rolin e tij mbikëqyrës dhe llogarikërkues ndaj qeverisë, institucioneve të pavarura dhe agjencive ekzekutive ligjzbatuese, megjithatë krijohet paqartësi mbi institucionet dhe ligjet që do t'i nënshtrohen reformës. Nisma e PS-së vjen në një kohë kur raportet e organizmave ndërkombëtare referojnë të dhëna se ka një rritje të perceptimit të korrupsionit dhe një rënie të vazhdueshme të efikasitetit të mekanizmave kundër korrupsionit në sektorin publik./Reporter.al
genc gjokutaj TIRANË- Avokati Genc Gjokutaj ka komentuar rezolutën anti-korrupsion të Partisë Socialiste që u mira...
dashnor sula TIRANË- Deputeti i Partisë Demokratike, Dashnor Sula, bashkë me deputetin Agron Shehaj votuan kundër miratimit të pro...
gazment bardhi TIRANË- Kuvendi ka miratuar me 72 vota pro, 2 kundër dhe asnjë abstenim rezolutën e propozuar nga PS për antikorru...
votimi TIRANË- Kuvendi ka miratuar me 72 vota pro, 2 kundër dhe asnjë abstenim rezolutën e propozuar nga PS për antikorrupsionin ...
pamje nga seanca TIRANË- Është miratuar me 76 vota pro dhe 2 kundër, projekt-rezoluta anti-korrupsion e propozuar nga Partia Socialiste...
Ina Zhupa TIRANË - “Të flasësh për korrupsion nga selia e këtij kuvendi, është paradoks”, kështu u shpr...
albana vokshi TIRANË- Deputetja e Partisë Demokratike, Albana Vokshi ka mbajtur fjalën e saj në Kuvend lidhur për projektrezolut&...
Erion Braçe TIRANË - Deputeti i Partisë Socialiste, Erion Braçe ka folur me tone të ashpra pas kundërshtimit...
tritan shehu TIRANË- Deputeti i Partisë Demokratike, Tritan Shehu ka mbajtur fjalën e tij në foltoren e Kuvendit për rezolutë...
ulsi manja TIRANË- Ministri i Drejtësisë, Ulsi Manja ka mbajtur fjalën e tij në Kuvend lidhur me projekt rezolutën antikorru...
