Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Popoviç - i cili është ndihmës i drejtorit të Zyrës për Kosovën në Qeverinë serbe - kishte arritur marrëveshje me Prokurorinë Sepciale të Kosovës për pranimin e fajësisë për nxitje dhe përhapje të urrejtje dhe mosdurimit ndërmjet grupeve etnike, gjatë një fjalimi të mbajtur në Hoçë të Madhe të Rahovecit më 18 korrik.
SERBI- Ministria e Drejtësisë e Serbisë tha të shtunën se zyrtari i Qeverisë serbe, Igor Popoviç, e nënshkroi "nën presion, dhe jo me vullnetin e tij të lirë" një marrëveshje me prokurorët e Kosovës për ta pranuar fajësinë për nxitje të përçarjes dhe mosdurimit, gjë që u mohua menjëherë nga autoritetet kosovare.
“Ne theksojmë se nënshkrimi dhe përdorimi i marrëveshjeve për pranimin e fajësisë në një rast të tillë shërben ekskluzivisht si një mjet për stigmatizim shtesë të popullit serb dhe forcimin e kontrollit politik, dhe jo si një instrument i sundimit të ligjit”, tha Ministria serbe.
Ajo nuk dha asnjë provë për të mbështetur petendimin se Popoviç e pranoi fajësinë nën presion. Gjykata Themelore në Prishtinë e dënoi të premten Popoviçin me gjashtë muaj burgim për nxitje të përçarjes dhe mosdurimit, dënim që iu zëvendësua me një gjobë prej 3.000 eurosh, si dhe ia ndaloi hyrjen në Kosovë për dy vjet.
Popoviç - i cili është ndihmës i drejtorit të Zyrës për Kosovën në Qeverinë serbe - kishte arritur marrëveshje me Prokurorinë Sepciale të Kosovës për pranimin e fajësisë për nxitje dhe përhapje të urrejtje dhe mosdurimit ndërmjet grupeve etnike, gjatë një fjalimi të mbajtur në Hoçë të Madhe të Rahovecit më 18 korrik.
Gjatë atij fjalimi, Popoviç, ndër të tjera, e kishte cilësuar Ushtrinë Çlirimtare të Kosovës “organizatë terroriste”. Vetë Popoviç e pranoi të premten para gjykatësit disa herë se qëndron prapa marrëveshjes për pranimin e fajësisë dhe se marrëveshjen e kishte nënshkruar pa asnjë lloj presioni.
Në një komunikatë të shtunën, Ministria serbe pretendoi se gjyqi kundër Popoviçit ishte "një shkelje e së drejtës ndërkombëtare dhe një sulm i drejtpërdrejtë ndaj të drejtave dhe lirive themelore të njeriut të popullit serb".
“Prandaj, Republika e Serbisë do të përdorë të gjitha mjetet ligjore dhe politike për të mbrojtur Igor Popoviqin dhe për të ekspozuar këtë padrejtësi të rëndë para bashkësisë ndërkombëtare”, thuhet në njoftim.
Megjithatë, pretendimet e Ministrisë serbe i hodhi poshtë menjëherë ministrja në detyrë e Drejtësisë e Kosovës, Albulena Haxhiu, e cila postoi një video në llogarinë e vet në Facebook, që shfaq Popoviçin duke konfirmuar pranimin e fajësisë pa u ndikuar nga presioni.
"Ministria e Drejtësisë së Serbisë paska dalë me akuzë tjetër të rreme duke thënë se zyrtari i saj Igor Popoviç e ka pranuar fajësinë nën kushte presioni. Por, në videon më poshtë mund ta shihni se jo vetëm i akuzuari Popoviç, por edhe vet avokati i tij theksojnë se me vullnet të plotë është bërë si pranimi i fajësisë ashtu edhe marrëveshja", tha ajo.
Ministria serbe tha se marrëveshja për pranimin e fajësisë "nuk prodhon efekt juridik në rendin juridik të Serbisë".
"Përveç kësaj, vetë marrëveshja është e pavlefshme, sepse është lidhur nën presion dhe në kushte shkeljeje të të drejtave themelore të garantuara nga Rezoluta 1244 dhe Karta e OKB-së për të Drejtat e Njeriut", sipas aj.
Ministria u bëri thirrje misioneve ndërkombëtare “që veprojnë në Kosovë”, si dhe përfaqësuesve të Bashkimit Evropian, që të "reagojnë urgjentisht".
Popoviç u arrestua më 18 korrik në pikëkalimin kufitar të Bërnjakut, që lidh Kosovën me Serbinë, pas fjalimit të tij në Hoçë të Madhe të Rahovecit. Pas ndalimit policor prej 48-orësh, Popoviqit iu caktua masa e paraburgimit prej një muaji. Avokati i tij e apeloi vendimin, por edhe shkalla e dytë e gjyqësorit la në fuqi vendimin e Themelores më 31 korrik.
Prokuroria e akuzoi atë se me dashje ka nxitur dhe përhapur publikisht urrejtje dhe mosdurim ndërmjet grupeve etnike, gjatë një fjalimi të mbajtur në Hoçë të Madhe të Rahovecit.
Çështjen e arrestimit të Popoviqit, zyrtarët serbë e kanë ngritur edhe gjatë takimeve me ambasadorët e Rusisë dhe Kinës, të akredituar në Serbi, por edhe me shefin e Kombeve të Bashkuara, Antonio Guterres. Pas shqiptimit të paraburgimit ndaj Popoviqit, presidenti serb, Aleksandar Vuçiç, e paralajmëroi Kosovën për “pasoja të paparashikueshme”. Kjo deklaratë u pa si kërcënim nga kryeministri në detyrë i Kosovës, Albin Kurti.
Zyrtarët në Kosovë kanë thënë se nuk do të tolerojnë që të fyhet dhe përdhoset historia dhe lufta e udhëhequr nga UÇK-ja. UÇK-ja ishte forcë politiko–ushtarake e cila ka luftuar për çlirimin e Kosovës nga sundimi serb në periudhën 1990-1999.
Gjatë luftës në Kosovë më 1998/99 janë vrarë më shumë se 13.000 civilë, ndërsa mijëra të tjerë janë zhdukur. Rreth 1.600 persona, kryesisht shqiptarë, nuk janë gjetur ende. Ndër vite, autoritetet e drejtësisë në Kosovë kanë akuzuar ose dënuar disa persona për krime lufte./REL
Ilir Meta TIRANA- Presidenti i Partisë së Lirisë Ilir Meta ka reaguar lidhur me ngjarjen ku Policia ka bllokuar zyrat e media...
Jorida Tabaku TIRANA- Deputetja e Partisë Demokratike Jorida Tabaku ka reaguar lidhur me ngjarjen ku Policia ka bllokuar zyrat e mediav...
Albana Vokshi TIRANA- Deputetja demokrate Albana Vokshi ka reaguar lidhur me ngjarjen ku Policia ka bllokuar zyrat e mediave News24, Pa...
Gazment Bardhi TIRANA- Deputeti demokrat Gazment Bardhi ka reguar lidhur me ngjarjen ku Policia ka bllokuar zyrat e mediave News24, Panorama...
Sali Berisha TIRANA- Kreytari i Partisë Demokratike Sali Berisha ka bërë një reagim në rrjetet sociale lidhur me ngjarje...
Ina Zhupa TIRANA- Kryetarja e Komisionit të Medias Ina Zhupa ka reaguar lidhur me ngjarjen ku Policia ka bllokuar zyrat e mediave News2...
Tedi Blushi TIRANA- Sekretari i Përgjithshëm i Partisë së Lirisë ka reguar lidhur me ngjarjen ku Policia ka bllokuar zyr...
Ervin Salianji TIRANA- Ish-deputeti i Partisë Demokratike Ervin Salianji, ka reaguar lidhur me ngjarjen ku Policia ka bllokuar zyrat e ...
Edi Rama TIRANA- Kryeministri Edi Rama ka prezantuar sot me anë të një postimi në rrjetet sociale platformën "Hapësira ...
Sali Berish TIRANË- Kreu i Partisë Demokratike, Sali Berisha, ka reaguar pas vdekjes së Besnik Koçiut në burgun &ldquo...
