Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Në kërkesë thuhet se ky trajtim i Metës e stigmatizon atë para trupit gjykues, publikut dhe mediave, krijon perceptimin e rrezikshmërisë dhe “fajësisë së paracaktuar” dhe ia pamundëson komunikimin e lirë, konfidencial dhe të menjëhershëm me avokatin; e trajton si objekt sigurie, jo si subjekt të së drejtës.
TIRANË- Avokati i presidentit të Partisë së Lirisë Ilir Meta, Kujtim Cakrani ka paraqitur një kërkesë drejtuar GJKKO-së në lidhje me trajtimin e klientit të tij duke pretenduar se atij i janë shkelur të drejtat kushtetuese, ndërsa ka kërkuar ndërprerjen e vendosjes së tij në kafaz hekuri apo kabinë xhami gjatë seancave gjyqësore.
Në kërkesë thuhet se ky trajtim i Metës e stigmatizon atë para trupit gjykues, publikut dhe mediave, krijon perceptimin e rrezikshmërisë dhe “fajësisë së paracaktuar” dhe ia pamundëson komunikimin e lirë, konfidencial dhe të menjëhershëm me avokatin; e trajton si objekt sigurie, jo si subjekt të së drejtës.
Meta kërkon që gjatë seancave ai të vendoset pranë avokatit, pa barriera fizike, gjatë gjithë procesit gjyqësor. Në kërkesën e dorëzuar, mbrojtja pretendon se vendosja e të pandehurit në kabinë të mbyllur cënon nenin 3 të Konventës Evropiane të të Drejtave të Njeriut, që ndalon trajtimin çnjerëzor dhe poshtërues.
Mbrojtja pretendon se pamundësohet komunikimi i lirë dhe konfidencial me avokatin, çka sipas tyre cenon nenin 31 të Kushtetutës dhe nenin 6 të KEDNJ, të drejtën për mbrojtje efektive. Më tej, theksohet se paraqitja e tij në kabinë ndikon negativisht në prezumimin e pafajësisë. Sipas mbrojtjes, trajtimi i tillë është në kundërshtim edhe me rekomandimet e Komitetit Evropian Kundër Torturës, i cili ka kritikuar përdorimin e kafazeve dhe ndarjeve të mbyllura në sallat gjyqësore.
Kërkesa e plotë:
KËRKESË:
Ilir METAJ, i biri Rexhepit, dhe Fiqiretes, dtl 24 mars 1969, lindur në Çepan, Skrapar, me adresë banimi Tiranë, Rr, “Vaso Pasha” Nd. 1817. H.0, Ap.005 ose pranë Partisë Lirisë, Sheshi Uillson. Përfaqësuar me Akt-Përfaqësimi, të lëshuar më datë 22.05.2025 nga Studio Ligjore CAKRANI, me NUIS M03525401G av. Kujtim Cakrani me nr license 8315 regjistruar pranë Dhomës Avokatisë Fier. Email: [email protected] nr.0699413001.
Për Konstatimin e Shkeljes së të Drejtave Kushtetuese dhe Ndërprerjen e Vendosjes së të Pandehurit në Kafaz Hekuri/Kabinë Xhami gjatë seancës gjyqësore.
Shkelja e nenit 3 të Konventës Evropiane për të Drejtat e Njeriut, Shkelja e nenit 30 të Kushtetutës së Shqipërisë Prezumimi i pafajësisë,
Shkelja e nenit 31 të Kushtetutës dhe nenit 6 të KEDNJ – E drejta për mbrojtje efektive
Gjykatës Posacme Shkallës Parë Kundër korrupsionit dhe Krimit Organizuar,
Gjyqtare z. Irena GJOKA
PER DIJENI:
Drejtuesit z. Erion BANI
E nderuara znj. Gjyqtare seancës paraprake,
I nderuar Drejtues i Gjykatës Posacme Shkallës Parë Kundër korrupsionit dhe Krimit Organizuar,
Pranë Gjykatës Posacme Shkallës Parë Kundër korrupsionit dhe Krimit Organizuar, është paraqitur kërkesa e Prokurorisë Posacme Kundër korrupsionit dhe Krimit Organizuar, për kalimin në gjyq të procedimit penal ndaj Presidentit Republikës z. Ilir Metaj etj.
Nëpërmjet kësaj kërkese, i pandehuri Presidenti z. Ilir METAJ, përfaqësuar nga mbrojtësi i tij ligjor, Studio Ligjore CAKRANI, av. Kujtim Cakrani, kërkon nga Gjykata:
Konstatimin e shkeljes së të drejtave kushtetuese dhe konvencionale, si pasojë e vendosjes së tij në kafaz hekuri / kabinë xhami në sallën e gjyqit;
* Urdhërimin e menjëhershëm për heqjen e çdo forme izolimi degradues (kafaz hekuri, kabinë xhami, mjet tjetër ndarës), dhe
* Vendosjen e të pandehurit në sallën e gjyqit pranë mbrojtësit, sipas standardeve të një procesi të rregullt ligjor dhe të drejtësisë efektive.
BAZA FAKTIKE
I pandehuri është paraqitur në seancat gjyqësore të kësaj çështjeje në një kabinë xhami / kafaz metalik, i izoluar fizikisht dhe vizualisht nga pjesa tjetër e sallës.
Ky trajtim:
e stigmatizon atë para trupit gjykues, publikut dhe mediave;
krijon perceptimin e rrezikshmërisë dhe “fajësisë së paracaktuar”;
ia pamundëson komunikimin e lirë, konfidencial dhe të menjëhershëm me avokatin; e trajton si objekt sigurie, jo si subjekt të së drejtës.
III. BAZA JURIDIKE
Shkelja e nenit 3 të Konventës Evropiane për të Drejtat e Njeriut
Neni 3 KEDNJ ndalon çdo trajtim çnjerëzor dhe poshtërues. GJEDNJ ka vendosur në çështjen Svinarenko & Slyadnev kundër Rusisë (2014) se:
“Vendosja e të pandehurit në kafaz metalik në gjykatë përbën në vetvete trajtim poshtërues dhe çnjerëzor.”
Kjo praktikë është konsideruar shkelje absolute, të palejueshme në asnjë rrethanë. Edhe kabinët e xhamit konsiderohen problematike nga GJEDNJ, pasi:
kufizojnë të drejtën e mbrojtjes,
izolimi vizual dhe fizik dëmton dinjitetin,
ndikojnë në perceptimin e pafajësisë.
Shkelja e nenit 30 të Kushtetutës së Shqipërisë – Prezumimi i pafajësisë
Vendosja e të pandehurit në kafaz/kabinë të mbyllur krijon perceptim vizual të fajësisë dhe rrezikshmërisë, gjë që bie ndesh me parimin kushtetues që:
“Kushdo prezumohet i pafajshëm derisa fajësia e tij të jetë provuar me vendim të formës së prerē.”
Kjo formë e paraqitjes së tij në sallë e dëmton rëndë perceptimin publik dhe gjyqësor të pafajësisë.
Shkelja e nenit 31 të Kushtetutës dhe nenit 6 të KEDNJ – E drejta për mbrojtje efektive Izolimi i të pandehurit në kabinë:
e pengon të komunikojë lirshëm me mbrojtësin; vështirëson dëgjimin dhe kuptimin e procedures;
e vendos në pozicion inferior gjatë procesit.
Sipas praktikës së GJEDNJ, çdo ndërhyrje që e privon të pandehurin nga komunikimi efektiv me avokatin përbën shkelje të nenit 6 të Konventës.
Shkelja e dinjitetit njerëzor dhe standardeve ndërkombëtare
Dinjteti është vlerë themelore e mbrojtur nga Kushtetuta dhe instrumentet ndërkombëtare. Komiteti Evropian kundër Torturës (CPT) ka kërkuar në mënyrë të përsëritur që:
Të gjitha shtetet evropiane të heqin kafazet metalike dhe kabinat e izolimit në gjykata.
Praktika e vendosjes së të pandehurve në kafaze hekuri ose në kabina të mbyllura me xham në sallat e gjyqit në Shqipëri përbën një formë trajtimi degradues dhe poshtërues, e cila bie ndesh me parimet themelore të Kushtetutës së Republikës së Shqipërisë, Konventës Evropiane për të Drejtat e Njeriut (KEDNJ) si dhe me praktikën e Gjykatës Evropiane të të Drejtave të Njeriut (GJEDNJ).
KËRKESA
Në bazë të argumenteve të mësipërme, kërkohet që Gjykata të vendosë:
Konstatimin e shkeljes së të drejtave kushtetuese dhe konvencionale të të pandehurit, si pasojë e vendosjes së tij në kafaz/kabinë të mbyllur,
Ndërprerjen e menjëhershme të kësaj praktike në seancat e ardhshme;
Vendosjen e të pandehurit pranë mbrojtësit, pa barriera fizike dhe pa izolim, në përputhje me parimin e dinjitetit njerezor, prezumimin e pafajësisë dhe të drejtën për mbrojtje efektive;
Urdhërimin e administratës së gjykatës dhe të institucionit të sigurisë për zbatimin e masave të përshtatshme jo degraduese gjatë sjelljes së tij në sallë.
Përfundim
Vendosja e të pandehurit në kafaz hekuri apo kabinë xhami përbën shkelje serioze të:
nenit 3 dhe 6 të KEDNJ,
nenit 28, 30 dhe 31 të Kushtetutës,
standardit të dinjitetit njerëzor,
praktikës së GJEDNJ dhe rekomandimeve të CPT.
Si e tillë, kjo praktikë duhet menjëherë të ndërpritet dhe i pandehuri duhet të trajtohet me dinjitet dhe sipas standardeve të procesit të rregullt ligjor.
Deri sa të meren masat që kjo shkelje dinjitetit nerëzor vendosur me qëllim poshtërues të hiqet ne nuk do zhvillojmë seanca gjyqësore.
Besojmë dhe shprehsojmë se do meren masa për rikthimin e normalitetit dhe gjykimi të vazhdoj sipas standartit të prezumimit pafajësisë dhe dinjitetit njerozor
Av. Kujtim CAKRANI
SPAK BRUKSEL- Prokuroria e Posaçme kundër Korrupsionit dhe Krimit të Organizuar, duket se ka bërë gati fletë-arrestet ...
Mirlinda Karçanaj TIRANË- Drejtoresha e Agjencisë Kombëtare të Informacionit Mirlinda Karçanaj ka shkuar n...
Sali Berisha TIRANË- Kryedemokrati Sali Berisha deklaroi se foltoret e Partisë Demokratike nuk do të jenë të përditshme, por...
Foto Ilustruese KOSOVË- Bashkësia ndërkombëtare e ka dënuar vendimin e Komisionit Qendror të Zgjedhjeve (KQZ) në Kosov&...
Sali Berisha TIRANË- Kryedemokrati, Sali Berisha deklaroi gjatë konferencës me gazetarët se në Kongresin Amerikan u denoncua ...
Sali Berisha TIRANË- Kreu i Partisë Demokratike, Sali Berisha, deklaroi se kryeministri i vendit nuk ka asnjë lidhje me regjistrat e asnj&e...
Sali Berisha TIRANË- Kreu i Partisë Demokratike, Sali Berisha ka folur sërish lidhur me takimet e Ervin Salianjit. Kryedemokrati sqaroi se&n...
Sali Berisha TIRANË- Kreu i Partisë Demokratike, Sali Berisha, deklaroi se listat e mbyllura nuk përfaqësonin një sistem më t...
Sali Berisha TIRANË- Kreu i Partisë Demokratike, Sali Berisha tha se PD ka vendosur të mbështesë kandidaturat e saj për funks...
Sali Berisha TIRANË- Kreu i Parisë Demokratike, Sali Berisha gjatë konferencës me gazetarët i bëri thirrje organeve ndë...
