Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Zhupa deklaroi se mungesa e përgjigjeve dhe largimi i tij nga komisioni është tregues i mungesës së transparencës dhe llogaridhënies, duke ngritur shqetësime për furnizimin me ujë, menaxhimin e fondeve publike, gjendjen e arsimit, mungesën e infrastrukturës sportive e kulturore, problemet me parkimet dhe administratën e fryrë të bashkisë.
TIRANË- Drejtuesja politike e Partisë Demokratike dhe deputetja e Sarandës, Ina Zhupa ka reaguar pas mbledhjes së Komisionit të Reformës Territoriale, ku kryetari Bashkia Sarandë Oltion Çaçi, refuzoi ti përgjigjej pyetjeve të deputetes mbi problematikat e qytetit që deputetja i bëri në komision dhe braktisi mbledhjen.
Zhupa deklaroi se mungesa e përgjigjeve dhe largimi i tij nga komisioni është tregues i mungesës së transparencës dhe llogaridhënies, duke ngritur shqetësime për furnizimin me ujë, menaxhimin e fondeve publike, gjendjen e arsimit, mungesën e infrastrukturës sportive e kulturore, problemet me parkimet dhe administratën e fryrë të bashkisë. Sipas saj, “zero përgjigje” për këto çështje do të thotë “zero përgjegjësi”, ndërsa dështimet e qeverisjes vendore reflektohen çdo ditë në jetën e qytetarëve të Sarandës.
Reagimi i plotë i Ina Zhupës:
Braktisja e mbledhjes dhe refuzimi për përgjigje pyetjeve të mia ne Komisionin e Reformës Territoriale nga kryetari i Bashkisë Sarandë, Oltion Çaçi, nuk ishte thjesht një akt arrogance politike. Ishte dëshmia më e qartë e pamundësisë për të dhënë llogari para qytetarëve për mënyrën se si menaxhohet bashkia dhe si shpenzohen fondet publike.
Kur një kryetar bashkie largohet nga komisioni në momentin që përballet me pyetje konkrete dhe refuzon hapur të jap përgjigje për detyrat e tij, kjo është sindroma e një bashkie të korruptuar, jo funksionale dhe të shkëputur nga nevojat e qytetarëve.
Saranda meriton më shumë sesa një drejtim që identifikohet vazhdimisht me skandale, hetime, burg, paraburgim apo ish-zyrtarë të dënuar. Kjo nuk është fytyra e denjë e përfaqësimit të qytetarëve të Sarandës.
Oltion Çaçi nuk mundi t’u përgjigjej pyetjeve më elementare:
Si ka mundësi që në vitin 2026 Saranda ende nuk ka furnizim me ujë 24 orë në ditë, ndërsa bashkia krenohet me buxhete gjithnjë e më të larta? Cilat kanë qenë sektorët prioritarë ku janë investuar fondet? Ku kanë përfunduar paratë e qytetarëve?
Pse kundërshton krijimin e Bashkisë Ksamil duke u mbështetur në statistika të vitit 2012, kur sot jemi në vitin 2026? Ksamili ka tashmë të ardhura të konsiderueshme nga bizneset, resortet, turizmi dhe një realitet krejt tjetër demografik e ekonomik. Pse nuk na tregoi sa të ardhura ka përfituar Bashkia Sarandë nga Ksamili gjatë vitit 2025 dhe sa nga vetë qyteti i Sarandës?
Si ka mundësi që një qytet ku nxënësit vazhdojnë të zhvillojnë mësimin me dy turne, ndërkohë që ekzistonte një shkollë e re e bërë me paratë e qytetareve si Eco Kampusi për t’i shërbyer komunitetit, zgjedh t’ua dhurojë atë oligarkëve për projekte hoteliere?! Si ka mundësi që sot në territorin e Ekokampusit ndërtohet pa leje dhe bashkia nuk reagon ndaj shkeljes së hapur të ligjit?
Në fjalën hapëse në komision dëgjuam se të gjitha shkollat dhe kopshtet janë rikonstruktuar. Realiteti është krejt ndryshe. Godinat janë të amortizuara, mungon ngrohja dhe prindërit detyrohen të mbledhin para nga xhepi i tyre për të blerë kondicionerë për klasat e fëmijëve.
Saranda vuan nga mungesa e plotë e hapësirave sportive dhe kulturore. Një qytet i rëndësishëm turistik nuk ka pallat sporti, nuk ka teatër, nuk ka kinema dhe nuk ofron asnjë hapësirë moderne për fëmijët, të rinjtë dhe qytetarët. Aq më pak për turistët që vizitojnë qytetin.
Një tjetër problem madhor është parkimi. Saranda nuk ka parkime publike të mjaftueshme. Një parkim me rreth 100 vende është hapur larg qytetit, në hyrje te tij, por pa asnjë linjë urbane që ta lidhë me zonat kryesore. Si pritet që qytetarët apo vizitorët të lëvizin? Me taksi? Me makina me qira? Ky nuk është planifikim urban, por improvizim.
Ndërkohë, parkimet buzë rrugës në qytet janë të mbingarkuara nga automjetet me qira dhe motorra skic, ndërsa banorët e Sarandës nuk gjejnë vend për të parkuar.
Bashkia Sarandë, me rreth 23 mijë banorë, numëron sot rreth 450 punonjës. Një rritje e pajustifikuar pas reformës territoriale, e cila nuk është shoqëruar as me përmirësim të shërbimeve dhe as me eficiencë më të lartë. Përkundrazi është një administrate të fryrë për qëllime patronazhimi politik dhe elektoral.
Po ashtu ngrita pyetje për menaxhimin e mbetjeve, shërbimet sociale, strehimin social, nivelin e borxhit të bashkisë dhe garantimin e standardeve të barabarta të shërbimeve në çdo lagje e fshat të territorit.
Për asnjërën prej këtyre çështjeve nuk mora përgjigje.
Zero përgjigje, sepse ka zero transparencë. Zero përgjigje, sepse ka zero përgjegjësi.
Dhe ky dështim nuk fshihet dot pas propagandës. Ai reflektohet çdo ditë në rrugët, shkollat, lagjet dhe shërbimet e qytetit./Dosja.al
Foto ilustruse KOSOVA- Ditën e sotme ka nisur votimi për zgjedhjet e parakohshme parlamentare të Kosovës nga diaspora. Të gji...
Sali Berisha DURRËS- Kryetari i Partisë Demokratike, Sali Berisha ka marrë pjesë sot në seminarin vjetor të Bashkëpunim...
Foto ilustruse TIRANË- Regjisori, aktori dhe producenti shqiptar, Mevlan Shanaj i është drejtuar me një letër t&eu...
Edi Rama TIRANË- Kryeministri i vendit, Edi Rama ka deklaruar ditën e sotme se një nga programet më të ndjekura në Brita...
Edi Rama VLORË- Kryeministri Edi Rama ka folur nga Vlora për projektin e ndërtimit në zonën e mbrojtur të Zvërnecit, p&...
Edi Rama VLORË- Kryeministri Edi Rama deklaroi se Shqipëria synon të mbyllë negociatat me Bashkimin Europian deri në fund të ...
Edi Rama VLORË- Kryeministri Edi Rama tha gjatë aktivitetit për 35-vjetorin e Partia Socialiste në Vlorë, se vendi nuk mund të...
Edi Rama VLORË- Kryeministri Edi Rama foli në 35 vjetorin e PS-së Vlorë për investimin në Zvërnec, duke thën&e...
VLORË- Kryeministri Edi Rama pati një debat në Vlorë teksa po fliste mbi investimin e pritshëm me disa banorë të Zvërn...
Edi Rama VLORË- Kryeministri Edi Rama gjatë bashkëbisedimit të tij me banorët e Zvërnecit nuk i ka kursyer as ironitë p&...
