Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Kryetari i Komisionit të Shëndetësisë dhe Mbrojtjes Sociale Bardh Spahia renditi një sërë faktesh alarmante të evidentuara edhe në raportin e KLSH.
TIRANË- Maxhoranca ka rrëzuar sot kërkesën e e opozitës për mocion me debat lidhur me gjendjen në spitalin e onkologjikut. Kryetari i Komisionit të Shëndetësisë dhe Mbrojtjes Sociale Bardh Spahia renditi një sërë faktesh alarmante të evidentuara edhe në raportin e KLSH.
Bardhi tha se shumica parlamentare refuzon një mocion me debat të kërkuar nga opozita për këtë çështje urgjente, duke e akuzuar atë se po e kthen parlamentin në një “shtojcë të ekzekutivit” ku nuk lejohet kontrolli dhe debati. Në fund të fjalës, ai paraqiti një sërë kërkesash, përfshirë ngritjen e një komisioni hetimor parlamentar, transparencë të plotë për buxhetin e barnave onkologjike, rishikim të menjëhershëm të protokolleve klinike dhe rritje të buxhetit për spitalin.
"Sot në këtë sallë duhet të ishim duke zhvilluar një mocion me debat, një kërkesë legjitime e paraqitur nga një grup deputetësh të opozitës për një nga çështjet më urgjente që ka sot vendi, për shëndetin dhe jetën e pacientëve me sëmundje tumorale. Por kjo shumicë zgjodhi ta refuzojë debatin. Ashtu siç ka refuzuar që në nisje të kësaj legjislature të re, ku për herë të parë në historinë e parlamentarizmit shqiptar refuzoi të mbante debatin edhe për programin politik të qeverisë së kësaj mazhorance. Ky parlament, për fatin e tij të keq, është shndërruar në një shtojcë të ekzekutivit, pasi debati për kontrollin parlamentar ndaj qeverisë është i ndaluar. Në këtë parlament ngrihen vetëm kartonat e kësaj pjese të mazhorancës, si të ishin buratinë. Është e trishtë që përfaqësuesit e qytetarëve, ata që duhet të mbrojnë interesin publik dhe duhet t'i kërkojnë llogari qeverisë, sikundër në çdo parlament tjetër të një vendi që aspiron të jetë anëtar i Bashkimit Evropian, në fakt nuk bëjnë asgjë tjetër veçse zbatojnë urdhra politikë. Ky debat nuk është për ne, përfaqësuesit e opozitës.
Ky debat që u refuzua nuk është për të bërë politikë. Ky debat është për shqiptarët dhe nuk do të duhej të ishte refuzuar. Për të bërë transparencë mbi situatën dramatike në spitalin onkologjik, e cila kërkon reagim urgjent për ta kthyer atë në kushte të paktën bazike të ofrimit të shërbimit. Qytetarët kërkojnë trajtim shëndetësor bazik, sepse kjo është një e drejtë kushtetuese, e cila nuk mund t'i referohet, nuk mund t'i refuzohet nga asnjë lloj qeverisjeje. Sot do të duhet të flasim për jetë njerëzish, jo për statistika dhe propagandë fasadash të qeverisë. Sot duhet të flasim për ato nëna, gra, vajza, baballarë, djem që luftojnë çdo ditë për të jetuar. Ndërsa shteti që duhet t'u garantojë trajtim dinjitoz, u kthen kurrizin. Raporti i publikuar vetëm një muaj më parë nga Kontrolli i Lartë i Shtetit është në zyrën tuaj zonja ministre. Dhe me shumë gjasa ju do ta arkivoni, sikundër kolegët e tuaja të mëparshme kanë bërë të njëjtën gjë me raportet e mëparshme. Sepse për 12 vite me radhë, situata në onkologjik nuk ka ndryshuar. Përkundrazi, ajo po degradon nga dita në ditë. Ndërkohë që ju keni përgjegjësinë për të garantuar shëndet cilësor për çdo qytetar dhe për të bërë çdo gjë për të ruajtur jetën e qytetarëve shqiptarë. Ky raport nuk flet me opsione politike, flet me fakte, shifra dhe dokumenta zyrtare.
Ai bën një panoramë të ftohtë mbi situatën e barnave dhe pajisjeve mjekësore në spitalin onkologjik të QSUT-së, e cila është në një kolaps përkundrejt shërbimit ndaj qytetarit. Pacientëve që dergjen çdo ditë me qindra e mijëra dhe ku mungojnë barna bazë, barna të trajtimeve terapeutike, pajisjet sipas protokolleve mjekësore për diagnozat e ndryshme të pacientëve e të tjerë. Raporti tregon qartë se 46% e barnave antitumoralë të autorizuar nuk janë importuar kurrë dhe kjo është kriminale. Protokollet klinike janë të vjetëruara që prej vitit 2014. Kjo është paaftësi kriminale. Farmacitë spitalore kanë barna të skaduara që ende figurojnë si aktive. Kjo është një vjedhje me pasoja direkte në shëndetin dhe jetën e qytetarëve. AKBMP nuk ka kryer asnjë inspektim për tre vite rresht, agjencia e kontrollit të barnave. Laboratori i kontrollit ka kryer vetëm tetë analiza në tre vite. Penalitetet ndaj operatorëve që kanë vonuar furnizimet nuk janë zbatuar. Programi për barnat tumorale është nënfinancuar sistematikisht. Këto fakte të gjitha flasin qartë. Kjo nuk është një mungesë apo ngërç administrativ. Ky është një skandal shtetëror. Është një tjetër provë e qartë e dështimit të një sistemi të kapur nga paaftësia, burokracia dhe korrupsioni. Në vend që të investohej në barna, në pajisje dhe në kushte spitalore, qeveria ka preferuar propagandën dhe fasadat shumëngjyrëshe që vetë ministrja juaj e re në ditët e para të saj, hoqi paralele me vendet e BE-së e të Britanisë së Madhe. E nderuar ministre, a ka sot pacientë në spitalet onkologjike të Europës apo të Britanisë së Madhe që përballen me mungesë të kushteve bazë të hospitalizimit dhe higjienës për pacientë, ku mungojnë barnat bazë dhe ku mungojnë terapitë jetike për pacientët.
Spitali onkologjik që duhej të ishte qendra e shpresës për mijëra pacientë, sot është kthyer në simbol të braktisjes shtetërore. Çdo vit buxheti për barnat onkologjike dhe pajisjet mjekësore ka rënë, ndërkohë që buxheti për koncesione e fasada, shërbime konsulence e të tjerë është rritur. Shifrat zyrtare tregojnë qartë. Vetëm dje, një zonjë e sëmurë me tumor solli dëshminë e saj tronditëse nga eksperienca e përjetuar në spitalin onkologjik.
Nuk ka shtretër, as poltrona për kemioterapi. Nuk ka kushte minimale higjieno-sanitare. Brakiterapia nuk punon prej tre muajsh. Akseleratorët linear funksionojnë me ndërprerje. Mamografia dhe ekografia nuk bëhen. Pet scan nuk ekziston. Barnat që duhet t'i sigurojë spitali, pacientët i blejnë vetë, ose detyrohen të shkojnë jashtë shtetit. Kjo nuk është thjesht neglizhencë. Është shkelje e të drejtës për jetën, e sanksionuar në Kushtetutë dhe në Konventën Europiane për të drejtat e njeriut. Kush mban përgjegjësi? Kush i mban përgjegjësitë për këtë situatë ekstreme?
Ku është Ministria e Shëndetësisë? Ku janë drejtuesit e QSUT-së, të fondit të sigurimeve, të agjencisë së barnave? A do të ketë ndonjëherë llogaridhënie reale, apo çdo gjë do të fshihet nën petkun e propagandës. Të nderuar qytetarë, debati që u refuzua sot në këtë parlament nuk është për opozitën, por është për qytetarët. Është e drejta e qytetarëve të kërkojnë llogaridhënie, të kërkojnë veprim të menjëhershëm, të kërkojnë që ky kuvend të mos heshtë përballë dhimbjes njerëzore. Ndaj unë sot, edhe pas këtij refuzimi që ju po i bëni të drejtës së qytetarëve për të kërkuar llogari ndaj qeverisë, kërkoj: Një hetim parlamentar për zbatimin e rekomandimeve të KLSH-së. Transparencë të plotë për buxhetin e barnave onkologjike dhe kontratat e furnizimit. Rishikimin e menjëhershëm të protokolleve klinike dhe procedurave të miratimit të barnave. Rritje të buxhetit për onkologjikun, jo për mure, jo për fasada, por për barna dhe pajisje. Garanci ligjore për furnizimin pa ndërprerje me barna jetike të listës bazë. Zonja dhe zotërinj të mazhorancës, kur të votoni, mendoni për ato mijëra pacientë që luftojnë çdo ditë me vdekjen. Jeni me to apo kundër tyre?," tha Spahia.
Ilir Proda dhe Altin Morina TIRANË- Ish-shefi i komisariatit nr. 2 Ritvan Pali që arrestoi të shumëkërkuarin Altin Morin...
Edi Rama HOLANDË- Media investigative holandeze 'Follow the Money' ka bërë një artikull mbi Shqipërinë, duke e quajtur q...
Kuvendi TIRANË- Partia Socialiste dhe Partia Demokratike kanë bashkuar sot votat për të zgjedur kryetaren dhe anëtarët e...
Niko Peleshi TIRANË- Debatet e ashpra, ofendimet dhe lapsuset nuk kanë munguar as në seancën plenare e sotme. Këtë herë...
TIRANË- Kryetari i PD-së Sali Berisha ka deklaruar se strategjia e maxhorancës për vendosjen e ligjit për barazinë gjinore si pi...
TIRANË- Nënkryetari i grupit parlamentar të PD-së, Belind Këlliçi i kërkoi kryetarit të Kuvendit, Niko Pel...
Edi Rama TIRANË- Kreyministri Edi Rama, ka njoftuar se nga viti 2026 do të zbatohet praktika e indeksimit vjetor të pagave për pun...
Ilir Beqaj TIRANË- Gjykata Kushtetuese ka caktuar datën për seancën e ish-ministrit të Shëndetësisë, Ilir Beqaj, pa...
Kuvendi TIRANË- Seanca plenare është ndërprerë për 10 minuta ditën e sotme në Kuvend. Ndërprerja ka ardhur p&e...
Sali Berisha TIRANË- Kryetari i Partisë Demokratike, Sali Berisha, iu përgjigj deklaratave të Taulant Ballës duke mohuar se ka fye...
