Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
WP shkruan se raporti me Ramën e ka "zhytur deri në fyt" McGonigal
TIRANE- Gazeta amerikane "Washington Post" e përshkruan si fatal raportin e krijuar nga ish-agjenti i FBI, Charles McGonigal me kryeministrin shqiptar, Edi Rama. Në shkrimin e botuar për këtë çështje, teksa shqyrton shkeljet e ish-agjentit dhe thekson se bashkëpunimi me qeverinë shqiptare ia rëndon më shumë pozitën McGonigal, sesa puna për oligarkun rus Oleg Deripaska, një tjetër këndvështrim bëhet nga media amerikane. WP shkruan se raporti me Ramën e ka "zhytur deri në fyt" McGonigal, ndërsa bazuar në akuzën e ngritur nga hetimi në SHBA, një nga analistët politikë ka thënë se kjo akuzë pengon seriozisht përpjekjet e SHBA në zbatimin e Reformës në Drejtësi në Shqipëri.
PJESE NGA SHKRIMI PER SHQIPERINE:
Por, tha Mujanoviç, akuza se McGonigal po merrte para nga një aleat i Ramës, ndërsa takohej me kryeministrin dhe potencialisht po vepronte për të ndihmuar në avancimin e interesave të biznesit të njerëzve që e paguanin atë në krah, mund të pengojë seriozisht përpjekjet e reformës së udhëhequr nga SHBA në Shqipëri.
Në kohën kur McGonigal dyshohet se filloi të punonte për një rus, i cili ishte nën sanksionet e SHBA, sipas aktakuzës, McGonigal ishte i zhytur gjer në grykë në marrëdhënie të tjera sekrete me kryeministrin e Shqipërisë dhe një ish-operativ të inteligjencës shqiptare.
Puna shqiptare e McGonigal dyshohet se filloi ndërsa ai punonte ende për FBI-në, një pikë e veçantë shqetësimi për ish-kolegët e tij. Prokurorët pretendojnë se deri në gusht 2017, McGonigal ishte lidhur me një person nga Nju Xhersi, i cili kishte lindur në Shqipëri dhe disa dekada më parë kishte punuar për inteligjencën shqiptare.
Aktakuza nuk e përmend emrin e këtij personi, por përshkrimi përputhet me Agron Nezën, për të cilin të dhënat e kompanive shqiptare tregojnë se hyri në biznes me McGonigal në vitin 2019, pasi McGonigal u largua nga FBI”, shkruan gazeta.
“Emri i Nezës, së bashku me të tjerë, u përfshi në një fletë-thirrje të jurisë së madhe të nëntorit 2021, të publikuar nga Business Insider në shtator dhe të konfirmuar nga ‘ëashington Post’ nga një person me njohuri për hetimin.
McGonigal i kërkoi Nezës para- dhe Neza pranoi, duke i premtuar se do i paguante pak nga pak, sipas aktakuzës. Më pas, të dy burrat udhëtuan së bashku drejt Shqipërisë në shtator të vitit 2017, ku u takuan me kryeministrin Edi Rama, thuhet më tej në aktakuzës.
McGonigal, i cili ishte duke punuar për FBI-në në atë kohë, i dha zyrës së kryeministrit ‘parafernelia’ dhe e paralajmëroi atë kundër dhënies së licencave fitimprurëse të shpimit për kompanitë ruse të naftës.
Ndërsa McGonigal dukej se po vepronte si oficer kundërzbulimi kundër ndikimit rus, prokurorët pretendojnë se në fakt, Neza dhe një tjetër shqiptar që punonte me McGonigal, i identifikuar nga prokurorët si një këshilltar informal i Ramës, kishin interesa financiare në fushat e naftës,” thekson gazeta e madhe amerikane.
“Një ish-piktor dhe ish-basketbollist, Rama ka shërbyer si kryeministër i Shqipërisë që nga viti 2013, duke udhëhequr një nga dy partitë politike mbizotëruese- dhe shpesh në konfliktuese- në vend.
Vitet e fundit, ai ka paralajmëruar për rritjen e ndikimit rus mbi kundërshtarët e tij politikë, gjë që ata e kanë mohuar. Ekspertët thanë se liderët e dy partive përpiqen të ndërtojnë dhe forcojnë lidhjet e tyre me figura kryesore amerikane, duke e bërë një aleancë me një zyrtar të lartë të FBI-së një mjet potencialisht të dobishëm për Ramën për të ndërtuar popullaritetin e tij në vend.
Me kthimin e tyre në SHBA, prokurorët pretendojnë se Neza i dha McGonigal 80 mijë dollarë, ndërsa të dy ishin ulur në një makinë të parkuar jashtë një restoranti në Manhattan. Pak më vonë, Neza i dha dy këste të tjera parash në shtëpinë e tij në Nju Xhersi, për një total prej 225 mijë dolalrësh- para që McGonigal tha se do ia kthente Nezës.
Prokurorët thanë se McGonigal nuk i përfshiu këtu pagesa në formularët financiarë të kërkuar nga FBI. Ai gjithashtu dyshohet se nuk bëri të ditur se Neza iu bashkua atij në udhëtim dhe se udhëtimi dhe akomodimi i tij iu dhanë falas. Para se të tërhiqej nga FBI në vitin 2018, akuza pretendon se McGonigal dhe Neza u takuan vazhdimisht me Ramën në SHBA dhe Shqipëri, përfshi një herë për darkë në Uashington në mars 2018, kur atyre iu bashkua një ish-agjent i FBI-së, i cili nuk është identifikuar.
Një vend me shumicë myslimane, Shqipëria ka qenë një partner kryesor strategjik i SHBA që nga dalja nga komunizmi në vitet 1990, dhe shihet nga Uashingtoni si një lojtar i rëndësishëm në luftën kundër terrorizmit ndërkombëtar. Vendi dërgoi trupa për të mbështetur përpjekjet e SHBA në Irak dhe ngriti një statujë të presidentit Xhorxh Bush, në një kohë kur popullariteti i tij gjetkë në Europë po zhytej. Shqipëria, një anëtare e NATO-s që nga viti 2009, është rrënuar nga korrupsioni endemik dhe krimi i organizuar, dhe zyrtarët amerikanë kanë inkurajuar reforma në sistemin gjyqësor për ta bërë ligjin penal të vendit më të ndershëm dhe më të drejtë.
Si rezultat, diplomatë të nivelit të lartë amerikan dhe zyrtarë të sigurisë bëjnë udhëtime të shpeshta në Shqipëri, thotë Jasmin Mujanoviç, një ekspert i politikës ballkanike, duke treguar se ndërveprimet e McGonigal me kryeministrin do të ishin parë në vend si rutinë dhe jo befasuese. Por, tha Mujanoviç, akuza se McGonigal po merrte para nga një aleat i Ramës, ndërsa takohej me kryeministrin dhe potencialisht po vepronte për të ndihmuar në avancimin e interesave të biznesit të njerëzve që e paguanin atë në krah, mund të pengojë seriozisht përpjekjet e reformës së udhëhequr nga SHBA në Shqipëri.
"Ajo që shpesh ka qenë zhgënjyese për njerëzit në rajon është se, shpesh, kur shfaqen këta zyrtarë të lartë perëndimorë, në vend që të përdorin pozicionet e tyre për të ngritur lart luftën kundër korrupsionit dhe krimit të organizuar, duket sikur zbresin në nivelin tonë dhe bëhen pjesë e lojës,” tha Mujanoviç.
Në një deklaratë, Manjola Hasa, një zëdhënëse e Ramës, tha se kryeministri u takua me McGonigal disa herë, por u prezantua me Nezën nga McGonigal dhe nuk kishte njohuri për marrdhëniet mes dy personave. “Sa i përket akuzave në aktakuzën e zotit McGonigal, ato nuk kanë asnjë lidhje me kryeministrin shqiptar apo ndonjë zyrtar shqiptar,” tha Hasa.
Akuzat kundër McGonigal në Shqipëri në një farë mënyrë komplikojnë një narrativë të thjeshtë të një zyrtari të FBI-së të kthyer nga rusët, të cilën e kanë avancuar disa që kur janë shfaqur akuzat për punën e tij me Deripaskën.
McGonigal akuzohet se ka marrë para për të çuar përpara interesat e Ramës, ndërkohë që disa analistë po ngrinin shqetësimet për interesa ruse që po përpiqeshin të influenconin kundërshtarët e kryeministrit. Sipas aktakuzës, McGonigal inkurajoi FBI-në që të hapte një hetim penal në vitin 2018 për një lobist amerikan që vepronte në emër të Partisë Demokratike të Shqipërisë, opozita kryesore e Partisë Socialiste të Ramës.
Një pjesë e informacioneve kundër lobistit, thanë prokurorët, kanë ardhur nga Neza dhe e kanë origjinën në zyrën e Ramës. Individi nuk përmendet në aktakuzë, por duket se përputhet me lobistin dhe ish-punonjësin republikan të Kapitolit, Nick Muzin, që u vu nën vëzhgim në të njëjtën periudhë pas një artikulli të marsit 2018 në “Mother Jones”, ku ngriheshin pikëpyetje nëse tarifat e tij të këshillit mund të ishin paguar nga një kompani me interesa ruse, duke nxitur një hetim në Shqipëri. Për këtë rast, nuk u ngrit asnjë akuzë.
Në një email, Muzin tha: “Nuk kam asnjë arsye të besoj se kam qenë viktimë e këtij hetimi të rremë. Por nëse do të isha, kjo është për të ardhur keq dhe shpresoj se drejtësia do të vihet në vend”.
Alfred Lela, një zëdhënës i Partisë Demokratike të Shqipërisë, e quajti pretendimin se McGonigal inkurajoi FBI-në të hapte një hetim penal ndaj një shtetasi amerikan, i cili po vepronte si lobist për partinë e Lelës, ‘një nga zbulimet më brutale’. “Ju keni FBI-në, një degë të nderuar të zbatimit të ligjit në SHBA, të përdorur për të kryer veprime të pista të politikës shqiptare,” tha ai, duke shtuar se partia nuk është kontaktuar nga FBI për këtë akuzë.
Puna e McGonigal në Shqipëri solli në orbitën e tij ish-agjentë të tjerë.
Të dhënat e kompanive në Shqipëri tregojnë se në shkurt 2019- pesë muaj pasi McGonigal u tërhoq nga FBI- ai dhe Neza blenë secili 25 përqind të aksioneve në një firmë hetimore me bazë në vend, e identifikuar nga të dhënat e kompanive shqiptare si ‘Laë Office & Investigation’. Një tjetër partner në firmë ishte Mark Rossini, një ish-agjent i FBI-së, karriera e të cilit në fushën e zbatimit të ligjit përfundoi kur ai u shpall fajtor për akses të paligjshëm në dosjet e FBI-së në vitin 2007, ne emër të të dashurës së tij aktore. Rossini është rishfaqur vitet e fundit si një konsulent ndërkombëtar- dhe ekspert për Shqipërinë, duke u shfaqur në intervista me mediat shqiptare për të paralajmëruar ndikimin rus mbi kundërshtarët politikë të Ramës. Një person me njohuri për llogaritë e biznesit të Rossini-t tha se kompania shqiptare nuk kryente asnjë punë dhe nuk kishte asnjë klient. Në gusht, Rossini u padit për korrupsion në një rast që përfshinte pagesa për guvernatorin e Porto Rikos. Ai është deklaruar i pafajshëm./Dosja.al
Mbledhja TIRANË- Kryetari i Partisë Demokratike, Sali Berisha bëri të ditur se demokratët nuk do të përdorin dhunë ...
Sali Berisha TIRANË- Kryetari i Partisë Demokratike, Sali Berisha, akuzon kryeministrin Edi Rama se është porositës i vrasjes s&eu...
Edi Rama TIRANË- Kryeministri Edi Rama ka folur për gratë në Dubai. I pranishëm në Samitin Botëror të Qeverisj...
Ina Zhupa TIRANË- Deputetja e Partisë Demokratike Ina Zhupa ka propozuar ndryshme në kodin penal pro gazetarëve. Në një dekla...
Enkelejd Alibeaj TIRANË- Në komisionin e Ligjeve është diskutuar buxheti i partive në zgjedhje. I pranishëm ishte dhe Enkelej...
Sali Berisha TIRANË- Kryetari i Partisë Demokratike, Sali Berisha ka zbuluar "mënyrën" për të larguar kryeministrin Edi Rama ...
Luçiano Boçi TIRANË- Deputeti i Partisë Demokratike, Luçiano Boçi ka komentuar videot erotike që kryedemokrati ...
Sali Berisha TIRANË- Kryetari i Partisë Demokratike, Sali Berisha tha se sot kryeministri Edi Rama është nisur drejt Dubait. Në fj...
Edi Paloka TIRANË- Deputeti i Partisë Demokratike, Edi Paloka pranoi se duhen gjetur forma të tjera për të larguar Edi Ramën...
Sali Berisha TIRANË- Krytari i Partisë Demokratike Sali Berisha, është i pranishëm këtë të hëne në &ldqu...
