Tirana pret në 2027 Kongresin Botëror të Ligjit, Rama: Shpërblim inkurajues dhe sinjal i fortë besimi! Do të b&eum...
Politike
Heqja e masës ndaj Qynos/ "Apeli i GJKKO-së nxorri bllof kryeprokurorin", Flamur Vezaj: Pse SPAK nuk ka nisur hetime pas dëshmisë së Nuredin Dumanit?
Vezaj ngre pyetjen se përse kryeprokurori i SPAK nuk ka nisur hetime dhe as ka caktuar masë sigurie për dhëndrin e vëllait të ish-ministrit të Drejtësisë, për ekspertët e mjekësisë, prokurorin dhe gjyqtarët që në këmbim të 40 mijë eurove, liruan nga burgu Nuredin Dumanin.
15 Janar 2025, 10:24Nga r.ll
spak
TIRANË- Gazetari Flamur Vezaj përmes një postimi në rrjetet sociale tha se Apeli i GJKKO hoqi masën e sigurisë ndaj Elton Qynos, ndërsa ka ngritur edhe disa pyetje për SPAK pas dëshmisë së Nuredin Dumanit.
Vezaj pyet se përse kryeprokurori i SPAK nuk ka nisur hetime dhe as ka caktuar masë sigurie për dhëndrin e vëllait të ish-ministrit të Drejtësisë, për ekspertët e mjekësisë, prokurorin dhe gjyqtarët që në këmbim të 40 mijë eurove, liruan nga burgu Nuredin Dumanin.
Sipas gazetarit, kreu i SPAK po vepron me standard të dyfishtë për gazetarin Elton Qyno, prokuroria caktoi masë sigurie dhe nisi hetime ndaj tij pa asnjë provë konkrete. Më tej shprehet se Prokuroria jo vetëm që i nisi hetimet, por kontrolloi banesën e tij, sekuestroi materialet e punës dhe i caktoi masë sigurie thjesht mbi disa biseda të të tretëve që flisnin për gazetarin Qyno!
Gjithashtu, Vezaj thotë se vendimi i Apelit të GJKKO nxorri bllof kryeprokurorin dhe gjyqtaren që caktuan këto masa sigurie ndaj Qynos.
POSTIMI I PLOTË:
Gjykata heq masën ndaj kolegut Qyno!
Pse SPAK nuk vepron pas dëshmisë së Dumanit!?
Si ka mundësi që superprokurori Altin Dumani nuk ka nisur hetime, nuk ka bërë arrestime dhe as nuk ka caktuar masë sigurie për dhëndrin e vëllait të ish-ministrit të Drejtësisë, për ekspertët e mjekësisë, prokurorin dhe gjyqtarët që liruan Nuredin Dumanin, duke marrë nga ky i fundit 40 mijë euro?! Dëshmia e Dumanit është dhënë që në 2022 për kujtesë!
Fakti është provuar: Dumani është i besuar i prokurorisë me statusin “i penduar”; raporti i ekspertëve është përpiluar dhe ndodhet aty; prokurori nuk e ka ankimuar; dhe gjyqtari e ka liruar Dumanin në vitin 2014!
Pra, të gjitha faktet janë aty!
Pse nuk vepron prokuroria e SPAK-ut së bashku me superprokurorin Dumani prej dy vitesh?!?
Ndërkohë, për gazetarin Elton Qyno, prokuroria caktoi masë sigurie dhe nisi hetime ndaj tij pa asnjë provë konkrete (si në rastin e lirimit të Nuredin Dumanit). Prokuroria jo vetëm që i nisi hetimet, por kontrolloi banesën e tij, sekuestroi materialet e punës dhe i caktoi masë sigurie thjesht mbi disa biseda të të tretëve që flisnin për gazetarin Qyno! Pra, asnjë provë konkrete, si rasti i “vrasësit me pagesë”, vetëm thashetheme për rastin Qyno!
Pse ky standard i dyfishtë nga superprokurori?
Çfarë kishte gazetari Qyno që i prishi punë superprokurorit Dumani e miqve të tij?!
Meqë ra fjala, Gjykata e Posaçme e Apelit e shfuqizoi masën e sigurimit për gazetarin Elton Qyno! Pra, e hoqi plotësisht masën e sigurimit, duke nxjerrë bllof superprokurorin dhe gjyqtaren që i kishin caktuar atë masë për gazetarin Qyno në mënyrë të nxituar.
Fatkeqësisht, disa kolegë, portale e media nuk e publikuan lajmin për heqjen e masës së sigurimit për gazetarin Elton Qynon, për shkak të servilizmit ndaj shefit të SPAK-ut! E kur u caktua kjo masë e shfuqizuar tashmë fërkonin duart! Turp!