Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Xhaçka tha se Shqipëria u mbështet pa rezerva nga Portugalia mike për hapjen e negociatave.
TIRANË- Ministrja për Evropën dhe Punët e Jashtme, Olta Xhaçka, priti ditën e sotme homologun nga Portugalia Joao Cravinho. Në konferencën e përbashkët për shtyp, Xhaçka tha se Shqipëria u mbështet pa rezerva nga Portugalia mike për hapjen e negociatave. Sipas saj BE certifikoi arritjet e Shqipërisë me mbajtjen e Konferencës së Parë Ndërqeveritare.
'Sot pata kënaqësinë e veçantё të mikprisja në Tiranë, Ministrin e Jashtëm portugez, Cravinho në vizitën e tij të parë në Shqipёri, e cila pёrkon dhe me vizitёn e parё nё vendin tonё tё njё Ministri tё Jashtëm pas hapjes sё negociatave tё Shqipёrisё dhe Maqedonisё sё Veriut, si dhe zhvillimit tё Konferencёs sё Parё Ndёrqeveritare me BE, me 19 qershor 2022.
Kjo datё do tё shёnjohet si njё moment historie nё marrёdhёniet tona me Bashkimin Evropian, ku vendi ynё u mbёshtet pa rezerva edhe nga Portugalia mike. Rruga jonë në hapjen e kёtij kapitulli tё ri nuk ka qenë aspak e lehtë. Vitet e fundit jemi pёrballuar me refuzimet për të nisur zyrtarisht bisedimet e anëtarësimit, më pas u shёnjuam nga ngjarje e dhimbshme si tërmetet me pasoja shkatërrimtare, pandemia shkaktoi efekte dramatike globale dhe sё fundmi, por jo më pak nga rëndësia, lufta në Ukrainë tundi themelet e paqes dhe sigurisё evropiane.
Përkundër të gjitha këtyre sfidave, vendosmëria jonë për të mbërritur në Konferencën e parë ndëqeveritare ishte e fortë, sepse alternativa jonё e vetme ka qenё dhe mbetet Bashkimi Evropian. Mbajtja e Konferencës së Parë Ndërqeveritare nënkupton se BE-ja dhe vendet anëtare të saj, përfshirë Portugalinë, kanë miratuar punën dhe arritjet e qeverisë shqiptare në fushën politike, dhe nё pёrmbushjen e kritereve, si: reforma në drejtësi, lufta kundër korrupsionit dhe krimit të organizuar, mbrojtja e të drejtave të njeriut dhe vlerave evropiane, si orientimi i politikës sonë tё jashtme bazuar në këto parime.
Gjatë takimit patëm mundësinë të shkëmbenim mendime mbi ecurinë e marrëdhënieve dypalёshe midis dy vendeve tona, të cilat i vlerësojmë si tё ngushta, mbështetëse dhe miqësore.
Diskutuam mbi rrugët e intensifikimit të dialogut politik, përmes shkëmbimit të vizitave të nivelit të lartë, rritjes së bashkëpunimit ndërparlamentar, intensifikimit të bashkëpunimit ekonomik, duke identifikuar fusha konkrete dhe me interes tё ndёrsjelltё dhe me kënaqësi konstatova se ndajmë të njëjtat qëndrime.
E falenderova, Ministrin Cravinho për kontributin e vlefshёm që qeveria dhe populli portugez i kanë dhënë Shqipërisë në kapërcimin e situatave të vështira të krijuara nga tërmeti i 26 nëntorit. Nga ana tjetёr, shpreha keqardhje për humbjen e jetës së shumë qytetarëve portugez, shkaktuar nga stuhia e të nxehtit, e cila ka prekur kontinentin tonë.
Kjo situatё nxit nevojën urgjente për të shtuar përpjekjet dhe për të ndërmarrë veprime konkrete për adresimin e sfidave qe mbartin ndryshimet klimatike dhe rreziqet që lidhen me klimën në kontekstin e paqes dhe sigurisë ndërkombëtare.
Zhvillimet në Ballkanin Perëndimor ishin një tjetër temë e rëndësishme e diskutimeve mes nesh. Ne vlerësojmë angazhimin dhe mbështetjen e Portugalisë për vendet e Ballkanit Perëndimor dhe në veçanti vizionin realist qё Portugalia ka ndaj rajonit tonё. Bashkarisht ndamё mendimin mbi rёndёsinё e dialogut dhe bashkёpunimit rajonal nё kuadёr tё nismave rajonale. Vlerёsojmë se ato përbëjnë shembuj pozitiv për marrëdhëniet e fqinjësisë së mirë pasi nxitin paqen, sigurinë dhe zhvillimin ekonomik në interes të Ballkanit Perëndimor. Sigurisht që bashkëpunimi ekonomik rajonal promovon integrimin në BE.
Pёr mё tepёr nё njё kohë sfiduese, kur lufta nё Ukrainё është ende larg nga një dritë jeshile për një zgjidhje të afërt drejt paqes, ne mendojmë se rigjallërimi i perspektivës së integrimit evropian të vendeve të rajonit, por edhe tё Ukrainës, do të jetë një instrument efikas për të inkurajuar vazhdimin e reformave dhe forcimin e paqes e stabilitetit nё rajon dhe mё gjerё.
Diskutuam, gjithashtu mbi intensifikimin e bashkëpunimit midis dy vendeve tona në kuadrin e organizatave ndërkombëtare, në veçanti në kuadrin e Kombeve të Bashkuara. Konstatojmë me kënaqësi se në këtë fushë midis dy vendeve tona ekzistojnë të gjitha mundësitë për një bashkëpunim të frytshëm dhe intensiv. Si vend anëtar jo i përhershëm i Këshillit të Sigurimit të OKB, Shqipëria është vlerёsuar pёr lidershipin e saj në çështjet sensitive që të trajtohen në agjendёn e Kёshillit, me fokus kryesor lufёn nё Ukrainё. Mora gjitha garancitë se Portugalia do tё vijojё tё na mbёshtesё nё sfidat e agjendёs sonё tё pёrbashkёt ndёrkombёtare. Edhe një herë falenderoj nga zemra Ministrin Cravinho për vizitën e tij në Tiranë, në një moment historik dhe domethënes për ne. '- tha Xhaçka.
Majlinda Dhuka TIRANË- Kryeministri Edi Rama ka firmosur ditën e sotme shkarkimin e Zef Mazit dhe emërimin e Majlinda Dhukës në po...
Ilir Meta TIRANË- Ish-presidenti Ilir Meta ishte për një vizitë mëngjesin e sotëm në ambientet e Lëvizjes Socialist...
Ilir Meta TIRANË- Ish-presidenti Ilir Meta ka deklaruar se do të bashkëpunojë me çdo shqiptar të ndershëm dhe patriot....
Ilir Meta TIRANË- Ish-presidenti Ilir Meta ka deklaruar ditën e sotme se nuk është në garë as me Sali Berishën e sa me L...
Ilir Meta TIRANË- Ish-presidenti Ilir Meta ka deklaruar se nuk do të marrë drejtimin e LSI-së. Kështu deklaroi ai ditën e sot...
Ilir Meta TIRANË- Ish-presidenti Ilir Meta ka komentuar shkarkimin e Zef Mazit nga posti i kryenegociatorit me BE-në. Nga selia e LSI-së, Me...
Ilir Meta TIRANË- Vetëm një ditë pasi dorëzoi postin e Presidentit të vendit, Ilir Meta ka vizituar ditën e sotme ambien...
Bajram Begaj, Belinda Balluku, Edi Rama, Arben Ahmetaj, Ilir Meta, Majlinda Dhuka TIRANË- E hëna nis me ndryshime në kabinetin qeveritar! Te...
Ilir Meta TIRANË- Ilir Meta ka hequr 'petkun' e Presidenti të vendit. Mëngjesi i sotëm ka nisur më ndryshe se ditët e kaluara...
Erion Brace dhe Arben Ahmetaj TIRANË- Deputeti socialist Erion Braçe ka thumbuar Arben Ahmetaj pasi ky i fundit u shkarkua ditën e sotme n...
