Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Shqipëria hapi sot negociatat me BE për grupkapitullin e fundit “Bujqësia dhe Kohezioni”. • Pas takimit, Kryeministri Edi Rama, Komisionerja për Zgjerimin e BE-së, Marta Kos dhe Ministrja e Punëve të Jashtme të Danimarkës, Marie Bjerre mbajtën edhe një konferencë të përbashkët për shtyp. • Gjatë fjalës së tij, Rama se një vit më parë, dukej një ëndërr çelja e grup kapitujve me BE, në një kohë kaq të shkurtër, por tani është realitet. • Kryeministri theksoi se se do të punohet për të ecur përpara dhe për të dhënë rezultate dhe shtoi se sot Shqipëria, del me krenari nga kjo fazë e parë, me ndjenjë më të madhe përgjegjësie. • Më tej Rama tha se ky vit ishte i jashtëzakonshëm për rrugëtimin e Shqipërisë në çështjen e integrimit dhe sipas tij, ajo që fiton Shqipëria në këtë proces, është diçka më e madhe dhe sipas tij viti fundit ka qenë i jashtë zakonshëm. • Ndërkohë, Marta Kos deklaroi se Shqipëria është shembulli më i mirë i fuqisë transformuese dhe theksoi se çelja e grupeve kapitulluese është bërë sukses, por mbyllja e tyre është çmimi real. • Kos tha ndër të tjera se tani është momenti për të përshpejtuar disa reforma dhe hapi tjetër është që Shqipëria të përmbushë piketat e ndërmjetme. • Kos gjatë konferencës e vlerësoi Kryeministrin Rama si udhëheqësin që sheh nga e ardhmja dhe shtoi se BE-së i duhen partnerë që mund të mbështetet dhe sipas saj, Shqipëria është një prej tyre. • Në konferencë foli edhe Ministrja daneze e Punëve të Jashtme, Marie Bjerre, e cila deklaroi se nëse Shqipëria vazhdon me këtë ritëm, do të jetë shumë shpejt anëtare e BE-së. • Në fund të konferencës, Rama, Kos dhe Bjerre festuan me tortë hapjen e grupkapitullit të fundit të negociatave, ‘Bujqësia dhe Kohezioni’.
8 artikuj për këtë temë.
BRUKSEL- Kryeministri Edi Rama, Komisionerja për zgjerimin, Marta Kos dhe Ministrja daneze e Punëve të Jashtme, Marie Bjerre festuan hapjen e grupkapitullit të fundit në konferencën e 7-të ndërqeveritare në Bruksel. Komisionerja për Zgjerimin Marta Kos solli një tortë, ku sipër qëndronte një qiri me numrin 6. Në Fund Kos tha se 'çelja e të gjashtë grupkapitujve për 13 muaj është deklarata juaj më e fortë i dashur Edi'.
“Kjo tregon sa lart keni ecur. Çelja e të gjashtë grupkapitujve për 13 muaj është deklarata juaj më e fortë i dashur Edi. Kur u takuam herën e fundit më sollët një dhuratë, një kanoçe coca-cola. Për ta kremtuar këtë moment, e kemi kremtuar këtë dhuratë në një dhuratë feste. Kjo tregon se sa lart keni ecur. Kjo është puna që ne presim të përfundoni i dashur Edi. Tani le të hamë dhe tortën. Le të festojmë. Urime Shqipëri!”, tha Marta Kos./Dosja.al
BRUKSEL- Në fund të konferencës së përbashkët, Kryeministri Edi Rama surprizoi zyrtarët e BE-së duke u dhuruar nga një verë autentike shqiptare. Më pas, ata kanë fryrë qiririn në një tortë ku ishte numrin 6 sipër, në simbol të 6 grupkapitujve të hapura në procesin e integrimit.
Në fund, Kryeministri deklaroi se hapja e grupkapitullit të fundit të negociatave me Bashkimin Europian bëhet në një kohë rekord vetëm 12 muaj./Dosja.al
BRUKSEL- Kryeministri Edi Rama theksoi se ky vit ishte i jashtëzakonshëm për rrugëtimin e Shqipërisë në çështjen e integrimit. Duke folur nga Brukseli, në një konferencë të përbashkët me zyrtarë të lartë të BE-së, Rama u shpreh se ajo që fiton Shqipëria në këtë proces, është diçka më e madhe dhe sipas tij viti fundit ka qenë i jashtëzakonshëm.
“Ndaj të jesh skeptik nuk është gjë e keqe, por nuk duhet të na ndajë, që të punojmë çdo orë, çdo minutë për ta bërë realitet. Së fundi në radhë, por jo nga rëndësia. Ne kemi një shumicë si në kohërat komuniste. Ishte njësoj edhe në perandorinë osmane, sepse ne jemi besnikë ndaj perandorive. Kjo është e para perandori me të cilën duam të jemi, ndaj kjo shumicë është ndryshe, jo vetëm në shifra, por në thelb të saj sepse ishim të gjithë kokë e këmbë pas osmanëve, pas sovjetikëve, pas kinezëve, por kokë e këmbë, për shkak të imponimit, jo me zgjedhje. Kurse kjo tani është me zgjedhje. Ja, pse Maria e kuptoi që nuk i shpëton dot Shqipërisë, ja pse të gjithë po e kuptojnë shumë mirë, më mirë të na marrin brenda. Se në qoftë se jo, do t'i përndjekim deri në fund. Kështu që, në qoftë se duan të na heqin qafe, duan të na marrin me vete dhe pastaj do të kenë të gjitha dimensionet tona normale që janë shumë më të vogla se sa unë. Faleminderit, faleminderit edhe një herë të gjithëve”, tha Rama./Dosja.al
BRUKSEL- Kryeministri Edi Rama deklaroi nga Brukseli se skeptikët nuk duhet të ndalin rrugën e Shqipërisë në anëtarësimin në BE. Duke folur në konferencën e përbashkët me ministren e jashtme daneze dhe komisioneren Marta Kos, Rama theksoi se nga anëtarësimi, shqiptarët fitojnë një shtet me standarde si në BE.
“Besoj se pyetja për skeptikët, ka të bëjë me ata që janë plotësisht të përkushtuar dhe të dashuruar me BE. Kanë pikëpyetje për ne, për BE, a do ndodhë vërtet, a është reale? Apo do të kemi edhe periudhë si më parë. Merrni vitet që po punojmë së bashku, me të gjitha vështirësitë, nëse do nxjerrësh nga panorama BE, dhe do më mbash mua, qeverinë, shqiptarët, a do ishte Shqipëria ajo që është sot?
Jo, ky proces na ka ndihmuar. Mund të tingëllojë patetik, por është si të shkosh në shkollë dhe të duhet të mundohesh dhe të thonë që duhet të përmirësohesh. Në fund, nëse nuk heq dorë, nëse vazhdon me këmbëngulje, fiton. Ajo që Shqipëria fiton nga ky proces, shkon përtej grup kapitujve dhe vetë anëtarësimit. Ata ftojnë një vend që funksionon në bazë të shtetit të së drejtës, standarde si vendet e BE. Viti i fundit ka qenë i jashtëzakonshëm. Të jesh skeptik, nuk është gjë e keqe, por nuk mund të na ndalë”, tha Rama./Dosja.al
BRUKSEL- Komisionerja për zgjerimin, Marta Kos gjatë konferencës së përbashkët e vlersoi Kryeministrin Edi Rama si udhëheqësin që sheh nga e ardhmja. Ajo theksoi se BE-së i duhen partnerë që mund të mbështetet dhe sipas saj, Shqipëria është një prej tyre.
“I dashur Edi, ju jeni udhëheqësi që shihni nga e ardhmja. Ne na duhen partnerë që mund të mbështetemi dhe Shqipëria është një prej tyre. Shqipëri vazhdo kështu, ne po përgatisim një shtëpi për ju në Evropë, kemi çelur të gjithë grupkapitujt.”, u shpreh Marta Kos./Dosja.al
BRUKSEL- Kryeministri Edi Rama deklaroi nga Brukseli se një vit më parë, dukej një ëndërr çelja e grup kapitujve me BE, në një kohë kaq të shkurtër, por tani është realitet. Duke folur në konferencën e përbashkët me ministren e jashtme daneze dhe komisioneren Marta Kos, Kryeministri theksoi se se do të punohet për të ecur përpara dhe për të dhënë rezultate. Rama u shpreh më tej se sot Shqipëria, del me krenari nga kjo fazë e parë, me ndjenjë më të madhe përgjegjësie.
“Kush do ta mendonte që do të ishim këtu sot, duke çelur të gjithë grup kapitujt, vetëm pak kohë më parë, ishte diçka që dukej e pamundur. Ishim në pikën ku po mësoheshim me sprapsjet, por unë besoj se i gjithë ai rrugëtim na bëri më të fortë, më të vetëdijshëm dhe më të pjekur. Me atë që ishte vetëm ëndërr, pak më tepër se një vit më parë, është plan pune, realitet. Pa fjalë formale apo protokoll, dua të falenderoj me gjithë zemër, Marinë dhe Martën. Marinë për transformimin e fjalëve të presidencës daneze në vepra, kur bëhet fjalë për zgjerimin.
Dhe Martën, që është kampione e anëtarësimit të Shqipërisë. Jam i frymëzuar nga të gjithë këta muaj dhe nga mbështetja e fortë që procesi i zgjerimit po merr. Do të bëjmë gjithçka kemi në dorë, për të ecur përpara me të njëjtën punë të madhe për të dhënë rezultate. Sot Shqipëria, del me krenari nga kjo fazë e parë, me ndjenjë më të madhe përgjegjësie. Vështirë të mendojë ndonjë shqiptar, se anëtarësimi në BE nuk është zgjidhja më e mirë. Dua të shtoj, qoftë mënyra e fortë, a e butë na mësoi, kurrë mos merr asnjë gjë të mirëqenë në Bruksel”, theksoi ai.
BRUKSEL- Komisionerja për zgjerimin, Marta Kos deklaroi se Shqipëria është shembulli më i mirë i fuqisë transformuese. Duke folur në konferencën për shtyp me kryeministrin Edi Rama, ajo theksoi se çelja e grupeve kapitulluese është bërë sukses, por mbyllja e tyre është çmimi real. Kos tha ndër të tjera se tani është momenti për të përshpejtuar disa reforma dhe hapi tjetër është që Shqipëria të përmbushë piketat e ndërmjetme.
"Jam mirënjohëse Presidencës daneze, jemi të përkushtuar të sjellim Shqipërinë në BE. Është rezultati i qytetarëve shqiptarë për ndryshim. Shqipëria është shembulli më i mirë i fuqisë transformuese të zgjerimit. Çelja e grupeve kapitulluese është bërë sukses, por mbyllja e tyre është çmimi real.
Tani është momenti për të përshpejtuar disa reforma. Hapi tjetër është që Shqipëria të përmbushë piketat e ndërmjetme. Nuk do të jetë e lehtë, por ju, i dashur Edi, keni mbështetjen e gjerë publike të vendeve kandidate, punoni me të gjithë ata, me opozitën në parlament, sektorin privat; Komisioni do të vazhdojë t’ju mbështesë dhe t’ju këshillojë. Jam personalisht e përkushtuar që t’ju mbështesim," tha Marta Kos./Dosja.al
BRUKSEL- Ministrja daneze e Punëve të Jashtme, Marie Bjerre, deklaroi se nëse Shqipëria vazhdon me këtë ritëm, do të jetë shumë shpejt anëtare e BE-së. Duke folur në konferencën e përbashkët për mediat me kryeministrin Edi Rama dhe komisioneren Marta Kos, Bjerre theksoi se Shqipëria i përket familjes evropiane.
“Zgjerimi është përparësi e presidencës daneze. Sot ne po japim një tjetët rezultat, nëse Shqipëria vazhdon të njëjtin drejtim, të njëjtin ritëm, anëtarësimi do arrihet në një të ardhme të afërt. Shqipëria i përket familjes evropiane. Falenderoj Ramën për bashëkpunimin gjatë këtij 6 mujori, është mbresëlënëse se sa shpejt po jepni rezultate. Vazhdoni kështu, dhe do të jeni pjesë e BE më shpejt sesa vonë," tha Marie Bjerre./Dosja.al
