Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Kapllanaj thotë se një mjet civil me tre persona janë shfaqur në parkimin e kompanisë së tij, dy prej të cilëve kanë ngritur një dron.
FIER- Ish-kryebashkiaku i Mallakastrës, Agron Kapllanaj ka dhënë ditën e sotme versionin e tij të ngjarjes së ndodhur mbrëmjen e shkuar kur pati një përplasje në qytetin e Fierit mes njerëzve të Kapllanajt dhe agjentëve të Byrosë Kombëtare të Hetimit. Këta të fundit shoqërohenin edhe nga Forcat Operacionale. Sipas inormacioneve, 3 persona janë arrestuar për akuzën “goditje për shkak të detyrës”.
Në një intervistë për Report TV, Kapllanaj thotë se një mjet civil me tre persona janë shfaqur në parkimin e kompanisë së tij, dy prej të cilëve kanë ngritur një dron. Ai thotë se përfaqësuesit e kompanisë kanë dalë për të kërkuar sqarime, por ata janë shprehur se duan të filmojnë një tokë aty pranë, dhe se sipas tij, nuk janë identifikuar si agjentë dhe efektivë. Pasi janë larguar herën e parë, Kapllanaj theksoi se ka shkuar të bëjë kallëzim në polici.
Sa i përket reagimit të BKH-së, e cila tha se hetuesit janë sulmuar pa asnjë motiv, Kapllanaj pretendon se ata nuk janë sulmuar nga ana e njerëzve të tij. Sipas Kapllanajt, ka qenë njëri prej tyre, në rolin e shoferit, që ka sharë e kërcënuar në momentin që drejtori i kompanisë së tij ka forografuar targën e makinës së tyre. Ai thotë se shoferi i makinës madje ka nxjerrë edhe armën, por në momentin, që ka shkuar policia, janë identifikuar si agjentë.
Sa i përket rolit të dy nipërve të tij të arrestuar, Kapllanaj thotë se në dijeninë e tij kanë shkuar për sqarim dhe se nuk ka pasur sulm. Ai thotë se nuk ka pasur kontakte me ta për shkak se janë arrestuar, por shtoi se, në bazë të të dhënave që ka marrë nga të pranishmit e tjerë, nuk ka pasur sulme por ndoshta ndonjë shtyrje nga njëra palë apo tjetra.
Pjesë nga fjala e Agron Kapllanajt gjatë intervistës:
Kanë ngritur një dron dhe kanë bërë një filmin, kanë ikur dhe janë rikthyer. Kur janë rikthyer, unë, drejtori i kompanisë dhe dy specialistë të tjerë kemi qenë në zyrë. Roja tha se një makinë ka ardhur dy herë në parkimin tonë. Roja merr në telefon drejtorin dhe thotë ‘a mund t’i pyes se pse po filmojnë ambientet tona’. I pyet dhe thonë çfarë problemi keni. Këtu keni parkuar. Zonja i thotë ne jemi të interesuar për të blerë një tokë dhe prandaj kemi ngritur dronin. I thotë drejtori i kompanisë, gjeni vendin e duhur dhe filmoni pronën se këtu parkingu është i kompanisë dhe prona këtu nuk është në shitje. Drejtorit i kërkova që të bënte një fotot të targës të makinës me ditur se me kë kemi të bëjmë. Në momentin që drejtori bëri foton, dikush nga këta i thotë se duhet ta fshish.
Një person që nuk dilte nga makina por ishte në timon, i thotë se duhet ta fshish se nuk e imagjinon se çfarë do të të ndodhë ty. E kërcënon. Drejtori i kompanisë i thotë unë nuk e fshi por e raportova te pronari im. I thotë se të bëj rob ty dhe pronarin nëse nuk e fshin tani. Në këtë kohë drejtori më merr në telefon, dhe më thotë se po më kërcënojnë, shajnë edhe fyejnë. Kur zbres, makina u largua. Në atë kohë e shoh shumë të uirrituar drejtorin. Në momentin e parë s’kam pasur kontakt me ta. Shkoj në polici. I them policit roje a ka ndonjë titullar. A ka mundësi të më bësh një takim me titullarin se dua të flas për një kallëzim për një incident që më ka ndodhur në biznes dhe persona të panjohur më kanë kërcënuar. Zgjati pak koha dhe i them punonjësit fol me të se ka diçka që mund të agravojë situatën.
Ata kanë kërcënuar dhe mund të përballen me njerëzit e mi pa ditur se ishin persona të policisë. Gjatë kësaj kohe punonjësit, drejtori i kompanisë dhe një punonjës tjetër dhe dy nipërit e mi që kanë qenë duke folur për këtë çështje janë përballur me mjetin që ishte te kompania. Kanë shkuar aty, ka qenë aty dhe i kanë kërkuar sqarim personit që ju ishit te kompania jonë. Kush jeni dhe pse shatë e kërcënuat. Ne po presim të vijë policia dhe t’ju arrestojë se na keni kërcënuar. Në atë kohë del shoferi, që ka sharë, se të tjerët kanë qenë korrekt, nuk kanë sharë e fyer.
Nuk është e vërtetë se në momentin e parë kanë qenë të akomoduar në pronë private dhe nuk janë identifikuar si punonjës të policisë se po të kishin thënë se jemi në shërbim, do i kisha futur brenda ambienteve sepse nuk jam asnjë gjë kundër punonjësve të policisë. Edhe pas këtij incidenti nuk ndryshoj qëndrim se nuk mundet që një individ i vetëm të bëjë pis një institucion. Është e vetmja strukturë që qytetarëve shqiptarë kanë dhënë shpresë për të ardhmen e këtij vendi pasi janë duke bërë mirë punën e tyre në luftën kundër krimit. Nëse do të kishin thënë se janë punonjës të policisë do të kishin pasur mbështetjen tonë.
Pasi shoferi ka nxjerrë armën, ka thënë bëni mbrapa se ju vrava pa iu identifikuar. Kur ka ardhur policia e shtetit, ka shkuar të arrestojë punonjësin ose të BKH ose të forcave Operacionale se e ka gjetur me armë në dorë. Në atë moment ka thënë jam punonjës i BKH, ndalo personat e tjerë. Menjëherë jam spostuar. Do ta bëj kallëzimin nëpërmjet një avokati dhe do ta çoj aty ku duhet çuar sepse s’mund të më mohohen të drejtat e mia kushtetuese. S’ka asnjë sulm nga ana jonë, e gjitha ka ardhur për shkak të arrogancës së një personi, se s’dua të them për dy të tjerët. Ai person ka qenë shkaktar i gjithë ngjarjes.
Në dijeninë time thjesht kanë shkuar të kërkojnë sqarim, kanë parë makinën të ndaluar. Ata janë brenda dhe s’kam komunikuar me nipërit. Në dijeninë time, se aty ka pasur edhe persona të tjerë që më kanë shpjeguar, u kanë kërkuar shpjegime. Një nga personat në makinë ka dalë dhe i ka kërkuar të largohej dhe i kanë shtyrë. Mbase mund të kenë pasur një shtytje nga njëra palë apo tjetra, por s’ka pasur as sulm. As goditje. Thjesht donim që të ndalonim këto persona që na kanë kërcënuar, sharë e fyer brenda kompanisë. Kur më thanë ata janë punonjës policie, ngela i shtangur. Thashë pse nuk identifikohen. Më thanë ke të drejtë tënde të bësh kallëzim. Thashë le të vijnë zotërinjtë të përballen, të kërkojnë falje për sharjen dhe t’ju jap dorën. Mbrëmë kam ndenjur deri në 4 e gjysmë dhe s’ma mori njeri kallëzimin penal.
Foto ilustruese TIRANË- Kryedemokrati Sali Berisha ka organizuar ditën e sotme një takim me shoqatat e turizmit. Gjatë bashkë...
Sali Berisha TIRANË- Kryetari i PD-së, Sali Berisha ka paraqitur ditën e sotme programin e tij për turizmin. Gjatë një t...
Elman Abule TIRANË- Biznesmeni Elman Abule, i cili është nën hetim në dosjen e kryebashkiakut të Tiranës, Erion Vel...
Georg Georgiev BULLGARI- Ministri i Jashtëm bullgar Georg Georgiev tha të martën se informacionet që sugjerojnë se Bullgaria ka ...
Tedi Mula TIRANA- Kandidati i Partisë Socialdemokrate (PSD) për deputet në qarkun e Tiranës, Tedi Mula ka deklaruar se njësia...
Sali Berisha TIRANË- Kryedemokrati Sali Berisha ka deklaruar ditën e sotme se kryeminstri Edi Rama dhe ministrat e tij po vrasin çdo ...
Sali Berisha TIRANË- Kryetari i Partisë Demokratike Sali Berisha tha ditën e sotme se turizmi është një nga potencialet ...
SPAK FIER- Prokuroria e Posaçme ka reaguar pas sulmit të djeshëm ndaj hetuesve të Byrosë Kombëtare të Hetimi...
Ilirjan Celibashi TIRANË- Kreu i Komisionit Qendror të Zgjedhjeve, Ilirjan Celibashi ka komentuar postimin e bërë nga kryeministri Edi ...
Ilirjan Celibashi TIRANË- Kryetari i Komisionit Qëndror të Zgjedhjeve Ilirjan Celibashi ka deklaruar se KQZ garanton 100% ruajtjen e fs...
